Kupa e Botës 2026 nuk shkoi aspak sipas pritshmërive të Son Heung-min dhe Koresë së Jugut. “Taegeuk Warriors” e mbyllën aventurën e tyre që në grupet e turneut, pasi u mundën 1-0 në mënyrë të papritur nga Afrika e Jugut në sfidën e fundit të Grupit A.

Menjëherë pas këtij eliminimi, zhgënjimi në Korenë e Jugut ishte i thellë, ndërsa kapiteni Son Heung-min reagoi me një postim të gjatë në Instagram, ku u kërkoi falje tifozëve.

“Dua t’u shpreh faljet e mia më të sinqerta popullit të Koresë dhe të gjithë tifozëve që e duan futbollin. Si dikush që e do këtë sport, e di sa të zhgënjyer, të frustruar dhe të lënduar jeni. Një fjalë ‘më fal’ nuk mjafton për të përshkruar atë që ndiej”, shkroi ylli i LAFC.

Reagimet në vend nuk vonuan. Gjatë konferencës për shtyp pas ndeshjes, transmetuesi kombëtar KBS madje ia mjegulloi fytyrën trajnerit Hong Myung-bo, ndërsa presidenti i Koresë së Jugut, Lee Jae-myung, sulmoi fort emërimin e teknikut, duke thënë se “kompetenca nuk ishte prioritet” në përzgjedhjen e tij.

Nën presionin e kritikave të shumta, Hong Myung-bo bëri të ditur largimin e tij nga posti i trajnerit.

Son vijoi mesazhin e tij duke pranuar se e kishte të vështirë ta pranonte atë që kishte ndodhur.

“Ende nuk është e lehtë ta pranoj këtë realitet. Kur mendoj për tifozët që po përjetojnë një zhgënjim edhe më të madh se unë, e kam të vështirë të flas për ndjenjat e mia. Ndjej një përgjegjësi të madhe sepse nuk arrita t’jua shpërblej mbështetjen dhe dashurinë që na keni dhënë”, shtoi Son.

Koreja e Jugut shënoi vetëm dy gola gjatë gjithë turneut, shifra më e ulët për ekipin në një Kupë Bote që prej vitit 1998.

Megjithatë, pavarësisht këtij dështimi, Son u bëri thirrje tifozëve të mos i sulmojnë lojtarët dhe premtoi se do të vazhdojë të japë maksimumin për fanellën e përfaqësueses.

“Do të bëj gjithçka që mundem për të ndryshuar mendimin e tifozëve dhe për t’ju sjellë sërish gëzim. Nuk e kam harruar kurrë premtimin që u kam bërë tifozëve të mi dhe do të jap gjithçka nga vetja për sa kohë që ata do të kenë nevojë për mua.”

Në fund, kapiteni korean pati edhe një apel të drejtpërdrejtë për mbështetësit.

“Në vend që t’i kritikoni dhe t’i lëndoni lojtarët, ju kërkoj me sinqeritet t’u jepni mbështetje dhe inkurajim, edhe pse e di se në këto momente është e vështirë. Më vjen shumë, shumë keq”, deklaroi Son.

The post Son Heung-min kërkon ndjesë pas dështimit të Koresë së Jugut: E pamundur të shpreh dhimbjen që ndiejmë appeared first on Albeu.com.

Deri më tani, Kupa e Botës 2026 ka prodhuar emocione të shumta, ndërsa disa nga figurat kryesore të futbollit kanë dëshmuar sërish se pritet të jenë vendimtare edhe në këtë turne.

Lionel Messi, Kylian Mbappe, Vinicius Junior, Cristiano Ronaldo dhe Erling Haaland tashmë kanë nisur me gola dhe paraqitje pozitive, duke i vendosur edhe kombëtaret e tyre mes pretendentëve për ta fituar trofeun.

