Anila nuk e pëlqeu familjen e vajzës, megjithatë iu desh të pranonte vendimin e djalit.  Më 18 nëntor 2022 çifti bëri fejesën dhe më 18 dhjetor celebrimin. E gjithë historia e dashurisë, nga njohja e deri te martesa ndodhi brenda 10 muajve. Më pas Andi u kthye në SHBA dhe nisi menjëherë procedurat për bashkim familjar. Punonjësi në SHBA i kërkoi që vajza të hapte një llogari bankare rrjedhëse.

Andi: Pasi nisim procedurën për të bërë vizën, vajzës i duhej të shkonte në bankë që të hapte llogarinë dhe atje bën një gabim vajza. Nuk hap llogari të rregullt për të bërë pagesa, por hap llogari kursimesh. Tani…

Anila: Shfrytëzim,shfrytëzim!

Andi: Tani unë e pres vajzën, ka qenë ora 4 e mëngjesit në Amerikën, sa i takon të jetë në Shqipëri për të më dhënë njoftimin që e ka mbaruar…

Anila: Rrinte pa gjumë, priste vajzën, pa gjumë!

Andi: Të  më çonte numrin që të bëhej viza. E pres, nuk më shkruan. E marr në telefon, i them çfarë bëre? E bëra unë kartën, po mua më tha ai profesori që…

Ndërkohë Andi mban në dorë disa dokumente që rezulton të jetë urdhri i mbrojtjes që vajza ka marrë ndaj tij.

Eni Çobani: E gjithë kjo histori për 500 dollarë është bërë, 500 dollarë ke harxhuar ti për këtë?

Andi: Jo për 500 dollarë, thjesht se vajza ka thënë…

Anila: Vazhdojnë lekët t’i investojë djali im për të! Nuk është kjo! Sherri i divorcit që kërkoi ajo është 500 dollarëshi për shkollën që ajo…dhe akuzon djalin, mbaronte të mesmen dhe ky do t’ia vazhdonte shkollën që mos të shkëputej që këtej dhe i dërgoi 500 dollarë të kishte gjendje kjo dhe tani ajo në urdhrin e mbrojtjes i thotë që ti më ke kërcënuar për shkollë, je xheloz për shkollë!

Andi: S’është e vërtetë!

Anila: Kur unë jam një nënë që shkollën time dhe dijen time, jam shumë krenare që 9 fëmijë dhe nuk e kam vazhduar dot dhe e ka bërë djali im!

Andi: Pas kartës vajza fillon bëhet nervoze dhe thotë dua divorc!

Eni Çobani: Në çfarë date e kërkon divorcin se në 22 dhjetor u martove, kur ta kërkoi divorcin?

Andi: Dy javë më mbrapa, pasi kam ikur në Amerikë, dy javë më mbrapa dhe shkaku ka qenë për kartë banke, i kam thënë shko edhe njëherë ta rregullosh. Kjo tha nuk shkoj atje unë se do më thotë ja nuk di kjo si bëhen këto gjëra. Dhe më thotë unë nuk merrem me këto letra, me këto gjëra, a më jep divorcin? Dhe unë e kam pyetur, i kam thënë a je e sigurt që do të ndahesh se unë nuk jam martuar për t’u  ndarë. Meqenëse ti do që të ndahesh, atëherë më pago mua shpenzimet të vij nga Amerika në Shqipëri dhe të jap divorcin, ti në punën tënde, unë në punën time se unë nuk kam si vij për të të dhënë divorc ty./tvklan.al

The post Histori shqiptare, u martua me vajzën që njohu në instagram, pas 10 muajsh i kërkoi divorcin appeared first on Albeu.com.

Naxhija thotë se gjithçka do të zgjidhet dhe ashtu siç bëri edhe më herët, falenderon dhe duartroket sërish Eni Çobanin. Gjesti i saj nxit moderatorin e programit “E Diela Shqiptare në Tv Klan, Ardit Gjebrean që ta përmbyllë seancën e ndërmjetësimit me një reagim epik.

Eni Çobani: Që nesër do t’i drejtohemi hipotekës, e para për të parë se kush është statusi juridik i kësaj prone sot në Elbasan dhe e dyta, nëse nuk ka akoma certifikatë pronësie, do të fillojmë të bëjmë aplikimin siç bëhet me e-Albania normalisht, me një adresë të zonjës dhe do të shikojmë ç’përgjigje do të na vijë. Por nuk është vetëm kjo. Me Luljetën çfarë do të bëjmë?

Luljeta: Unë nuk e fal.

Eni Çobani: Që ti nuk e fal duket se erdhe deri këtu, por tani çfarë i kërkon  nëse kjo s’të fut në shtëpi, çfarë do bësh?

Luljeta: Unë kam hallin tim.

Eni Çobani: Do kërkosh paratë që shite shtëpinë?

