Përpos personaliteteve të larta që kryen homazhe në nderim të tij, miqve, bashkëpunëtorëve, dhe përfaqësuesve të shqiptarëve të Kosovës, Maqedonisë dhe Malit të Zi, në këtë ceremoni kishte edhe politikanë të lartë shqiptarë që munguan.

I pari në listë është kryeministri i vendit, Edi Rama, cili ndodhet në një vizitë zyrtare në SHBA, nga prej ku do të kthehet ditën e nesërme, për të zgjedhur presidentin e ri të vendit.

Nga ana tjetër në këtë ceremoni mungoi dhe ish-kreu i PD-së Lulzim Basha, i cili mësohet se ndodhet në një vizitë pune jashtë vendit, por e cila mbetet ende e paspecifikuar.

Në homazhe nuk u pa as kreu i Bashkisë së Tiranës, Erion Veliaj./albeu.com

The post Homazhet për Bujar Nishanin, pse mungoi Rama dhe Basha appeared first on Albeu.com.

Meta e nderoi ish-presidentin me fjalë vlerësuese dhe e falënderoi për modelin që ai solli si shtetar, politikan, familjar dhe qytetar.

“Familjarë të presidentit Nishani. E nderuar kryetare e Kuvendit Lindita Nikolla. Të nderuar ish presidentë, ish kryetarë të Kuvendit dhe ish kryeministra të Shqipërisë dhe Kosovës. Të nderuar udhëheqës politikë nga Shqipëria, Kosova, Maqedonia, Mali i Zi që na keni nderuar sot. Të nderuar ambasadorë. Të dashur miq dhe bashkëpunëtorë. Faleminderit për praninë tuaj sot për t’i dhënë lamtumirën Bujar Nishanit.

Fundi i papritur lë plot pengje për mundësitë e humbura, për ato që nuk u thanë dhe ato që nuk u bënë dot. Dhimbja e bën të vështirë gjetjen e fjalëve që mund të kurojnë këto plagë njerëzore. Ai qe i rrethuar nga dashuria e familjes së prindërve dhe asaj që krijoi më pas me Odetën. Për presidentin Bujar Nishani këto ditë ka pasur vlerësime mëse të merituara. Kanë folur bashkëpunëtorët, miqtë, dashamirësit. Kanë folur shqiptarët edhe miqtë e Shqipërisë. I ardhur në politikë nga FA, ai solli virtytet më të mira të ushtarakëve në jetën politike dhe institucionale të vendit.

Ai e shihte politikën si art dhe besonte se ishte instrument për të sjellë ndryshime. Ai besonte te demokracia dhe shteti ligjor. Presidentit Nishani i peshonte fjalë. Ai çmohej për thjeshtësinë në komunikimin publik. Do mbahet mend për qetësinë, forcën e argumentit. Si kryetar i shtetit ai punoi me përkushtim të radhë në mbrojtje të kushtetutës. Ai punoi për të forcuar frymën e tolerancës dhe bashkëjetesës fetare në vend. Ai besoi deri në fund te demokracia.

Si president në 100 vjetorin e shtetit shqiptar ai mëshiroi këto parime. Ai ushqente një dashuri të veçantë për Kosovën. Presidenti Nishani pati bashkëpunim me faktori politik shqiptar në rajon. Ai diti të vendosë ekuilibrat në marrëdhëniet institucionale dhe vëllazëror. Sot në ditën e lamtumirë e falenderojmë për modelin që ai solli si shtetar, politika, familjar dhe shtetar dhe shembullor. I paharruar ish presidenti Bujar Nishani”, tha Meta./albeu.com

The post Homazhet, Meta: Bujar Nishanit i peshonte fjala, punoi me përkushtim për mbrojtjen e Kushtetutës appeared first on Albeu.com.

Politikanë dhe figura të njohura po kryejnë homazhe. Ka qenë kreu i Grupit Parlamentar i PS-së Taulant Balla, ai që është prononcuar për mediat pas homazheve. Ai u shpreh se Nishani ka qenë një shtetar i respektuar

“Bashkë me kolegë, ministra e deputetë, kemi qenë sot në Presidencë për të dhënë lamtumirën e fundit një shtetari të respektuar si Bujar Nishani. Unë kam pasur mundësinë të punojmë së bashku edhe si kundërshtarë politikë në Kuvend, jemi zgjedhur të dy njëkohësisht më 2005. Do ruaj gjithmonë respektin për Bujar Nishanin si kundërshtar, por natyrshëm edhe si një personalitet i respektuar, që erdhi nga fusha ushtarake, por që diti të tregojë disa herë me radhë respektin ndaj kushtetutës dhe institucioneve të vendit. Gjatë ushtrimit të tij të detyrës si President, Nishani pati momentet e duhura kur tregoi respektin ndaj Kushtetutës dhe institucioneve. I shpreh, bashkë me kolegët e mi të PS, ngushëllimet më të sinqerta. Nuk qe e shkruar që Bujari t’ia kalonte edhe njëherë një beteje për jetën, por vlerësimi mbetet maksimal”, tha Balla.

Edhe ish-presidenti Bamir Topi ka folur për mediat, ku tha se Nishani la mbrapa një vepër shumë komplekse se ka qenë aktivist politik por edhe detyra të rëndësishme në 2 kabinete sinjifikative dhe si kryetar shteti.

“Për më tepër kur largohet në një moshë te të duke lënë hidhërim të fortë familjes dhe miqve të tij. Nishanin e kam njohur 22 vite më parë dhe fati e solli pastaj që vit pas viti të jemi bashkë. Ai la mbrapa një vepër shumë komplekse se ka qenë aktivist politik por edhe detyra të rëndësishme në 2 kabinete sinjifikative dhe si kryetar shteti. E mbaj mend kur I dorëzova detyrën në 2012. I lehtë i qoftë dheu”, tha Topi./albeu.com

The post Homazhet për Nishanin, Balla: Nuk qe e shkruar të jetonte më gjatë, do të ruaj gjithmonë respekt për të appeared first on Albeu.com.