Rreth orës 05:00 është njoftuar shërbimi për një automjet që ishte përmbysur në rrugë. Menjëherë drejt vendngjarjes është nisur grupi i shërbimit.

Me mbërritjen në vend, shërbimet kanë konstatuar tre persona të aksidentuar. Të tre janë transportuar me ambulanca drejt spitalit për të marrë ndihmën mjekësore.

Nuk dihen ende rrethanat e aksidentit dhe gjendja shëndetësore e të dëmtuarve. Policia po punon për zbardhjen e shkaqeve të ngjarjes.

The post Aksident i rëndë në Himarë/ Makina përmbyset në rrugë, raportohet për tre plagosur appeared first on Albeu.com.

Sipas Tavos, po kryhet vlerësimi i dëmeve dhe po mbahet kontakt i drejtpërdrejtë me familjet e prekura. Rikthimi i energjisë elektrike, furnizimi me ujë dhe normalizimi i jetës në zonat e dëmtuara mbeten ndër çështjet kryesore.

Në njoftimin e tij, Tavo bëri të ditur se gjatë ditës, së bashku me stafin e bashkisë të angazhuar për menaxhimin e situatës, zhvilloi inspektime në zonat më të prekura nga zjarri dhe u takua me banorët për të dëgjuar nga afër shqetësimet dhe nevojat e tyre.

Grupet e Bashkisë Himarë po evidentojnë pasojat e zjarrit në bashkëpunim me grupin e verifikimit të Agjencisë Kombëtare të Mbrojtjes Civile. Në terren ishte e pranishme edhe Ministrja për Marrëdhëniet me Parlamentin, Erjona Ismaili.

Një tjetër prioritet është rikthimi i furnizimit me energji elektrike dhe ujë në të gjitha zonat e prekura. Ndërkohë, rrugët janë hapur dhe qarkullimi ka rifilluar normalisht.

Puna do të vijojë për dokumentimin dhe vlerësimin e plotë të dëmeve të shkaktuara nga zjarri. Bashkia dhe institucionet qendrore po bashkëpunojnë për të garantuar që çdo familje e prekur të marrë mbështetjen e nevojshme.

“Në këto momente të vështira, prioriteti ynë është të qëndrojmë pranë banorëve dhe të rikthejmë sa më shpejt normalitetin në çdo zonë të prekur”, u shpreh Vangjel Tavo.

The post Vangjel Tavo: Po punojmë për rikthimin e normalitetit pas zjarreve në Himarë, pranë familjeve të prekura appeared first on Albeu.com.

Beleri e cilëson situatën e zjarreve si një kërcënim gjithnjë e më të madh në Evropë dhe në botë, duke ngritur shqetësimin se Shqipëria nuk ishte e përgatitur sa duhet për përballimin e një situate të tillë. Ai thekson gjithashtu se një shtet që nuk garanton as gjërat më elementare nuk mund tu kërkojë qytetarëve të qëndrojnë pasivë.

Në reagimin e tij, Beleri u bën thirrje himarjotëve që të kujdesen për tokat dhe pronat e tyre, duke kërkuar paralelisht njohjen dhe regjistrimin përfundimtar të tyre. Në fund të reagimit, ai shpreh solidaritet me banorët që kanë humbur pronat, si dhe me të gjithë ata që u përballën me flakët.

Reagimi i Fredi Belerit:

Gjatë natës së kaluar, flakët rrethuan një zonë të tërë të Himarës dhe u përhapën në një pjesë të madhe të anës lindore të qytetit. Prona dhe banesa pësuan dëme të mëdha. Fatmirësisht, nuk pati humbje në jetë njerëzish. Zjarret në Evropë dhe, në përgjithësi, në mbarë botën përbëjnë tashmë një kërcënim të vazhdueshëm. Ishte vetëm çështje kohe që diçka e tillë të ndodhte edhe tek ne. Ndërsa duhej të kishim marrë masat e nevojshme dhe të ishim të përgatitur, rezultati tregoi se nuk ishim.

Megjithatë, në vendin tonë përballemi edhe me një vështirësi tjetër: shteti dhe pushteti vendor nuk na lejojnë të rrethojmë, të pastrojmë dhe të kujdesemi për pronat tona. Kjo është e papranueshme, 36 vjet pas rënies së regjimit komunist. Një shtet që nuk garanton as gjërat më elementare — furnizim të pandërprerë me ujë dhe energji elektrike, parandalim, mjete të mjaftueshme zjarrfikëse dhe mbrojtje nga fatkeqësitë natyrore — nuk mund t’u kërkojë qytetarëve të qëndrojnë pasivë.

