Ngjarja u komplikua nga një incident paralel, pasi rreth të njëjtës orë u raportua për një zjarr në një banesë në të njëjtën zonë, që i përkiste po atij personi. Dy vatrat e zjarrit mobilizuan menjëherë forca të shumta zjarrfikësish, të cilët punuan për të parandaluar përhapjen e flakëve dhe për të minimizuar dëmet.

Automjeti rezultoi i shkrumbuar plotësisht, ndërsa zjarri në banesë vijonte ende gjatë raportimit të parë, duke vështirësuar ndërhyrjen e shërbimeve emergjente. Njëkohësisht, autoritetet kanë nisur hetimet për të zbardhur rrethanat e ngjarjes dhe për të përcaktuar shkaqet e dy zjarreve, duke mos përjashtuar asnjë pistë, përfshirë edhe mundësinë e një incidenti të qëllimshëm.

Banorët e zonës janë shprehur të tronditur nga ngjarja, ndërsa zjarrfikësit dhe policia vijojnë patrullimet dhe hetimet për të garantuar sigurinë publike. Ky incident nënvizon rëndësinë e ndërhyrjes së shpejtë të shërbimeve emergjente dhe nevojën për të zbuluar shkaqet që çojnë në tragjedi të tilla.

Hetimet vazhdojnë për të sqaruar plotësisht rrethanat e tragjedisë, ndërsa autoritetet paralajmërojnë se detaje të reja mund të dalin në ditët në vijim.

The post Horror! Një person gjendet i djegur brenda makinës, në të njëjtën kohë dhe banesa e tij në flakë appeared first on Albeu.com.

Filmi është xhiruar tërësisht në Kosovë, duke përfshirë lokacione si Trepça, Prishtina dhe Shpella e Gadimes, dhe është pjesë e një serie projektesh të producentëve kosovarë që jetojnë në SHBA, Fitim dhe Fahri Krasniqi, të cilët vazhdojnë të sjellin projekte ndërkombëtare në vendin tonë.

“The Sixth” është një film i zhanrit horror që kombinon elemente dramatike dhe thriller me lokacione natyrore dhe historike të Kosovës, duke ofruar një eksperiencë tërheqëse vizuale dhe emocionale për audiencën ndërkombëtare. Ky projekt tregon edhe mundësitë e jashtëzakonshme që vendi ynë ofron për produksione të mëdha dhe të profilit të lartë.

Producentët kosovarë po bashkëpunojnë ngushtë me ekipin ndërkombëtar për të garantuar një standard të lartë të produksionit dhe për të krijuar një film që të shërbejë si promovim i Kosovës në skenën globale të kinemasë.

Për të ndarë më shumë detaje rreth filmit dhe përvojës së xhirimeve, ekipi i filmit ka planifikuar një konferencë për media, që do të mbahet më 7 nëntor në Shpellën e Gadimes, në Lipjan. Në këtë ngjarje do të prezantohen regjisorët dhe producentët, si dhe do të diskutohen sfidat dhe eksperiencat gjatë xhirimeve në Kosovë.

Filmi “The Sixth” synon të vendosë Kosovën në hartën e kinemasë botërore, duke treguar se vendi jonë mund të jetë një destinacion ideal për produksione ndërkombëtare dhe projekte artistike me profil të lartë.

The post Filmi ndërkombëtar horror “The Sixth” xhirohet tërësisht në Kosovë, paralajmërohet konferencë për media te Shpella e Gadimës appeared first on Albeu.com.

Autoritetet kanë zbuluar në shtëpinë e tij kocka, gjak, copa lëkure, madje edhe një pjesë të hundës njerëzore, pas analizës së pamjeve të kamerave të sigurisë dhe hetimeve të mëtejshme.

