Në bregdetin shqiptar, Veriu mbetet më ekonomik sa u takon çmimeve, Durrësi dhe Golemi janë suksesi i padiskutueshëm i modelit turistik të qëndrueshëm, ndërsa Jugu vijon të mbetet mes “oscilacionesh” ekstreme dhe me koston më të lartë të akomodimit. Në një bilanc, Shqipëria edhe këtë vit, ofron pushime për të gjithë sipas mundësive, por zonat ekonomike në bregdet po bëhen gjithmonë e më të pakta nga viti në vit.

Të pushosh në Shqipëri këtë vit është më shtrenjtë se një vit më parë. Çmimet e hoteleve janë rritur mesatarisht nga 5% deri në 90%. Kërkesa e lartë, që erdhi si efekt i rritjes së interesit për Shqipërinë dhe zhvlerësimi i Euros, bëri që strukturat akomoduese të reflektonin me një rritje fillestare të çmimeve kudo, por sidomos në bregdet.

Rritja nisi me një nivel modest në maj, por që në fillim të qershorit kërcimi i çmimeve ishte i menjëhershëm, në nivele që nuk shiheshin më si të logjikshëm as nga tur-operatorët të cilët e reklamojnë Shqipërinë në tregjet e huaja, e as nga klientët, që vijnë individualisht.

Vala e dytë ishte në prag dyfishimi të çmimeve në disa zona.

Sinjalin e parë të “refuzimit” të këtij kërcimi ekstrem çmimesh, e dhanë vendasit, të cilët reduktuan fundjavat e zakonshme në bregdet, teksa nisën të mendonin për pushimet verore, ku rezervimet jashtë kufijve, sipas agjencive janë në nivelet më të larta ndonjëherë.

Ndërkohë një grup i rëndësishëm i të huajve, që kishin kaluar pushime të cilësuara “të mrekullueshme” në Shqipëri vitin e shkuar, këtë verë janë ndeshur me çmime të reja që nuk e bëjnë më ekonomik në syrin e tyre vendin tonë.

Operatorët turistikë pohojnë se bëhet fjalë kryesisht për turistët italianë, të cilët në shifra do të ishin shumë më lart në qershor dhe korrik, por i kanë anuluar ardhjet e tyre për shkak se në rajonin e Vlorës dhe Jugut janë ndeshur me çmime më të shtrenjta se një vit më parë në të njëjtat struktura ku kishin qëndruar.

Strukturat akomoduese në Vlorë dhe në Sarandë presin gjithsesi që muaji gusht të ketë një dyndje të italianëve në këto zona.

Pavarësisht rritjes së çmimeve, Shqipëria vijon të shënojë një numër rekord vizitorësh që vetëm në qershor ishin 1.24 milionë të huaj, me një total prej 4.5 milionësh në 6 muajt e parë.

Tur-operatorët presin që në total, viti 2024 të jetë sërish më mirë se viti 2023 në shifër vizitorësh, kjo edhe si efekt i tureve kulturore dhe rigjallërimit të turizmit që dominoi në pranverë dhe pritet të jetë në nivele mjaft të mira edhe gjatë vjeshtës.

Gjithsesi, sezoni veror në vetvete, nuk cilësohet si më i miri deri më tani, për shkak të lëkundjes që solli rritja e çmimeve dhe tipologjisë së turistit që edhe pse shënon numra më të lartë, është tepër i kursyer në shpenzime.

Pse vera 2024 ndahet në dy pjesë sa u takon çmimeve dhe tendencave

Vera 2024, sipas tur-operatorëve, duhet të ndahet në dy pjesë. Fillimi i sezonit, që është cilësuar kryesisht maji, ishte në nivele mjaft të mira dhe strukturat akomoduese do të shpreheshin të kënaqura në atë kohë me rezervimet, duke rritur pritshmëritë për muajt në vazhdim.

Por rritja e menjëhershme e çmimeve, kryesisht në Jug dhe sidomos në Sarandë dhe Ksamil, për shkak të promovimit të gjerë ndërkombëtar dhe rritjes së kërkesës, krijoi efekt të menjëhershëm frenues.

Në grupe turistike në rrjete sociale apo në komente të influencerave të ndryshëm, Shqipëria, e cila deri dje komentohej në mënyrë unanime pozitivisht, nisi që të komentohej edhe negativisht. Për ditë me radhë, në qershor dhe korrik, në rrjete sociale nisën të bënin xhiron e rrjetit video me shezlone të boshatisura.

Në fakt, realiteti ishte disi më ndryshe. “Braktisja” nuk ishte për gjithë Jugun por për disa zona specifike, ku rritja e çmimeve kishte krijuar pakënaqësi të përgjithshme, ndërkohë që këto raste të izoluara, shërbyen si “marketing” negativ në tërësi, për të anatemuar gjithë rajonin.

Pikënisja e gjithë kësaj ishte rritja e çmimeve që deri më 10 korrik bëri që plazhet të ishin nën potencialin e tyre. Vetë kryeministri Edi Rama do të kërkonte që bizneset të tregoheshin të kujdesshëm, pasi kjo ishte një strategji vetëvrasëse.

Nisja e periudhës që njihet si piku i sezonit 15 korriku-20 gushti, në fakt i gjeti një pjesë të strukturave me rikthim me këmbë në tokë. Jo të gjitha ulën çmimet, madje ato të cilësuara si segment luksi, nuk reflektuan aspak mbi këtë dhe as ato që janë struktura me çmimet e ulëta.

Reflektimin e bënë hotelet e kategorisë së mesme, të cilat nisën një fushatë promovimi në rrjetet sociale por edhe ofrimin e paketave gjithëpërfshirëse, që e bënin çmimin e tyre ekonomik në syrin e pushuesve.

Këto të fundit nisën ofrimin e dhomave me dy vakte të paguara, me shezlone në plazh, parkim apo edhe lehtësi të tjera. Edhe pse me vonesë, tur-operatorët vlerësojnë se Shqipëria ka mundësi të rikuperojë disi nga imazhi i saj në muajin gusht dhe fillim shtator, për ta bërë mbyllur sezonin veror me sukses dhe me një shije të mirë për verën e ardhshme.

