Sipas burimeve, bëhet fjalë për një pasuri që dyshohet nga hetuesit se mund të jetë e lidhur me Ballukun dhe që është vënë nën hetim si pasuri e fshehur.

Prokurorët e posaçëm po analizojnë materialet e sekuestruara gjatë kontrollit, duke i krahasuar ato me provat dhe të dhënat e tjera të administruara përgjatë hetimit.

Ish-zv.kryeministrja dhe ish-ministrja e Infrastrukturës dhe Energjisë, është e pandehur në çështjen që lidhet me tenderin për ndërtimin e tunelit të Llogarasë dhe lotet e Unazës së Jashtme të Tiranës.

Ndërkohë, ndaj saj vijon edhe një hetim për korrupsion dhe pastrim parash. Në kuadër të këtij hetimi, SPAK ka sekuestruar një vilë në Dhërmi, për të cilën dyshohet se mund të jetë pasuri e fshehur.

Rreth 10 ditë më parë, Balluku u paraqit në SPAK, ku iu komunikuan akuzat e reja. Në të njëjtën kohë, asaj iu bë me dije edhe vendimi për zgjatjen me tre muaj të afatit të hetimeve.

The post Hetimet për dosjen “Balluku”/ SPAK ushtron kontrolle në kompaninë “Atelier 4”, sekuestrohet projekti i arredimit të vilës luksoze appeared first on Albeu.com.

Bazuar në një vendim gjykate, efektivët kanë kryer kontrolle të hollësishme në katër banesa. Burimet bëjnë me dije se vëmendja është përqendruar te pronat dhe banesat që u përkasin anëtarëve të familjes Loci, ku janë kërkuar prova materiale që mund të ndihmojnë në zbardhjen e ngjarjes.

Gjatë operacionit, disa persona janë shoqëruar në komisariat dhe po merren në pyetje nga ekipi hetimor lidhur me rrethanat e krimit dhe lidhjet e tyre me viktimën.

Pista kryesore ku janë fokusuar hetuesit lidhet me një mosmarrëveshje të mundshme pronësie mes viktimës Edmond Sula dhe personave të shoqëruar.

Grupi hetimor vijon punën për të dokumentuar ligjërisht ngjarjen dhe për të identifikuar autorët përgjegjës.

The post Hetimet për vrasjen e Edmond Sulës, kontrolle në Bërxullë dhe shoqërime personash për t’u marrë në pyetje appeared first on Albeu.com.

Deklarata është dhënë një ditë më parë, ndonëse nëna ndodhej në gjendje të rënduar psikologjike pas tragjedisë.

Disa muaj më parë, familjarët kishin tentuar ta merrnin Bleonën së bashku me dy fëmijët. Edhe pse në fillim 24-vjeçarja e kishte kërkuar këtë, më pas kishte ndryshuar mendje dhe kishte vendosur të vazhdonte të jetonte me bashkëshortin.

Bleona Çelaj, nuk kishte telefon celular dhe mbante pak kontakte me familjen, pasi ata jetonin në Gjermani.

Marrëdhëniet mes dy familjeve ishin të ftohta dhe komunikimi mes tyre nuk ishte normal. Tensioni u vu re edhe dje, në ditën kur ndodhi ngjarja tragjike, ndërsa sot familjet janë bërë bashkë për ceremoninë e varrimit.

Bashkëshorti, nga ana tjetër, ka mohuar që çifti të ketë pasur konflikte. Pas ngjarjes së rëndë, gjendja e tij psikologjike paraqitet tejet e rënduar.

Megjithëse janë ngritur pretendime për dhunë, grupi hetimor, bazuar në këqyrjen e vendit të ngjarjes, provat e administruara dhe ekspertizën mjeko-ligjore, është plotësisht i bindur se zjarri që u mori jetën nënës dhe dy fëmijëve ishte aksidental.

Në banesën e përfshirë nga flakët, ku humbën jetën tre persona, mbërritën edhe ekspertë zjarresh nga Tirana.

Hetuesit vlerësojnë se dhuna e pretenduar nga familja e Bleonës nuk ka ndikuar në tragjedi, pasi dyshohet se një rrjedhje e mundshme nga bombola e gazit ka shkaktuar shpërthimin.

Në shtëpi ndodhej gjithashtu një shishe me benzinë, e cila ka ndikuar ndjeshëm në përhapjen e zjarrit dhe në shpërthim.