Një adoleshent 16-vjeçar, i nipi i të dyshuarit, i cili ndodhej në pronë, ka thënë para policisë se dëshiron të tregojë të vërtetën. Ai ka përshkruar me detaje makthet që kanë ndodhur në atë shtëpi, duke thënë se xhaxhai i tij ftonte viktimat, që kryesisht ishin persona të pastrehë dhe të moshuar, për t’i punësuar dhe më pas i vriste me mizori, duke i copëtuar dhe duke i djegur mbetjet.

Prokuroria po vazhdon hetimet, duke analizuar mbetjet e gjetura dhe duke mbledhur mostra ADN nga familjarët e të zhdukurve për të bërë krahasime dhe zbardhur këtë skandal të rëndë.

I dyshuari ndodhet tashmë në paraburgim, ndërsa hetimet janë në vazhdim.

The post Horror në Argjentinë! Iu ofronte punë të pastrehëve më pas i vriste në shtëpinë e tij dhe i digjte, arrestohet 37-vjeçari appeared first on Albeu.com.

Policia vuri në pranga 30-vjeçarin, i cili kishte vrarë me armë zjarri pistoletë babanë dhe e kishte hedhur në një pus. Policia gjeti dhe sekuestroi armën me të cilën 30-vjeçari kreu vrasjen.

Pas një pune intensive hetimore të bërë nga Sektori për Hetimin e Krimeve të Rënda, Sektori për Hetimin e Krimit Kibernetik në Drejtorinë Vendore të Policisë Durrës, në bashkëpunim me Drejtorinë për Hetimin e Krimit Kibernetik në Departamentin e Policisë Kriminale në Policinë e Shtetit dhe me Prokurorinë pranë Gjykatës së Shkallës së Parë të Juridiksionit të Përgjithshëm Durrës, u bë i mundur identifikimi dhe kapja e autorit të vrasjes së shtetasit E. B., 62 vjeç.

Shtetasi E. B., 30 vjeç, banues në fshatin Shënavlash, Durrës, ka kallëzuar në Komisariatin e Policisë Durrës, se prej mëngjesit të datës 13.08.2024, babai i tij, shtetasi E. B., 62 vjeç, banues në fshatin Shënavlash, ishte larguar nga banesa, me një shtetase të panjohur për të, dhe pas këtij momenti, 30-vjeçari kishte shkëputur kontaktet me babanë dhe nuk kishte mundur të lidhej më me të.

Gjithashtu, ky shtetas ka deklaruar se dyshonte se kjo shtetase mund ta kishte vrarë babanë e tij dhe se 62-vjeçari nuk kishte arsye që të largohej nga banesa.

Djali tjetër i shtetasit E. B., shtetasi A. B., pasi është njoftuar se babai ishte larguar nga banesa, është kthyer nga Italia dhe ka kallëzuar në Polici, se në rrjetin social Instagram, i ka shkuar një mesazh, nga një shtetase e panjohur prej tij. Në mesazh thuhej që familjarët të mos e kërkonin 62-vjeçarin, pasi ai ishte larguar me pushime.

Strukturat hetimore të DVP Durrës, duke qenë para këtyre fakteve, kanë intensifikuar hetimet dhe kërkimet, pasi lindën dyshime se kishim të bënim me një krim brenda familjes.

Si rezultat i veprimeve intensive u bë e mundur zbardhja e ngjarjes, kapja dhe arrestimi i djalit të shtetasit E. B., konkretisht shtetasi E. B., 30 vjeç, i cili ka pranuar autorësinë e këtij krimi, pas një konflikti që kishte me babanë për një shumë lekësh (7 500 000 lekë të rinj, kursime të përbashkëta familjare) që dyshonte se ia kishte vjedhur 62-vjeçari.

30-vjeçari, më datë 13.08.2024, në afërsi të stanit të tyre në arat e fshatit Shënavlash, pasi është kofliktuar fizikisht me babanë e tij, e ka vrarë atë, me armë zjarri tip pistoletë.

Armën e krimit e ka hedhur në një kanal, ndërsa trupin e babait e ka trasportuar dhe hedhur në një pus në një arë të këtij fshati, rreth 1 kilometër larg nga vendi i ngjarjes.

