hiena Archives - Albeu.com

“Kokat hëngshin”, Artan Hoxha kujton shprehjen e Ramës pas krimit në Tiranë: Deri atë ditë, hienat do marrin jetët e gjysheve dhe mbesave të tyre

E B — Mon, 13 Mar 2023 14:06:38 +0000

Gazetari investigativ Artan Hoxha ka bërë një reagim në Facebook, në lidhje me ngjarjen e rëndë në Tiranë, ku në lokalin e Fatjon Muratit u vra 58-vjeçarja Mimoza Paja (kamariere dhe banakiere) si dhe mbetën të plagosur 5 persona.

Artan Hoxha, autorët e krimit që vranë një grua të pafajshme, i ka cilësuar hiena me dy këmbë që vrasin gjyshe që punojnë nga 16 orë në ditë për bukën e gojës, nësoj si siç vrasin “luanë e tigra” në atë që e quan “safari” ynë.

Më tej ai i këshillon ata që të demonstrojnë artin e tyre të vdekjes, dhe andej lart, nga kodrat e periferisë së kryeqytetit, ku ndodhen resortet luksoze të luaneve, tigrave, leopardeve, uqërve dhe çakenjve që sundojnë këtë “safarin” tonë.

Postimi i Artan Hoxhës:

Edhe mes hienave, ka nje kod vrasje…

Hienat edhe pse jane grabitqaret me barbare qe nuk lene pas as kockat dhe as lekuren e gjahut te tyre, kane disa rregulla qe i respektojne, kane njelloj hierarkie te pashkruar mes tyre….

Por hienat me dy kembe, qe kane mbetur në qarkullim në “safarin” tone,
vrasin gjyshen, e cila punon dy turne, plote 16 ore në dite per te paguar qirane, vrasin dhe mbesen qe sapo ka nisur te hedh hapat e pare në jete.

Barbare dhe katile.

Me kobsjelles se kaq nuk mund te kete…

Hienat, jane vrases aq te paskrupullt, sa vrasin me te njejtin perkushtim dhe devotshmeri si luanin, mbretin e xhungles, ashtu edhe barngrenesin me te parendesishem.

Instikti i vrasesit te pameshirshem, eshte aq dominues nder to, sa mbizoteron edhe pangopshmerine qe i karakterizon.

Jane aq vrasese katile, sa kur nuk mbetet me asgje rreth e rrotull per vrare, nisin dhe vrasin njera tjetren pa piken e meshires…

Prandaj batuta e famshme e kryeministrit “kokat hengshin”, vlen per fazen kur në “safarin” tone, te kene mbetur vetem hienat.

Deri kur te vi ai moment, qe nuk me duket fort i larget, hienat kobndjellese me dy kembe, do marrin jetet e gjysheve dhe mbesave te tyre.

Do vrasin pa as me te voglen meshire te ardhmen tone, ashtu si jane duke masakruar me plot perkushtim dhe devotshmeri te tashmen tone.

Hiena kobsjellese, deri sa te vije dita kur do t’i hani kokat njeri-tjetrit, tregohuni pak te paanshem, demostrojeni “artin tuaj te vdekjes” edhe andej lart, nga kodrat e periferise se kryeqytetit, ku ndodhen resortet luksoze te luaneve, tigrave, leopardeve, uqerve dhe çakenjve qe sundojne kete “safarin” tone…

The post “Kokat hëngshin”, Artan Hoxha kujton shprehjen e Ramës pas krimit në Tiranë: Deri atë ditë, hienat do marrin jetët e gjysheve dhe mbesave të tyre appeared first on Albeu.com.

Rama për Metën dhe Berishën: Hienë non-grata dhe spiune është taksirat i madh për ne, por do t’i mundim

E B — Sat, 29 Oct 2022 13:31:59 +0000

Kreu i qeverisë, Edi Rama, i ka cilësuar hiena, Sali Berishën dhe Ilir Metën. Për të cilët tha se do t’i mundë.

“Na ka rënë hall i madh. Kemi hienë non-grata dhe hienë spiune vetëm në Shqipëri gjen dhe ky është kiamet i madh. Po ca do bëjmë. Na ka rënë dhe do ta heqim. Taksirat e kemi që sa herë të na dalin përpara, mundim”, tha Rama.