Luljeta: Siç më ka premtuar do m’i kthejë lekët ajo. Ajo më premtoi.

Naxhije: Do kthehet zonja Eni, çdo gjë do kthehet, çdo gjë do shkojë në rrugën e duhur.

Eni Çobani: Do kthehet shtëpia jote apo paratë e Luljetës? Se më duket se s’po dëgjon mirë.

Naxhije: Edhe shtëpia ime do zgjidhet zonja Eni, faleminderit.

Eni Çobani: O zonjë, tani më fal se realisht më habit. Po tani, letrat i ke pasur në dorë.

Naxhije: Nuk i kam pasur në dorë zonja Eni, tani u gjetën. T’i kishim në dorë do ishin bërë me kohë e me vakt. Nuk kishim asnjë gjë.

Eni Çobani: Diçka nuk shkon.

Ardit Gjebrea: Mua më duhet ta mbyll dhe të them faleminderit zonja Eni!

Naxhije: Faleminderit zonja Eni!

“Bravo, faleminderit!”, Naxhija duartroket Eni Çobanin: Po bën shaka më duket!

Naxhija thotë se nuk e pranon dot motrën e saj, Luljetën në shtëpi për shkak të një problemi dokumentacioni. Kjo ka thyer premtimin e Naxhijes për të jetuar së bashku ndaj motrat konfliktohen nëë “Shihemi në Gjyq”.

Gjatë rubrikës së “E Diela Shqiptare” në Tv Klan, Naxhija rrëfeu se djalin e saj të parë ia ka dhuruar kunatës që ishte pa fëmijë. Me këtë djalë, ajo sot nuk gëzon marrëdhënie të mira dhe thotë se është arsyeja pse nuk mund ta mbajë premtimin ndaj së motrës.

Eni Çobani i shpjegon se nuk ka asnjë pengesë me dokumentacionin e shtëpisë pasi vërtetimi i faktit nga gjykata dhe leja e ndërtimit, të lëshuara që në vitin 1992 i përkasin bashkëshortit të Naxhijes. Djali i saj nuk është i regjistruar në emrin e prindërve biologjikë, por atyre adoptues megjithatë Naxhija vijon të refuzojë.

Eni Çobani: Moj çfarë problemi ke me djalin se unë nuk  e kuptoj tani? Ti i ke të tëra në emrin tënd. Këto janë të Muharrem Sinanajt. Djali nuk është djali i Muharrem Sinanajt. Është djali biologjik i Muharremit, por në fakt është djali i birësuar i një babai tjetër, me një mbiemër tjetër.

Ardit Gjebrea: Kam një pyetje. Pse zonja Naxhije ato që ju konsideroni dokumente, nuk i konsideron dokumente.

Naxhije: Këtë pyetje po i bëj edhe unë pra, këtë s’po kuptoj tani. Letrat janë me emrin Naxhije, ajo thotë s’kam letra. Kjo pra është. Tani ose këtu ka një qëllim, më vjen keq zonja Naxhije se jeni në moshë dhe ju respektoj për gjithë dhimbjen tuaj. Tani, ose keni një qëllim brenda vetes që këtë banesë me ndërgjegje doni t’ia lini këtij djali për shkak të asaj mungese dashurie që nuk keni arritur t’ia jepni në gjithë këto vite dhe po thoni këtu një gjë tjetër nga ajo që mendoni dhe është e drejta juaj t’ia jepni e t’ia dhuroni kujt të doni. Por në fakt këto letra dhe kjo shtëpi është e Muharrem Sinanajt. Pra, shtëpia dhe dyqani janë të Muharrem Sinanajt.

Naxhije: Bravo zonja Eni, bravo, faleminderit! (Naxhija duartroket). Bravo faleminderit!

Eni Çobani: Po bën shaka më duket. S’ka nevojë të duartrokasësh ti për këtë që them unë. Më vjen keq. Unë po them një të vërtetë, ju s’doni ta pranoni, por kjo është një e vërtetë. (I drejtohet Luljetës). Motra juaj është me letra. Do t’ia dhurosh djalit të birësuar? Thuaje këtu burrash dhe unë  prapë do të të shtrëngoj dorën se e ke djalë, e ke bërë ti. S’ke patur mundësi ta rritësh dhe tani ti ndien një mungesë, por kësaj motrës t’ia kishe thënë të vërtetën.

Eni Çobani shpjegon se pretendimi i Naxhijes për shtëpinë e vendosur në emër të djalit të saj të parë, mund të jetë për pronën e vjehrrit të ndjerë. Gjithsesi, fokusi është te vila dykatëshe ku jeton Naxhija e cila e ka dokumentacionin përkatës, por thjesht nuk është regjistruar.

Ardit Gjebrea: Po te shtëpia e re pse s’ka dokumente?