Gjithsesi, Shqipëria duhet të kuptojë se ende nuk është pozicionuar e sigurt në tregun global turistik dhe çdo lëvizje e pamenduar mund t’i kushtojë shumë në një kohë të shkurtër.

Çmimet e hoteleve, Veriu mbetet ende pjesa më ekonomike e bregdetit

Bregdeti në Veri mbetet ende edhe sot pjesa më ekonomike për ata që duan të pushojnë. Ka një rritje të investimeve në akomodim, por edhe në përshtatje të njësive individuale të banimit për funksione akomodimi, të cilat mund t’i gjesh me çmime mjaft të lira, por kushtet e tyre mbeten ende bazë.

Nga bisedat me struktura hoteliere por edhe me operatorë turistikë që operojnë në këtë rajon, pushuesi që ka dominuar në këtë periudhë është ai i Kosovës, por edhe vendasit dhe emigrantët që rikthehen në vendlindje.

Po kështu është rritur numri i polakëve që udhëtojnë individualë apo në një pjesë më të vogël, të italianëve. Çmimet për këtë rajon, në strukturat hoteliere të nivelit mesatar të ulët, janë rritur me 50%.

Një dhomë standarde dyshe në hotele kushton 45 euro, nga 30 euro që ishte një vit më parë në Velipojë. Të nxitura nga fluksi turistik, strukturat e mëdha kanë investuar në lehtësi, por edhe në staf, duke bërë kështu që për shkak të kostove të rrisin çmimet me 30%.

Një pjesë e strukturave që deri një vit më parë operonin me paketa ku përfshihej në çmim edhe mëngjesi dhe darka, kanë kaluar kryesisht në paketën fjetje dhe mëngjes. Çmimi në nivelin mesatar të lartë të strukturave në zonën e Velipojës llogaritet në 120 euro. E njëjta situatë duket se paraqitet edhe në zonën e Shëngjinit.

Sipas të dhënave të mbledhura nga strukturat hoteliere, tur-operatorët por edhe në rrjetet sociale e platformat e rezervimeve vihet re rritje me 50% edhe në këtë bregdet sa i takon mesatares së hoteleve me çmime të ulëta.

Një dhomë hoteli dyshe, e cila nuk ndodhet pranë plazhit dhe ka vetëm gjëra elementare, mund të sigurohet për 45 euro nga 30 euro një vit më parë.

Sigurisht, si në Velipojë, edhe në Shëngjin, mund të gjesh njësi edhe më të lira se këto, por që janë apartamente individuale të përshtatura ose që nuk kategorizohen si hotele.

Çmimet mesatare të larta në Shëngjin janë gjithashtu në 120 euro nata. Ajo që vihet re është që mes Shëngjinit dhe Velipojës, ku kjo e fundit në strukturat luksoze ka qenë më ekonomike në të shkuarën tashmë janë në të njëjtin nivel.

Golemi dhe Durrësi, modeli më i suksesshëm, çmimet rritje të moderuar

Kampionët e qëndrueshmërisë në aspektin turistik duket se po rezultojnë Golemi dhe Durrësi. Modeli që po zbatohet prej vitesh në këtë pjesë të vendit ku turizmi i organizuar po zgjerohet vit pas viti, po tregon në njëfarë forme shembullin që mund të ndjekin disa rajone, që kanë hapësira për zhvillim.

Për tur-operatorët, Durrësin e favorizojnë një sërë faktorësh ku së pari është kapaciteti i lartë i strukturave akomoduese.

Besnik Vathi, nga ATHS, shprehet se sot për sot, Durrësi ka strukturat më të organizuara në bregdetin shqiptar. Golemi, që është pjesë e Kavajës, dhe Durrësi kanë disa nga hotelet më të mëdha që prej vitesh presin përmes paketave “half board” apo “all inclusive” qindra mijë turistë.

Interesi nga agjencitë e huaja ka ardhur në rritje nga viti në vit për kontrata garancie, ku dominon tregu polak. Kërkesa është madje në rritje edhe për vitin tjetër, pasi renditja si destinacion është në nivele të kënaqshme.

Turizmi i organizuar i fut strukturat në një rrjet mbikëqyrje, ku stafi duhet të trajnohet vazhdimisht, diçka që edhe cilësinë e shërbimit e ka në nivelet më të larta.

“Në këto struktura (në Durrës dhe Golem) jemi me vlerësim shumë të mirë, si për cilësinë edhe për shërbimin. Janë hotele të kontraktuara, që mbikëqyren herë pas here, për shkak të kontratave me garanci. Vetë hotelet janë të sigurta, kur kanë kontrata dhe tregohen të kujdesshme dhe me stafin, e mbajnë, e trajnojnë edhe kur s’ka sezon.

Si vlerësim destinacioni, jemi me një mesatare mbi 8. Problemi është për ata pa kontrata garancie dhe kryesisht Jugu. Ka mungesë të kulturës së shërbimit, të eksperiencës.

Turizmi i organizuar ka sjellë diçka shumë të mirë te ne, ku hotelet janë edukuar të shërbejnë sipas standardeve më të mira ndërkombëtare, kurse Vlora dhe Riviera u duhet punë ta arrijnë këtë” do të nënvizonte Rrahman Kasa, Kreu i Unionit Turistik Shqiptar për “Monitor” në një intervistë të pak ditëve më parë.

Sa u takon çmimeve të këtij viti, për strukturat akomoduese që nuk janë brenda kontratave me garanci ka një rritje me 5% në strukturat luksoze, pra të nivelit mesatar të lartë.

Rritja realisht është më e lartë pasi këto struktura që deri dje ndoshta ofronin edhe paketën mëngjes dhe darkë, sot ofrojnë vetëm mëngjes.

Për strukturat mesatare të ulëta ka një rritje me 15%, ku nëse në verën 2023 mund të gjeje një strukturë hoteli me çmimin 35 euro, sot rastet kur mund të gjesh një me 40 euro janë të kufizuara dhe pozicionimi është dukshëm larg nga deti. Në Durrës, strukturat hoteliere raportojnë për një prani më të pakët të shqiptarëve të Kosovës këtë vit, por për një numër më të lartë të diasporës së saj.

