Goro, doli nga qelia duke u kthyer i lirë në Himarë, por një vendim tjetër dënimi i shkon nga pas, duke u bërë shkak që ish-funksionari i Partisë Socialiste në Himarë, mund të rikthehet përsëri në burg.

Një dënim me 1 vit e 4 muaj burgim, vijon të qëndrojë mbi “kokën” e Jorgo Goros, që nëse do lihet në fuqi dhe në Gjykatën e Apelit të Posaçëm, e çon automatikisht Goron në burg.

Ky është dënimi i dytë ndaj Goros për abuzimet me pronat në bregdet.

Në këtë hetim ai akuzohet se ka kryer veprime të kundraligjshme në cilësinë e kreut të Bashkisë së Himarës lidhur me dy procedurat e plotësimit të akteve të marrjes së tokës bujqësore në pronësi për familjet bujqësore, në dëm të mësuesit Irakli Likoka, banues në Bashkinë Himarë.

Gjatë fazës së pretencës prokuroria, kërkoi gjatë konkluzioneve përfundimtare, që veç deklarimit fajtor dhe dënimit të pandehurve, të vendosej dhe kthimi i praktikave të sekuestruara institucioneve përkatëse, ku në raste të tilla enteve publike u lind e drejta të fshijnë regjistrimin e AMTP-së të konstatuar me probleme dhe regjistrimin e saj në pronësisë shtetërore.

Lidhur me këtë kërkim, gjykata ka vendosur që praktikat e sekuestruara enteve përkatëse, të mbeten pjesë e fashikullit të gjykimit, për efekt të procedimit penal të ndarë ndaj të pandehurit Jerasimo Bashi.

The post Jorgo Goro u lirua nga burgu, por ja dënimi që mund ta kthejë në qeli ish-bashkiakun e Himarës appeared first on Albeu.com.

Në një fjalim të fortë para qytetarëve, Berisha akuzoi qeverinë për uzurpim të pronave të shqiptarëve dhe rikthim të praktikave të së kaluarës.

Ai tha se “armiku më i keq është armiku i brendshëm që të merr lirinë”, duke iu referuar sistemit të ndërtuar nga kryeministri Edi Rama.

“Sot në Shqipëri ka ligje që janë kopje e ligjeve të vitit 1946. Rama ka krijuar një agjenci ku ka marrë në pronësi të gjithë territorin e shtetit shqiptar dhe i ka dhënë kontrollin një tjetër ‘lubi’ si Balluku, që bën çfarë të dojë me pronat e shqiptarëve”, deklaroi Berisha, duke iu referuar Elira Kokonës.

The post Zgjedhjet/ Berisha nga Himara: Rama po plaçkit tokat e shqiptarëve, një Lubi tjetër si Balluku bën ç’të dojë me pronat appeared first on Albeu.com.

Procesi i votimit në 36 qendrat e votimit gjatë ditës së sotme vijoi qetë, ndërkohë që zgjedhësit janë identifikuar elektronikisht.

Nga informacionet dhe të dhënat e raportuara, pjesëmarrja në zgjedhje rezulton 36.9%.

Gjithashtu edhe sistemi PEI ka rezultuar i suksesshëm.

The post Himara zgjedh kryetarin e ri, mbërrijnë në KZAZ kutitë e votimit appeared first on Albeu.com.

Himara zgjedh sot kryetarin e ri të bashkisë mes Vangjel Tavos kandidati i mbështetur nga PS e kryeministrit Edi Rama dhe Petro Gjikuria i cili kandidon nën siglën  “Bashkë Fitojmë’  të partive opozitare, me në krye PD dhe PL, i propozuar dhe i mbështetur nga Bashkimi për të Drejtat e Njeriut (PBDNJ) dhe të organizata minoritare OMONIA.

Vihet re një trend i lehtë në rritje në krahasim me zgjedhjet e kaluara të 14 majit 2023, rreth 3 % më i lartë se i votuesve që moren pjese ne zgjedhjet e vitit te kaluar.

“KQZ njoftoi se kanë votuar 8394 qytetarë me të drejtë vote deri në 18:00!”, tha Myzyraj

The post Mbyllet votimi, Himara zgjedh kryetarin e ri! Votuesit me ID të skaduar u kthyen mbrapsht. Ja çfarë po ndodh appeared first on Albeu.com.