Eni Çobani: Sepse zonja nuk e ka regjistruar. Është dashur që këto dy dokumente, me një kërkesë dhe me një dëshmi trashëgimie të bashkëshortit, t’i drejtohej institucionit të kadastrës dhe të regjistronte pronën.

Ardit Gjebrea: Por mund ta bëjë?

Eni Çobani: Patjetër, patjetër! Po këtë do bëjmë!

Naxhije: Rrofsh moj zonja Eni, rrofsh moj zonja Eni! (Naxhija duartroket sërish).

Naxhija numëron fatkeqësitë: Fëmijën e parë ia dhurova kunatës, mbeta vejushë në moshën 28-vjeçare…

Luljeta ka sjellë  në “Shihemi në Gjyq” motrën e saj, Naxhijen për një premtim të pambajtur. Ajo ka shitur shtëpinë pasi Naxhija i kishte premtuar se do të jetonin bashkë në shtëpinë e saj, por kjo nuk është realizuar.

Gjatë debateve me motrën në rubrikën e programit “E Diela Shqiptare” në Tv Klan, Luljeta thotë se Naxhija i ka dhuruar kunatës fëmijën e saj të parë. Naxhija shpjegon se është martuar në moshën 15-vjeçare për t’u kujdesur për vjehrrën e sëmurë me sklerozë.

Kunata e saj ishte e martuar, por pa fëmijë dhe ndaj bashkëshorti i Naxhijes vendos që t’ia dhurojë asaj djalin e tij të parë.

Ardit Gjebrea: Në çfarë moshe je bërë nënë?

Naxhije: 17 vjeçe.

Naxhije: Erdhi fëmija i parë në jetë zoti Ardit dhe kunata nuk kishte fëmijë. Ngrihet bashkëshorti, ia dhuron fëmijën. 3 muajsh e mbajta, 3 muajsh, sa lindi fëmija i parë.

Ardit Gjebrea: A të pyeti ty?

Naxhije: Nuk pyeti, nuk pyeteshim. Llafi ligj bëhej llafi i burrit. Në atë kohë ajo ishte.

Eni Çobani: Si mund të merret fëmija i parë?

Luljeta: Si ka mundësi moj motra ime t’i dhurosh ti fëmijën, krijesën dhe të të lërë sot ty rrugëve moj? Ku je ti, deri sot ku jetove moj? Nuk kishe ti të drejtë të kërkoje?

Eni Çobani: Kush e ka marrë fëmijën e parë të lutem që e ke pasur djalë apo jo?

Ardit Gjebrea: Pra motra e bashkëshortit.

Naxhije: Po, ia dha të motrës. Vdiq vjehrri, vdiq vjehrra kur erdhën momentet. Në ’92 kemi bërë shtëpitë zonja Eni.

Eni Çobani: Kush i ka bërë pra? I ke bërë ti me burrin apo jo?

Naxhije: Unë me burrin. Në ’96 më vdes burri, 40-vjeçar, i ri fare zonja  Eni.

Eni Çobani: Të vdes edhe burri?

Naxhije: Vdes edhe ai.

Eni Çobani: Dhe që nga viti, më fal, në ’96 sa vjeç ishe?

Naxhije: 28-29 vjeçe.

Eni Çobani: Dhe që  atëherë s’je martuar më?

Naxhije: Jo.

Ardit Gjebrea: Naxhije, ke fëmijë të tjerë?

Naxhije: Kam dy, çun e gocë. Edhe sot e kësaj dite kunati me kunatën më kanë lënë pa asnjë lloj letre zonja Eni. Kjo ishte fatkeqësia, sot e kësaj dite asnjë lloj letre se do i bënte kunata.

Ardit Gjebrea: Ai fëmijë është i regjistruar në emrin tënd apo të kunatës?

Naxhije: Fëmijën me letra, kunata e mori.

Naxhija shton se me djalin e saj të parë nuk gëzon marrëdhënie të mira.

U martua në moshën 15-vjeçare, trondit Naxhija: Donin të kujdesesha për vjehrrën me sklerozë

Luljeta dhe Naxhija janë dy motra nga Elbasani që kanë ardhur në “Shihemi në Gjyq” për një konflikt mes tyre. Luljeta e ka sjellë motrën në rubrikën nga “E Diela Shqiptare” në Tv Klan sepse ndihet e zhgënjyer prej saj për shkak të premtimit për të jetuar bashkë që Naxhija nuk e ka mbajtur.

Naxhija e pranon këtë, por thotë se edhe ajo vetë ndodhet në mes të 4 rrugëvve edhe pse jeton në një vilë dykatëshe. Këtë pretendim ajo e ngre për shkak se mendon se nuk ka asnjë dokumentacion.

Nisur nga premtimi i Naxhijes, Luljeta e ka shitur shtëpinë e saj dhe tani nuk ka ku të banojë. Ajo e konsideron problemin e motrës si një prej gabimeve që ka bërë në jetë teksa zbulon se Naxhija e ka falur fëmijën e saj të parë.