Jugu mes ekstremeve, nga Vlora në Himarë çmimet rriten ndjeshëm

Zona e Vlorës është ndoshta pjesa ku ende ka disa pika ekonomike për të pushuar nëse llogarisim këtu ecurinë e përgjithshme të Jugut. Konkretisht, në zonën e Zvërnecit apo të Plazhit të Ri, duke u vendosur me strukturë hoteliere brenda qytetit, apo në periferi, mund të të kushtojë disi më lirë.

Por disa zona të tjera të qytetit, sidomos së fundmi Radhima, ku edhe është investuar, nuk cilësohen më ekonomike. Tur-operatorët pohojnë se një hotel me çmim mesatarisht të ulët mund ta gjesh në nivelet e 50 eurove në Vlorë, me një rritje prej 25% në raport me një vit më parë.

Kurse strukturat me çmime mesatarisht të larta variojnë në 250 euro me mëngjes. Edhe për këto struktura, rritja është po me 25% në raport me një vit më parë. Më në Jug, pasi kalon Llogoranë ku ndodhet Palasa, epiqendra janë vilat turistike.

Këto të fundit mund të sigurohen për një çmim 350 euro nata për ato me 2 dhoma gjumi deri në 1000 apo 1500 euro nata për ato me katër dhoma gjumi dhe lehtësi të tjera. Çmimet në këtë zonë duket se kanë mbetur të njëjta në raport me një vit më parë për vilat e vogla dhe kanë shënuar rritje për ato me kapacitet akomodues më të lartë.

Në Dhërmi duket se rritja është edhe më e dukshme. Në vitin 2023, një dhomë dyshe kushtonte 60 euro.

Ndërsa sot, çmimi minimal që mund të gjesh për një hotel është 85 euro, pra me një rritje 42%, teksa për hotelet e segmentit më luksoz (jo më të shtrenjtët), mesatarja e hoteleve të shtrenjta rezulton në 300 euro me mëngjes apo një rritje me 50%, në raport me një vit më parë.

Në Jal ende numri i strukturave akomoduese hoteliere është i kufizuar ndaj referencë përgjithësisht kanë shërbyer vilat në një prej plazheve më të frekuentuara ku për një natë kostoja është 350 euro me rritje prej 16%.

Në Himarë ka gjithashtu rritje të çmimeve për hotelet mesatare të ulët, të cilët nga 45 euro që ishin vitin e shkuar kanë shkuar në 80 euro, kurse çmimet mesatare të larta janë rritur me 12.5%.

Një dhomë e këtij standardi mesatarisht kushton 180 euro, edhe pse nuk mungojnë raste ekstreme ku në këtë rajon, në hotele të caktuara, çmimi për një natë arrin mes 500 dhe 700 euro.

Në Qeparo, hotelet e mesatares së ulët kushtojnë 70 euro me rritje 40%, ndërkohë që një hotel tek mesatarja e lartë mund ta gjesh për 120 euro, me rritje. Edhe në Borsh, çmimet kanë shënuar rritje 30% për hotelet e mesatares së ulët në raport me një vit më parë ndërsa për hotelet e segmentit më të lartë, rritje me 20%.

Saranda dhe Ksamili, hotelet luksoze rritën çmimet me 60-90%

Saranda dhe Ksamili, që u kthyen dy pikat më të frekuentuara të vendit për shkak të promovimit, u përballën edhe me kritikën më të madhe për çmimet, që duket se fluturuan sidomos në segmentin e hoteleve me çmime mesatare të larta.

Në Sarandë, hotelet e kësaj kategorie u rritën me gati 60% duke kapërcyer nga çmimi 160 euro, ku në disa raste përfshihej darka dhe mëngjesi te 250 euro, ku përfshihej vetëm mëngjesi.

Një hotel me çmim mesatar të ulët në Sarandë sot mund ta gjesh për 60 euro, edhe pse mundësitë janë të limituara. Kjo gjithsesi erdhi pas një reflektimi të strukturave që bënë një ulje të lehtë javëve të fundit. Ndërkohë në Ksamil, hotelet me çmime mesatare të ulëta i rritën çmimet me 40%, duke kaluar nga 50 euro në 70 euro nata, kurse hotelet me çmime mesatarisht të larta kërcyen me gati 90%.

Në Sarandë dhe në Ksamil, paralelisht ka një lulëzim të apartamenteve dhe vilave luksoze që janë përshtatur për turizëm, çmimet e të cilave luhaten mes 300-700 euro nata. Bëhet fjalë për vila apo apartamente të cilat janë përshtatur në funksion të turizmit dhe ofrojnë akomodim për më shumë se dy persona.

Një shezlon sa një hotel, çmimet deri në 500 euro, por mundësi për të gjithë, edhe plazhe publike

Çmimet e hoteleve, pavarësisht se të rritura këtë vit në gjithë bregdetin, duket se nuk kanë arritur të marrin vëmendjen e shezloneve. Këta të fundit janë bërë “hit” i verës ku foto e video kanë qarkulluar pafund sa i takon nëse ka pushues apo jo dhe kostos në disa herë të paperceptueshme, gati-gati e njëjtë me një dhomë hoteli.

Gjithsesi edhe këtë vit, sa u takon çadrave dhe shezloneve në plazh pjesa më ekonomike në vend mbeten Velipoja, me 500 deri në 700 lekë, Shëngjini në disa raste me 700 lekë, Zvërneci në Vlorë, me 500 lekë.

Ndërkohë plazhe të tjerë si Durrësi dhe Golemi, Jali, Qeparo e Borshi kanë ofruar çadra që nisnin nga 1 mijë lekë. Edhe në Ksamil apo në Sarandë, të lakuar aq shumë për kostot sërish mund të gjesh plazhe ku çadra dhe shezlonet ofrohen për 1 mijë lekë.

Në Dhërmi, nga ana tjetër, kryesisht kostoja për çadrën nis nga 1500 lekë, në Palasë kryesisht 3000 lekë.

Subjektet që kanë fituar të drejtën e shfrytëzimit të bregut përmes stacioneve të plazhit kanë aplikuar në raste të veçanta çmime të larta për çadra, shezlone apo struktura që nuk janë të zakonshme.

Në disa raste, mekanizimi i vendosjes së çmimit funksionon me rreshta ku në rreshtin e parë kostoja nis nga 3000 lekë.