Policia ka sekuestruar provat materiale, mes tyre një pjesë të bombolës, që konsiderohet prova kryesore, si dhe sende të tjera të gjetura jashtë. Materialet janë dërguar në Tiranë për ekspertizë të mëtejshme.

Në momentin e tragjedisë, nëna dhe dy fëmijët ishin vetëm në banesën e braktisur në Domen të Postribës, pasi bashkëshorti kishte shkuar në një market.

Çifti ishte kthyer nga Gjermania prej disa ditësh. Bashkëshorti është shtetas gjerman, ndërsa Bleona ishte në proces dokumentacioni.

Policia dhe prokuroria po vijojnë hetimet. Deri tani është përjashtuar mundësia që nëna të jetë vetëvrarë apo t’i ketë mbytur fëmijët për shkak të dhunës së pretenduar ose të ndonjë ndikimi tjetër, ndërsa ngjarja e rëndë është klasifikuar si aksidentale.

The post Tragjedia me 3 viktima në Shkodër, hetimet vazhdojnë/ Nëna e Bleona Çelajt: Vajza dhunohej nga bashkëshorti appeared first on Albeu.com.

Për këtë rast, Prokuroria Themelore ka njoftuar se Departamenti për Krime të Rënda e ka informuar Prokurorin e Shtetit dhe se, me urdhër të tij, Policia e Kosovës është autorizuar të mbledhë dhe të grumbullojë informacione relevante për të vlerësuar nëse ka elemente të ndonjë vepre penale.

“Konfirmojmë që është njoftuar Prokurori i Shtetit, nga Departamenti për Krime të Renda për këtë çështje penale.

Me urdhër të Prokurorit të Shtetit, është autorizuar Policia e Kosovës për mbledhjen dhe grumbullimin e informatave relevante nëse ekziston ndonjë element i veprës penale në lidhje me këtë rast”, thanë për redaksinë nga Prokuroria.

Në të njëjtën kohë, mbetet të vendoset nëse Paneli Zgjedhor për Ankesa dhe Parashtresa do të marrë vendim për hapjen e kamerave të sigurisë në qendrat e votimit, për të verifikuar dyshimet e ngritura gjatë procesit zgjedhor.

The post Prokuroria jep sqarime për dyshimet mbi parregullsi zgjedhore në veri të Kosovës appeared first on Albeu.com.

Salvatore Aliu ishte identifikuar si drejtues dhe si personi kyç në këtë grup kriminal në rolin e furnizuesit, organizatorit dhe financuesit të ngarkesave me kokainë, nga Ekuadori në vendet e BE por edhe në Shqipëri.

Sipas informacionit, vëllai i Salvatore Aliut, shtetasi shqiptar Isa Aliu, vlerësohet si personi kyç që bënte të mundur pastrimin e paratë të kokainës, nëpërmjet bizneseve, siç është rrjeti i supermarketeve Road House në Elbasan.

Salvatore Aliu dhe lidhjet e tij rezultoi se përdornin platformën e koduar të komunikimit “Sky ECC”.

Nga analizimi i të dhënave të “Sky ECC” kanë dalë të dhënat për këtë grup që vepronte në fushën e trafikit të kokainës.
Salavtore Aldiu alias Shpëtim Aliu njihet si Daja, Qero, Qerosi, Viktor, Albo Pelon, Oklid Elouejdi, Sokol Bibaj, Denis Matoshi alias Eldi Dizdari, Armando Pacani, Dritan Gjika, Florian Musai alias Naum Filo, Aleks alias Shkëlqim pepahj, Jetmir Pepaj, Naldi Yzeiraj e persona të tjetër të paidentifikuar që trafikonin drogë nga Ekuadori drejt vendeve të BE-së. Ndërkohë, Florian Musai, është i vetmi i arrestuar që i është komunikuar arresti me burg.

The post Zbardhen detaje te reja nga hetimet e SPAK për organizatën e Shpëtim Aliut, si pastroheshin paratë e k*kainës përmes bizneseve! Çfarë zbuluan bisedat në “Sky ECC” appeared first on Albeu.com.

Viola Haxhiademi, ish-sekretare e përgjithshme e Ministrisë së Financave, aktualisht drejtoreshë e Koorporatës Elektro-energjitike shqiptare u paraqit të enjten në SPAK ku dha dëshminë e saj, përderisa konsiderohet një prej njerëzve të besuar të ish-ministres nën hetim për abuzime me tenderat e rrugëve.