Në këtë kuadër, Dept është takuar me disa prej këtyre futbollistëve, me të cilët ka përsëritur festimet karakteristike të golave të tyre, ndërsa ndjekësve u ka kërkuar të zgjedhin se cili prej tyre është më i miri.

Në videon e saj paraqiten emra të njohur si Mbappe, Rodri, Weston McKennie, Haaland, Miguel Almiron, Heung-min Son, Vinicius, Achraf Hakimi dhe Ronaldo. Kjo përmbajtje ka grumbulluar tashmë miliona klikime në të gjitha rrjetet sociale.

Opinioneve të tifozëve nuk u ka munguar larmia, megjithatë festimi i famshëm i Ronaldos, i njohur si “Siiiuuu”, duket se ka marrë më shumë komente se të tjerët.

Nga ana tjetër, Celine Dept njihet si influencuese belge aktive në TikTok dhe YouTube, si edhe si belgja e parë që arriti shifrën e 10 milionë abonentëve në YouTube.

Ajo nisi të publikonte video në TikTok në prill të vitit 2019, ndërsa deri në janar 2020 kishte numrin më të madh të ndjekësve në TikTok mes të gjitha influencueseve belge, me rreth 2.7 milionë ndjekës.

The post Influencuesja Celine Dept veçon festimet më ikonike të yjeve të Kupës së Botës appeared first on Albeu.com.

Të martën, City mori një fitore vendimtare 2-0 në stadiumin e Tottenham Hotspur për të kaluar në krye të tabelës së Ligës Premier, dy pikë përpara Arsenalit me vetëm një ndeshje të mbetur kundër West Hamit.

Fitorja ishte vendimtare, duke qenë se një barazim do ta mbante Arsenalin në krye të tabelës – që do të thotë se titulli do të ishte në duart e tyre duke shkuar në xhiron e fundit.

Në të vërtetë, një barazim dukej si një skenar i mundshëm në minutën e 86-të, kur Manuel Akanji iu grabit topi brenda gjysmës së tij, duke lejuar Son të vraponte drejt portës me vetëm Stefan Ortega për të mposhtur.

Por, me golin në mëshirën e tij, gjuajtja e Son u prit shkëlqyeshëm nga Ortega, me Erling Haaland që dyfishoi epërsinë e Cityt nga penalltia vetëm pak minuta më vonë.

Humbja e Spurs konfirmoi vendin e Aston Villas në Ligën e Kampionëve sezonin e ardhshëm në vend të skuadrës së Ange Postecoglout.

Dhe pas ndeshjes, Guardiola u pa duke folur me Son në një mënyrë motivuese, me dyshen që vendosën një krah rreth njëri-tjetrit.

Spanjolli dukej se po ngushëllonte koreano-jugorin dukshëm të zhgënjyer. /Telegrafi/

The post Pep Guardiola dhe Heung-Min Son kishin një bisedë me të përfunduar ndeshja mes Cityt dhe Spurs appeared first on Albeu.com.

Tottenham ka hapur bisedimet me Heung-Min Son për një marrëveshje të re dhe ka besim se do të finalizohet në verë, raporton Football Insider.

Sulmuesit 31-vjeçar i skadon kontrata në Londrën e Veriut në vitin 2025, megjithëse Spurs kanë një opsion për të zgjatur qëndrimin e tij për një vit shtesë.

Mësohet se janë zhvilluar bisedimet fillestare mes dy palëve, por një kontratë e re nuk pritet të kompletohet deri në përfundimin e sezonit.

Të dy Son dhe Tottenham janë të fokusuar në fundin e sezonit 2023-24, me skuadrën e Ange Postecoglou në garë për kualifikimin në Champions League.

Ata aktualisht janë në vendin e pestë në Premier League – pesë pikë prapa katër të parave me 12 ndeshje të mbetura.

The post Tottenhami nis bisedimet për rinovimin me Son appeared first on Albeu.com.