Zgjedhjet për Kryebashkiak të Himarës, zhvillohen pak më shumë se një vit nga zgjedhjet e mbajtura më 14 maj të 2023-it, ku Fredi Beleri, rezultoi fitues i procesit, por nuk arriti të ushtronte detyrën pasi dy ditë para zgjedhjeve, u arrestua nga policia me akuzën e korrupsionit zgjedhor.

Pavarësisht betejës ligjore, Beleri u dënua me dy vjet heqje lirie, duke humbur kështu mandatin, ndërsa sot rreth 23 mijë zgjedhës me të drejtë vote në Himarë, do të zgjedhin një prej kandidatëve, Gjikurisë ose Tavos.

Himara prej vitit 2000 ka prodhuar vazhdimisht tensione dhe debate, veccanërisht mes Tiranës zyrtare dhe qarqeve të caktuara në Greqi, që e trajtojnë bashkinë e vogël në jug të vendit si një bashki minoritare.

Në 2003 dhe 2007, demokratët dhe socialistët janë bërë bashkë kundër kandidatëve të propozuar në atë kohë nga PBDNJ, për shkak se figurat e përzgjedhur nga kjo parti konsideroheshin si ekstremistë dhe me lidhje me qarqet e ekstremeve në Greqi.

Procesi i votimit në Himarë nis në orën 07:00 dhe përfundon në orën 19:00. Gjatë fushatës disa ditore zgjedhore nga kandidatët, ka pasur pretendime lidhur me zhvendosjen e votuesve drejt Himarës

The post Tavo apo Gjikuria, Himara zgjedh sot Kryebashkiakun e ri appeared first on Albeu.com.

Janë 36 qendra votimi në të cilat himariotët mund të votojnë për dy kandidatët Vangjel Tavo nga Partia Socialiste dhe Petro Gjikuria nga Koalicioni Bashkë fitojmë.

Procesi do të nisë në orën 07:00 të mëngjesit dhe do të mbyllet në orën 19:00 të mbrëmjes, ndërsa më pas të gjitha kutitë do të grumbullohen në KZAZ nr 88 dhe më pas do të nisë procesi i numërimit.

Fituesi i zgjedhjeve pritet të shpallet paraditen e së hënës.

Në zgjedhjet e vitit 2023 bashkinë e fitoi Fredi Beleri nga koalicioni “Bashkë Fitojmë”, me 3840 vota përkundrejt Jorgo Goros së PS-së, i cili fitoi 3821 vota.

Zgjedhjet në Himarë vijnë pasi fituesi i tyre në 2023-in, Fredi Beleri, u arrestua dy ditë para votimeve dhe u shpall fajtor me vendim të formës së prerë.

Arrestimi i tij shkaktoi jo vetëm debat të brendshëm por edhe krisje të marrëdhënieve diplomatike mes Athinës dhe Tiranës zyrtare.

The post HIMARA VOTON NESËR/ Rreth 23 mijë qytetarë me të drejtë vote, 36 qendra votimi, fituesi mësohet të hënën appeared first on Albeu.com.

Ai është shfaqur teksa flet nga burgu për emisionin Live News në televizionin grek Mega.

Beleri ka deklaruar se është i vetmi kandidat për deputet në Parlamentin Evropian që nuk bën dot fushatë, pasi ndodhet në burg në vendin tonë, pasi akuzohet për blerje votash.

Po ashtu, ai është shprehur se në burg trajtohet njësoj si të gjithë të burgosurit e tjerë.

“Zgjohem në mëngjes dhe shoh para meje imazhin e Virgjëreshës Mari.

Për tridhjetë vjet që jam marrë me politikë, doja t’u shërbeja të drejtave të grekëve në Shqipëri.

Ne nuk kemi të drejta, jemi larg asaj që ne e quajmë “shteti i së drejtës” dhe unë do të luftoj për to në Parlamentin Evropian.

Falenderoj kryeministrin grek që me këtë lëvizje për të marrë pjesë në zgjedhjet europiane më jep mundësinë të mbështes Himarën nga një këndvështrim tjetër.

