Ai ende është pa një ekip, por kohët e fundit disa klube janë interesuar për të. Trajneri i Danimarkës, Kasper Hjulmand është shprehur rreth situatës së Eriksen-it.

“Unë shpesh diskutoj me Eriksenin për situatën e tij aktuale. Ai është duke punuar shumë që të rikthehet në fushën e lojës për të treguar magjinë e tij.

Jam i sigurt se ai do të rikthehet shumë shpejtë në fushën e blertë. Eriksen mund të luajë në të gjitha skuadrat në botë nëse i rikthehet formës së tij të mëparshme.

Nëse ai gjenë një ekip dhe fillon të luajë, Eriksen do të thirret për Kupën e Botës”, këto kanë qënë fjalët e trajnerit të kombëtares daneze./ h.ll/albeu.com

The post A do të luajë Eriksen në Kupën e Botës? Hjulmand shuan dyshimet appeared first on Albeu.com.

“Tre Luanët” fituan me rezultatin 2-1 në vazhdime ku golin e fitores për Anglinë e realizoi Harry Kane pasi humbi penalltinë por shënoi nga topi i kthyer.

Pas ndeshjes, Hjulmand u shpreh i zhgënjyer me disfatën por theksoi se ishte krenar me futbollistët e tij.

“Natyrisht jam i zhgënjyer që nuk arritëm të shkojmë në finale, dhe rrethana të ndryshme gjatë takimit bënë që ne të mos marrim hapin e fundit”, tha ai.

“Ajo çfarë kanë bërë djemtë është thjesht fantastike”, shtoi ai.

“Mënyra sesi luajnë futboll, duke sulmuar dhe duke shënuar gola ka qenë mbresëlënëse”, tha Hjulmand.

“Lojtarët dhanë gjithçka nga vetja e tyre, brenda dhe jashtë fushës, jam vërtet krenar me ta”, përfundoi Kasper Hjulmand.

The post Hjulmand: Zhgënjim i madh pasi nuk arritëm në finale appeared first on Albeu.com.

“Gjatë këtyre tre javëve të fundit kam përjetuar më shumë emocione sesa përgjatë gjithë jetës time. Ka qenë me të vërtet të çmendura. Ne u përballëm me vdekjen në një mënyrë në një mënyrë që kurrë nuk e kisha menduar dhe imagjinuar. Ne për pak sa nuk humbëm, lojtarin tonë më të mirë, shokun tonë më të mirë, zemrën e skuadrës. Situata që përjetuam me Christian Eriksen na dha forcë për të vazhduar përpara me më shumë besim dhe për fatin tonë mirë në 3 ndeshjet e fundit kemi zhvilluar një futboll fantastik që na ka sjellë këtu ku jemi. Unë jam shumë i lumtur për mbështetjen dhe dashurinë që na përcjellë populli danez dhe për këtë duam t’ua shpërblejmë. Tani vëmendja jonë shkon te sfida ndaj Anglisë në të cilën do të kërkojmë të marrim maksimumin edhe pse objektivin tonë kryesor në këtë Europian e kemi arritur”.

Sipas Hjulmand të 4-ta skuadrat që do të duelojnë në gjysmëfinalet e Euro 2020 kanë filozofinë e tyre të lojës përfshirë edhe Danimarkën.

“ Ne nuk kemi frikë nga Anglia por mendoj që edhe ata nuk kanë frikë nga ne. Nuk mendoj që Anglia ka ndonjë pikë të dobët, por unë jam i bindur që ndaj çdo rivali në këtë Europian mund të gjesh hapësira për të pasuar topin, për të sulmuar dhe për të shënuar. Megjithatë Anglia është një skuadër e kompletuar dhe mendoj se ndaj tyre misioni ynë për t’u kualifikuar do të jetë shumë i vështirë”.

The post Prag ndeshja me Anglinë, Hjulmand: Pamë vdekjen me sy, luajmë pa frikë appeared first on Albeu.com.