Shpjegime për hetuesit dha dhe Laureta Omeri, ish-këshilltare dhe një prej bashkëpunëtorëve më të ngushta të Ballukut, që po ashtu iu nënshtrua kontrollit.

Biznesmeni Arbër Abazi, kompanitë e të cilit kanë fituar tendera pranë Ministrisë së Infrastrukturës dha spjegime për dy procedura tenderuese, ndërsa Kujtim Hasa, i kompanisë Rruga Ura në Elbasan iu dorëzoi hetuesve të BKH-së kompjutera që mendohen si prova të vlefshme për hetimin e rastit.

Në SPAK gjatë ditëve të fundit janë paraqitur edhe biznesmenë të tjerë në kompanitë e të cilëve janë sekuestruar dokumenta apo kompjutera.

Në mesin e personave që iu nënshtruan kontrolleve ishin dhe shoferi i Belinda Ballukut, si dhe pastrueset e shtëpisë, të cilët janë pyetur lidhur me banesat e ish-ministres si dhe detaje të përditshmërisë së saj.

SPAK po e heton Ballukun për tenderin për ndërtimin e tunelit të llogarasë dhe lotet e Unazës së Madhe.

Së fundmi, po heton pasuritë e ish numrit dy të qeverisë dhe personave të bashkëlidhur me të.

The post Thellohen hetimet për Belinda Ballukun/ Pas kontrolleve në zyra e vila luksoze, SPAK merr në pyetje ish-bashkëpunëtorët e afërt dhe disa biznesmenë appeared first on Albeu.com.

Të pandehurit akuzohen për veprat penale “Shpërdorim detyre”, “Fshehja e të ardhurave” dhe “Tregtimi dhe transportimi i mallrave kontrabandë”.

Emiljano Lela

Alketa Pere

Brikena Qirjazi

Drilona Kishta

Halil Gashi dhe

Florian Marku

Njoftimi: 

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, përfundoi hetimet dhe dërgon në gjyq gjashtë persona, mes të cilëve zv.Drejtoreshën, koordinatorin, mjekë e specialistë të Spitalit Onkologjik në Qendrën Spitalore Universitare Tiranë (QSUT) si dhe administratorin e një kompanie farmaceutike për veprat penale ‘Shpërdorim të detyrës’, ‘Fshehja e të ardhurave’ si dhe ‘Tregtimi dhe transportimi i mallrave që janë kontrabandë’ parashikuar nga nenet 248, 180/1 dhe 178/1 të Kodit Penal.

Fillimisht çështja u dërgua në Prokurorisë së Posaçme kundër Korrupsionit dhe Krimit të Organizuar për vlerësim nëse kishte të bënte me ndonjë bashkëpunim që ishte kompetencë lëndore e kësaj prokurorie. Por u risoll në Prokurorinë Tiranë duke veçuar materialet në ngarkim të mjekut onklog E.G, për veprën penale të “Korrupsioni pasiv i personave që ushtrojnë funskione publike”, parashikuar nga neni 259/2 i Kodit Penal.

Si rrjedhojë, në përfundim të hetimeve mbi procedimin penal nr.5071 të vitit 2023 nga Prokuroria pranë Gjykatës së Shkallës së Parë të Juridiksionit të Përgjithshëm, Tiranë, në bashkëpunim me Seksionin e Luftës Kundër Krimit Ekonomik e Financiar në DVP Tiranë, arritën të dokumentojnë raste ku pacientëve të ndryshëm, pasi nuk i jepej trajtimi i duhur mjekësor orientoheshin në klinikat private ku kundrejt tarifave të fryra kryheshin shërbime dhe ndërhyrje kirurgjikale të cilat duhet t’i jepeshin falas nga mjekët e spitalit onkologjik pranë QSUNT.

