Sekretari i Përgjithshëm i Partisë Demokratike, Flamur Noka, e cilësoi këtë ditë si një kujtesë të betejës dhe qëndresës, duke bërë thirrje për mbështetjen e protestave kundër qeverisjes së Edi Ramës.

“Më shumë se kurrë është motiv, është motiv për t’u përballur me një regjim që tashmë është regjimi i krimit dhe i korrupsionit, me narko-regjimin e Edi Ramës. Azem Hajdari sot bën apel, që ka vetëm një rrugë për të rrëzuar këtë regjim. Dhe ajo rrugë është përballja, qëndresa, beteja me ta, kryengritja, është rruga e vetme për të rrëzuar regjimin”, deklaroi Noka.

Azem Hajdari, deputet i Partisë Demokratike, u vra në mbrëmjen e 12 shtatorit 1998, pranë selisë së PD-së në Tiranë. Ngjarja është cilësuar nga demokratët si një “vrasje politike” dhe konsiderohet ndër episodet më të rënda të asaj periudhe.

The post 28 vite nga ekzekutimi i Azem Hajdarit, familjarët dhe drejtuesit e PD-së nderojnë kujtimin e tij appeared first on Albeu.com.

Grupi Parlamentar i Partisë Demokratike të Kosovës zhvilloi homazhe pranë Memorialit të Personave të Zhdukur me dhunë gjatë luftës së fundit në Kosovë.

Përmes një reagimi të publikuar në rrjetet sociale, PDK-ja shprehu nderim për të gjithë ata persona, fati i të cilëve vazhdon të jetë i paqartë, si dhe solidaritet me familjet që prej më shumë se dy dekadash presin lajme për të afërmit e tyre.

Partia theksoi se procesi për gjetjen e personave të zhdukur dhe vendosjen e drejtësisë duhet të vijojë pa u ndalur, deri në identifikimin e secilit prej tyre.

“E vërteta, drejtësia dhe kujtesa janë detyrim i përhershëm i yni”, thuhet në reagimin e PDK-së.

The post PDK nderon të zhdukurit e luftës: Zbardhja e fatit të tyre mbetet detyrim appeared first on Albeu.com.

Institucionet e Kosovës dhe familjarët e personave të zhdukur u mblodhën sot në Kalludër të Zubin Potokut, për të nderuar viktimat në Ditën Ndërkombëtare të Viktimave të Zhdukjeve me Forcë, më 30 Gusht.

Vizita në lokacionin e varrit masiv u zhvillua si shenjë respekti për viktimat dhe solidariteti me familjet që prej më shumë se dy dekadash kërkojnë të zbardhin të vërtetën dhe të mësojnë fatin e të afërmve të tyre.

Në ceremoninë e homazheve morën pjesë familjarët e 23 personave të zhdukur, eshtrat mortore të të cilëve u gjetën në varrezat masive në Zubin Potok.

The post Familjarët e 23 të zhdukurve bëjnë homazhe te varreza masive në Kalludër appeared first on Albeu.com.

Në Prishtinë, Shoqata “Miqtë e Amerikës” zhvilloi sot homazhe kushtuar senatorit të ndjerë amerikan Lindsay Olin Graham.

Përmes këtij organizimi u vlerësua kontributi i senatorit në avancimin e çështjeve me rëndësi për Shtetet e Bashkuara, si dhe miqësia e tij me Kosovën.

Kreu i shoqatës, Agim Rexhepi, deklaroi se ky nderim përfaqëson minimumin që mund të bëhet. Ai shprehu optimizëm se, në të ardhmen, institucionet e vendit do të marrin nisma më të mëdha për të vlerësuar mbështetjen e Shteteve të Bashkuara.

Rexhepi bëri të ditur se, në shenjë respekti për veprimtarinë e senatorit, dje dhe sot janë shpërndarë disa dhurata. Ato përfshinin një kartolinë dhe një fletëpalosje me aktivitetet e Shoqatës “Miqtë e Amerikës”, si dhe një sasi posterësh, poster-kartolinash në formatin A5 dhe materialesh në formatet A5 e A4.

Sipas tij, kjo ishte më e pakta që populli i Kosovës, përkatësisht populli shqiptar, mund të bënte për senatorin Lindsay Olin Graham.

Ai kërkoi gjithashtu falje që, në nderim të senatorit, nuk ishte bërë e mundur ulja e flamurit amerikan në gjysmë shtizë.

Rexhepi shpjegoi se në vitet e mëparshme flamuri amerikan ishte ulur në gjysmë shtizë për personalitete dhe senatorë të tjerë. Në shkurt, me propozim të protokollit të shtetit, ai kishte kërkuar që shoqata të merrte përsipër organizimin dhe uljen e flamurit në gjysmë shtizë, por ishte pajtuar menjëherë që këto çështje duhej të merreshin parasysh nga shteti. Për këtë arsye, shoqata nuk kishte mundur të vepronte për uljen e flamurit.

