Kryeministri i Kosovës, Albin Kurti, zhvilloi sot një takim me homologun e tij kroat, Andrej Plenković, gjatë qëndrimit në Nju-Jork për Asamblenë e Përgjithshme të Organizatës së Kombeve të Bashkuara.

Gjatë bisedës u trajtuan marrëdhëniet mes dy vendeve, zhvillimet në rajon, bashkëpunimi në siguri e mbrojtje, integrimi evropian dhe euroatlantik i Kosovës, si dhe zhvillimi ekonomik i saj.

Kurti bëri të ditur se në takim ngriti edhe çështjen e vendimit të Dhomave të Specializuara, duke vënë në dukje, sipas tij, pabarazinë e padrejtë në ndarjen e përgjegjësisë për luftën.

Një pjesë e diskutimeve iu kushtua personave të zhdukur, varrezave masive të zbuluara së fundmi në Kosovë dhe pengesave që krijon mos-hapja e arkivave nga Serbia. Po ashtu, u përmend diskriminimi i vazhdueshëm administrativ ndaj shqiptarëve në Luginën e Preshevës.

Kryeministri kosovar përshëndeti bashkëpunimin ndërmjet ministrive të drejtësisë të Kosovës dhe Kroacisë për rastin e Bajram Bajramit, i cili ishte ndaluar padrejtësisht në Kroaci dhe u lirua sot.

Kurti vlerësoi bashkëpunimin e ngushtë me Kroacinë në fushën e mbrojtjes dhe atë ushtarake, si dhe mbështetjen e Zagrebit për anëtarësimin e Kosovës në Bashkimin Evropian, Këshillin e Evropës dhe për avancimin e saj në strukturat euroatlantike. Në takim u shkëmbyen gjithashtu qëndrime mbi sfidat e sigurisë në rajon, ndikimin e Rusisë dhe domosdoshmërinë e forcimit të bashkëpunimit mes vendeve dhe partnerëve.

The post Kurti dhe Plenkoviç diskutojnë sigurinë, integrimin e Kosovës dhe vendimin e Speciales appeared first on Albeu.com.

Drejtori i Përgjithshëm i Doganës së Kosovës, Agron Llugaliu, zhvilloi një takim zyrtar me drejtorin e përgjithshëm të Administratës Doganore të Maqedonisë së Veriut, Boban Nikollovski, si dhe me zëvendësdrejtorin Mustafa Dauti. Në qendër të bisedimeve ishte bashkëpunimi ndërmjet dy vendeve dhe reformat në fushën doganore.

Llugaliu deklaroi se puna e përbashkët me Doganën e Maqedonisë së Veriut ka prodhuar rezultate të mira, veçanërisht sa i përket reformës për deklarimin para mbërritjes. Ai nënvizoi gjithashtu rëndësinë e ndarjes së informacionit dhe përvojave mes dy administratave.

“Gjatë këtij viti kemi bashkëpunuar edhe me Doganën e Maqedonisë së Veriut për zhvillimin e disa reformave doganore. Një pjesë e rëndësishme e tyre lidhet me reformimin dhe inicimin e deklarimit para mbërritjes. Edhe pse kjo është një reformë dhe detyrë shumë kërkuese, rezultatet e arritura deri tani janë përgjithësisht shumë të kënaqshme. Këtë e shohim si vlerësim për përpjekjet tona dhe synojmë të ndërtojmë me Administratën Doganore të Maqedonisë së Veriut mbi progresin e deritanishëm. Për këtë arsye, shkëmbimi i informacionit dhe i përvojave në këtë fushë është me rëndësi të madhe për përparimin”, tha ai.

Si një tjetër shembull të suksesshëm të bashkëpunimit, Llugaliu përmendi funksionimin e pikës së përbashkët të kontrollit “One Stop Shop” në vendkalimet kufitare mes Kosovës dhe Maqedonisë së Veriut.

“Pika e përbashkët e kontrollit, ‘One Stop Shop’, në vendkalimet kufitare Hani i Elezit-Bllacë dhe Glloboçicë-Jazhincë Bllacë, përbën gjithashtu një histori suksesi. Për këtë proces kemi marrë vlerësime shumë pozitive nga të gjithë aktorët, ndërsa është veçanërisht e rëndësishme që qytetarët e të dyja vendeve e kanë pritur pozitivisht. E mirëpres edhe zëvendësdrejtorin e përgjithshëm për investime doganore dhe pres që, së bashku me të gjitha ekipet, të punojmë në këtë agjendë të gjerë për zhvillimin e bashkëpunimit tonë në të ardhmen. Kjo do të mbështetet në bashkëpunimin tradicional dhe shumë efikas që kemi pasur me Doganën e Maqedonisë së Veriut”, u shpreh Llugaliu.

Boban Nikollovski, drejtori i Përgjithshëm i Administratës Doganore të Maqedonisë së Veriut, tha se ishte i kënaqur me marrëdhëniet dhe bashkëpunimin mes dy administratave.

“Për mua dhe për të gjithë ekipin tim të administratës doganore është kënaqësi të jemi këtu, veçanërisht pas ftesës suaj. Po e ndjek nga afër mënyrën se si po punoni dhe si po e ushtroni detyrën, dhe vlerësoj se po bëni një punë shumë të mirë. Suksesi ynë qëndron te puna e përbashkët dhe te rezultatet që po arrijnë të dyja palët. Kjo është shumë e rëndësishme për ne si administratë doganore”, tha Nikollovski.

The post Llugaliu dhe Nikollovski diskutojnë reformat dhe bashkëpunimin doganor appeared first on Albeu.com.

Takimi u fokusua në ecurinë e deritanishme të bashkëpunimit, që u vlerësua pozitivisht, si dhe nevojën për zgjerimin e mëtejshëm të tij në kuadër të hetimeve të përbashkëta, hetimeve financiare dhe ekzekutimit të shpejtë të letërporosive përmes kontakteve të drejtpërdrejta.

Në takim mori pjesë edhe ambasadori i Mbretërisë së Spanjës në Shqipëri, Alvaro Zenedo Zalba.

The post Prokurori i Përgjithshëm, Olsian Çela takim me homologun spanjoll, bashkëpunim në hetimet e përbashkëta dhe ato financiare appeared first on Albeu.com.

Rama theksoi se Rutte kishte meritë që i kishte mësuar Ramës që mund të dashuronte Europën, edhe pse sipas tij është dashuri e ashpër.

“Po presim me padurim për zhvillimin e një projekti të ri të portit të ri, që është projektuar nga një prej ekselencave holandeze. Jam mirënjohës Markut për përpjekjet e tij serioze dhe bujare për të shtyrë Ballkanin drejt Europës për të nxitur më tej Maqedoninë dhe Shqipërinë drejt BE. Marku më mësoi që mund ta dashurosh Europën, por është një dashuri e ashpër.”, tha Rama./albeu.com

The post Rama falenderon homologun holandez: Marku më mësoi që të dashuroja Evropën, por është e ashpër appeared first on Albeu.com.