Në disa raste ka struktura të njohura si gazeboo që nisin nga 5000 deri në 7000 lekë. Në të tjera të quajtura zona Prive, brenda strukturave luksoze, kostoja mund të shkojë edhe në 50 mijë lekë, ku ka të përfshira edhe disa benefite të tjera në kuptimin e pijeve apo aksesit në plazh.

Çmimet në disa zona janë shtrenjtuar dukshëm, duke u dyfishuar sa u takon shezloneve dhe në të tjera kanë mbetur të njëjta, ajo që mund të thuhet është që ofrohen opsione për të gjithë.

Në disa rajone ka vijuar të ketë edhe plazhe publike, duke nisur nga Velipoja, në Vlorë, Dhërmi, Himarë apo Sarandë./ Monitor

The post Fluturojnë çmimet në jug, rritje deri në 90% (Harta me zonat më të shtrenjta) appeared first on Albeu.com.

Gazetarja Ola Xama, ka folur në “Të Paekspozuarit”, ku është shprehur se drejtorët e Bashkisë së Tiranës, Elvin Tivari dhe Redi Molla, janë aksionerë te hoteli “La Brisa” në Dhërmi.

“Hoteli “La Brisa” ka nisur ndërtimin pa marrë lejen e ndërtimit. Ka qenë ish-kampi veror për fëmijët në Dhërmi dhe e ka marrë Fatos Malaj, vëllai i kryebashkiakut të Matit, Agron Malaj.

Kompania që e ka ndërtuar hotelin është “ABG” me administrator shtetasin Durim Mustafa që ka punuar si drejtor në UKT gjatë kohës së drejtohej nga Redi Molla. Aty është angazhuar edhe kompania “Arlis Ndërtim”.

Të gjithë mekanizmat duket se janë të lidhur. Rreth 40 për qind të aksioneve janë të Elvin Tivarit, por mendohet se pas tij është Redi Molla dhe të dy janë te hoteli në Durrës.

Kompania “Global Security” ka marrë 14 milionë euro tendera nga Ujësjellës-kanalizime Tiranë”, tha Xama.

The post Dosja “5D”/ Flet gazetarja: Drejtorët e Bashkisë së Tiranës, aksionerë edhe në hotele appeared first on Albeu.com.

Por gjatë ditëve të fundit edhe pse temometri shënon temperatura më të ulta krahasuar me një muaj më parë situata duket mjaft e përkeqësuar, por edhe më shqetësuese mbeten zjarret në pikat turistike.

 

View this post on Instagram

 

A post shared by Saranda Web (@saranda.web)

Së fundmi në rrjet janë publikuar pamjet nga zjarret në parkun kombëtar të Butrintit, dhe me të drejtë qytetarët pyesin, në mos pas këtyre zjarreve ka qëllime të tjera.

Siç edhe dihet në Shqipëri tashmë është bërë e modës, ku sa herë duan të hapin troje për ndërtime, apo për toka bujqësore digjen pyjet.

Në Butrint nuk ka interes njeri për toka bujqësore dhe kjo është shumë e qartë, por interesi për hotele e për shërbime të tjera turistike është shumë i madh.

Megjithatë duhen pritur deri në fund hetimet për tu gjetur në radhë të parë shkaktarët e zjarrit, e më pas për të parë nëse ekziston ndonjë mendje djallëzore për të patur ndërtime në atë zonë apo jo.

/AlbEu.com/

The post VIDEO/ Nisin zjarret në parqe, a po hapen troje për hotele? appeared first on Albeu.com.

Nga Nertila Maho

Meri vendosi që së bashku me bashkëshortin dhe dy fëmijët e tyre të rezervonte pushimet e saj në Korfuz në fillim të korrikut. Zakonisht kishte zgjedhur Himarën dhe pa ndonjë rezervim afatgjatë por këtë herë, teksa ishte interesuar në fillim të qershorit, çmimet i ishin dukur të kripura, ndërsa hoteli ku kishte qëndruar zakonisht nuk kishte akomodim.

Pasi bëri një llogari vendosi, që një paketë prej 1340 euro në Korfuz, në një resort full board (fjetje dhe gjithë vaktet) për shtatë net, ishte një zgjidhje e mirë dhe ekonomike, brenda buxhetit që kishin në dispozicion.

Jashtë paketës shpenzoi (me dëshirë) vetëm 250 euro për dy darka dhe për blerje suveniresh. Sipas saj, në Shqipëri, ndoshta mund të kishte shpenzuar më pak ashtu siç mund të kishte shpenzuar më shumë, sepse surprizat nga një restorant apo lokal, në tjetrin janë diçka me të cilën është mësuar dhe perceptimi i saj është që çmimet janë rritur.

Edhe këtë vit, faturat e kripura nga bregdeti shqiptar që bëjnë xhiron tradicionale të rrjetit nuk kanë munguar nëse flasim për restorante, akomodim apo shezlone.

Ajo që ka ndryshuar është fakti që janë më të rralla, dhe reagimi është më i zbehtë. Kjo tregon se tashmë realiteti i ri turistik i Shqipërisë, si një destinacion ndaj të cilit po shfaqet interes i lartë e ka bërë më të pranueshëm edhe rritjen e çmimeve.

Operatorët turistikë pohojnë se rritja e çmimeve në akomodim luhatet mesatarisht në 10-30% përgjatë bregdetit, me shtrenjtim më të ndjeshëm në pjesën qendrore dhe Jug të vendit si rezultat i rregullimit të kostove më të larta, zhvlerësimit të euros, si dhe shtimit të kërkesës.

Nga treguesit e deritanishëm, viti 2023 pritet të shënojë rekord të ri të numrit të vizitorëve ndërkohë që do të ketë efekt zinxhir në konsum dhe të ardhurat e përgjithshme për ekonominë, por ndikimi real mbetet për t’u parë.

Rritja e interesit për Shqipërinë si destinacion është padyshim lajmi më i mirë në këtë sezon veror. Por cilat janë në fakt tendencat që po shfaqen nga Veriu në Jug sa u takon vizitorëve, çmimeve, investimeve dhe përballimit të sezonit me një forcë punëtore të reduktuar?