Kjo deklaratë nxit kureshtjen e të gjithëve dhe Naxhija e pranon, por nis që fillimisht të tregojë rrethanat ku është ndodhur përpara se të ndodhte kjo ngjarje.

Naxhije: Jam martuar që 15 vjeçe.

Eni Çobani: Po, e ke pranuar vetë, shumë gabim ke bërë megjithatë je martuar, shumë mirë.

Naxhije: Zonja Eni, në atë kohë nuk na pyeste njeri.

Eni Çobani: Po, sigurisht, e kuptoj. Në çfarë viti?

Naxhije: Kam gjetur 2 prindërit e bashkëshortit.

Ardit Gjebrea: Më fal, je martuar 15 vjeçe?

Naxhije: 15 vjeçe zoti Ardit se ishte vjehrra me sklerozë e do i bëja hyzmet dhe sot e kësaj kunati me kunatën më kanë lënë pa asnjë lloj letre. Hyra 15 vjeçe, u plaka, 60 vjet u bëra, s’kam asnjë lloj letre, po më nxjerrin nga shtëpia.

Eni Çobani: Zonja Naxhije, më fal se duhet të flasim një çikë me kujdes. Një fëmijë 15 vjeç, çfarë hyzmeti do bëje ti se ti ishe për hyzmet për vete?

Naxhije: Për hyzmet ishim atëherë.

Ardit Gjebrea: A ke bërë shkollë?

Naxhije: Unë kam bërë kur u martova, gjimnazin. Bëra edhe kurs infermiere dhe kaq. Mbarova klasën e tetë, u martova pastaj u bëra aty që fillova bëra gjimnaz.

Ardit Gjebrea: Në çfarë moshe je bërë nënë?

Naxhije: 17 vjeçe./tvklan.al

The post Histori shqiptare/ Sherr mes motrash LIVE: Më ke lënë përjashta appeared first on Albeu.com.

Autori quhet Lilo Skëndo, 77 vjeç, dhe është cilësuar si “gjyshi hajdut” për shkak të moshës së madhe. Në redaksinë e emisionit “Fiks Fare” u ankua një qytetare, e cila tregon se në datën 12 tetor 2023, ka qenë te një lokal-pastiçeri te zona e Xhamllikut në së bashku me djalin. Pas saj ka shkuar një i moshuar, i cili bën disa lëvizje dhe i merr nga çanta portofolin. Personi e fut portofolin në xhup dhe më pas ngrihet dhe largohet nga lokali. Qytetarja thotë se kishte 50 mijë lekë të vjetra që do blinte ilaçe, kartën e identitetit, të bankës dhe mjete të tjera.

Qytetarja i serviri Fiks Fare videon e kamerave të sigurisë, ku personi duket i moshuar. Në kokë mban kapele dhe është i veshur me të zeza. Ai afrohet te tavolina pas denoncueses, me veprime të ngadalta por të sakta, ai merr portofolin dhe e fut brenda xhaketës. Më pas, pa u vënë re, ngrihet nga karrigia dhe lehtë-lehtë del nga lokali.

Denoncuesja thotë se ka shkuar te Komisariati Nr.4 në Tiranë dhe i kanë thënë se ky person s’e ka herën e parë, por procedohet dhe më pas lirohet nga gjykata për shkak se është i moshuar. “Po nëse do të vriste, a do ta lironin” thotë qytetarja, ndërsa saktëson se kërkon që personi të ndalojë pasi ka parë shumë njoftime për vjedhje të ngjashme. “Dikush ta ndalojë, s’ka asnjë mjet ky shtet për ta frenuar atë” pohon ajo, ndërsa bën apelim që dikush të merret pasi është kthyer në një shqetësim.

Pas ankesës, Fiksi bëri një kërkim të thjeshtë në internet dhe rezulton se autori është konsideruar si “gjyshi hajdut” dhe është kthyer në tmerrin e shumë personave dhe bizneseve. Në rrjete sociale janë me dhjeta video të “gjyshit hajdut” që futet dhe vjedh ku të mundet; në restorant, lokale, shtëpi, klinika …

Gazetarët e Fiksit interesohen te Komisariati i Policisë Nr.4, se çfarë masash janë marrë. Punonjësit thonë se personi në fjalë ka shumë denoncime dhe është arrestuar dhe ndaluar disa herë. Por, ai është liruar nga prokuroria dhe gjykata për shkak të moshës. Punonjësit thonë se nuk e kanë gjetur pasi ai s’ka një adresë fikse dhe “me vjedhjet jeton”. Fiksi shkon sërish te Komisariati, kësaj herë për të pyetur se ku jeton dhe banon ky person. Madje, pyesin nëse ka apo jo familje që mund të kujdeset për të. Punonjësi i sportelit kontakton me inspektorin e zonës, i cili i thotë se “Lilo Skëndo s’ka një adresë fikse” dhe aktualisht është shpallur në kërkim policor.