Gjithashtu, rezultoi se pranë Spitalit Onkologjik në QSUNT ishte instaluar një aparaturë Kobalto-Terapie për trajtimin e të sëmurëve të diagnostikuar me sëmundje tomorale. Që të përdorej kjo aparaturë duhet të krijohej më parë një bunker antiradioaktiv ose antiatomik në kushtet e miratuara dhe të prezantuara nga Agjensia Atomike e Vienës ose agjencia ndërkombëtare IEAHEA. Ky bunker jo vetëm nuk u krijua por aparatura u vendos jashtë kushteve teknike e në dhomën ngjitur kabinetit të radiologjisë me një lloj radioaktiviteti që nuk mund të lejohet të vendoset në ambiente jo specifikë. Nga viti 2021 kur ky aparat ka mbërritur në Shqipëri nuk është në shfrytëzim por është lënë në kushte të papërshtatshme duke u bërë burim rreziku ndaj vetë personelit mjekësor si pasojë e rrezatimeve të mundshme që emëton.

Në përfundim të hetimeve, Prokuroria pranë Gjykatës së Shkallës së Parë të Juridiksionit të Përgjithshëm, Tiranë provoi se shtetasi E.L., në cilësinë e koordinatorit pranë Spitalit Onkologjik të QSUNT, ka ndërhyrë në mënyrë të paligjshme në procesin e administrimit dhe orientimit të pacientëve tek klinikat private për të marë kurën e trajtimit në luftën kundër sëmundjeve tumorale, në një kohë kur sigurohej nga shteti. Ai përzgjidhte pacientë nga radha e pritjes dhe i orientonte jo tek mjeku që kishin të rekomanduar sipas procedurave, por tek klinikat private, duke përfituar përqindje monetare. Në analizë të fakteve dhe provave të mbledhura rezultoi e provuar se i pandehuri E.L., ka konsumuar veprën penale të “Shpërdorimit të detyrës”.

Po kështu edhe e pandehura A.P., në cilësinë e administratores pranë Spitalit Onkologjik të QSUT, u provua se dërgonte pacientët drejt klinikave private, në tejkalim të kompetencave dhe në kundërshtim me rregullat ligjore dhe procedurale që rregullojnë ushtrimin e profesionit mjekësor dhe administrimin e dokumentacionit shëndetësor. Në analizë të fakteve dhe provave të mbledhura rezultoi e provuar se e pandehura A.P ka konsumuar veprën penale të “Shpërdorimit të detyrës”.

Prokuroria pranë Gjykatës së Shkallës së Parë të Juridiksionit të Përgjithshëm Tiranë provoi gjithashtu se edhe shtetasja B.Q., në cilësinë e Zv/Drejtoreshës në QSUT e ngarkuar me mbulimin e shërbimit onkologjik, nuk ka marrë masat e nevojshme për garantimin e funksionimin e rregullt dhe të sigurt të pajisjes së burimit të kobaltit. Ajo nuk ka marrë masa për vënien në funksion të kësaj pajisjeje, duke bërë që pacientëve të mos u ofrohej në kohë shërbimi i nevojshëm mjekësor. Për pasojë, pacientëve nuk u është dhënë mundësia e zgjedhjes së metodës së trajtimit, duke u kufizuar vetëm në një alternativë të vetme trajtimi. Sa më sipër, rezulton e provuar se e pandehura B.Q. ka konsumuar veprën penale të “Shpërdorimit të detyrës”.

Në vijim të hetimeve, rezultoi se edhe shtetasja D.K., në cilësinë e specialistit pranë QSUT ka pasur detyrimin ligjor të kryejë ekspertizën lidhur me menaxhimin e burimeve radioaktive dhe mbetjeve të tyre. Kjo shtetase hartoi një ekspertizë që nuk ishte në përputhje me gjendjen reale dhe me të dhënat e dhëna nga përfaqësuesit e njësisë së Radioterapisë. Gjithashtu rezulton se kjo ekspertizë është kryer përpara procesit të porositjes së burimit të kobaltit, çka ka sjellë si pasojë marrjen e një vendimi për porositjen e një burimi radioaktiv që nuk është vendosur në funksion dhe nuk është përdorur. Si pasojë e kësaj veprimtarie është shkaktuar dëm ekonomik për institucionin, duke cenuar interesat e ligjshme të shtetit. Sa më sipër, shtetasja D.K., rezulton se ka konsumuar veprën penale të “Shpërdorimit të detyrës”.