Grupi hetimor ka gjetur trupin e shtetasit E .B., dhe ka sekuestruar armën e zjarrit tip pistoletë, kasafortën e hapur me sende të forta, ku mbante lekët 30-vjeçari dhe prova të tjera që lidhen me ngjarjen.

Trupi i shtetasit E. B. u transportua në Morgun e spitalit të Durrësit, për ekzaminim mjeko-ligjor.

Strukturat Hetimore të Drejtorisë Vendore të Policisë Durrës në bashkëpunim me Prokurorinë vijojnë veprimet hetimore për zbardhjen dhe dokumentimin e plotë të kësaj ngjarjeje.

Materialet procedural i kaluan Prokurorisë, për veprime të mëtejshme për veprat penale “Vrasja për shkak të marëdhënieve familjare”, “Mbajtja pa leje dhe prodhimi i armëve, armëve shpërthyese dhe municionit” dhe “Fshehja dhe asgjësimi i kufomës”.

The post Zbardhet krimi horror në Durrës/ Pas vrasjes i biri denoncoi se babai ishte larguar nga banesa me një grua të panjohur appeared first on Albeu.com.

Kanë qenë banorët të cilët kanë gjetur pjesë të trupit të njeriut të copëzuara, që ende nuk ishin dekompozuar.

Menjëhërë kanë njoftuar policinë, e cila ka rrethuar zonën.

Pjesët e trutpit janë dërguar në spital, dhe po pritet të bëhet ekspertiza mjeko-ligjore për të kuptuar se kujt i përkasin.

The post Horror në Sarandë, gjendet pjesë të trupit të njeriut të groposura, ende i padekompozuar appeared first on Albeu.com.

Sipas tabloidit britanik Daily Mail, 40-vjeçari Mikhail Zubarev, vrau dhe më pas i preu kokën gruas së tij 44-vjeçare, Victoria Zubareva në sy të vajzës së tyre. Mediat ruse raportojnë se koka e gruas është gjetur në frigoriferin e familjes.

Si vogëlushja ashtu edhe vëllai i saj 17-vjeçar ndodhen në spital duke marrë mbështetje psikologjike pas vdekjes brutale të nënës së tyre.

Sipas informacioneve, anëtarët e famullisë së priftit 40-vjeçar ishin ankuar për “sjelljen e çuditshme” të tij dhe për këtë arsye ai ishte vendosur me pushime nga Kisha Ortodokse Ruse në javët e kaluara.

Burimet policore thanë se Zubarev fillimisht e goditi gruan e tij me thikë në qafë, më pas ia preu kokën dhe në fund, i mbuluar me gjak, “filloi të lutej” duke i kërkuar të bijës të bënte të njëjtën gjë. Vajza ka qenë ajo që ka telefonuar vëllain e saj duke i kërkuar ndihmë.

Zubarev kishte mbaruar një shkollë teologjike në vitin 2010.

The post HORROR/ Prifti i pret kokën gruas në sy të vajzës së vogël, i kërkon të bijës të lutet për nënën appeared first on Albeu.com.

Një grua në Australi është dënuar me burgim të përjetshëm për vrasjen e ish-të dashurit të saj që e kishte futur në makinerinë e prerjes së drurit, teksa ai punonte me krasitjen e pemëve.

Sharon Graham tentoi të bënte të dukej vdekjen e Bruce Saunders si një aksident i tmerrshëm, por hetuesit zbuluan se vrasja kishte qenë një plan i vjetër i saj për të përfituar shtëpinë e tij dhe sigurimin e jetës.

Bruce vdiq pasi ishte shtyrë në makinerinë e fuqishme të përpunimit të drurit jashtë shtëpisë së tij në Queensland, Australi në nëntor, 2017. Dje pas dhënies së dënimit ndaj Graham familjarët e të ndjerit lëshuan brohorima gëzimi.

