Në homazhe kanë marrë pjesë miq, të afërm, kolegë dhe kryeministri i vendit, Edi Rama. Në lidhje me këtë ngjarje ka reaguar edhe Policia e Vlorës, e cila përmes një njoftimi zyrtar bëri me dije se aksidenti ka ndodhur në zonën e Dajlanit, në bregdet dhe jashtë zonës rrugore.

Dyshohet se gazetari ka humbur kontrollin e një motomjeti me katër rrota, i cili më pas është përmbysur. Si pasojë e përmbysjes, ai ka pësuar dëmtime të rënda trupore. Në motomjet ndodhej si pasagjer edhe një 18-vjeçar, i cili ka pësuar dëmtime të lehta pa probleme për jetën. Grupi hetimor, nën drejtimin e Prokurorisë, po kryen të gjitha veprimet procedurale në vendngjarje për dokumentimin e plotë të rrethanave dhe përcaktimin e shkakut të kësaj ngjarjeje aksidentale.

The post U nda nga jeta në moshën 40-vjeçare/ Nisin homazhet në teatrin “Petro Marko” në Vlorë, në nder të gazetarit Enrik Mehmeti appeared first on Albeu.com.

“Ne u kërkojmë qytetarëve të shkojnë në paqe në Sheshin Azadi”, tha gjenerali Hassan Hassanzadeh.

Pasi qëndroi në ekspozim për dy ditë në Xhaminë e Madhe, një kompleks i madh fetar në Teheran, arkivoli i Khameneit do të parakalohet nëpër rrugët e kryeqytetit iranian, me autoritetet që presin që miliona njerëz të dalin për ta parë atë.

Procesioni pritet të zgjasë 10 deri në 12 orë dhe do të kalojë nëpër Rrugën ikonike Engelab dhe Sheshin Azadi. Autoritetet nuk kanë sqaruar nëse turma që shoqëron arkivolin do të jetë në gjendje t’i afrohet atij.

Sipas mediave, qindra njerëz shumë prej tyre të veshur me të zeza janë dyndur në rrugët e Teheranit. Disa mbajnë flamuj iranianë ose portrete të Khameneit. Njëri mban një banderolë që thotë “Poshtë SHBA-ja” dhe një tjetër një foto të Presidentit të SHBA-së Donald Trump me një shënjestër mbi të.

Më 6 qershor 1989, një turmë ekstaze sulmoi procesionin mortor të ish-udhëheqësit suprem të Iranit, Ruhollah Khomeini, themelues i Republikës Islamike, duke ia shqyer qefinin dhe duke ia hedhur trupin përtokë.

Trupi i Khomeinit, u transportua përfundimisht me helikopter për varrim në një varrezë pranë Teheranit, disa orë pas funeralit.

Sipas mediave tw huaja, fërsisht 10 milionë njerëz dolën në rrugë për të parë arkivolin, ndërsa më shumë se dhjetë u vranë dhe mbi 10,000 u plagosën në rrëmujë.

The caskets of Ayatollah Khamenei and his family going through Tehran as people say goodbye pic.twitter.com/ntKyaeYaig

— Ryan Rozbiani (@RyanRozbiani) July 6, 2026

Festë

Shërbimet mortore për Ali Khamenein, i cili u vra në një sulm ajror amerikano-izraelit më 28 shkurt, filluan zyrtarisht të shtunën. Për dy ditë, turma iranianësh janë dyndur në Xhaminë e Madhe për të parë arkivolin e udhëheqësit të ndjerë të vendit, të mbuluar me ngjyrat e flamurit iranian.

Burra dhe gra, shumica të veshur me të zeza dhe ndonjëherë të shoqëruar nga fëmijë, i bënë nderimet e fundit, pavarësisht vapës dhe shpesh me lot në sy, njeriut që udhëhoqi Iranin për më shumë se tre dekada deri në vdekjen e tij në moshën 86 vjeç. Disa mbanin pankarta me slogane kundër Izraelit dhe SHBA-së, ndërsa një shkruhej “I thoni botës se hakmarrja është e pashmangshme”.