Ditën e djeshme, Arabia Saudite dhe Koreja e Jugut u takuan në fazën e 16-të të Kupës së Azisë dhe gjatë takimit, 34-vjeçari Al-Bulayhi pati konflikt vazhdimisht me Son, por në një moment e teproi dhe vendosi të sulmojnë fizikisht kapitenin e Koresë së Jugut.

Al-Bulayhi fillimisht e largoi Son nga qetësia e plotë, i cili mbeti i mahnitur dhe vetëm qeshi, dhe kjo e acaroi më tej Al-Bulayhi, i cili më pas e kapi yllin aziatik përpara për flokë.

Ajo që është veçanërisht interesante është se gjyqtari uzbek Ilgiz Tantashev nuk e ndëshkoi Al-Bulayhi me karton të verdhë për këtë sjellje të keqe.

Kjo nuk është hera e parë që Al-Bulayhi pa nevojë u shkakton probleme yjeve të mëdhenj të futbollit.

Në Botëror, gjatë ndeshjes kundër Argjentinës, ai u përplas me Lionel Messin, ndërsa së fundmi në ligën saudite, në duelin e tij mes Al-Hilal dhe Al-Nassr-it, iu kap edhe portugezit Cristiano Ronaldos.

Nëse jo me cilësi, Al-Bulayhi po arrin që me konflikte të përmendet në mediat më të mëdha botërore, pasi ka gjetur metodën për të bërë famë duke shfrytëzuar duelet me super yjet e futbollit. /Telegrafi/

이새끼는 진짜 징계 먹여야하는 거 아님?
머리채를 잡는데? pic.twitter.com/kIrcGSZXoV

— ?????. (@Feliz_219) January 30, 2024

The post Mbrojtësi arab sërish në qendër të vëmendjes, gjest të shëmtuar ndaj Heung-min Son appeared first on Albeu.com.

Son e fitoi këtë çmim për herë të shtatë radhazi, pasi mori 22.9 për qind të votave, duke lënë pas vetes Kim Min-Jae të Bayern Munichut me 19.54 përqind dhe Cristiano Ronaldon që përfundoi i treti me 17.06 për qind.

Përndryshe, kjo ishte hera e nëntë për Son që e fiton këtë çmim prestigjioz gjatë karrierës së tij.

Son shkëlqeu me Korenë e Jugut ashtu edhe me Tottenhamin, klub ku tashmë është edhe kapiten.

Teksa ky çmim do të thotë shumë për të, Son do të dëshironte që të fitonte ndonjë trofe qoftë më Tottenhamin apo me shtetin e tij në 2024.

Ani pse nuk e fitoi këtë çmim, Ronaldo ka shënuar më së shumti gola se çdo lojtar tjetër në vitin 2023.

38-vjeçari shënoi plotë 53 gola vitin e kaluar, teksa reprezentuesi portugez po vazhdon të dëshmojë se ka ende shumë për t’i dhënë futbollit.

Son në anën tjetër u paraqit për Korenë e Jugut në fitoren me rezultat 3-1 ndaj Bahreinit në Kupën e Azisë të hënën.

Ndeshja e radhës për të dhe shtetin e tij do të jetë ndaj Jordanisë të shtunën, para se të përmbyllin fazën e grupeve ndaj Malajzisë më 25 janar./Telegrafi/

The post Heung-min Son shpallet lojtari më i mirë në Azi, lë mbrapa vetes me një diferencë të madhe Ronaldon appeared first on Albeu.com.

Vetëm 499 nga supermakinat Ferrari janë prodhuar dhe blerësit e mundshëm duhet të plotësojnë kritere strikte.

Lojtari në garazhin e tij në Londrën e Veriut disponon një super makinë e rrallë e disponueshme për vetëm pak njerëz, Ferrari La Ferrari.

Në fotot më poshtë keni disa nga super makinat e yllit të Tottenhamit. /albeu.com/

The post Nga Ferrari te Audi, shikoni koleksionin e makinave super luksoze të Heung-min Son (FOTO LAJM) appeared first on Albeu.com.