Gjatë homazheve u theksua se senatori amerikan Lindsay Olin Graham kishte një rol dominues në Shtetet e Bashkuara të Amerikës në hartimin e politikave dhe ligjeve, në krijimin e momenteve, si dhe në avancimin e interesave amerikane në politikë dhe gjeopolitikë.

Në ceremoni morën pjesë edhe pjesëtarë të Policisë dhe të Zjarrfikësve, të cilët nuk pranuan të flisnin për mediat.

The post Rexhepi nderon senatorin Lindsey Graham: Minimumi që mund të bëjë populli i Kosovës appeared first on Albeu.com.

Në Ditën Përkujtimore të policëve që humbën jetën në shërbim, ushtruesja e detyrës së Presidentes, Albulena Haxhiu, së bashku me kryeministrin në detyrë Albin Kurti dhe anëtarët e kabinetit qeveritar, kryen homazhe te Lapidari i policëve të rënë.

Haxhiu theksoi se themelet e lirisë, sigurisë dhe sovranitetit të vendit mbështeten edhe në flijimin e efektivëve që u vranë gjatë ushtrimit të detyrës.

Ajo vuri në dukje se mes 24 policëve të përkujtuar, të cilët dëshmuan besnikëri ndaj Republikës së Kosovës dhe popullit të saj, figurojnë edhe emrat e Enver Zymberit dhe Afrim Bunjakut. Sipas saj, këta të fundit ranë në përpjekje për të mbrojtur tërësinë tokësore, rendin kushtetues dhe pavarësinë e shtetit.

“Sot kujtojmë se liria, siguria dhe sovraniteti i shtetit tonë u ngritën edhe mbi sakrificën e policëve të rënë në detyrë, të cilët dhanë gjithçka, edhe jetën e tyre, për Kosovën dhe qytetarët e Republikës tonë. Lavdi jetës dhe veprës së tyre! Lavdi sakrificës sublime të tyre”, përfundoi ajo.

The post Homazhe në nder të policëve të rënë nga udhëheqësit shtetërorë appeared first on Albeu.com.

Buzë deti, të afërmit e gazetarit kanë hedhur lule dhe kanë nderuar kujtimin e tij shumë të dashur për vlonjatët dhe jo vetëm.

Ndërkohë, buzë deti është vendosur dhe një shkrim me emrin e tij.

Kujtojmë se Mehmeti humbi jetën mbrëmjen e së shtunës, në një aksident me motor në zonën e Zvërnecit.

Ikja e parakohshme e kolegut Enrik Mehmeti është një humbje e madhe për familjen, miqtë dhe komunitetin e gazetarëve. Enrik Mehmeti la pas bashkëshorten dhe 2 fëmijët.

The post Humbi jetën në aksidentin tragjik, homazhe në Vlorë për gazetarin Enrik Mehmeti appeared first on Albeu.com.

Ndërsa përcjellja e gazetarit për në banesën e fundit do të bëhet në orën 14:00.

Pasioni për gazetarinë që fëmijë, rrugëtimi i Enrik Mehmetit në 20 vite karrierë!

I apasionuar pas Lajmit të Fundit, por u bë lajmi më i pabesueshëm dhe më i trishtë për këdo që pati fatin ta njohë, të bisedojë dhe të punojë me të, Enrik Mehmeti la pas një karrierë të gjatë e të begatë në median e shkruar e vizive.

Ai iu bashkua Neës24 që në ditët e para të themelimit të televizionit, duke raportuar me përkushtim dhe profesionalizëm për ngjarjet e ndodhura në qytetin e Vlorës, nga kronika e zezë, operacionet e bujshme policore, problematikat sociale, turizmi etj., duke lënë pas një humbje të madhe për familjen mediatike Focus Media Group.

Me guxim të jashtëzakonshëm që kur ishte fëmijë, në plumbat që vërshëllenin pranë tij në vitin famëkeq 1997, Enrik Mehmeti asokohe vetëm 11-vjeç iu bashkua kampit misionar “Alba” si përkthyes, duke u bërë kështu zëri i të pamundurve.

Në guximin e fëmijës, të burrëruar ende pa u rritur, Enrik Mehmeti siç ka deklaruar më parë, kuptoi se gazetaria ishte misioni i tij i jetës, duke rendur jo thjesht në kërkim të lajmit, por lajmi ndodhte atje ku ai ishte, në kohë reale.

Me vendosmërinë si forcë të karakterit të tij dhe fjalën si mjetin më të fuqishëm të gazetarit, ai iu bashkua si korrespondent edhe televizionit “Rai” në Itali, duke transmetuar drejtpërdrejt ngjarje nga Shqipëria.

Largimi i parakohshëm nga jeta, është një humbje e madhe për komunitetin e gazetarëve, humbje për Vlorën e vlonjatët, për të cilët u bë zëri i munguar dhe imazhi që i përfaqësonte!