Pranë arkivolit të Khameneit ishin ato të të afërmve të tij që u vranë në të njëjtin sulm: një vajzë, një dhëndër, një nuse dhe një mbesë 14-muajshe.

Televizioni shtetëror iranian tregoi pamje të tre djemve të Ali Khameneit, Mustafa, Meisham dhe Massoud Khamenei, duke u lutur pranë arkivoleve, së bashku me shumë zyrtarë të lartë iranianë, por jo Mojtaba Khamenei, i cili pasoi të atin.

Mojtaba, 56 vjeç, u plagos në sulmet që vranë të atin dhe nuk është shfaqur publikisht që kur mori detyrën në fund të marsit. Autoritetet vlerësojnë se pritet të marrin pjesë 15 deri në 20 milionë njerëz.

Pas Teheranit, trupi i Khameneit do të çohet në Qom dhe më pas të mërkurën në qytetet e shenjta të Naxhafit dhe Kerbalës në Irak, ku shumica e popullsisë është shiite. Ai do të varroset më 9 korrik në qytetin e shenjtë dhe vendlindjen e Mashhadit.

The post Homazhet të Khameneit në Teheran/ Frikë nga rrëmuja, me miliona njerëz në rrugë (VIDEO) appeared first on Albeu.com.

Pasi kreu homazhet në nder të gjyqtarit, Kryeministri Rama, nuk bëri asnjë deklaratë për mediat.

Homazhet në nder të gjyqtarit të vrarë, nisën në orën 09:00 dhe pritet të përfundojnë në orën 11:00.

Gjyqtari Kalaja, u qëllua për vdekje nga Elvis Shkambi, xhaxhai i të cilit, Gjon Shkambi ishte palë në gjyqin që po zhvillohej për një çështje pronash.

Të plagosur gjithashtu mbetën dhe babë e bir, Ragip dhe Ervis Kurtaj, të cilët ishin palë e tretë në këtë çështje.

Si hyri në gjykatë me armë autori

Sipas hetimeve, në orën 13:42 të ditës së ngjarjes, Elvis Shkambi mbërriti në ambientet e Gjykatës së Apelit së bashku me xhaxhain e tij, Gjon Shkambi.

Të dy kaluan nëpër pajisjen e skanimit në hyrje, e cila sinjalizoi prezencën e metaleve. Më konkretisht, pajisja ndezi dritat e kuqe, duke paralajmëruar për objekt metalik, me shumë gjasë armën e zjarrit që Elvis Shkambi mbante në brez.

Megjithatë, punonjësi i sigurisë në detyrë, Banush Koxhaj, nuk ndërmori asnjë veprim kontrolli, duke qëndruar i ulur në vendin e tij dhe duke mos ushtruar kontroll fizik ndaj personave apo t’i regjistronte në librin e hyrje-daljeve, siç e parashikon protokolli i sigurisë.

Pas hyrjes në ambientet e brendshme të gjykatës, Elvis Shkambi dhe Gjon Shkambi qëndruan për rreth dy orë në hollin e pritjes së publikut, pa ngjallur dyshime.

Momentet para vrasjes

Rreth orës 15:29, të dy u futën në sallën nr. 3 ku po zhvillohej seanca gjyqësore me objekt “Kundërshtimi i veprimeve përmbarimore”, në të cilën palë ishin Ragip Kurtaj dhe djali i tij Ervis Kurtaj, ndërsa pala e paditur ishte përmbaruesi T. M. dhe të tretë shtetasit Gjon Shkambi dhe Elvis Shkambi,

Në orën 15:35, menjëherë pasi gjyqtari Astrit Kalaja. shpalli vendimin, Elvis Shkambi nxori nga brezi armën e zjarrit dhe qëlloi disa herë në drejtim të gjyqtarit, duke e lënë të plagosur rëndë. Gjyqtari ndërroi jetë gjatë transportit për në spital. Pas vrasjes, autori qëlloi edhe drejt palës paditëse Ragip Kurtaj dhe djalit të tij, duke i plagosur të dy, por pa rrezik për jetën.

