Sipas raportimeve nga BBC, deri më tani për shkak të përmbytjeve janë shënuar 74 viktima. Po ashtu, autoritetet vendase raportojnë dhe për 101 persona të zhdukur.

Kjo tragjedi erdhi pas disa ditëve me shi të rrëmbyeshëm në shtetin verilindor të Sikkim, ku rrëke uji shkatërruan luginat e ngushta të lumenjve nga liqeni Lohnak, në pjesën veriore të shtetit, duke dëmtuar një digë dhe duke shkaktuar shkatërrim në fshatra dhe qytetin Rangpo.

Rajoni i Himalajeve është i prirur ndaj përmbytjeve dhe rrëshqitjeve të dheut, dhe ato nuk janë të pazakonta në Sikkim. Por shkencëtarët e kanë të qartë se moti ekstrem po bëhet më i shpeshtë dhe më intensiv pasi kriza klimatike e shkaktuar nga njeriu po përshpejtohet.

The post Përmbytjet apokaliptike në Himalaje, 74 viktima dhe 101 persona ta zhdukur appeared first on Albeu.com.

Ato rrezikojnë të kthehen në një kërcënim për furnizimin me ujë për miliona njerëz në Azi, paralajmëron një studim i fundit i botuar në “Scientific Reports”.

Studiuesit kanë zbuluar se akullnaja e Himalajeve po shkrin 10 herë më shpejt krahasuar me periudhën para vitit 2000.

Kjo shkrirje e akullit mund të ketë ndikim në qindra miliona banorë që jetojnë përgjatë lumenjve kryesorë të Azisë.

Vargmalet e Himalajeve ruajnë sasinë e tretë më të madhe në botë të akullit pas Antarktidës dhe Arktikut, duke u quajtur edhe si “poli i tretë”.

Autori i studimit të fundit është dr. Simon Cook, një lektor në gjeografi dhe shkencë mjedisi në Universitetin e Dundee, në Skoci.

“Ky studim është vetëm konfirmimi i fundit se ato ndryshime po ndodhin me një shpejtësi të madhe dhe do të kenë një ndikim tejet të rëndësishëm në rajone të tëra”, tha Cook./albeu.com/

The post Akullnajat në Himalaje po shkrijnë me ritme të shpejta, miliona njerëz mund të vuajnë për ujë appeared first on Albeu.com.