Buzëqeshje, shpresë dhe besim! Njihuni me Anxhelën, vogëlushen që sfidon heronjtë e përrallave me forcën e saj

E S — Sun, 30 Oct 2022 22:00:03 +0000

Mes rasteve të shumta të ngjarjeve që pushtojnë për ditë më radhë titujt e mediave, korrupsionit, krimit dhe banalitetit që ka mbërthyer kudo, në vendin tonë të vogël janë më shumë rastet e forcës dhe shpresës që inkurajon dhe përlot këdo.

“Piranjat” janë ndalur këtë herë në shtëpinë e Anxhelës, vogëlueshja e cila pavarësisht sëmundjes, qëndron e buzëqeshur dhe e fortë.

Anxhela, një fëmijë i qeshur dhe energjik si çdo moshatar i saj, u desh të përballej me një vështirësi të papritur që nuk e mposhti dot kurajën e saj. Madje vogëlushja nuk hoqi kurrë dorë nga mësimet, nga librat e nga jeta që një fëmijë duhet të ketë.

E qeshur ajo lexon, ndihmon nënën e saj të gatuajë, e kujton me mall mësuesen, shokët e shoqet e klasës që i dërgojnë vazhdimisht letra.

E detyruar të shkojë dy herë në javë në spital për trajtimin e saj, Anxhela me forcën e saj sfidon edhe heronjtë e përrallave që janë pikturuar nëpër mure.

Me një forcë dhe besim të jashtëzakonshëm, ajo që të gjithë presim për vogëlushen është që të fitojë betejën dhe të vazhdojë rrugën që ka nisur, siç tregon ajo të bëhet një mjeke e të ndihmojë fëmijët që kalojnë të njëjtën gjë si ajo. /abcnews.al

The post Buzëqeshje, shpresë dhe besim! Njihuni me Anxhelën, vogëlushen që sfidon heronjtë e përrallave me forcën e saj appeared first on Albeu.com.

Shpëtuan të moshuarën, babë e bir shqiptarë shpallen heronj të New York

E S — Thu, 31 Mar 2022 07:22:34 +0000

Dy shqiprarët, babë e bir, Qazim Suljovic dhe Loui Suljovic, do të nderohen me tituj nderi në Neë York pasi shpëtuan nga grabitja një të moshuar pranë vendit të tyre të punës.

Agresori i cili tentoi të grabiste të moshuarën duke e sulmuar me thikë.

Babë e birë kur kanë parë se çfarë po ndodhte para picerisë së tyre, kanë vrapuar dhe janë “ kacafytyr” me keqbërësit duke shpëtuar gruan. Ata vepruan në rrezik dhe se pësuan goditje me thikë nga dy grabitësit. Mediat njujorkeze shkruajnë se babë e birë shpëtuan gruan nga goditja me thikë duke rrezikuar jetën e tyre, ndërsa qytetarët e New Yorkut mbledhin ndihma për Qazim dhe Loui Suljoviç.

Sipas gazetës New York Post, citohet: Një pronar picerie dhe babai i tij u shpallën Hero nga Qyteti i New Yorkut, teksa po luftojnë për jetën e tyre pasi u goditën disa herë me thikë kur u hodhën për të ndaluar grabitjen e një gruaje 61-vjeçare jashtë restorantit të tyre në Queens, thanë të afërmit dhe policia”.

Louie Suljoviç, një veteran i ushtrisë amerikane 38-vjeçar, ishte duke punuar pas banakut të picerisë së tij “Elmhurst, Louie’s,” kur ai dhe babai i tij, Qazim Suljoviç, panë të moshuarën duke u grabitur nga dy burra.

Ata të dy ndodhen në spital. “Qazimi është në një situatë të rëndë ndërsa djali i tij Louie po përmirësohet, ai është i shtruar në spital dhe besoj se do të bëhet më mirë”, tha kushërira e Qazimit, Remzija.

Stacioni i policisë Precinct 110 NYPD deklaron: “Ata janë heronj, pasi u hodhën për të shpëtuar një të moshuar që po grabitej me dhunë fizike”, citon INA.

Viktima e moshuar e gjinisë u tha policëve se të dyshuarit i ishin afruar asaj nga pas, e shtynë dhe ia hoqën çantën nga krahu duke e kërcënuar me thikë.

Oficerët arritën të arrestonin dy të dyshuar. Robert Whack, 30 vjeç dhe 18-vjeçari Supreme Gooding u arrestuan për sulmin. Policia gjeti te 30 vjeçari edhe sasi droge heroinë.

The post Shpëtuan të moshuarën, babë e bir shqiptarë shpallen heronj të New York appeared first on Albeu.com.

Heronj Archives - Albeu.com

Buzëqeshje, shpresë dhe besim! Njihuni me Anxhelën, vogëlushen që sfidon heronjtë e përrallave me forcën e saj

Shpëtuan të moshuarën, babë e bir shqiptarë shpallen heronj të New York