Agjencia e Ushqimit dhe Veterinarisë ende është në pritje të rezultateve të testeve laboratorike të mostrave, të dërguara për domatet që janë importuar.

“Si AUV kemi marrë masa shtesë të kontrollit, me theks të veçantë kontrollin e domateve me origjinë nga Shqipëria. Përveç kontrollit të rregullt dhe analiza rutionre, në këtë rast janë marrë mostra /kampione përfaqësuese të regjioneve të caktuara prodhuese prej nga importohen këto produkte, të njëjtat janë dërguar në laboratorë jashtë vendit me qellim testimi në kontaminuës kimik/mbetje të pesticideve (Përcaktimi i nivelit maksimal të mbetjeve-MRL në produkt). AUV është në pritje të rezultateve të testeve laboratorike të mostrave zyrtare të dërguara. Pas pranimit të rezultateve të testeve analitike, varësisht nga gjetjet do të merren veprime/masa zyrtare”.

Sipas të dhënave nga Dogana, Shqipëria nuk e zë vendin e parë për shitjen e domateve në Kosovë.

“Sipas të dhënave nga Dogana e Kosovës, importi më i madh i domateve në këtë periudhë është bërë nga Turqia, ku janë importuar 5,110,931.00 kilogramë në vlerë prej 4 milionë e 521 mijë e 356 euro”.

Pas Shqipërisë dhe Turqisë, Kosova ka importuar domate edhe nga Greqia, Italia, Maqedonia e Veriut dhe Serbia.

“Në total nga 1 janari i këtij viti e deri më sot 8 qershor, në territorin e Kosovës nga këto vende janë importuar 9,904,735.00 kilogramë domate në vlerë prej 7 milionë e 741 mijë e 532 euro”, thuhet në të dhënat e Doganës.

Taksat që i janë paguar shtetit të Kosovës nga këto importe janë 1 milionë e 722 mijë e 096.

E përfaqësues të bizneseve kanë thënë se Kosova do të duhet të ndërmarrë masa kundrejt çdo produkti që nuk i përmbush kërkesat e tregut.

Kryetari i Agjencisë Kosovarë te Biznesit Agim Shahini, ka thënë se pavarësisht a është prodhim vendor apo i importuar, çdo mall duhet të kontrollohet. /monitor

The post Hormonet dhe pesticidet pa kriter, alarm në Kosovë pas importit të domateve nga Shqipëria appeared first on Albeu.com.

Dallimet biologjike midis burrave dhe grave

Me rreth të njëjtën peshë trupore, gratë priren të kenë më pak muskuj për të gjeneruar nxehtësi. Gratë gjithashtu kanë më shumë yndyrë midis lëkurës dhe muskujve, kështu që lëkura ndihet më e ftohtë, pasi është pak më larg nga enët e gjakut. Gratë gjithashtu priren të kenë një normë metabolike më të ulët se burrat, gjë që redukton kapacitetin e prodhimit të nxehtësisë gjatë ekspozimit të ftohtë, duke i bërë gratë më të prirura për të ndjerë të ftohtë ndërsa temperatura bie.

Dallimet hormonale

Hormonet estrogjen dhe progesterone, që gjenden në sasi të mëdha tek gratë, kontribuojnë në temperaturën e trupit dhe lëkurës. Estrogjeni zgjeron enët e gjakut në ekstremitete. Kjo do të thotë që më shumë nxehtësi mund të humbë në ajrin përreth. Dhe progesteroni mund të shkaktojë ngushtimin e enëve të lëkurës , që do të thotë se më pak gjak do të rrjedhë në disa zona për t’i mbajtur organet e brendshme më të ngrohta, duke i bërë gratë të ndjehen më të freskëta. Ky ekuilibër hormonal ndryshon gjatë gjithë muajit krahas ciklit menstrual.

Hormonet gjithashtu bëjnë që duart , këmbët dhe veshët e grave të qëndrojnë rreth tre gradë Celsius më të ftohta se ato të burrave. Temperatura kryesore e trupit është më e larta në javën pas ovulacionit , pasi nivelet e progesteronit rriten. Kjo do të thotë se rreth kësaj kohe, gratë mund të jenë veçanërisht të ndjeshme ndaj temperaturave më të ftohta të jashtme.

Edhe pse duart dhe këmbët janë më të ftohta, gratë kanë temperatura mesatare më të ngrohta se burrat. Ky ka të ngjarë të jetë burimi i thënies ” duart të ftohta, zemër e ngrohtë “.

Pra, si të biem dakord për temperaturën ideale?

“Metoda skandinave e gjumit”, ku çiftet flenë me batanije të veçanta, është një mënyrë për të kapërcyer dallimet në preferencat e temperaturës. Në vendin e punës, sistemet e rehatisë personale janë sisteme termike që ngrohin ose ftohin dhe mund të vendosen në nivel lokal në stacione pune individuale si desktop, karrige ose pranë këmbëve dhe këmbëve.

The post Ka një shpjegim! Pse gratë e ndjejnë më shumë të ftohtin sesa burrat appeared first on Albeu.com.

Ja cilat shenja paralajmërojnë se janë hormonet ato që po ju shkaktojnë shtim të peshës përreth belit.

Barku vazhdon të rritet, edhe pse ushqeheni mirë
Nëse keni pasur bark të sheshtë në shumë vite të jetës suaj dhe krejt papritur filloni të shtoni peshë vetëm në pjesën e barkut, mund të jetë shenjë që keni krijuar bark hormonal.

Ndërkohë që plakemi, trupi bëhet më rezistent ndaj insulinës, duke nxitur kështu trupin që ta ruajë dhjamin, në vend që ta djegë atë.

Keni dëshirë për të ngrënë shumë sheqer
Rezistenca ndaj insulinës mund të ketë disa pasoja të dyfishta tek të tjera hormone të rëndësishme. Rezistenca ndaj insulinës mund të ketë efekt te leptina, hormoni që lajmëron trupin kur jeni ngopur mjaftueshëm.

Nivelet vazhdimisht të luhatura të leptinës mund të çojnë në çrregullim të receptorëve të leptinës, duke ndaluar kështu dërgimin e sinjaleve në tru që të ndaloni të hani. Si pasojë, ju vazhdoni të hani.

Keni luhatje humori
Ndërsa gratë hyjnë në fazat e para- dhe pas-menopauzës, nivelet e estrogjenit fillojnë të luhaten shpesh, duke çuar në luhatje të humorit dhe shtim në peshë. Sipas një studimi nga Universiteti Wisconsin, kjo është arsyeja përse gratë janë më të predispozuara se burrat që të kenë luhatje humori.

Jeni gjatë gjithë kohës të stresuara
Një tjetër fajtor i krijimit të dhjamit përreth barkut është kortizoli. I quajtur ndryshe si hormoni i stresit, nivelet e kortizolit rriten në përgjithësi kur trupi ndjen që jeni të stresuara ose në ankth, duke çuar kështu në shtim të peshës. Nivelet e larta të stresit dhe ankthit e çojnë trupin në një gjendje mbijetese, që rrit nivelet e kortizolit dhe sinjalizon trupin të ruajë më shumë dhjamë.

Ndiheni të lodhura gjatë gjithë kohës dhe vuani nga pagjumësia

Pagjumësia dhe lodhja mund të jenë shenja që hormonet janë fajtore për shtimin në peshë. Mungesa e gjumit shkakton lodhje dhe stres. Të gjitha këto çojnë në çrregullim të hormoneve të kortizolit./neps.al

The post 5 shenjat që paralajmërojnë se hormonet janë arsyeja që po shtoni në peshë appeared first on Albeu.com.