Ne, himarjotët, duhet të kujdesemi për tokën e të parëve tanë, të pastrojmë dhe të mbrojmë pronat tona, duke kërkuar njëkohësisht njohjen dhe regjistrimin përfundimtar të tyre. Pas kësaj katastrofe, askush nuk ka të drejtë t’i pengojë njerëzit të mbrojnë vendin dhe pronat e tyre. Mendimet tona janë me bashkëqytetarët që panë pronat e tyre të shkatërroheshin, por edhe me të gjithë ata që luftuan me flakët dhe arritën të kufizonin dëmet. Në ditët në vijim do të ndërmarrim nisma konkrete për mbështetjen financiare dhe lehtësimin real të banorëve të prekur.

The post Zjarri në Himarë/ Fredi Beleri: Shteti nuk garanton as gjërat elementare, si mund mund të kërkohet që qytetarët të qëndrojnë pasivë appeared first on Albeu.com.

Sipas Zhupës, Himara ka një buxhet të lartë dhe vetëm gjatë këtij viti tenderat, sipas saj, kapin mbi 130 milionë euro, ndërsa shërbimi zjarrfikës vazhdon të mos ketë mjetet, pajisjet dhe kapacitetet e duhura për të ndërhyrë në kohë.

Deputetja i ka bërë thirrje Bashkisë së Himarës që të miratojë menjëherë një fond të posaçëm për dëmshpërblimin e banorëve të prekur nga zjarri, duke kërkuar vlerësim real të dëmeve dhe pagesë të shpejtë.

Zhupa shprehet se ngjarja ka nxjerrë në pah mungesën e vullnetit politik për t’i orientuar paratë publike drejt shërbimeve që mbrojnë jetën dhe pronën e qytetarëve.

Sipas saj, Himara është mbushur me beton, ndërsa buxheti i bashkisë është pasuruar me miliona euro, edhe përmes dhurimit të tokave publike për investitorët strategjikë. Ajo thekson se Bashkia e Himarës ka rreth 10 mijë euro buxhet për frymë, ndërsa Tirana, qyteti më i madh dhe fuqia kryesore ekonomike e vendit, ka më pak se 1 mijë euro për frymë.

Zhupa thotë se vetëm brenda një viti janë dhënë mbi 130 milionë euro tendera nga Vangjel Tavo. Me këto fonde, sipas saj, Himara duhej të kishte një shërbim zjarrfikës model, të pajisur me mjete, personel dhe kapacitete për të reaguar menjëherë sapo të shfaqej zjarri.

Ajo kritikon faktin që ndërhyrja, sipas saj, vonohet deri në momentin kur flakët marrin përmasa që tejkalojnë mundësitë e shërbimeve lokale.

Deputetja vlerëson se kur fondet publike shpenzohen për fasada, projekte dhe tendera zbukurimi, në vend që të investohen në shërbimet që mbrojnë jetën dhe pronën, koston e paguan qytetari.

“Qytetari paguan me shtëpinë që i digjet, me tokën që humbet, me biznesin që shkatërrohet dhe me kursimet e një jete që zhduken brenda pak orësh”, shprehet Zhupa.

Ajo kërkon që Bashkia e Himarës të marrë urgjentisht vendim për krijimin e fondit të dëmshpërblimit, duke argumentuar se institucioni ka kapacitetet financiare për t’i mbështetur banorët e prekur.

Zhupa thekson se banorët nuk kanë humbur vetëm hektarë tokë të djegur, por edhe shtëpitë, pronat, vendet e punës, kursimet dhe mundin e një jete.

Sipas saj, paratë publike duhet të përdoren për qytetarët, të cilët nuk mund të lihen të braktisur përballë këtyre humbjeve të mëdha.

The post Zjarret në Himarë, Ina Zhupa: Bashkia ka mbi 130 milionë euro tendera, por shërbimi zjarrfikës nuk përballon emergjencat appeared first on Albeu.com.

Në Fier dhe Himarë, ku situata ka qenë më e rënduar, rreziku për zonat e banuara është shmangur dhe operacionet vijojnë.

Në Himarë, në lagjen “1 Maji”, u evakuuan 36 persona, ndërsa zjarri preku 6 banesa, 3 prej të cilave të banuara.