Veriu, pjesa më ekonomike e bregdetit, preferohet nga Kosova dhe vendasit

Velipoja dhe Shëngjini janë aktualisht pjesa më ekonomike e bregdetit në lidhje me çmimet në akomodim si dhe baret dhe restoranteve.

E nisur prej disa vitesh, por e konsoliduar më shumë këtë vit, strukturat hoteliere janë angazhuar që të krijojnë partneritete me agjencitë turistike të Kosovës duke synuar një turizëm të organizuar.

Janë me dhjetëra struktura në Velipojë e Shëngjin që janë angazhuar në krijimin e paketave half board, ku turistit i sigurohet në vlerë fjetja, mëngjesi dhe darka.

Duke pasur parasysh situatën me zhvlerësimin e euros dhe një tendencë më të madhe për të kursyer, operatorët pohojnë se ofertat janë përshtatur edhe në pikun e sezonit, duke ofruar opsionin dy net dhe tre ditë deri në 10 net dhe 11 ditë.

Pamundësia për të bërë pushime të gjata është reflektuar te shitja më masive e paketave mesatare, ku koha e qëndrimit kryesisht në sezon fokusohet në 4-5 net.

Ndërkohë paketat fillojnë nga 50 euro për dy net e tre ditë e deri në 80 euro në ditë/personi. Operatorët pohojnë se është rritur numri i turistëve nga Kosova që kanë zgjedhur këtë rajon por vihet re edhe një prani më e lartë e vendasve, kryesisht familje.

Sipas tyre, kjo ka të bëjë edhe me faktin që ofrimi i paketave me fjetje dhe ushqim e ka bërë më tërheqëse opsionin e një dhome ku mund të gatuash vetë, por rritja e kërkesës duket se ka nxitur edhe këtë segment. Krahasuar me një vit më parë, në lidhje me akomodimin, pa përfshirë ushqimin, Velipoja dhe Shëngjini kanë shënuar të njëjtën rritje me rreth 20% të mesatares së ulët të çmimeve.

Kjo do të thotë që zakonisht, një dhomë me çmim ekonomik që më parë ishte 25 euro tashmë është 30 euro. Mesatarja e sipërme e çmimeve është rritur me 10-12% për Velipojën dhe Shëngjinin dhe kjo ka të bëjë me rritjen e shërbimit dhe strukturave cilësore.

“Pjesa veriore e bregdetit, kryesisht plazhet e Velipojë – Shëngjin paraqitet me përmirësime cilësore, janë shtuar hotelet dhe resortet, por ka një ofertë më ekonomike, duke tërhequr kryesisht pushuesit nga vendi dhe Kosova”, – pohon Zak Topuzi nga Shoqata Shqiptare e Hotelierëve.

Velipoja e Shëngjini

Paketat fillojnë nga 50 euro për dy net e tre ditë e deri në 80 euro në ditë/personi. Operatorët pohojnë se është rritur numri i turistëve nga Kosova që kanë zgjedhur këtë rajon por vihet re edhe një prani më e lartë e vendasve, kryesisht familje.

Durrës e Kavajë, mbizotëron turizmi i organizuar, në krye qëndrojnë polakët

Rajoni i bregdetit të Durrësit dhe Kavajës po sheh çdo vit e më shumë rritje të turizmit të organizuar. Nordikët kanë vazhduar të vijnë edhe pse këtë herë, por jo me kontrata garancie.

Kjo kategori ka “braktisur” Sarandën nga ku vinin përmes Korfuzit, për të qëndruar kryesisht në Golem dhe kjo, sipas operatorëve turistikë lidhet me kushtet që ofron pjesa qendrore e bregdetit.

“Turistët e organizuar në Sarandë janë të paktë në numër në krahasim me vitet e shkuara, pasi kompanitë e fokusuara në këtë rajon, sidomos skandinavët, janë zhvendosur në Durrës, aty ku kapacitetet dhe natyra e hotelerisë u shkon më për shtat me atë që kërkojnë”, – pohon Arben Çipa, nga Sipa Tours.

Polakët mbeten në krye të grupeve të organizuara, duke qenë pjesa kryesore e turistëve që qëndrojnë në rajonin e Durrësit dhe Kavajës.

Çekët janë një tjetër grup i organizuar, teksa këtë vit është shtuar edhe grupi i spanjollëve që po qëndrojnë te hotelet Melia në Gjirin e Lalëzit. Për herë të parë kjo kategori turistësh vjen e organizuar në vend. Tendenca e turistëve individualë nga Spanja ka nisur prej dy vitesh duke qëndruar kryesisht në Jug.

Operatorët e strukturave akomoduese raportojnë se këtë vit, rritja në zonën e Durrësit dhe Kavajës është mesatarisht mes 10-15% dhe kjo ka të bëjë më shumë me kostot e shtuara që lidhen me krahun e punës. Çmimet variojnë nga 35 euro në mbi 180 euro/nata.

Sipas tyre, këtë vit ka qenë sfiduese gjetja e stafit të kualifikuar, trajnimi intensiv i atyre të rinj si një formë për t’ju përgjigjur shërbimit të kërkuar.

Sigurisht shërbimi këtë vit, sipas tyre, parashikohet të jetë një sprovë dhe angazhimi është maksimal për të fituar pikët e humbura që bënë që një vit më parë, nordikët të tërhiqeshin nga kontratat me garanci.

Referuar të dhënave të marra nga terreni, si dhe bisedat me operatorët, rezulton se çmimet mesatare të ulëta nuk kanë shënuar rritje duke mbetur mes 35 eurove/nata ndërkohë që ka një rritje tek çmimet e mesatare të larta, ku në disa raste arrijnë deri në 30%.

Këto hasen në hotele të standardit të lartë, ku rritja e pagave, kostot e energjisë, zhvlerësimi i euros dhe rritja e kërkesës e kanë bërë të nevojshëm rishikimin e çmimit.

Durrësi e Kavaja

Operatorët e strukturave akomoduese raportojnë se këtë vit, rritja në zonën e Durrësit dhe Kavajës është mesatarisht mes 10-15% dhe kjo ka të bëjë më shumë me kostot e shtuara që lidhen me krahun e punës. Çmimet variojnë nga 35 euro në mbi 180 euro/nata.