Dorëzimi i armës dhe arrestimi

Pas të shtënave, autori doli nga salla e gjyqit dhe dorëzoi armën tek një punonjës gjyqësor që ndodhej në një sallë tjetër. Më pas, doli në oborrin e gjykatës ku u neutralizua dhe arrestua menjëherë nga forcat e policisë që kishin mbërritur në vendngjarje.

Hetimet zbuluan se xhaxhai i autorit, Gjon Shkambi nuk tentoi në asnjë moment të ndalonte krimin dhe dyshohet se ka pasur dijeni për planin, duke u konsideruar si shtytës ose ndihmës në vrasje.

Ndërkohë, punonjësi i sigurisë, Banush Koxhaj, po hetohet për shpërdorim detyre, pasi lejoi hyrjen e autorit të armatosur në ambientet e gjykatës, duke mos ndërhyrë edhe pasi pajisja e skanimit dha sinjal alarmi.

Deshmia e autorit

I riu ka deklaruar se i kishte ardhur ne maje te hundes me gjyqet dhe se mori vendimin per ta qelluar sapo kishte mesuar se gjyqtari do te shprehej kunder tyre.

“Më kishte ardhur në majë të hundës me gjyqet. Dëgjova që mori vendimin në favor të palës tjetër. Unë nuk e kam menduar përpara vrasjen, por aty m’u mbush mendja për ta vrarë, kur dha vendim kundër nesh”, ka thënë autori, Elvis Shkambi.

The post U vra në sallën e gjyqit, Kryeministri Rama merr pjesë në homazhet në nder të gjyqtarit Astrit Kalaja appeared first on Albeu.com.

Artur Zheji, u nda nga jeta më 23 gusht në moshën 64-vjeçare në Sarandë, ku ndodhej për pushime me familjen.

Ai njihej si një nga figurat më të spikatura të gazetarisë dhe publicistikës shqiptare.

Me një karrierë të gjatë në media, Zheji ka shërbyer si drejtues në Radio Televizionin Shqiptar, Agjencinë Telegrafike Shqiptare dhe media të tjera, duke u bërë një nga zërat më të rëndësishëm të debatit publik në vend.

Përveç rolit si gazetar dhe drejtues emisioni, ai ishte edhe editorialist dhe komentues politik, duke lënë gjurmë të thella në mendimin mediatik shqiptar.

The post U nda papritur nga jeta, nisin homazhet në nderim të gazetarit Artur Zheji appeared first on Albeu.com.

Dyshohet si pasojë e një arresti kardiak.

Homazhet do të zhvillohen nga ora 10:00 deri në 12:00 në ambientet e Universitetit të Arteve të Bukura, duke ofruar mundësinë për miqtë, kolegët dhe qytetarët që ta nderojnë kujtimin e tij.

Artur Zheji, njihej si një nga figurat më të respektuara në gazetari dhe publicistikë, me një karrierë të gjatë dhe ndikim në mediat shqiptare.

The post Ndarja papritur nga jeta e gazetarit Artur Zheji/ Nesër zhvillohen homazhet në Universitetin e Arteve të Bukura appeared first on Albeu.com.

Historiani Auron Tare, u shpreh për News24 se i ndjeri është një personazh që rrallë i vjen një shoqërie, ndërsa theksoi se është një nga koleksionistët më të mëdhenj në Ballkan dhe më unikalët në Europë.