Mësohet se në terren janë angazhuar 881 forca operacionale, 75 automjete zjarrfikëse dhe 340 efektivë të Forcave të Armatosura, të mbështetur nga helikopterët e Forcës Ajrore dhe një avion Air Tractor.

Për sot parashikohet angazhimi i 380 forcave ushtarake, dy helikopterëve dhe një avioni Air Tractor.

SITUATA E ZJARREVE NË VEND

Gjatë 24 orëve të fundit janë raportuar 39 vatra zjarri, nga të cilat 11 mbeten aktive, 3 janë nën mbikëqyrje dhe 25 janë shuar plotësisht.

Në terren janë angazhuar 881 forca operacionale, 75 automjete zjarrfikëse dhe 340 forca të Forcave të Armatosura, të mbështetura nga helikopterët e Forcës Ajrore dhe 1 avion Air Tractor.

Për ditën e sotme parashikohet angazhimi i 380 forcave ushtarake, 2 helikopterëve dhe 1 Air Tractor.

📍 Vatrat kryesore aktive janë në Tiranë, Dibër, Lezhë, Shkodër, Durrës, Fier dhe Vlorë.

Në Fier dhe Himarë, ku situata ka qenë më e rëndësishme gjatë 24 orëve të fundit, rreziku për zonat e banuara është shmangur dhe operacionet për shuarjen e zjarreve vijojnë.

Në Himarë, në lagjen “1 Maji”, u evakuuan 36 persona, ndërsa 6 banesa u prekën nga zjarri, 3 prej tyre të banuara.

🛡️ Agjencia Kombëtare e Mbrojtjes Civile vijon monitorimin dhe koordinimin e pandërprerë të situatës në të gjithë territorin, me prioritet mbrojtjen e jetës, banesave dhe pasurisë së qytetarëve.

The post Situata e zjarreve në vend/ U regjistruan 39 vatra në 24 orë, 11 ende aktive, në Himarë shmanget rreziku për zonat e banuara appeared first on Albeu.com.

Një prej banoreve tregon se situata u përkeqësua brenda pak minutash, ndërsa ndërhyrja e policisë bëri të mundur nxjerrjen e tyre nga zona.

“Nuk e kuptuam sa shpejt erdhi zjarri, për 5-10 minuta. Më pas erdhi policia dhe na nxorën. U dogj shtëpia e kushëririt të burrit. Janë banesa të banuara, por banorët kishin dalë. Erdhi policia dhe na nxorën. Janë dy shtëpi në këtë zonë”, rrëfeu ajo.

Një tjetër banor, i përlotur, e përshkroi situatën e mbrëmshme duke thënë vetëm: “Ishte tmerr”.

Ndërkohë, mëngjesin e sotëm ka nisur ndërhyrja edhe nga ajri, me helikopterë që po hedhin ujë mbi vatrat aktive të zjarrit.

Në terren vijojnë të jenë të angazhuara Forcat e Armatosura dhe dhjetëra efektivë zjarrfikës, në përpjekje për të izoluar flakët dhe për të shmangur rrezikun për zonat e banuara.

The post Zjarri në Himarë/ Dëshmitë e banorëve: Ishte tmerr, flakët erdhën brenda 10 minutash, policia na nxori nga banesat! U dogjën banesat appeared first on Albeu.com.

Në pranga kanë rënë pronari, M. B., 33-vjeç, banues në Tepelenë, si dhe banakieri A. Gj., 20 vjeç, banues në Lazarat.

Gjatë kontrollit fizik të 20-vjeçarit, policia gjeti 5 doza të dyshuara kokaine dhe 8 doza të dyshuara Cannabis Sativa.

Ndërkohë, gjatë kontrollit në banesën e pronarit të lokalit u sekuestruan 145 doza të dyshuara kokaine, një peshore elektronike dhe një armë sportive tip pistoletë, të cilën 33-vjeçari dyshohet se e posedonte pa leje.

Në total, në kuadër të operacionit u sekuestruan **150 doza kokaine, 8 doza cannabis, një armë sportive, dy celularë dhe një peshore elektronike.

Operacioni u zhvillua pas administrimit të informacioneve operative se në lokalin e natës në Potam shiteshin lëndë narkotike. Shërbimet e Komisariatit të Policisë Himarë ndërhynë në subjekt dhe bënë arrestimet në flagrancë.