Përsa i përket shtetasit H.G., rezultoi se ai nuk ka lëshuar fatura tatimore për operacionet dhe shërbimet e kryera në klinikë, duke përfshirë shërbime si skaner dhe mamografi, si dhe ka lejuar që mjekë të punojnë në mënyrë të paregjistruar. Ai nuk ka lëshuar fatura tatimore për shërbimet dhe operacionet e kryera në klinikën që administronte, ka lejuar mjekë të punojnë pa regjistrim ligjor dhe ka përfituar materialisht nga ky sistem i fshehjes së të ardhurave. Sa më sipër rezultoi e provuar se i pandehuri H.G. ka konsumuar veprën penale të “Fshehja e të ardhurave”.

Së fundmi, shtetasi F.M., në cilësinë e administratorit të “Flori Farma”, ka bërë blerjen dhe vënien në qarkullim të barnit “Valamor”, të cilin e dinte ose duhej të dinte se ishte kontrabandë (pa pullë të AKBPM-së dhe me barkod të dëmtuar). Si administrator i subjektit farmaceutik ka marrë pjesë në aktivitetin e paligjshëm të tregtimit të barnave kontrabandë, duke ditur ose duke qenë i vetëdijshëm për statusin e paligjshëm të barnit të blerë duke konsumuar veprën penale ‘Tregtimi dhe transportimi i mallrave që janë kontrabandë’.

The post Dërgonin pacientët e onkologjikut në klinika private, Prokuroria e Tiranës mbyll hetimet, çon në gjyq zyrtarë e mjekë të QSUT, mes tyre edhe zv. drejtoreshën (EMRAT) appeared first on Albeu.com.

Gazetarja Klodiana Lala, i bëri me dije këto të dhëna, duke shtuar se marrë shkas nga intensifikimi i hetimeve ndaj ish zv kryeministres, Prokuroria e Posaçme mund t’i drejtohet sërish Kuvendit për t’i hequr imunitetin e deputetes dhe hapjen e rrugës për arrestimin e saj.

“Burime pranë SPAK konfirmojnë se javët e fundit iu është dhënë rrugë disa letër porosive përmes të cilave është kërkuar informacion dhe të dhëna nga vende të BE por edhe në SHBA, që lidhen me Ballukun apo persona të lidhur me të.

SPAK më herët kërkoi leje për arrestimin e saj por maxhoranca në fuqi e rrëzoi këtë kërkesë dhe tashmë në fuqi ndaj ish zv kryeministres mbetet në fuqi masa e ndalimit për të dalë jashtë vendit.

Mbetet në fuqi dhe masa e pezullimit nga ushtrimi i funksioneve, ç`ka dmth Balluku i ka kundërshtuar në shkallë më të lartë. Nisur këto të dhëna të tjera, kontrolle intensive se ka dyshime të forta për transaksione dhe kontratat të tjera publike me persona të zonjës Balluku, ndoshta situata mund të ndryshojë dhe prokurorët mund të ripërsërisin por mbetet potencialisht një dyshim i arsyeshëm për sa kohë hetimet janë intensifikuar një kërkesë të re për ish-numrin dy të qeverisë”, raportoi gazetarja.

Më herët, sot, SPAK ushtroi kontrolle në zyra dhe biznese të lidhur me familjarë të Belinda Ballukut. Gazetarja Klodiana Lala konfirmoi se është ushtruar kontroll në banesën e Mired Reçit, djalit të tezes së Belinda Ballukut, por edhe personave të tjerë të lidhur me të, në kuadër të hetimeve që po kryhen edhe në drejtim të pasurisë.

Mired Reçi, rezulton se qenë ortak me 49% të aksioneve në dy kompani: “XL MARKET” shpk dhe “Hippo Tregu Elektrik” shpk. Ortaku tjetër është Meland Qirko, kunati i ish zëvendes kryeministres Balluku, i martuar me motrën e saj, Pamela Qirko.

Gjatë këtyre kontrolleve që pasojnë ato të dhjetorit 2025 dhe janarit të këtij viti, mësohet se janë sekuestruar sërish celularë, dokumenta që sipas Prokurorëve i shërbejnë hetimit të çështjes.

The post Hetimet ndaj Belinda Ballukut/ SPAK dërgon letërporosi në vende të BE dhe SHBA, Klodiana Lala: Prokuroria mund të kërkojë sërish arrestimin e saj appeared first on Albeu.com.

Burime pranë Prokurorisë së Posaçme, konfirmuan për News 24 se janë miratuar më vendim të gjykatës të paktën 15 kontrolle në kuadër të dosjes Balluku, përfshirë dhe familjarë të saj.