Ksamili, “imazhi” ndërkombëtar i Shqipërisë turistike, Saranda rritje të kërkesës

Nëse të duhet të kërkosh në Instagram me hashtagun #Albania dhe të zgjedhësh opsionin e postimeve më të reja, ajo që mund të hasësh më shpesh për bregdetin është rëra e bardhë dhe peizazhet magjepsëse të Ksamilit në Jug të vendit. Saranda është gjithashtu pjesë e çdo postimi nga të huajt, vizitorë individualë, disa prej të cilëve bloger ndërkombëtarë, që kanë me mijëra e deri në disa miliona ndjekës.

Këto dy qendra që janë sa të bashkuara aq edhe të ndara në atë që ofrojnë, janë kthyer në “imazhin” ndërkombëtar të Shqipërisë turistike këtë vit.

Rritja e kërkesës ka bërë që në Ksamil, çmimet për strukturat ekonomike, pra mesatarja e ulët të shënojë rritje me 10%, ndërkohë që për strukturat me çmime mesatarisht të larta, ka shënuar rritje me 15%. Për Sarandën ka një rritje të dukshme të kapaciteteve akomoduese sidomos në segmentin e apartamenteve dhe që preferohen kryesisht nga italianët.

“Në gjithë territorin e Sarandës nuk ka më asnjë apartament apo shtëpi të mbyllur që është jofunksionale. Të gjitha janë bërë funksionale, si në rrugën e parë pas Shëtitores, edhe në rrugën 5 të saj.

Kjo tregon se kemi një rritje të dukshme të turistëve, të cilët plotësojnë të paktën 90% të hoteleve, por edhe të kapaciteteve të tjera, siç janë apartamentet. Janë bërë investime serioze për të përballuar këtë fluks në rritje dhe për të ofruar shërbim në një moment kaq të mirë për turizmin në vend”, – pohon z. Çipa.

Në lidhje me çmimet, mesatarja e ulët e çmimeve mbetet e njëjtë me një vit më parë, e lidhur kjo me kapacitetet në rritje, ndërkohë çmimet mesatare të larta kanë sjellë një rritje që nis nga 5% dhe në disa raste mund të shkojë edhe më shumë. Çmimet variojnë nga 50 euro në mbi 160 euro/nata.

Saranda

Mesatarja e ulët e çmimeve mbetet e njëjtë me një vit më parë, e lidhur kjo me kapacitetet në rritje, ndërkohë çmimet mesatare të larta kanë sjellë një rritje që nis nga 5% dhe në disa raste mund të shkojë edhe më shumë. Çmimet variojnë nga 50 euro në mbi 160 euro/nata.

Fshatrat turistikë të bregdetit, shtohen vilat që hapin dyert për turistët

Nga Palasa e deri në Lukovë, numri i strukturave në Booking si mundësi akomodimi ka ardhur në rritje. Janë vila apo shtëpi të thjeshta të përshtatura për akomodim, të cilat shoqërohen me zhargonin “New to Booking” (të reja në Booking), që kanë hapur dyert për të përfituar nga bumi turistik që po përjeton vendi.

Mund të gjesh shtëpi që nisin nga 180 euro për një javë, por larg nga plazhet, e deri në vila që ofrohen për 2400 euro për një javë.

Teksa Dhërmiu, Vunoi, Palasa e nisën këtë tranzicion të banesave në struktura disa vite më parë, tendenca po përfshin masivisht çdo fshat të bregdetit.

Borshi dhe Qeparoi duket se janë aktualisht dy prej atyre që po shënojnë edhe rritjen më të dukshme të frekuentimit. I gjithë rajoni i Jugut vijon të jetë sipas operatorëve një kantier i hapur ku punohet si nga biznesi, edhe në projekte infrastrukturë. Këtë vit, sipas operatorëve, tendenca e çmimeve në akomodim në fshatra turistikë ka ardhur për dy arsye.

Në njërën anë qëndron rritja e kapacitetit të akomodimit në fshatra turistikë, jo vetëm në vila, por edhe në struktura të reja hotelesh dhe në anën tjetër, “braktisja” e disa zonave specifike, për shkak të anatemimit publik që ndodhi në rrjetet sociale dy vitet e fundit.

Ky stabilitet çmimesh duket se i ka shërbyer pozitivisht, duke rikthyer në këto rajone pushuesit vendas me të ardhura mesatare, diasporën tonë dhe atë të Kosovës si dhe turistët europianë perëndimorë, kryesisht çifte dhe të rinj.

Shtëpitë e vilat në Jug

Mund të gjesh shtëpi që nisin nga 180 euro për një javë, por larg nga plazhet, e deri në vila që ofrohen për 2400 euro për një javë. Teksa Dhërmiu, Vunoi, Palasa e nisën këtë tranzicion të banesave në struktura disa vite më parë, tendenca po përfshin masivisht çdo fshat të bregdetit.

Vlora, qendra ku takohen të gjithë, si në kosto, edhe në kategori

Vlora duket se është qyteti që i mbledh të gjithë, duke ofruar një variacion më të gjerë në akomodim dhe në mundësitë për të ngrënë më lirë në restorante apo për të bërë plazhin gjatë ditës.

Duke pasur një profil kryesisht familjar, investimet që janë bërë në disa struktura që kanë orientim më luksoz, si dhe prania e marinës së jahteve ka bërë që profili i turistit që has në qytet të jetë i larmishëm.

Sipas strukturave akomoduese, këtu mund të gjesh një pjesë të mirë të vendasve që zgjedhin historikisht plazhet familjare të rajonit, një numër jo të vogël të shqiptarëve të Kosovës dhe grupe të huajsh si italianët, spanjollët dhe anglezët.

“Surpriza e këtij viti janë spanjollët dhe anglezët. Ka pasur raste që kanë ardhur dhe më parë, por këtë vit është parë një rritje e numrit të tyre. Spanjollët janë kryesisht çifte të rinjsh që i pëlqen eksplorimi i plazheve të ndryshme, ndërsa anglezët janë kryesisht grupe shoqërie, vajzash ose djemsh.

