Edhe pas një jave, Lista Serbe nuk ka bërë asnjë deklaratë publike lidhur me qëndrimet e ministres serbe për Administratë Publike dhe Vetëqeverisje Lokale, Snezhana Paunoviq, e cila ka thënë se nëse do të ishte në vend të Sllobodan Millosheviqit në vitin 1998, do ta kishte “spastruar etnikisht Kosovën”.

Subjekti politik që përfaqëson shumicën e serbëve të Kosovës, i njohur për lidhjet e afërta tradicionale me Beogradin, nuk ka publikuar deri tani asnjë reagim zyrtar nga drejtuesit e tij për këtë çështje.

Deklarata e Paunoviqit u bë fundjavën e kaluar gjatë një emisioni në Kuririn serb. KosovaPress raportoi të hënën për deklaratat e saj fashiste, ndërsa më pas pati reagime nga akterë politikë në rajon dhe më gjerë.

Institucionet e Kosovës i kanë vlerësuar fjalët e ministres serbe si nxitje të urrejtjes dhe glorifikim të krimeve të luftës. Si pasojë, Paunoviq është shpallur persona non grata dhe ndaj saj është dorëzuar kallëzim penal për deklaratat e bëra.

Qëndrimet e saj janë dënuar edhe nga shtete të rajonit, si dhe nga Bashkimi Evropian, i cili ka theksuar se nuk mund të ketë hapësirë për retorikë që promovon apo arsyeton spastrimin etnik. Komisionarja për Zgjerim, Marta Kos, e dënoi deklaratën dhe tha se është e habitur që Paunoviq vazhdon të jetë ministre në Qeverinë e Serbisë.

Për heshtjen e Listës Serbe ka folur sot edhe kryeredaktorja e KoSSev-it, Tatjana Lazareviq. Sipas saj, deklarata e Paunoviqit është një rast tipik i përdorimit të gjuhës së urrejtjes, transmeton KosovaPress.

Të enjten është paraqitur edhe kërkesa zyrtare për shkarkimin e saj nga posti i ministres në Serbi.

The post Lista Serbe pa qëndrim publik ndaj deklaratave të Paunoviqit për “spastrim etnik” në Kosovë appeared first on Albeu.com.

Myrtezaj ka sqaruar se nuk është subjekt i asnjë hetimi nga SPAK-u, duke i quajtur këto pretendime si të rreme dhe të pabazuara.

Reagimin e saj e bëri përmes një deklarate të publikuar në InstaStory, në llogarinë e saj zyrtare në Instagram.

“Portalet dhe faqet që kanë publikuar ose shpërndarë lajme të pavërteta duke përfshirë emrin tim kanë keqinformuar opinionin publik”, ka deklaruar këngëtarja.

“Sqaroj qartë se nuk jam subjekt i asnjë hetimi nga SPAK. Çdo pretendim në të kundërt është i rremë i pabazuar dhe cenon figurën, dinjitetin dhe reputacionin tim”, shkruan Myrtezaj.

“Çdo shpifje apo informacion i pavërtetë që dëmton reputacionin tim do të ndiqet me të gjitha mjetet ligjore”, ka deklaruar ajo mes tjerash.

Pretendimet për një hetim të mundshëm nga SPAK-u kanë qarkulluar prej kohësh në media dhe në rrjetet sociale, ndërsa me këtë reagim këngëtarja ka mohuar kategorikisht këto raportime.

Xhensila Myrtezaj është një nga emrat më të njohur të skenës muzikore shqiptare. Ajo njihet për stilin e saj të veçantë dhe zërin karakteristik, ndërsa gjatë karrierës ka sjellë një sërë hitesh dhe ka ndërtuar një rrugëtim të suksesshëm në muzikë.

The post Xhensila Myrtezaj thyen heshtjen: Nuk jam subjekt i asnjë hetimi nga SPAK-u appeared first on Albeu.com.

Loredana theksoi se fotot e krijuara me AI krijojnë keqkuptime dhe disinformacion, duke shtuar se ato nuk pasqyrojnë realitetin dhe janë një formë mashtrimi. Ajo kërkoi që të ndalohen për të mos vazhduar përhapjen e këtyre imazheve të rreme.