“Nuk është kollaj të flasësh në këtë ditë, por unë dhe miqtë e ngushtë tij kemi vendosur ta kujtojmë duke qeshur e duke treguar histori humori. Mendoj se ishim me fat që Lamja ishte pjesë e jetës sonë private dhe publike. I kujtojmë me humor të gjitha betejat dhe debatet që ziheshim, pasi në fund sërish e merrnim në telefon njëri tjetrin.

Lamja është një personazh që rrallë i vjen një shoqërie.

Është një koleksionistët më të mëdhenj në rajon dhe unikal në Europë në lidhje me atë që ka koleksionuar.

Ai donte që koleksioni i tij t’i mbetet popullit shqiptar”, tha Tare.

Ai ka theksuar se Lame nuk e mendoi kurrë që nuk do të vinte, sepse deri në ditën e fundit jepte porosi në lidhje me muzeumin.

The post Homazhet në nder të Artan Lames/ Auron Tare: Nuk e mendoi kurrë që mund të mos kthehej më në Shqipëri, një nga koleksionistët më unikalë në Europë appeared first on Albeu.com.

Pak minuta më parë, ka folur i biri i saj, aktori Ndriçim Xhepa, i cili ka thënë se e ëma e tij e mbylli ashtu siç e donte Zoti.

Ai ka thënë gjithashtu, se ajo deri pak kohë para se të ndërronte jetë, e kishte një dëshirë të brendshme për të bërë një film, pavarësisht se nuk kishte mundësi fizike.

“Të jem i sinqertë, çfarë porosish mund të jepte. Kreu jetën e saj në mënyrë normale, pavarësisht se pati disa probleme tani javët e fundit të karakterit shëndetësor, të karakterit të pulmoneve. Edhe lodhjet e vetë viteve bëjnë të vetën, normale. Por ajo kishte një natyrë të vetën të çuditshme që kur binte muhabeti në momente të shkëputura, e thoshte që për në skenë nuk kam mundësi më.

Kurse te filmi e kishte një dëshirë që të bënte diçka tjetër. Por them se e mbylli ashtu siç e deshte Zoti, që roli i fundit që bëri me Spartak Pecanin në Bolero në vilën e Pleqve, sikur përkoi edhe me jetën ashtu siç erdhi edhe finalja e mbylljes së jetës së saj.

Mesa duhet kjo ishte edhe perdja e jetës që mbylli, si perdja e skenës. Por rëndësi ka mënyra sesi po respektohet sot, nga figura të ndryshme, por edhe pafund njerëz që janë publiku i atyre që ajo ka lënë në skenë. Kjo është kënaqësia më e madhe që mund të marrin vetë familjarët, por edhe ajo në shpirtin e saj që sot largohet nga kjo botë”, tha Ndriçim Xhepa.

The post Homazhet për aktoren Margarita Xhepa/ I biri zbulon “pengun” e fundit: Kishte dëshirë të bënte edhe një film appeared first on Albeu.com.

Artistja shqiptare ndërroi jetë dje (3 prill) një ditë pasi festoi 91-vjetorin. Margarita Xhepa, u shua në një spital privat në Tiranë, ku ishte shtruar për shkak të disa problemeve pulmonare.

Aktorja u lind më 2 prill të vitit 1932, në qytetin e Lushnjes, prej ku nisi edhe hapat e parë drejt karrierës së saj.

Një nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani.

Nga viti 1950 u aktivizua si artiste probiste në Teatrin Popullor dhe njëkohësisht studioi në Liceun Artistik, dega e Dramës.

Ka krijuar mbi 150 role në teatër, midis të cilëve mund të përmendim; Majlindën tek shfaqja “Majlinda”, Dafina tek Lumi i vdekur, Filja tek Cuca e maleve, Zonja Mëmë tek Kush e solli Doruntinën, Nëna tek Përballë vetes etj.

Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.

