Në ceremoninë për firmosjen e kontratës, në Athinë, ndodheshin dhe presidenti i Serbisë Aleksandër Vuçiç dhe ai i Maqedonisë së Veriut. Dhe për ata strategjia e cila kalon nëpërmjet sistemit lundrues shihet si fituese.

Kryeministri i Greqisë Kyriakos Mitsotakis tha se projekti dëshmonte gatishmërinë për të reaguar ndaj sfidave të kohës aktuale duke shmangur përplasjet me vendet e treta, aspak të gatshëm për të bashkëpunuar. Ai shtoi se kjo tregon dhe impenjimin në nivel transkombëtar për një menaxhim të përbashkët të burimeve energjetike. Gazi natyror është një lëndë djegëse kalimtare dhe do të jetë i rëndësishëm dhe në vitet në vijim, por objektivi është ai i energjisë pastër në ekuilibër me natyrën, përfundoi ai.

Platforma lundruese greko – bullgare do të ketë një kapacitet magazinimi prej 153.500 metrash kub gaz natyror në gjendje të lëngshme, dhe parashikohet të jetë në aktivitet tregtar për muajin dhjetor të 2023-shit, duke garantuar një kapacitet vjetor për përpunimin e 5.5 miliard metër kub gaz natyror në gjendje të lëngshme.

Projekti ka marrë dhe mbështetjen Europiane. Për presidentin e Këshillit Europian, Charles Michel, bëhet fjalë për një investim gjeopolitik. Sistemi reflekton prioritetet duke rifurnizuar Greqinë, Bullgarinë, Maqedoninë e Veriut dhe Serbinë. Një gjë e tillë sipas tij do të ndihmojë në clirimin e rajonit juglindor europian nga kërcënimet për furnizim nga ana e Rusisë.

Në qendër të platformës do të jetë anija Aleksandrupolis, aktualisht në fazë ndërtimi në një kantier në Singapor. I gjithë projekti vlen 410 milion euro dhe mbështetet nga fonde europiane dhe qeveritare si dhe nga një kuotë kapitali privat./albeu.com

The post Gjendet zgjidhja për 4 shtete, si do të furnizohen me gaz appeared first on Albeu.com.

Tarifat e tjera si markimi, skanimi dhe kontrolli i pompës shkojnë për kompanitë private që ofrojnë këto shërbime.

Me rritjen e çmimeve të hidrokarbureve, rritet edhe inflacioni. Çmimet po rriten brenda natës dhe lista e produkteve, çmimet e të cilave janë jashtëzakonisht të larta po bëhet gjithnjë e më e gjatë. Shporta ushqimore pati një rritje të menjëhershme prej 3.6%. Rritja më e lartë në harkun kohor të një viti ka qenë çmimi i një litri vaj, i cili është rritur me rreth 35% dhe në ditët në vijim pritet të rriten me 10% edhe produktet e qumështit.

Por popullsia e Shqipërisë nuk e përballon dot rritjen e çmimeve, sipas Anketës së të Ardhurave dhe Standardeve të Jetesës (AANJ) që mat standardin e jetesës, 40% e shqiptarëve janë në prag të varfërisë, nuk përballojnë dot rritjen e çmimeve, por veçanërisht për shportën kryesore të mallrave të konsumit.

Sipas Instat, rritja e çmimeve ka vijuar edhe në janar të këtij viti. Ndryshimi vjetor i indeksit të çmimeve të konsumit në muajin e lënë pas ishte 3.7%, një vit më parë ky tregues shënonte 0.4%.

Rritja me shpejtësi e çmimeve për një gamë të gjerë artikujsh, veçanërisht lëndët e para me një ndikim zinxhir në treg (si nafta, metalet dhe gruri) i kanë zënë në befasi konsumatorët, bizneset dhe politikëbërësit pas një dekade gjatë së cilës shqetësimet e inflacionit ishin zhdukur. Por ndërkohë që në terma makroekonomikë, lëvizjet e çmimeve duket se janë të monitoruara, në ekonominë reale, veçanërisht në bizneset importuese, kjo situate ka krijuar shqetësime. Kompanitë vendase në industrinë e prodhimit po përballen me rritjen e çmimeve të mallrave. Në tetor 2021, kostot bazë të prodhimit të fermerëve u rritën me 70-80%, paralelisht u rrit edhe çmimi i energjisë. Kostot direkte në industrinë e qumështit u rritën me 10-11%. Situata është e ngjashme në industrinë e mishit. Të gjithë janë në favor të pagesës për cilësinë, por tani për tani ky transformim është i ngadalshëm.

Ajo që vlen të theksohet është fakti se tregjet shqiptare reflektojnë menjëherë rritjen e çmimit në tregjet ndërkombëtare por nuk reflektojnë aspak uljen. Kështu, kanë kaluar vetëm pak ditë nga vlerësimi i naftës në tregjet ndërkombëtare dhe kjo tashmë është reflektuar edhe në Shqipëri. Sipas ekspertëve, kjo tregon mosfunksionimin e tregut pasi pikat e karburantit nuk mund të reflektojnë kaq shpejt rritjen e çmimit pasi kanë rezerva.

Një tjetër arsye e rritjes së çmimit të hidrokarbureve është fakti se Shqipëria, megjithëse i ka të gjitha mundësitë për të qenë vend prodhues, varet ende nga tregu i importit. Ne nuk jemi pjesë e bursës dhe jemi dora e 3-të apo e 4-të, sepse shteti ka vendosur të importojë lëndë të parë. Por, edhe pse tregu shqiptar po përballet me rritjen e çmimeve sipas JP Morgan Global Equity ka të ngjarë çmimet e naftës mund të arrijnë në 125 dollarë për fuçi që në tremujorin e dytë të këtij viti duke qenë se ka mungesë prodhimi nga OPEC +, Organizata e Vendeve Eksportuese të Naftës dhe nga prodhuesit aleatë.

Përgatiti: Armela Toska

The post Kriza e hidrokarbureve dhe impakti i saj në ekonominë vendase appeared first on Albeu.com.

Zjarrfikësja ndodhet në vendngjarje dhe po punon për izolimin e flakëve, ndërsa një stallë aty pranë rrezikohet./albeu.com

The post Përfshihet nga flakët gropa me hidrokarbure në Patos (VIDEO) appeared first on Albeu.com.