Përveç sqarimit të situatës, Loredana shfrytëzoi rastin të falënderojë fansat e saj për mbështetje, duke thënë se ata kanë qenë forca e saj më e madhe gjatë periudhave të vështira. “Mbështetja e juaj ka qenë drita në momentet më të errëta të jetës time,” shprehet ajo

The post Loredana Brati thyen heshtjen pas fotove me Jozin që pushtuan rrjetin! appeared first on Albeu.com.

Kjo paraqitje vjen pas ngjarjes që bëri bujë disa muaj më parë. Kujtojmë se në një video të shpërndarë gjerësisht në rrjete sociale, Stresi shihej së bashku me Jozin, ku e puthte atë në faqe, ndërsa pyetej për marrëdhëniet me djemtë e zonës së tij, për të cilët reperi u shpreh se “i ka si vëllezër”. Videoja u përhap me shpejtësi, duke gjeneruar reagime të shumta dhe debate mes ndjekësve, përfshirë edhe reagimin e Gjestit, i cili e hoqi Stresin nga ndjekësit në Instagram.

Pas kësaj situate, Stresi vendosi të tërhiqej plotësisht nga rrjetet sociale, duke mos publikuar asnjë postim dhe duke mbetur larg vëmendjes së mediave. Rikthimi i tij në Instagram tregon se reperi po i shijon pushimet në qetësi, larg zhurmës dhe polemikave.

Ky rikthim ka ngjallur interes të madh tek ndjekësit e tij, të cilët presin të shohin nëse Stresi do të rikthehet edhe me projekte të reja muzikore apo do të vazhdojë të mbajë një profil më të ulët në publik.

The post Pas heshtjes së gjatë, Stresi shfaqet sërish, çfarë fshihet pas rikthimit? appeared first on Albeu.com.

Kryetarja e Kuvendit, Elisa Spiropali e vlerësoi Harasanin si një parlamentar aktiv dhe të përkushtuar. “Duke i shprehur ngushëllime familjes dhe të afërmve për humbjen e tij, në nderim të kontributit të tij për vendin, ju ftoj të mbajmë një minutë heshtje,” tha ajo.

Deputetët u ngritën në këmbë për të nderuar ish-kolegun e tyre.

The post Nis Kuvendi, një minutë heshtje për ish-deputetin socialist Andis Harasani appeared first on Albeu.com.

Paco ndërroi jetë në moshën 88-vjeçare ku me “Los Blancos” kishte bërë historinë, duke fituar gjashtë herë Kupën Europiane në emrin e tij.

Aktualisht Gento ishte president nderi te Reali. Në stërvitjen e ditën se sotme skuadra madrilene përpara se të zbrisnin në fushën e blertë për t’u përgatitur për ndeshje e ardhshme kanë mbajtur edhe një minutë heshtje në nder të legjendës së klubit, duke kujtuar dhe nderuar kështu një nga figurat më të njohura të Realit.

The post Vdekja e legjendës Paco, Real Madridi mban një minutë heshtje para stërvitjes appeared first on Albeu.com.

Mesditën e sotme kryedemokrati Lulzim Basha ka pasur një takim të paktën 30 minuta me kreun e PDIU Shpëtim Idrizi, raporton Abcnews.

Gjatë ditës së sotme në zyrën e Bashës kanë qenë edhe sekretari i PD Gazment Bardhi i cili që prej nisjes së fushatës ishte zhvendosur në qytetin e Elbasanit.

Më pas Basha ka pasur takime edhe me kandidatët Alfred  Rushaj dhe Jorida Tabaku.

Burime bëjnë me dije se aktualisht ekipet demokrate po hartojnë denoncimet me rastet e konstatuara të shitblerjes së votës.

Ndërkohë në orët e pasdites pritet një dalje për mediat e kryedemokratit Lulzim Basha në lidhje me qëndrimin e partisë së tij pas rezultatit final.

The post Heshtje totale, Basha takime me Idrizin, Rushaj e Tabakun në selinë blu appeared first on Albeu.com.