Në rolet e tjera nga dramaturgjia botërore spikasin Klea tek Dhelpra dhe rrushtë, Lena tek Xhaxha Vanja, Ledi Milford tek Luiza Miler, Zonja Berling tek Vizita e inspektorit, Zonja Lomen tek Vdekja e një komisioneri, Ana Andrejevna tek Revizori, Marsela tek Qeni i kopshtarit, Mashenka tek Mashenka, Shejla tek Morali i zonjës Dulska, apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.

Veç roleve në teatër, aktorja ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E.

Musliun, Rrethi i kujtesës dhe Vitet e pritjes, me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s’erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.

Në vitin 1997, interpretoi në filmin grek “Mirupafshim”. Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

Në maj të vitit 2004, u rikthye në skenën e Teatrit Kombëtar për të shkëlqyer në dramën “Streha e të harruarve”, një tjetër sukses në karrierën e saj 50-vjecare.

The post Mbahen sot homazhet për ikonën e kinematografisë shqiptare Margarita Xhepa appeared first on Albeu.com.

Në fjalën e tij, kryeministri grek tha se mungesa e Kryepeshkopit do të jetë e pazëvendësueshme, jo vetëm këtu në vendin e tij, por edhe në të gjitha vendet e tjera.

Mitsotakis: Guximi dhe shpresa ishin dy busulla orientuese që e drejtonin Kryepeshkopin në këtë rrugëtim. Në këtë madhështie ne përulemi. Kryepeshkopi i Tiranës, i Durrësit dhe i gjithë vendit ishte një intelektual i besimit, por edhe një shërbyes i thjeshtë për njeriun që kishte në krah. Ka qenë një shembull i ndriçuar i angazhimit të tij. Mungesa e tij do të jetë e pazëvendësueshme, jo vetëm këtu në vendin e tij, por në të gjitha vendet e tjera.

The post Homazhet për Janullatos, Mitsotakis: Mungesa e Kryepeshkopit do të jetë e pazëvendësueshme appeared first on Albeu.com.

Gjatë gjithë natës kisha ka qëndruar hapur për homazhe, ku qindra besimtarë i japin lamtumirën e fundit kryepeshkopit Anastas.

E njëjta gjë do të vijojë edhe ditën e sotme, ndërsa ceremonia mortore do të mbahet nesër në orën 11:00, pas mbarimit të Liturgjisë Hyjnore.

Klerikët do të mbajnë meshë përshpirtjeje me turne e pa ndërprerje deri nesër, kur trupi i Kryepeshkopit do të vendoset për t’u prehur përjetësisht në një ambient të posaçëm brenda Kishës, një amanet i lënë prej tij.

Në ceremoninë mortore të 30 janarit, priten në kryeqytetin shqiptar të vijnë figurat më të larta të klerit në botë, dhe jo vetëm ato të Kishës Ortodokse.

Nga Vatikani pritet një delegacion i gjerë i drejtuar nga Sekretari i Shtetit, Pietro Parolin. Konfirmohet pjesëmarrja e Kryeministrit grek, Mitsotakis me një delegacion të gjerë nga Athina, përfshirë 5 ministra të kabinetit të tij qeveritar.

Është konfirmuar pjesëmarrja e Patriarkut të Kostandinopojës, Bartolomeu; Patriarkut të Izraelit Theofili i Jerusalemit; Kryepeshkopit të Greqisë Jeronimi; Patriarku i Qipros, i Aleksandrisë; i Bullgarisë, i Rumanisë etj.

Gjithashtu në ceremoni priten Kryepeshkopi dhe klerikë nga Polonia, Drejtues të “Saint Egidio” në Itali; delegacion nga Këshilli Botëror i Kishave (institucion që përfshin të gjitha kishat, katolike, protestante apo ortodokse), përfaqësues nga unioni ‘Fetë për Paqen’, një delegacion nga kishat e Shteteve të Bashkuara të Amerikës etj.

The post Vijojnë homazhet në Katedrale për Kryepeshkopin Anastas/ Nesër në Tiranë delegacion nga e gjithë bota e krishterë appeared first on Albeu.com.