Redaksia e Fiks Fare i bëri një kërkesë për informacion Drejtorisë së Policisë së Tiranës se sa herë është proceduar, ndaluar apo arrestuar Lilo Skëndo dhe çfarë masash do merren për të ndaluar këto vjedhje.

“Në lidhje me kërkesën Tuaj, mbi ankesën e disa qytetarëve, të shoqëruara me video, ku duket një i moshuar që kryen vjedhje në disa biznese, në dëm të qytetarëve në vende të ndryshme të qytetit të Tiranës, ju bëjmë me dije se nga ana e Komisariateve të Policisë, në juridiksion të Drejtorisë Vendore të Policisë, Tiranë janë regjistruar 15 raste të vjedhjeve të subjekteve të ndryshme nga shtetasi Lilo Skëndo. 15 raste janë referuar materialet proceduriale në Prokurorinë e Tiranës, në ngarkim të shtetasit Lilo Skëndo. Pas konsultimeve me Prokurorinë, ky shtetas është proceduar në gjendje të lirë, për arsye të moshës së madhe që ka” përfundon policia, pa iu përgjigjur pyetjes se çfarë masash do të merren për këtë person!

Komisariati i Policisë Nr.4, Tiranë

Fiksi –  Si kaluat?

Polici –  Si jeni, mirë?

Fiksi –  Desha të pyes për të plotfuqishmin e zonës desha ta takoj. Për një rast vjedhje që është bërë.

Polici –  Ku banon ti?

Fiksi –   Unë jam në rrugë të Elbasanit, por po pyes për një kushërirën time. Ka denoncuar këtu para një jave për një vjedhje aty te Pastiçeri T….

Polici –  Ka bërë kallëzim. Po. Aaaa për çfarë ishte ajo?

Fiksi –   Për një vjedhje…

Polici –  Portofol? Po! Nuk e kanë kapur atë se e di unë. Lilo Skëndo është ai hajduti. Është një burrë i vjetër nja 80 vjeç.

Fiksi –   A di si është muhabeti duhet dokumenti se lekët ja bëjmë hallall. Në qoftë se ka mundësi të paktën të kthejë portofolin me dokumente, se i ka me kartë identiteti me të gjitha. E morëm vesh ça tipi është. Ai është bërë viral.

Polici –  Më dëgjo. Zonja ka bërë kallëzim. Unë ta shpjegova për kulturë, se po ta kishim gjetur, kapur Lilon këto në sekondë do kishin marrë zonjën në telefon. Po Lilo është një plak që fle poshtë urës. Ai Lilo është 78 vjeç. Ai Lilo që i ka vjedhur portofolin asaj. Po ai 20 herë është kapur, 20 herë ka dalë. Atë punë bën, se është pa familje, pa asnjë gjë.

Fiksi –  Po si u liroka ky.

Polici –  Tani mos na kërko llogari pse i liron gjykata miku im. Unë po të flas, ne si polici bëjmë punën tonë me hajdutin. Është hajdut ordiner. Unë e kam njohur atë ditë që ma tregoi ajo zonja në telefon dhe e njohin të gjithë oficerët e tjerë. Dhe po ta kapin, se ia shpjegova asaj zonjës 300 milionë herë dhe më dëgjo miku im se nuk është as i pari, vjedh kaq e aq lekë. Lekë! Dhe kur ti kapë policia e sjell këtu. Ne nuk shtiem fall këtu.

Fiksi –  Se s’janë pak …

Polici –  Ne na vjen keq edhe për 10 mijë lekë i miku im. Të dish procedurën, është bërë një kallëzim. Ka mbaruar puna, po të sqaroj kot unë. Nga kjo që bëhet kallëzim letrat referohen në prokurori. Kur ta gjejmë, kur ta kapim të njoftohet zonja të paraqitet në komisariat.

Fiksi –  Thjeshtë njoftohet?

Polici – Njoftohet zonja, në momentin që kapet të paraqitet në komisariat!

The post Histori shqiptare, fut duart në xhepat e qytetarëve, por e lirojnë nga burgu se është moshë e vjetër appeared first on Albeu.com.

Sipas kësaj të fundit, nusja përpara se të dilte duhet ta vinte në dijeni. Kjo është bërë shkak që pjesë e këtij debati të bëhet edhe djali i zonjës, që thotë se e ëma po përpiqet ta fusë në sherr me gruan e tij.

Kjo po përsërit ngjarjen e ndodhur kohë më parë ku ka qenë pikërisht mamaja e tij që e ka ndarë nga e fejuara e mëparshme.