The post Rama për Metën dhe Berishën: Hienë non-grata dhe spiune është taksirat i madh për ne, por do t’i mundim appeared first on Albeu.com.

“Unë jam ujk i vetmuar!” Vuçiç sulmon Kurtin: Ata janë hiena, ta lënë Serbinë rehat

E B — Wed, 13 Apr 2022 11:25:06 +0000

Presidenti serb, Aleksandar Vuçiq, i është drejtuar sot kryeministrit kosovar, Albin Kurti, si dhe presidentit malazez, Milo Gjukanoviq, me një video në Facebook prej të cilëve kërkoi që “ta lënë Serbinë rehat”. Kjo deklaratë e tij vjen pas kritikave që mori nga këta dy për armatosjen e Serbisë nga Kina.

Vuçiq u ankua se lideri i Kosovës dhe ai i Malit të Zi po e damkosin Serbinë kur po e paraqesin si të rrezikshme për rajonin, derisa ai u mundua ta shfaqë vendin e tij si paqësor përkundër që ka qenë shkaktar i luftërave në rajon.

Për më tepër, ai ironizoi duke thënë se sistemet anti-raketore i blejnë për mbrojtje nga armiku, duke shtuar se për t’u mbrojtur nga Kosova e Mali i Zi s’i nevojiten këto armë, por “spreji i mushkonjave”.

“Sistemi jonë shërben për të shkatërruar raketa, aeroplan-mbajtëse ajrore që do të shkelte hapësirën ajrore të Serbisë. Pra, pyes veten se si e rrezikojmë Prishtinën, si po e rrezikojmë Podgoricën në këtë mënyrë? Për të bërë shaka, më mirë të kishim blerë sprej Autan sepse më e rëndësishme për ne është të mbrohemi nga mushkonjat dhe mizat sesa nga ndonjë forcë serioze ajrore që ata mund të kenë. Por t’i lëmë shakatë”.

Vuçiq tha se serbët vetë dhe tha se blerja e armëve nga Kina ishte legjitime dhe transparente.

“Lëreni Serbinë të qetë, mos gënjeni, mos mashtroni publikun. Serbia do ta gjejë rrugën e saj ashtu siç duan qytetarët. Ne jemi krenarë për faktin se ne duam ta mbrojmë vendin vetë, jo NATO-n në emrin tonë. Ne jemi të ndryshëm në këtë dhe ne nuk kanë turp për këtë”, përfundoi ai./Express

The post “Unë jam ujk i vetmuar!” Vuçiç sulmon Kurtin: Ata janë hiena, ta lënë Serbinë rehat appeared first on Albeu.com.

Donaldi mes sherreve e debateve, Romeo bën reagimin si rrallëherë (FOTO LAJM)

A M — Wed, 15 Dec 2021 09:47:26 +0000

Në një moment, kur duket se Donaldi ka një pjesë të madhe të banorëve kundër vetes brenda shtëpisë së “Big Brother VIP”, jashtë ka njerëz që e mbështesin fort për çdo veprim. Sigurisht, midis tyre, edhe gjysma e tij, vëllai binjak, Romeo, që është përkrahja e tij më e madhe.

Së fundmi, ai ka bërë një postim, që është sa “mbrojtje” për Donaldin, po aq edhe “thumb” për ata që e kundërshtojnë. Aktori ka postuar një foto ku duket një luan, i vetëm kundër një tufe hienash. Romeo nuk ka shkruar asgjë krahas fotos, por fakti që e ka postuar menjëherë pas spektaklit, na lë të kuptohet se kjo është pastër e qartë ironi.

Reagimi vjen pas mbrëmjes së djeshme, ku sërish Donaldi ka qenë një nga protagonistët kryesorë, në debatet gjatë spektaklit, madje ‘iu tërhoq vëmendja’ për tonet e larta të bisedës. Ai debatoi ashpër me Arjolën, të cilën e quajti mosmirënjohëse dhe egoiste.

Po ashtu nuk munguan debatet me Ilirin, që janë bërë tanimë të zakonshme. Si dhe diskutime pati edhe për lidhjen me Beatrix, por të dy pavarësht dyshimeve të banorëve, pranuan se e duan njëri-tjetrin.

The post Donaldi mes sherreve e debateve, Romeo bën reagimin si rrallëherë (FOTO LAJM) appeared first on Albeu.com.