Ekspertët thonë se kontrollet te dentisti janë shumë të rëndësishëm për diagnostifikimin e hershëm të Hiv/Aids.

Federata Helene e Stomatologjisë, ka bërë thirrje për kontrolle sa më të shpeshta tek mjekët specialist për të kapur në kohë Hiv-Aids-in.

Sipas tyre kur shumë raste me Hiv-Aids nuk dihen ende dhe pacientët nuk janë të vetëdijshëm se janë të prekur prej tij, identifikohen gjatë vizitës te stomatologu.

“Monitorimi nga afër i pacientëve dhe bashkëpunimi i stomatologut me mjekët që kujdesen për pacientët HIV pozitiv është i domosdoshëm”, shprehen ata./albeu.com/

The post Ekspertët: Kontrollet e shpeshta te dentisti kapin në kohë sëmundjen e Hiv/Aids appeared first on Albeu.com.

Më poshtë do të gjeni gjashtë të famshëm që vdiqën nga SIDA:

Fredi Mercury

Ylli absolut, sipas partnerit të fundit të jetës së tij, Jim Hutton, u diagnostikua me SIDA, në fund të prillit 1987. Megjithatë, diçka që ai nuk e përmendi kurrë publikisht, ndërsa u vonua t’ua tregonte anëtarëve të tjerë. Grupi, siç kishin raportuar ata vetë. Më 23 nëntor 1991, këngëtari më në fund e publikoi, 48 orë para se të ndahej nga jeta, në moshën 45-vjeçare.

Rudolf Nureyev

Balerini dhe koreografi i njohur rus nuk e fshehu se ishte gay. Ai u infektua me virusin HIV dhe vdiq nga SIDA më 6 janar 1993, në moshën 55-vjeçare.

Brad Davis

Ai ishte më i njohur për rolin e tij kryesor në filmin e vitit 1978 The Midnight Express, për të cilin fitoi një Golden Globe për debutimin e tij si aktor dhe gjithashtu u nominua për një BAFTA. Në vitin 1991, megjithatë, në moshën 41-vjeçare, ai vdiq nga mbidoza e qëllimshme e drogës, pasi vuante edhe nga SIDA dhe donte t’i jepte fund jetës së tij në mënyrën e tij. Ai ishte i martuar me Susan Davis dhe kishin një fëmijë.

Anthony Perkins

I njohur për rolin e tij në filmin “Psycho” të Alfred Hitchcock-ut, ai u rrethua nga aktorë si Brigitte Bardot dhe Jane Fonda, por u martua me Berry Berenson, me të cilin pati dy djem. Sidoqoftë, u përfol se ajo kishte një lidhje të shkurtër me Rudolf Nureyev. Aktori i njohur ndërroi jetë në moshën 60-vjeçare, në shtëpinë e tij në Los Angeles nga SIDA, ndërsa gruaja e tij u vra më 11 shtator 2001, teksa po hipte në një prej avionëve që u përplasën me Kullat Binjake.

Billy Bo

Stilisti i famshëm grek i modës, Vassilis Kourkoumelis, ishte i pari grek i famshëm që vdiq nga SIDA në qershor 1987. Ai kishte arritur të ngrejë dyqanin e tij të veshjeve në 5th Avenue në Nju Jork, por sëmundja i mori jetën në moshën vetëm 33 vjeç.

Klaus Nomi

Këngëtari gjerman, i dashur për zërin e tij të veçantë, vdiq më 6 gusht 1983 në Qendrën Spitalore Sloan Kettering në Nju Jork, në moshën 39-vjeçare. Ai ishte një nga viktimat e para të njohura të SIDA-s. Klaus Nomi kishte kënduar në “Punk Operat”, ndërsa është bërë i njohur për performancën e tij të shkëlqyer, “Total Eclipse”./abcnews.al

The post Dita Botërore e SIDA-s, 6 të famshmit që humbën betejën me sëmundjen (FOTO LAJM) appeared first on Albeu.com.

Çfarë është HIV?

Virusi i imunodefiçencës humane (HIV) shkakton një infeksion që mund të shkaktojë sindromën e imunodefiçencës ose SIDA. SIDA konsiston në një dobësim të sistemit imun që mund të çojë në infeksione fatale dhe kancer.

Si transmetohet HIV?

HIV mund të transmetohet nga lëngjet trupore, nga gjaku i një personi të infektuar, nga qumështi i gjirit, por jo nëpërmjet pështymës. Mendohet se HIV transmetohet më shumë nga marrëdhëniet seksuale të pambrojtura anale dhe vaginale. Praktikimi i seksit të sigurt mund t’ju mbrojë nga HIV dhe SST.

A ka një kurë për HIV?

Nuk ka ende një kurë për HIV, por përparimi në mjekësi 30 vitet e fundit ofron mundësinë për të pasur një jetë jo të kufizuar. Trajtimet për HIV dhe AIDS ulin sasinë e virusit HIV në trup dhe forcojnë sistemin imunitar. Terapia Antiretrovirale (ART) përfshin kombinimin e mjekimeve të përditshme për të parandaluar virusin të shtohet. Ato nuk mund ta “vrasin” virusin, por mund të parandalojnë avancimin e SIDA-s. Një kombinim i mjekimeve përdoruet për shkak se virusi mund të përshtatet dhe të bëhet rezistente ndaj disa trajtimeve.

Në fillim të nëntorit doli lajmi se një grua në Argjentinë thuhet se u bë personi i dytë i njohur në botë, sistemi imunitar i së cilës me sa duket e kishte “shëruar” virusin HIV.  Ajo, është personi i dytë i raportuar se ndoshta ka shmangur virusin në mënyrë natyrale – duke fshirë përfundimisht çdo shenjë të HIV-it aktiv – pa ndihmën e terapive mjekësore si transplantimi i qelizave staminale. E para ishte një grua nga Kalifornia, Loreen Willenberg, e cila tani është 67 vjeç. Ajo u diagnostikua me HIV në 1992 dhe sistemi i saj imunitar me sa duket kryente të njëjtin funksion të eliminimit natyral të HIV-it.

Sidoqoftë, nuk ka ende një kurë përfundimtarë për HIV.

Emergjenca e trajtimit të HIV

Njerëzit që besojnë se mund të kenë qenë të rrezikuar nga infeksioni duhet të përpiqen të marrin mjekim për të parandaluar përhapjen e virusit në trup. Për të qenë sa më efektiv profilaksia pas ekspozimit ose PEP duhet të merret brenda 72 orëve nga kontakti me virusin.

Kujt mund t’i tregoni për HIV?

Ekziston akoma shumë stigmë për personat që janë diagnostikuar me SIDA. Kjo edhe për shkak të reklamave të më shumë se 30 viteve të fundit që e prezantojnë atë si “një rrezik për të gjithe”.  Të folurit rreth kësaj sëmundjeje është një proces i vështirë. Për këtë arsye janë krijuar grupe të ndryshme mbështetjeje për këta pacientë.

The post Dita Botërore kundër HIV/AIDS: Gjithçka duhet të dini për SIDA-n appeared first on Albeu.com.