Hotel “Bizanti” u hodh në erë me tritol, ndërsa policia arrestoi sot Sotir Çabirin, 36-vjeç si autor të dyshuar të ngjarjes.

Gazetarja Klodiana Lala u shpreh në emisionin “Open” se për vendosjen e eksplozivit autoritetet dyshojnë se kanë vepruar ekspertë.

Klodiana Lala: Në vendin tonë shumë ngjarje kriminale, duket se ngjarje të tilla kanë kaluar pa vëmendje. Por është një ngjarje në kufijtë e aktit terrorist, duhet të jemi mirënjohës që nuk ka viktima, sidomos me atë sasi tritoli që është përdorur. Mendoj që policia e Vlorës duhet të shkojë më tej për të kuptuar se çfarë ka ndodhur. Përse dyshohet Sotir Çabiri. Rezulton që sasia minimale ka qenë 50 kg jo aq sa është thënë në fillim. Në të gjitha kolonat e katit të parë janë vendosur 50 kg tritol. Sotir Çabiri dyshohet se është një nga autorët sepse në javët e fundit ka qëndruar vetëm në hotel dhe i ka thënë pastruese se nuk ka përse të qëndrojë në punë sepse nuk ka njerëz duke e përzënë në këtë mënyrë. Një ditë para ngjarjes ka prerë tri bileta drejt Britanisë së Madhe.

Diku rreth orës 5 të mëngjesit ai ka dalë dhe ka nxjerrë nga atje disa sende, përfshirë edhe një tv të shtrenjtë, është rikthyer sërish dhe në vetë, dy minuta përpara se të ndodhte shpërthimi ai është larguar nga hoteli. Kanë qenë ekspertë personat që kanë vendosur eksplozivin, kjo është arsyeja përse dyshohet se është edhe një tjetër person. Ka punuar në mënyrë të tillë si të ishte ekspert. Në pjesën pas dyshohet që në atë mënyrë të kenë hyrë edhe bashkëpunëtorë. Deri në afërsi të Portit ka pasur dëmtime të fasadave të hoteleve dhe ka qenë një fat i madh që nuk ka pasur njerëz duke lëvizur.

Arrestimi i Çabirit

Nga kamerat e sigurisë Çabiri është parë të dalë nga hoteli 3 minuta para shpërthimi, që dyshohet se ka ardhur si pasojë e konfliktit për pronësinë e objektit 700 metër katrorë.

Edhe pse është filmuar nga kamerat, ai ka mohuar akuzat, duke thënë se ishte kthyer në hotel për të marrë diçka, jo për ta shpërthyer.

“Nuk kam lidhje me shpërthimin. Unë u ktheva në hotel se kisha harruar diçka dhe do iknim jashtë Shqipërisë”, ka thënë 36-vjeçari.

Ndërkohë sipas policisë, tritoli ishte vendosur në 5 pika në ndërtesë, çka tregon vendosmërinë e autorit për ta rrëzuar objektin totalisht.

/Albeu.com/

The post Hedhja në erë me tritol e hotelit në Sarandë, gazetarja: Eksplozivi te kolonat dyshohet se është vendosur nga ekspertë appeared first on Albeu.com.

Hotel “Bizanti” u hodh në erë me tritol.

Gjashtë persona janë shoqëruar dhe po merren në pyetje lidhur me këtë ngjarje.

The post Hedhja në erë me tritol e hotelit që tronditi Sarandën, 6 të shoqëruar appeared first on Albeu.com.

Policia dhe Prokuroria kanë ngritur një tjetër pistë hetimi, duke lidhur ngjarjen e sotme më vrasjen e biznesemenit Edmond Papa, i cili u ekzekutua më 16 dhjetor të vitit të kaluar në zonën e Selitës në Tiranë.

Sipas burimeve rezulton se Papa ka tentuar të blejë hotelin që u hodh në erë sot me dhjetëra kg tritol.
Grupi hetimor tregohet i rezervuar për të dhënë detaje të mëtejshme për këtë pistë, ndërkohë që nuk dihet se me kë nga ortakët po zhvilloheshin këto përpjekje blerje dhe si kanë përfunduar.

Sipas hetimit paraprak të xheniereve dyshohet se sasia nuk ishte vendosur në një vend, por në disa pjesë të hotelit dhe është vendosur në mënyrë të tille që forca goditëse ta rrafshonte godinën duke shpërthyer në seri të gjitha sasitë e tritolit të vendosura në objekt.

Shpërthim me tritol ndodhi herët në mëngjesin e së hënës në Sarandë. Sasia e lëndës shpërthyese ishte vedosur në hotelin “Bizanti”, të shtetasit Spiro Çabiri.

Shpërthimi është dëgjuar në gjithë Sarandën dhe ka shkaktuar dëme në bizneset afër hotelit.

Ndërkohë, mësohet se prona ka qenë ka qenë objekt procesesh gjyqësore me palë paditëse Dhimitër Evangjeliu dhe të paditur Spiro Çabiri dhe Vangjel Shtuka, që rezultojnë bashkëpronarë në QKB bashkë me Miranda Qabirin.
Sipas policisë, procesi gjyqësor vijon prej vitit 2002, ndërsa fatmirësisht nga shpërthimi nuk ka patur të lënduar

Saranda dhe tritolet ndaj hoteleve

Historitë e tritolit nuk janë të panjohura për qytetin e Sarandës.
Në dhjetor të vitit 2022 u hodh në erë muri rrethues i një banese në pronësi të shtetasit Lefter Lefteri.

Ky i fundit më parë kishte punuar në IKMT dhe ishte kallëzuar më herët madje dhe shoqëruar në komisariat lidhur me një objekt në ndërtim e sipër në lagjen nr.1 të qytetit.

Ndërkohë, po vitin e kaluar, hotelit të Mariel Muratit iu vendos tritol për herë të dytë.
Mariel Murati,ishte ish-Drejtor i ALUIZNI-t Sarandë dhe aktualisht Drejtor i FSDKSH (Fondi i Sigurimit të Detyrueshëm të Kujdesit Shëndetësor) në Sarandë.

Por kjo nuk ishte hera e pare që vendosej lëndë shpërthyese në pronën e Muratit. Më 9 shkurt të vitit 2021, në të njëjtin hotel u vendos sërish një sasi tritoli në tarrace, e cila shpërtheu sapo roja ndezi dritën.
Nga shpërthimi fatmirësisht nuk pati të lënduar./albeu.com

The post Shpërthimi me tritol i hotelit në Sarandë, pistë e re hetimi: Objektin donte ta blinte Edmond Papa, biznesmeni që u ekzekutua në Tiranë appeared first on Albeu.com.

The post Pronarët në gjyq prej 21 vitesh, momenti kur hidhet në erë hoteli në Sarandë (VIDEO) appeared first on Albeu.com.