Albi: Një sherr ka ndodhur mes një vajze dhe vjehrrës së saj. Kjo ka ndodhur për faktin që vajza sa herë duhet të dilte, përveçse duhet t’i merrte leje bashkëshortit të saj, duhej t’i merrte leje edhe vjehrrës.

Aldo: Po vjehrra ç‘ punë ka apo kot.

Albi: Po hë pra. Ç ’punë ka….dhe aty ka nisur debati.

Aldo:  Sa për sherr.

Albi: Po, sa për sherr. Nusja ka duruar sa ka duruar dhe i ka thënë që shiko unë jam martuar me djalin tënd jo me ty, s’të jap ty llogari dhe ka ardhur një moment kur djali është zënë më të ëmën.

Aldo: Me të ëmën ?

Albi: Po, me të ëmën. Sepse mamaja e tij ia ka prishur një herë një fejesën dhe nuk dëshiron që t’ia prishë edhe këtë tjetrën.

Aldo:  E dyta e vërteta e kuptova, e kuptova./tvklan.al

The post Histori shqiptare/ Sherr nusja me vjehrrën, ndërhyn djali: Mama mos më ndaj për herë të dytë appeared first on Albeu.com.

Por siç u shpjegua në fillim të “Shihemi në Gjyq” nga “E Diela Shqiptare” në Tv Klan, prej 6 muajsh Ylli ka ikur nga shtëpia duke lënë pas Albinën me 3 djemtë dhe ka shkëputur kontaktet. Në takimin e tyre në seancën e ndërmjetësimit, ai thotë se Albina i kërkon vetëm para, por nuk i jep një arsye për largimin e tij.

Ligjërisht, Albina nuk ka të drejta mbi trashëgiminë sepse nuk është pasuri e vënë gjatë martesës, por moralisht ajo kërkon që të marrë diçka pasi nevojitet për familjen. Megjithatë, më e rëndësishmja për këtë grua është që familja të mos prishet. Ylli shprehet se ajo nuk do të marrë asgjë, do të kujdeset për fëmijët por do  të vijojë të mos kthehet në shtëpi.

Ylli: Kur të marr ato që më takojnë mua nga babai im, unë do të mendoj edhe për fëmijët, por për zonjën jo.

Eni Çobani: Jo, dua të kuptoj këtë, atë qera që do marrësh ti nesër…

Ylli: Qera, lekët, asnjë qindrakë s’do marrësh nga unë. Trashëgimia e babait tim nuk ka lidhje me këtë.

Eni Çobani: Po e thamë, nga ana ligjore nuk ka lidhje, dakord jam unë. Po nga ana morale i takon kësaj gruas ndonjë lek apo jo?

Albina: A e kupton se çfarë është fjala morale mor Ylli? Çfarë kërkon më? Pse nuk kthehesh në shtëpi?

Eni Çobani: Albina, kjo pra është pyetja e fundit, pse nuk kthehesh në shtëpi? Kjo pra është e vërteta. Kemi kthim në shtëpi Ylli apo jo? Do kthehesh te Albina dhe te djemtë apo joo?

Ylli: Zonja Eni unë akoma nuk kam bërë gjë për trashëgiminë.

Albina: Po pse trashëgimia është më interesante se sa familja? Trashëgimia aty është, të takon po të them, do ta marrësh, ¼ do ta marrësh, do ta pjesëtosh me vëllezërit dhe me motrat, nuk do ta marrësh të tërë ti! Atë ¼ që do marrësh mbaje për vete, haje, gëzoje, shijoje, por familja kërkon burrin, babain, bashkëshortin.

Ylli: M’u ka bërë koka kaq me këtë grua!

Eni Çobani: Nuk e do më?

Ylli: Jo. Nuk e dua më.

Albina: Ky është burri, për lekët të hedh në tokë! Miliona njerëz, miliona vite ne gratë lajmë, shpëlajmë, gatuajmë, i bëjmë të gjitha! Çfarë bëni ju burrat, vetëm tralala? Jo birra, jo raki, e kaloni jetën me shokët, me shoqërinë!

Eni Çobani: E do akoma Yllin?

Albina: Po patjetër moj zonjë! Unë prandaj kam ardhur këtu që të mos na shkatërrohet familja!

U kujdes 22 vite për familjarët e burrit, ai ia kthen: Je e luajtur, s’ke punë me pasurinë e prindërve të mi!

Prej 6 muajsh, Ylli është larguar nga shtëpia e tij në Gjermani ku jetonte me Albinën dhe 3 djemtë e tyre. Pas 22 vitesh martesë ku së bashku kanë kaluar shumë vështirësi, ai shprehet në “Shihemi në Gjyq” se nuk dëshiron të kthehet në shtëpi sepse Albina i kërkon vetëm para.