Në gjykatën e Brisbane u tha sesi Saunders ishte duke pastruar bimësinë bashkë me Gregory Roser e Peter Koenig – dy burra me të cilët Sharon Graham kishte lidhje romantike.

Por ai ishte goditur në kokë me një levë hekuri dhe më pas i shtyre brenda makinerisë prerëse. Duke tentuar ta bënin të dukej një aksident, vrasësit kishin lënë jashtë vetëm këmbët e Saunder. Ndërsa një ditë më vonë Graham diskutonte me bashkëpunëtorët e vrasjes sesi do të shpenzonte paratë që shpresonte të merrte nga komploti, dhe sesi e kishte tradhtuar atë kur ishin së bashku.

Graham raportohej se ishte përfshirë në trashëgiminë e të ndjerit, dhe gjithashtu shpresonte të përfitonte $830,000 dollarë australianë (560 000$) nga sigurimi shëndetit. I biri i viktimës Blake Saunders, tregoi se Graham kishte kërkuar të mbante një pjesë të hirit të tij duke u hequr se ishte e tronditur nga dhimbja.

Ai tha: “Kjo ishte e gjitha pjesë e planit tënd për të bërë të duket se po mbaje zi, por ti vetëm po fshihje fajësinë tënde”. Gjykatësi Martin Burns tha se Graham e konsideronte Bruce vetëm si një “pengesë e padëshiruar” si dhe një “burim të ardhurash”, teksa shtonte: “Nuk ka fjalë për të të përshkruar ty, megjithëse tentove të përshkruash pendesën tënde me elokuencë.

Nga observimet e mia, ke shfaqur një psikopati të rrënjosur thellë. Prandaj kurdo që autoritetet të mendojnë të të lirojnë, duhet të marrin në konsideratë këtë observim.”

The post HORROR/ Gruaja hedh burrin në prerësen e druve për të përfituar sigurimin e jetës appeared first on Albeu.com.

Mediat greke raportojnë se 54-vjeçari, baba i dy fëmijëve ka qenë duke punuar në një rrugë në Kormi, duke shtuar fibra optike.

Gjatë punës, makineria që shërben për çarjen e betonit, nuk e ka parë, dhe i ka kaluar sipër, duke i prerë kokën.

Vendi i ngjarjes është rrethuar nga Policia greke që në momentin e parë, ndërsa në vendngjarje kanë mbërritur ambulanca dhe një zjarrfikëse.

Për shkak të aksidentit janë arrestuar dy drejtuesit e makinerive dhe aktualisht ndodhen në Stacionin e Policisë së zonës për të dhënë deklaratën e parë për ngjarjen tragjike.

The post Horror në Greqi, makineria i pret kokën 54-vjeçarit shqiptar, la pas dy fëmijë appeared first on Albeu.com.

Hanaa Mohamed Hassan, 29 vjeçe po gjykohej për masakrën ndaj të birit, Youssef, por gjykatësit janë shprehur se nuk mund të vuajë dënimin. Ata kanë vendosur se djali është vrarë “nga marrëzia” dhe ajo duhet të mbyllet në një institucion psikiatrik.

Daja i Youssef gjeti disa pjesë të trupit të tij brenda një kove në shtëpisë e tyre në Faqus. Pas arrestimit,  policia deklaroi se ajo kishte ngrënë një pjesë nga koka e të birit pasi “donte që ai të qëndronte gjithmonë me të”.

Trupin e tij ajo e kishte copëtuar në banjë, më pas e kishte zierë kokën dhe pjesë të tjera e më pas i kishte ngrënë. Përpara vendimit, prokurorët debatuan nëse Hassan e kishte vrarë të birin nga frika se mund të humbiste kujdestarinë e tij që do t’i kalonte ish-bashkëshortit.