The post Humbi jetën tragjikisht në aksident, homazhet për gazetarin Enrik Mehmeti mbahen në Teatrin “Petro Marko” në Vlorë appeared first on Albeu.com.

Homazhet do të nisin në orën 10:00 dhe do të vijojnë deri në 12:00. Në këtë ditë zie dhe respekti, familjarë, miq, kolegë dhe qytetarë do t’i japin lamtumirën e fundit efektivit të shpallur “Dëshmor Atdheu”.

Familja e efektivit kërkoi që të mos varroset në Varrezat e Dëshmorëve siç e parashikon statusi, por në fshatin e tij.

“Homazhet në nderim të Dëshmorit të Atdheut, Enea Mekolli, do të mbahen pranë Qendrës Kulturore Pogradec, nga ora 10:00 deri në 12:00. Në këtë ditë zie dhe respekti, familjarë, miq, kolegë dhe qytetarë do t’i japin lamtumirën e fundit birit të devotshëm që ra në krye të detyrës, duke shërbyer me përkushtim ndaj rendit, sigurisë dhe atdheut. Përcjellja për në banesën e fundit do të zhvillohet në orën 14:00, në fshatin Blacë. Qoftë i përjetshëm kujtimi i tij dhe i paharruar sakrifica në shërbim të vendit. Lavdi Dëshmorit të Atdheut, Enea Mekolli!”, thuhet ne njoftim.

Efektivit i forcave Shqiponja, u vra një ditë më parë gjatë në operacioni për arrestimin e të kërkuarit Violand Braçellari në Maliq, ndërsa i plagosur mbeti kolegu i tij, Edison Adri, i cili ndodhet i shtruar në spitalin e Traumës.

Ai u qëllua për vdekje me kallashnikov nga 43-vjeçari gjatë një skëmbimi zjarri me policinë. I plagosur mbeti edhe vetë autori. 43-vjeçari Braçellari ndodhej prej vitesh në kërkim pasi ishte dënuar për lëndë narkotike.

The post U vra në krye të detyrës, mbahen sot homazhet në nderim të efektivit të “Shqiponjave” Enea Mekolli appeared first on Albeu.com.

Në homazhe kanë marrë pjesë politikanë, figura të njohura, të cilët kanë vlerësuar shembullin dhe figurën e Pëllumbit në politikën shqiptare.

Arkmorti mbërriti në sheshin Skënderbej, në orën 09:00 dhe u vendos në hollin e Teatrit të Operas dhe Baletit.

The post U nda nga jeta në moshën 89-vjeçare/ Homazhe për ish-kreun e Kuvendit, politika nderon Servet Pëllumbin (VIDEO) appeared first on Albeu.com.

Arkmorti do të mbërrijë në sheshin Skënderbej në orën 09:00 dhe më pas do të vendoset në hollin e Teatrit të Operas dhe Baletit.

Homazhet në nder të Pëllumbit, do të nisin në orën 09:30 dhe në orën 12:00 do të mbahen homazhet zyrtare.

Në orën 12:30 do të nisë ceremonia e përcjelljes, ndërsa do të mbahen dy fjalime. Shoqërimi do të behet sipas protokollit shtetëror, ndërsa nisa për në varrezat e Sharrës do të jetë në orën 13:00.

Pëllumbi është një nga themeluesit e Partisë Socialiste dhe ish-kryetar i Kuvendit. Ai është konsideruar një nga figurat më me integritet që pas viteve ’90.

Servet Pëllumbi, ka lindur në Korçë dhe pas viteve 90, ai ka kandiduar në këtë zonë elektorale. I ndjeri ka kryer studimet e larta në Universitetin e Petersburgut dhe është titulluar atje doktor i shkencave në Letërsi.

Nga viti 1960 – 1963, ai ka qenë pedagog në Institutin Pedagogjik në Korçë dhe më pas e ka ushtruar këtë profesion deri më 1977.

Që nga ky vit, politikani është zgjedhur anëtar i Komitetit Drejtues së Partisë së Punës, teksa për gati tre vite ka qenë pedagog në Universitetin e Tiranës.

Ndryshimet demokratike në vitin 1990, e pozicionuan Servet Pëllumbin në postin e nënkryetarit të PS, post që e mbajti deri në vitin 1996.

Ai ka udhëhequr fushatën e socialistëve, për të kundërshtuar referendumin për Kushtetutën dhe më pas fushatën për lirimin e Fatos Nanos nga burgu.

Njihet si një nga deputetët më jetëgjatë të Kuvendit të Shqipërisë, me pjesëmarrje aktive në komisionet e ndryshme parlamentare.

The post U shua në moshën 89-vjeçare, sot homazhe për ish-kreun e Kuvendit, Servet Pëllumbi appeared first on Albeu.com.