Chelsea ka bërë të ditur zyrtarisht marrëveshjen për transferimin e mbrojtësit të ri italian, Honest Ahanor, nga Atalanta.

18-vjeçari do të jetë afrimi i radhës i klubit londinez gjatë kësaj vere, ndërsa për kartonin e tij raportohet se Chelsea ka paguar 40 milionë funte, afërsisht 46 milionë euro.

Në njoftimin e klubit thuhet se “Chelsea ka arritur marrëveshje për transferimin e italianit Honest Ahanor nga skuadra e Serie A, Atalanta, ndërsa mbrojtësi do t’i bashkohet zyrtarisht ekipit në vitin 2027”.

Pas transferimit, Ahanor do të luajë për Crystal Palace si i huazuar deri në përfundim të sezonit.

Gjatë sezonit të kaluar, i cili ishte i pari i tij në Bergamo pas transferimit nga Genoa në korrik 2025, mbrojtësi regjistroi 35 ndeshje me Atalantën. Paraqitjet e tij të mira në nivel klubesh i siguruan edhe dy ndeshjet e para me ekipin kombëtar të Italisë në qershor.

The post Zyrtare: Chelsea transferon mbrojtësin italian Honest Ahanor appeared first on Albeu.com.

Pas afrimit të Marco Palestrës, Chelsea ka kthyer vëmendjen sërish nga Atalanta, këtë herë për mbrojtësin e ri italian Honest Ahanor.

Klubi londinez zyrtarizoi më 1 korrik transferimin e Palestrës, duke i paguar më shumë se 55 milionë euro. Mbrojtësi i djathtë vinte nga një sezon pozitiv te Cagliari, ku ishte aktivizuar si i huazuar nga Atalanta.

“Sky Sports” raporton se Chelsea po punon për të arritur një tjetër marrëveshje me klubin nga Bergamo përpara përfundimit të merkatos së verës.

Palët kanë rifilluar bisedimet për kalimin e qendërmbrojtësit 18-vjeçar Honest Ahanor në radhët e skuadrës angleze.

Marrëveshja duket pranë përfundimit, pasi sipas Fabrizio Romanos Chelsea është gati të plotësojë kërkesën financiare të Atalantas.

Klubi italian ka kërkuar një shumë mbi 40 milionë euro për të dhënë miratimin për largimin e mbrojtësit, kusht të cilin “Blutë” e Londrës janë të gatshëm ta përmbushin.

Ahanor e nisi formimin e tij te akademia e Genoas, ndërsa në vitin 2025 u transferua te Atalanta. Që prej asaj kohe, futbollisti 18-vjeçar ka bërë përparim të rëndësishëm dhe ka tërhequr edhe vëmendjen e Kombëtares së Italisë.

Mbrojtësi ka debutuar tashmë me përfaqësuesen Azzurre dhe deri tani numëron dy paraqitje me Kombëtaren e Italisë.

The post Chelsea synon transferimin e mbrojtësit 18-vjeçar të Atalantas për mbi 40 milionë euro appeared first on Albeu.com.