Në raportin paraprak nga psikiatria shkruhej se ajo ishte përgjegjëse për veprimet e saj të paramenduara sepse kishte marrë një shkop me dhëmbëza në majë e hanxhar dhe kishte mbyllur të gjitha dyert e dritaret në shtëpi. Më pas, e ka qëlluar të birin tre herë në kokë dhe e ka copëtuar trupin në pjesë në përpjekje për të shkatërruar provat.

Në një vlerësim më të thelluar të gjendjes së saj mendore, ekspertët psikiatrikë zbuluan se Hassan ishte “deluzive” dhe mendonte se të afërmit po i bënin magji të birit. Sipas raportit, ajo vuan nga paaftësia e gjykimit dhe nuk e kupton seriozitetin e veprimeve të saj. 29-vjeçarja e koncepton vrasjen si një gabim të thjeshtë.

Pas arrestimit, ajo i  tha policisë se vuan nga “sëmundje mendore” dhe se nuk kishte si qëllim ta vriste të birin. Ajo jetonte vetëm me të pas ndarjes nga i shoqi, i cili thotë se 29-vjeçarja e dinte mirë se ç’po bënte.

Ish-bashkëshorti, i cili identifikohet vetëm me inicialet H.A foli për mediat lokale: “Kur mbërrita, policia nuk më la të shihja djalin për shkak të skenës së tmerrshme. Ne u ndamë 4 vite më parë sepse ajo më kërkoi që të lija shtëpinë dhe të jetoja me ta në një tokë që e kishte trashëguar nga i ati.

Unë nuk pranova dhe marrëdhënia mbaroi me dëshirën e saj, u përpoqa të pajtohesha me të pas divorcit por refuzoi dhe mbajti qëndrim. Im bir ishte i vetmi që më lidhte me të, e vizitoja rregullisht dhe i dërgoja veshje dhe gjëra që i nevojiteshin. Kohët e fundit ajo po përpiqej ta largonte prej meje dhe mbillte urrejtje në zemrën e tij që ai mos të më afrohej.

Po përpiqesha të lidhesha me familjen e saj që të takoja djalin dhe të siguohesha se ishte mirë”.

Avokati i babait tha se Hassan nuk kishte asnjë shprehi në fytyrë kur i tha hetuesve: “Doja të çliroja veten dhe atë. Doja të hakmerresha ndaj babait të tij dhe të isha e lirë. Babai i tij vazhdon të vijë dhe përpiqet ta marrë me vete”.

29-vjeçarja do të mbyllet në spitalin Abbasiya të Shëndetit Mendor dhe Neurologjik në Kajro. /Tvklan

The post HORROR/ Nëna i pret kokën fëmijës 5-vjeçar dhe e ha, deklarata e saj shokon policët (FOTO) appeared first on Albeu.com.

Rasti është denoncuar në emisionin investigativ “Stop”.

Denoncuesja: Motra ime ka kaluar disa shqetësime dhe për shkak të këtyre shqetësimeve është futur në rrjetet sociale, ku ka kërkuar që të gjejë një ngushëllim, mirëpo ajo ka hasur në një faqe në internet me emrin “Kisha Online Jesus Krisht” e cila drejtohet nga zonja Alketa, me këtë emër e kam njohur dhe jam futur dhe vetë pastaj dhe kam kontrolluar, ju jam drejtuar juve sepse ajo po lidhet gjithmonë e më shumë me këtë të ashtuquajtur “kishë”. Ka filluar që të ndjekë seancat që krijon kjo kishë e mbledh njerëz. Aty ndodhin disa situata që për mua janë shumë shqetësuese dhe të frikshme. Unë si qytetare nuk më duket aspak e drejtë dhe madje më duket si manipulim që ju bëhet njerëzve. Ka pasur nëna më fëmijë të sëmurë dhe duke i parë të gjitha këto, vërej se kjo zonja i merr dhe i shtrin përtokë, bën sikur shëron sëmundjet. Heq magjira e gjëra të çuditshme.

Këto video janë si skena horrori dhe shumë të dëmshme për personat që janë manipuluar. Veprimtaritë publikohen në një profil të emërtuar “ Kisha Online Jezus Krishti Zot”.