Nuk po heq dorë nga Himara”, ka thënë Beleri.

Ndër të tjera ai tha “pronat tona të konfiskuara nga regjimi komunist në Shqipëri nuk na u kthyen pas rënies së komunizmit në Shqipëri”.

The post “Nuk do heq dorë nga Himara”, Beleri flet nga burgu për mediat greke: Zgjohem në mëngjes dhe shoh… appeared first on Albeu.com.

“Së pari, kryeministri i Greqisë, i një vendi partner, mik, mund të vizitojë çdo zonë të Shqipërisë, qoftë si zyrtar, qoftë si qytetar privat. Këtu duhet të jemi të çliruar nga çdo kompleks. Mund të vizitojë Himarën dhe çdo zonë tjetër, por zhurma se Himara është minoritet është absurditeti më i madh historik.
Askush më shumë se himariotët nuk janë larim në gjak për identitetin e tyre kombëtar shqiptar.

Himara ka një realitet të pamohueshëm, se një pjesë e fshatrave flasin edhe shqip edhe greqisht. Qyteti, si çdo port, është i miksuar, shqiptarë kryesisht, por edhe grekë, venecianë. Por këto, as gjuha, as mikstura, nuk e bëjnë Himarën gjë tjetër përveçse bastion i shqiptarizëm. Himara, e njohur në histori, së bashku me malësitë e Alpeve dhe Sulin, kanë pasur kodet dhe kanunet e tyre. Ajo çka mund të them unë është kjo: patrikana duhet të shpallë një ndjesë publike ndaj himariotëve se në fakt, në periudhën kur ata qëndronin ndaj Portës, patrikana flirtonte edhe në kurriz të tyre. Gjë që i detyroi ata t’i drejtohen Vatikanit dhe të bëjnë një modifikim në besimin e tyre, të mbeten ortodoksë të afërt me ritin katolik. Pra, në këtë kontekst, kryeministri i Greqisë mund të vizitojë çdo zonë, por Himara me të gjithë historinë dhe dokumentet e saj është shqiptare, përfshi edhe ato fshatra që janë bilingualë. Flasin edhe shqip, edhe greqisht, theksoi Berisha.”

The post Vizita e Mitsotakis, Berisha: Zhurma se Himara është minoritet është absurditeti më i madh historik appeared first on Albeu.com.

Gazetari Eraldo Harlicaj ka udhëtuar drejt Himarës, pasi disa punonjës të këtij komisariati pretendojnë se kanë rreth 5 muaj që nuk marrin lekët e rrugës.

The post “Po na mbajnë bukën e fëmijëve”, policët e Himarës 5 muaj pa dieta (VIDEO) appeared first on Albeu.com.

Kryeministri Edi Rama së fundmi ka publikuar ka publikuar një shkrim nga mediat zvicerane, “20 Minutes” e cila në një artikull kushtuar turzimit, rendit Sarandën ne vendin e parë për të kaluar pushimet e shtatorit.

Shkrimi në “20 Minutes”:

5 destinacione ku të shijoni detin në shtator

Dielli, kuzhinë e shijshme, bukuri piktoreske dhe çmime të përballueshme. Këto pika janë bërë për të shijuar fundin e verës.

Koha e kthimit në shkollë nuk ka ardhur ende! Shtatori është, në shumë mënyra, një nga periudhat më të mira të vitit për të shijuar pellgun e Mesdheut. Pas valës së të nxehtit, temperaturat mbeten mjaft të buta për not, kuzhina është e shijshme, vala e madhe turistike ka kaluar dhe çmimet po bien. Këtu janë pesë destinacione evropiane për t’u vizituar.

Saranda është një qytet port në jug të Shqipërisë, afër kufirit me Greqinë. Duke marrë rrugën që të çon në Ksamil, një fshat simpatik në një gadishull, mund të shihni Korfuzin nga larg. Vendi është pjesë e Parkut Kombëtar të Butrintit. Edhe më në jug, vizitoni (qasje me varkë) dy ishuj të vegjël: Stilitin dhe Tongo./albeu.com

The post Media zvicerane jehonë turizmit, Rama: Shqipëria renditet e para appeared first on Albeu.com.