Spanjollët zgjedhin kryesisht Lounget (një lloj lokali ku ofrohet muzikë, por edhe qëndrim më komod sesa në klub) dhe nuk janë shumë konsumatorë, ndërsa anglezët nuk pyesin se sa konsumojnë kur bëhet fjalë për të pirë dhe festa.

I gjen në radhët e para të festave, por e rëndësishme është që nuk krijojnë probleme, ndryshe nga fotot që shikojmë në internet me rrëmujat në vendin e tyre”, – pohon Enrik Mehmeti, gazetar dhe njohës i mirë i sektorit.

Çmimet kanë ndryshuar kryesisht te hotelet mesatare e me çmim të ulët që llogariten në 15% më shtrenjtë, ndërsa rritja e çmimeve në disa struktura të tjera, por edhe shtimi i numrit të atyre të reja të hyra në funksion ka balancuar pjesën e mesatares së lartë.

Për segmentin e shtrenjtë të strukturave, rritja e çmimeve arrin deri në 30%. Mesatarisht çmimet luhate nga 40 në 200 euro/nata.

Vlora

Çmimet kanë ndryshuar kryesisht te hotelet mesatare e me çmim të ulët që llogariten në 15% më shtrenjtë, ndërsa rritja e çmimeve në disa struktura të tjera, por edhe shtimi i numrit të atyre të reja të hyra në funksion ka balancuar pjesën e mesatares së lartë. Për segmentin e shtrenjtë të strukturave, rritja e çmimeve arrin deri në 30%. Mesatarisht çmimet luhate nga 40 në 200 euro/nata./monitor

The post TABELA/ Turizmi, euro dhe kërkesa rrisin çmimet e hoteleve me 10-30% appeared first on Albeu.com.

Rama shkruan se kjo rrugë do t’i japë një zhvillim të madh turizmit në bregdetin e Jonit pasi aty do të ndërtohet dhe një resort me 5 yje.

“Në aksin Palasë-Dhërmi, ku po zhvillohet një program i tërë investimesh në hotele me 5 që do ta ngrenë turizmin e Jonit në një nivel tjetër, po punohet edhe për rrugën e re të lidhur me tunelin e Llogarasë, e cila do të lehtësojë ndjeshëm trafikun e do të rrisë cilësinë e shërbimeve në zonë. Kanë përfunduar të gjitha veprat e artit dhe ndërtimi i sistemit terramesh”, shkruan Rama.

The post Rruga e re Palasë-Dhërmi, Rama: Në zonë do të ndërtohen hotele me 5 yje appeared first on Albeu.com.

Në mbrëmje, stadiumi i rikonstruktuar rishtazi i Tiranës Air Albania do të presë finalen e UEFA Conference League mes ekipit italian AS Roma dhe skuadrës holandeze Feyenoord.

Tirana është zbukuruar me petkun e finales, kryesisht në zonën e qendrës dhe atë rreth stadiumit arena kombëtare.

Stadiumi “Air Albania” do të presë për herë të parë një finale europiane, teksa i gjithë qyteti është vënë tashmë në dispozicion të kësaj ndeshje historike, jo vetëm për Shqipërinë, por edhe për vetë UEFA-n, pasi kjo është hera e parë që ky kompeticion zhvillohet.

UEFA zgjodhi Tiranën si mikpritëse në dhjetor 2020, një vit pasi stadiumi i ri u hap zyrtarisht dhe përpara se ndonjë ekip të kualifikohej për të hyrë në kompeticionin debutues. Deri në 100 mijë tifozë italianë dhe holandezë priten në Tiranë, edhe pse secilës palë i janë ndarë vetëm 4 mijë bileta për finalen inauguruese të kompeticionit të Kategorisë së tretë Europiane të Klubeve. Kapaciteti në Arenën Kombëtare është rreth 20,000 persona. Rreth 88% e biletave të mbetura janë blerë nga tifozët shqiptarë.

Çmimet e biletave nisën nga 2500-9000 lekë zyrtarisht, deri në çmime të larta, të rishitura në treg të zi, me vlera që tejkalonin 1mijë euro.

Finalja është një ndeshje e profilit më të lartë nga sa ishte parashikuar nga shumë njerëz në vitin 2018, kur UEFA vendosi të krijojë Ligën e Konferencës të Europës. Qëllimi i tij ishte t’u jepte më shumë mundësi klubeve në vendet e rangut më të ulët për të qëndruar të përfshirë në garat europiane përtej dhjetorit.

Sipërmarrësit e konsiderojnë si një ngjarje që do t’i japë një tjetër ritëm fillimit të sezonit veror dhe janë disa kategori biznesesh të cilat mendohet se do të jenë ‘të favorizuar’ nga ky event.

Akomodimi

Teksa Tirana po përgatitej për eventin ndoshta më të rëndësishëm të futbollit që ka pritur ndonjëherë, çmimet e hoteleve për tifozët që kanë rezervuar vende në tribuna janë rritur në mënyrë të parashikueshme, dy javët para ditës së finales. Me fluksin e njerëzve që pritet të vijnë në Tiranë, industria e mikpritjes e ka parë këtë si një vezë të artë.

Çmimet për hotelet dhe Airbnb në faqen e akomodimit Booking.com janë shumë më të larta se zakonisht gjatë dy netëve në Tiranë nga data 23 deri më 25 maj.

Një apartament për dy ditë, që ndodhet 1.2 milje nga qendra e qytetit, për shembull, kushton rreth 422 euro. Një javë më vonë do të kushtonte pothuajse tre herë më pak, rreth 120 euro.

Sipas burimeve në treg, apartamentet me qira ditore janë lëshuar të gjitha , në kapacitet të plotë, me qira për tre ditë, ashtu sikurse hotelet në kryeqytet kanë pasur kërkesat më të larta të sezonit. Ndërsa në hotelet rrotull qendrës, një natë qëndrimi është raportuar të jetë lëshuar mesatarisht 150 euro dhe nqs kërkojmë në minutë të fundit, lajmërohet në Booking ose Agoda që 90% e kapaciteteve janë të zëna.

Të drejtat e transmetimit

Digital ka të drejtën ekskluzive për transmetimin e ndeshjes së ditës së sotme. Në një komunikim me to, pohojnë se interesi për të drejtën e public view ka qenë i lartë këtë vit, duke qenë se ka disa organizime në kryeqytet që do transmetojnë ndeshjen.