Alketa Auer: Zjarr i Shpirtit të Shenjtë! Komplet! Zjarr i Shpirtit të Shenjtë! Komplet! Në emër të Jezus Krishtit, unë do të shkatërroj çdo magji!

Në emër të Jezus Krishtit, zjarr!

Në emër të Jezus Krishtit, zjarr! Zjarr! Zjarr!

Ato do të marrin urdhër dhe do të zbatojnë urdhrin, që vjen në emër të Jezus Krishtit. Bekojmë trurin, që të gjitha sinjalet e trurit, tani, të funksionojnë!

Unë godas, sot, çdo mallkim ndër breza! Jashtë, sot!

Nga mamaja, zjarr! Fryma e punës nga babai, zjarr! Fryma nga vëllai, zjarr! Në emër të Jezus Krishtit, unë bëj sot, ndarje shpirtërore nga mamaja!Në emër të Jezus Krishtit…!

Unë e ndaj shpirtin tënd nga mamaja jote! Tani, jashtë!

Në emër të Jezus Krishtit, zjarr!

Në emër të Jezus Krishtit, zjarr!

Në emër të Jezus Krishtit, zjarr!

Dhe çdo plagë e të ligut, të shkatërrohet, tani!

Në emër të Jezus Krishtit Zot, dhe paqja jote të jetë tani në trupin e tij! Paqja jote, Zot, në mendjen e  tij, në zemrën e tij!

Aleluja!

Në emër të Jezus Krishtit, zjarr!

Për Vëllazërinë Ungjillore dhe për psikologët, materiale të tilla janë shumë shqetësuese.

Vëllazëria Ungjillore të Shqipërisë: Falemindërit që e sillni këtë si çështje sepse në të vërtetë edhe ne kemi marrë disa ankesa të ndryshme nga qytetarë me drejtues të kishave për veprimtarinë e saj. Faqja online që kjo zonjë drejton, nuk ka lidhje dhe nuk është pjesë e Vëllazërisë Ungjillore të Shqipërisë. Ne kemi drejtuar në fakt një letër tek të gjithë pastrorët dhe të gjithë drejtuesit për të vënë në dijeni besimtarët tanë ungillorë të kenë kujdes sepse veprimtari të tilla nuk janë përputhje me atë që Bibla na mëson ne dhe mbi atë që besojmë, prandaj duhet të jemi të kujdesshëm që kur persona të tillë, kryejnë veprimtari të tilla, ne duhet të drejtohemi pranë një kishe ungillore dhe të jemi të vetëdijshëm a është diçka që Bibla apo kisha na mëson. Kjo nuk është një pastor, por mënyra se si ne i përcaktojmë pastorët janë përmes disa kritereve, të cilat çdo kishë ka edhe i cakton.

Psikologe, Gesi Anamali: Materialet e vëna nga ju në dispozicion ishin shqetësuese, por vërej që në materialet kishte elementë të dëmtimit të anës psikologjike, shëndetësore të individëve që ishin pjesë e tyre. Përgjithësisht, të gjithë individët, të cilët kalojnë një fazë të vështirë psikologjike, që mund të jetë depresion, kalimi i një ndjenje inferioriteti, apo të gjitha problematikat që na sjellë jeta, na duhen forca, na duhen njerëz që mund të na thonë që je mirë, je bukur, mund ta arrish, ndoshta këto individë nuk kanë gjetur dikë në rrethin e tyre shoqëror dhe janë drejtuar drejt kësaj zonje. Në këtë rast, nuk kemi të bëjmë vetëm me predikim, por edhe me manipulim të individëve. Është më mirë t’i drejtoheni një mjeku, nuk arrijmë që të zgjidhim diçka me predikim.

The post “Ndaje nënën nga shpirti! Në emër të Jezusit zjarr!”. Horror në Shqipëri, pseudo-pastorja terrorizon në emër të Kishës appeared first on Albeu.com.