Albina thotë se kërkesa e saj është e drejtë pasi për 22 vjet është kujdesur për prindërit e Yllit dhe për familjarët e tij duke shtuar këtu edhe kujdesin ndaj fëmijëve. Pavarësisht argumenteve të Albinës, Ylli nuk ka një arsye të fortë që t’i shpjegojë asaj publikisht në programin “E Diela Shqiptare” në Tv Klan pse ka ikur, madje shprehet se kontributi i saj financiar ka qenë vetëm për 3 vjet sepse ka shfrytëzuar lejen e lindjes.

Albina: Para shumë vitesh, edhe vëllait të Yllit i ndodhi e njëjta gjë, u nda dhe erdhi te ne. E pranuam ne në shtëpi..

Ylli: Po ç’lidhje ka vëllai këtu?

Albina: Shtëpia ishte e vogël, me 50 metra, 8 veta në një familje. Isha unë ajo që i bëja të gjitha. Prindërit po, kunati po, tre çunat po. I vogli ishte 5-6 muajsh në atë kohë.

Eni Çobani: I mbaje ti zonjë?

Albina: Po unë i mbaja. Kunati ikte në punë dhe për 8-9  muaj, 1 vit nuk dha asnjë lek të na ndihmonte ne.

Ylli: Moj zonjë ti vetëm 3 vite ke punuar se 6 vite të tjera ke ndenjur vetëm me leje lindje, çfarë është kjo? Kam punuar unë, po.

Albina: Me leje lindje? Sa kollaj që është për ju  burrat!

Ylli: 15 vjet kontribute në Itali e 7 vjet që punoj në Gjermani.

Albina: E di çfarë do të thotë leje lindje?

Ylli: Po, po e di.

Albina: Urdhëro, të mbash edhe familje, leje lindje, të mbash edhe fëmijët…

Ylli: Po rri në shtëpi, çfarë  bën?

Siç shpjegohet, babai i Yllit ka lënë një pasuri të konsiderueshme prej së cilës ai përfiton ¼ e saj. Ylli i thotë gruas së tij se ajo s’ka asnjë të drejtë mbi këtë trashëgimi sepse nuk përmendet emri i saj.

Ylli: Unë nuk është se kam marrë ndonjë pasuri, por kjo është e luajtur fare. Nuk arrij ta kuptoj, ku e gjeta këtë pasuri unë? Ku?

Albina: Po shpjegoje pra ti! Shpjegoje! Pse ikën dhe bredh, sa në Greqi, sa në Itali?

Ylli: Po ç’lidhje ka pasuria me ty moj zonjë? Ç’lidhje ka pasuria e prindërve të mi me ty? Ku je ti?

Albina: Jo mor jo!

Ylli: Kjo nuk është në terezi fare!

Albina: Unë të laj e të shpëlaj te shtëpia, të mbaj edhe çunat, t’i mbaj edhe të gjithë dhe unë nuk quhem?! Po çfarë jam unë ore, shërbëtorja jote?

Ylli: Për pasurinë në Gjermani e në Itali mund të flasësh sa të duash sepse kemi punuar bashkë dhe atë e kemi vendosur bashkë, kurse këtë që më ka lënë babai im, këtu të lutem, shumë, këtu s’ke punë ti!

Albina: Si more nuk kam unë? Unë e kam larë e shpëlarë, sa herë ka ikur në spital…

Ylli: Të ka lënë testament babai im ty?

Albina: Ah po se ta la ty.

Ylli: Stop! Deri këtu! Nuk të ka lënë testament, je në rregull.

“Grua me zor nuk mbaj, të rrijë me norma”, deklarata e burrit habit Albinën

Kërkesa e Albinës në “Shihemi në Gjyq” është vendosja e kontaktit me burrin e saj, Yllin i cili prej 6 muajsh është larguar nga shtëpia. Rubrika e programit “E Diela Shqiptare” në Tv Klan ka mundur ta gjejë Yllin që ka lënë pas një martesë 22-vjeçare. Sipas tij, “gruaja duhet të rrijë me norma” ose në të kundërt, do të largohet.

Ylli: Po pse mor burrë i dheut grua me zor do mbaj unë? Njeriu kur është normal e mban, kur s’është normal e ndan dhe kaq. Jam i lirë të jetoj siç dua vetë, ç’është kjo kështu? O të rrijë me norma gruaja ose unë nuk rri më në shtëpi. Kjo është fjalë  burri!

Albina, e cila ndodhet në studio, thotë se nuk e kupton deklaratën e Yllit në insert. Ajo shprehet se nuk ka bërë asgjë që ai të shprehet kështu sepse në 22 vjet i kanë kaluar bashkë vështirësitë.

Albina: Unë nuk po e kuptoj çfarë kërkon ai ndaj meje sepse që në 2000 që jemi martuar, aty pastaj bëmë dokumentat, erdhën prindërit e Yllit, vjehrri me vjehrrën sepse dhe për mua sot të flas për ta është shumë e vështirë sepse sot ata kanë ndërruar jetë dhe nuk… kanë qenë me mua 22 vjet, që i kam shërbyer, që i kam ndenjur çdo gjë.