Materialet procedurale i janë referuar Prokurorisë për veprime të mëtejshme.

The post Himarë/ Përshtatën lokalin për shitje të lëndëve narkotike, arrestohet pronari dhe banakieri appeared first on Albeu.com.

Following the demolition by the National Territorial Inspection Agency of a five-story building constructed without a permit in Himarë, and the on-site arrest of its owner by the State Police, the Police Oversight Agency has launched an investigation into the responsibilities of police officers connected to the case.

The investigation so far has brought to light the involvement of the chain of command within the police structures of the Himarë Police Station. Four State Police officers have been prosecuted for the criminal offense of “Abuse of office,” as provided for by Article 248 of the Criminal Code.

Among them are Emiljano Prenga, currently Chief of Volume Crimes at the Divjakë Police Station, who previously held the same position at the Himarë Police Station, and Klodian Petani, a Crime Investigation Specialist at the Vlorë Police Station, who previously held this function in Himarë. Both have been detained.

The criminal proceedings also include Ferit Merkaj, Head of the Traffic Section at the Vlorë Local Police Directorate and former Chief of the Himarë Police Station, as well as Redin Çaushaj, serving as SPZ at the Himarë Police Station. Both were declared wanted.

As procedural actions continued, two of the officers declared wanted surrendered and were detained on their own initiative. At the same time, the other two were not found at their residences and, although notified, did not present themselves to the relevant structures.

Procedures for declaring these latter individuals wanted have been completed.

The Police Oversight Agency announces that investigations continue with the aim of fully clarifying the circumstances of the event and determining the legal responsibilities of the persons involved.

The post Names revealed: Himarë building collapse, permitted construction without license, AMP prosecutes 4 police officers for abuse of office appeared first on Albeu.com.

Hetimi i deritanishëm ka nxjerrë në pah përfshirjen e zinxhirit drejtues të strukturave policore të Komisariatit të Policisë Himarë. Për veprën penale “Shpërdorimi i detyrës”, të parashikuar nga neni 248 i Kodit Penal, janë proceduar katër punonjës të Policisë së Shtetit.

Mes tyre janë Emiljano Prenga, aktualisht Shef i Krimeve në Volum në Komisariatin e Policisë Divjakë, ndërsa më parë ka ushtruar të njëjtën detyrë në Komisariatin e Policisë Himarë, dhe Klodian Petani, Specialist i Hetimit të Krimeve në Komisariatin e Policisë Vlorë, i cili më herët ka mbajtur këtë funksion në Himarë. Të dy janë ndaluar.

Procedimi penal përfshin gjithashtu Ferit Merkajn, Shef i Seksionit të Trafiqeve në DVP Vlorë dhe ish-Shef i Komisariatit të Policisë Himarë, si dhe Redin Çaushajn, me detyrë SPZ në Komisariatin e Policisë Himarë. Të dy ishin shpallur në kërkim.

Gjatë vijimit të veprimeve procedurale, dy prej punonjësve të shpallur në kërkim u paraqitën dhe u ndaluan me iniciativë. Në të njëjtën kohë, dy të tjerët nuk u gjetën në banesat e tyre dhe, edhe pse ishin njoftuar, nuk u paraqitën pranë strukturave përkatëse.

Për këta të fundit u përfunduan procedurat për shpalljen e tyre në kërkim.

AMP njofton se hetimet vijojnë me synim sqarimin e plotë të rrethanave të ngjarjes dhe përcaktimin e përgjegjësive ligjore për personat e përfshirë.

The post EMRAT/ Shembja e pallatit në Himarë, lejuan ndërtimin pa leje, AMP procedon 4 policë për shpërdorim detyre appeared first on Albeu.com.

Nga informacionet paraprake, dyshohet se burri po përdorte për peshkim një lëndë plasëse të prodhuar në mënyrë artizanale, e cila i shpërtheu në dorë.

Shpërthimi i shkaktoi 65-vjeçarit plagë të rënda në trup dhe në gjymtyrë. Edhe pse u ndërhy për t’i dhënë ndihmë dhe u nis drejt spitalit, por ndërroi jetë gjatë transportimit.

Policia ka hapur hetimet për të sqaruar plotësisht rrethanat e kësaj ngjarjeje.

The post E rëndë në Himarë, 65-vjeçari humb jetën nga shpërthimi i lëndës plasëse gjatë peshkimit appeared first on Albeu.com.