Gjithashtu, çmimet e reklamave të transmetuara në ambientet e hapura pritet të jenë të larta, sipas komunikimeve me disa nga organizatorët.

Aktivitetet

Sot priten të mbërrijnë në Tiranë rreth 100 mijë persona për të ndjekur finalen që do të ndahen në tre zona. Tifozët që mbështesin skuadrën e Romës do të ndjekin ndeshjen pranë Amfiteatrit të Tiranës ndërsa ata të Feynord do të qëndrojnë në zonën e Pedonales.

Për të gjithë sportdashësit e tjerë shqiptarë është menduar Sheshi Skënderbej që do të kenë mundësinë të shikojnë finale përmes disa ekraneve të mëdhenj.

Sheshi “Skënderbej” do të ketë një organizim të veçantë, i quajtur “Fan Fest”, dhe ku të gjithë njerëzit mund të hyjnë dhe ku do të ketë lojëra futbolli për të gjithë. Futbolli do të jetë “tema e ditës” për të gjithë. Do të vijë trofeu i vërtetë ditën e sotme, i ruajtur me siguri maksimale dhe të gjithë njerëzit mund të vijnë të bëjnë foto, por nuk mund ta prekin.

Përveç sheshit “Skënderbej” ka edhe dy pika ku do të organizohen dy tifozeritë e klubeve që do të vijnë në Tiranë, të quajtura “Fan Meeting Point”. Secila tifozeri ka grupimet e veta dhe është menduar edhe se si do të drejtohen për të shkuar në pikat e tyre të takimit, përmes ekraneve, tabelave drejtuese. Një pikë do të jetë te Pedonalja në Tiranë, ndërsa pika tjetër e takimit do të jetë te Diga e liqenit.

Teksa tubimet tashmë janë lejuar pas ndalesave të mëparshme të pandemisë, këto hapësira, sikurse edhe ambiente lokalesh në Tiranë, kanë kërkesa të larta për frekuentim. Tifozët e futbollit, krahas ndjekjes së ndeshjeve, padyshim janë konsumatorë të pijeve e ushqimeve në ambiente të tilla komerciale. Shqiptarët vijojnë t’i mbeten besnikë birrës për raste të tilla. Ushqimet apo pijet e ofruara në ambiente të tilla raportohet të jenë me çmime rreth 15% më shumë se sa në një ditë normale.

Kompanitë importuese apo prodhuese të birrave në Shqipëri, tregojnë se kjo ngjarje, sikurse kanë treguar edhe kompeticione të mëparshme, është ndër më shpresëdhënëset sa u përket përfitimeve që mund të arrijnë.

Sipas tyre, tre janë kanalet e shpërndarjes: lokalet, që pritet të shtojnë dyfish porositë e tyre, një pjesë e madhe e tyre kanë vendosur një ambient dedikuar birrës.

I dyti, supermarketet dhe marketet e shumicës kudo në Shqipëri, që janë kryesisht të lidhur me kërkesat e individëve dhe konsumin në familje. I treti janë ambientet e jashtme të organizuar për këtë event, që premtojnë në mënyrë të pashmangshme konsum të lartë.

Ogur i mirë për turizmin

UEFA Conference League disa ditë më parë, ka zgjedhur të prezantojë Tiranën në një video promo të eventit të ditës së sotme.

Në një video prej 30 sekonda, të bërë publike në rrjetet sociale shfaqen disa nga pikat identifikuese të Tiranës, si Sheshi Skënderbej, Pazari i Ri, Zogu i Zi, për ta mbyllur në fund me një prezantim në detaje të stadiumit “Air Albania” dhe të trofeut për të cilin do të “luftojnë” Roma dhe Feyenoord.

Krahas kësaj videoje në postimin e UEFA Conference League shkruhet: “Mirë se vini në Tiranë, kryeqytetin e Shqipërisë. Duart lart nëse do të jeni në finalen e #UECL.”

Ekspertët e fushës së turizmit pohojnë se, eventi do të mundësojë një reklamë të mirë për turizmin e vendit tonë, përfshirë edhe atë qytetar dhe se nuk duhet të abuzojmë me çmimet.

Fakt

Trofeu i UEFA Europa Conference League, origjinali i të cilit u vendos me 24 maj në qendër, është 57.5 cm i gjatë dhe peshon 11 kg. Ai përbëhet nga 32 shtylla gjashtëkëndore – një për çdo ekip në fazën e grupeve të garës – duke u përdredhur dhe lakuar nga baza e trofeut.

Skuadra fituese prezantohet me 40 medalje ari dhe nënkampionët me 40 medalje argjendi. Fituesit gjithashtu fitojnë një vend në fazën e grupeve të UEFA Europa League 2022/23, nëse nuk janë kualifikuar për Ligën e Kampionëve të UEFA-s përmes konkurrencës së tyre vendase./Monitor

The post Nga hotelet te pijet e reklamat, cilat janë shpenzimet më të mëdha për finalen e sotme të Ligës së Konferencës të Europës appeared first on Albeu.com.

“Shpresojmë që nuk do të arrijë puna deri atje. Nëse arrin, me siguri se do të ndihmojmë. Ne jemi të gjithë njerëzor, duhet të ndihmojmë njëri-tjetrin”, tha Kërste Blazheski-Kryetar i HOTAM

“Nëse shtrihet dora do të gjendet një zgjidhje për refugjatët, të cilëve duhet t’u jepet një kulm mbi kokë dhe të trajtohen në periudhën e ardhshme”, tha Kliment Naumovi-Shoqata e Guidëve Turistik- Ohër

Shoqata e Ukrainasve në Maqedoninë e Veriut në faqen në Facebook u ka bërë thirrje të gjithë atyre, që mund të strehojnë përkohësisht familjet nga Ukraina, që ta bëjnë një gjë të tillë. Nëse situata përshkallëzohet, pasojat për turizmin e brendshëm do të jenë të pallogaritshme dhe humbjet do të jenë të mëdha, thonë nga sektori i turizmit. /Alsat.mk

The post Hotelet në Ohër e Strugë hapin dyert për ukrainasit appeared first on Albeu.com.