Ardit Gjebrea: Mua më vjen mirë që ti po prekesh për vjehrrin dhe vjehrrën.

Eni Çobani: Ka shkuar mirë në fakt.

Albina: Ato janë operuar, vjehrri është operuar një herë, vjehrra po ashtu ka shkuar 2-3 herë nëpër spitale dhe vetëm unë me Yllin i kemi bërë gjithë këto sakrifica.

Pas 22 vitesh martesë burri zhduket për 6 muaj, gruaja: Hera e fundit që e kërkoj!

Albina kërkon në “Shihemi në Gjyq”, bashkëshortin e saj prej 22vjetësh, Yllin. Në insertin prezantues të rubrikës  së “E Diela Shqiptare” në Tv Klan, Albina shpjegon se prej 6 muajsh nuk ka asnjë kontakt me të. ajo e bën të qartë se kjo është hera e fundit që e kërkon.

Albina: Pas 22 vjetësh, nuk kam më burrë fare. Ai është larguar 6 muaj dhe nuk më hap as telefonin, as nuk përgjigjet fare, fare. Nuk e di pse, kush është arsyeja e vërtetë për këtë gjë, si duket leku i ndryshoka njerëzit. Është hera e fundit që unë e kërkoj Yllin. Ai le të bëjë si të dojë!

Në studion e programit, Albina shton se kërkon arsyen e vërtetë të largimit të tij.

Albina: Unë quhem Albina Dervishi, jetoj në Gjermani. Jam e martuar 22 vjet. Kam 3 çuna. Tani jetoj vetëm sepse burri që kam sjellë  këtu, Ylli Dervishi, ka 6 muaj që është larguar. Është hera e fundit që e kërkoj sepse jam munduar shumë.

Ardit Gjebrea: Pse është larguar Albina?

Albina: Unë prandaj kam ardhur këtu sepse nuk e di arsyen e vërtetë zoti Ardit. Pas 22 vjet martese bashkë, kemi kaluar çdo vështirësi, çdo stres, çdo të paparë, për mua është e pashpjegueshme./tvklan.al

The post Histori shqiptare, burri ka 6 muaj i larguar nga shtëpia: Nuk kthehem se gruaja kërkon vetëm para appeared first on Albeu.com.

Pas emigrimit, çifti investoi në një biznes që dështoi dhe në të bënte pjesë edhe vëllai i Dhimitrit. Sot ata nuk kanë marrë asgjë në këmbim të ndihmës dhe kontributit, por martesa e tyre 45-vjeçare ndodhet në një udhëkryq.

Dhimitri: Gjynah! 2 vjet fejesë dhe 43 vjet martesë, 45 vite, gati gjysmë shekulli, nuk më paske kuptuar se kush jam? Më paske dyshuar se cili jam? Në këtë moshë të më lësh ti mua, të arrish zotrote që unë të shtrohem 3 herë në spital, kam 4 operacione, mos të më shohësh njëherë me sy, të më biesh një gotë ujë atje? Ç’është kjo moj?

Po jo moj se me mua s’ke punë më! Unë i kam dashur vëllezërit, i dua dhe nuk i hedh kurrën e kurrës se jemi të atillë, të shkëlqyer me njëri-tjetrin. Ke qenë me mua në të keq në të mirë, por edhe familjen s’e kam lënë kurrë pas dore dhe s’kam për ta lënë dhe ato lekë unë kam bindjen që vëllai im i jep moj! Pse më solle këtu?

Eni Çobani: Shtëpinë ku e ke more zotëri tani se më vjen keq?

Dhimitri: S’kam shtëpi, e kam shitur.

Eni Çobani: Ku fle sot ti zonjë, ku rri ti?

Liri: Unë rri te nëna, ai fle te motra. Ndenjëm ca kohë te motra ime, motra erdhi se prishi shtëpinë…

Dhimitri: Jo moj jo! fle nëpër hotele dhe nuk e ul veten unë kurrën e kurrës, edhe te motra.

Liri: Po ku do vish?

Dhimitri: I vetmi person që më thotë hajde vëlla mos më rri rrugëve. Kaq! Ta dish! Ma nxore bojën fare! Nuk ta fal, me mua ke punë ti!

Liri: Jo, kujt ia dhe?

Dhimitri: Me mua ke punë ti që kur të shihesh me mua të puthesh me Milon, mbaje mend këtë punë!

Liri: As dua ta di fare, po ti ku do dalësh ore i zi. /Tv Klan

The post Histori shqiptare, çifti drejt ndarjes pas 45 vitesh martesë, shkak borxhi i pashlyer appeared first on Albeu.com.