Burimet konfirmojnë se është ushtruar kontroll në banesën e Mired Recit, djalit të tezes së Belinda Ballukut, por edhe personave të tjerë të lidhur me të, në kuadër të hetimeve që po kryhen edhe në drejtim të pasurisë.

Reci, rezulton se qenë ortak me 49% të aksioneve në dy kompani: “XL MARKET” shpk dhe “Hippo Tregu Elektrik” shpk. Ortaku tjetër është Meland Qirko, kunati i zv.kryeministres Balluku, i martuar me motrën e saj, Pamela Qirko. Gjatë këtyre kontrolleve që pasojnë ato të dhjetorit 2025 dhe janarit të këtij viti, mësohet se janë sekuestruar sërish celularë, dokumente që sipas prokurorëve i shërbejnë hetimit të çështjes. Në kuadër të hetimit, prokurorët e posaçëm kanë kërkuar informacion jashtë vendit, përmes letërporosive.

Belinda Balluku, është e pandehur për tenderin për ndërtimin e tunelit të Llogarasë dhe nën hetim për lotet e Unazës së Madhe që kapin vlerën e qindra miliona euro.

Ndaj ish-numrit dy të qeverisë janë në fuqi dy masa sigurie: ndalim për të dalë jashtë vendit dhe pezullim nga ushtrimi i funksioneve.

Ndërkohë, që më herët maxhoranca socialiste e rrëzoi kërkesën e SPAK për leje për arrestimin e Ballukut. Nisur nga kontrollet e fundit dhe fazën e re në të cilën kanë hyrë hetimet, mbetet për t’u parë nëse prokurorët e posaçëm do ta ripërsëririn kërkesën për leje për të arrestuar ish-numrin dy të qeverisë.

The post Abuzimet me tenderat miliona euro/ SPAK thellon hetimet ndaj Ballukut, kontrolle edhe në banesat e familjarëve, sekuestrohen dokumente dhe celularë appeared first on Albeu.com.

Një nga episodet më të rënda të këtij grupi kriminal është humbja e një sasie të madhe parash në një nga bankat prestigjoze, të nivelit të dytë, që ushtrojnë aktivitetin e tyre në Tiranë.

Humbje e konsiderueshme parash për të cilën dy vëllezërit Pepa, akuzojnë noteren R. K. E cila sipas tyre ka bashkëpunuar në zhdukjen e sasisë së tyre prej 4 milion euro.

Ku gjatë një bisede që Jetmir Pepa zhvillon me vëllain e tij Urim Pepa, ata bëjnë plan të marrin peng administratorët e bankës.

Ata akuzojnë noteren R. K. se ka bashkëpunuar në zhdukjen e një shume prej 4 milion euro.

Po kështu më datë 3 Gusht 2020. Jetmiri flet me vëllain e tij, Urimin. Ku ndër të tjera ata planifikojnë të marrin peng administratorët e bankës.

‘Ta bëjmë vetë ne, apo të çojmë të tjerë’.

Por si kanë humbur këto para dhe cila është lidhja e noteres në fjalë me vëllezërit Pepa? Dhe pse vëllezërit Pepa akuzojnë noteren R. K për humbjen e parave.

Gjithçka duket se zbardhet edhe njëherë nga bisedat e tyre në Sky Ecc. Ku del se vëllezërit Pepa, i kanë derdhur paratë e tyre në bankën në fjalë nëpërmjet llogarisë së noteres R. K. Por këtu duket se diçka e paqartë ka ndodhur dhe paratë nga sa shikohet kanë humbur çuditërisht destinacionin.

Ndërkohë që noterja ndryshe nga funksioni i saj primar, ka shërbyer si një koperturë e parave të pista që vëllezërit Pepa, fitonin nga paratë e trafikut ndërkombëtar të drogës.

Ndërkohë që siç thamë Jetmir Pepa dhe vëllai i tij Aleksi akuzojnë noteren se ka bashkëpunuar me bankën në zhdukjen e parave. qenë të vëllezërve Pepa.

“Jam me Urimin, po më thotë si të organizohemi që të marrim peng, ose të paguajmë se kam njerëz apo do t’i marrim vetë peng”, thuhet në mesazhet e tyre.

The post Iu zhdukën 4 milionë euro nga llogaria e noteres, zbardhet plani i Jetmir Pepës për të rrëmbyer drejtuesit e bankës appeared first on Albeu.com.