Sipas mediave, dy shqiptarët e arrestuar janë Përparim Rakip, 39-vjeç dhe Erion Tola 42-vjeç, ndërkohë që shtetasi italian është Luigi Maggio 31-vjeç.

Gjatë një shërbimi vëzhgimi specifik të organizuar, oficeret e policisë panë një makinë me 31-vjeçarin Luigi Maggios në bord duke dalë nga garazhi i ndërtesës Lainate, e cila pasi arriti në Varese, ndaloi në Piazzale Kennedy, në zonën e përdorur për parkimin e autobusëve të ardhur nga Shqipëria.

Oficerët panë dy burra, 39-vjeçarin Përparim Rakip dhe 42-vjeçarin shqiptar Erion Tola, të cilët nga një autobus i kaluan shtetasit italian dy zarfe të mëdhenj të bardhë, i cili i vendosi në ndarjen e rrotave rezervë të bagazhit të makinës së tij. dhe pastaj u largua.

Policët, duke dyshuar, e ndoqën burrin në Cerro Maggiore, ku ai ndaloi në semafor të kuq. Në atë moment është ndaluar dhe iu nënshtrua kontrolleve.

Brenda makinës së tij, në ndarjen e rrotave rezervë, kishte një fund të rremë ku oficerët gjetën 20 blloqe që përmbanin afërsisht 23 kg kokainë dhe 6 blloqe heroinë me peshë afërsisht 3.5 kg.

Sipas asaj që u rikonstruktua nga agjentët e Komisariatit të Venecias Garibaldi, lënda narkotike e sekuestruar ishte e destinuar për tregun milanez në zonat Loreto, Crescenzago, Lambrate dhe Forlanini, siç rezultoi nga hetimet për lëvizjet e shtetasit italian dhe nga indikacionet gjetur në celularin e tij.

31-vjeçari italian është dërguar në burgun Busto Arsizio (VA), ndërsa dy shtetasit shqiptarë në burgun e Vareses.

The post Dyshohet se trafikuan me autobus nga Shqipëria 25 kg kokainë dhe 3.5 kg heroinë, zbulohen emrat e shqiptarëve appeared first on Albeu.com.

Ngjarja u bë e ditur gjatë një konference për shtyp të mbajtur të dielën, ku u tha se në mjetin e të dyshuarit me inicialet A.L., me shtetësi shqiptare dhe kroate, janë sekuestruar 20 pako të narkotikëve të tipit heroinë. Po ashtu u zbulua se i dyshuari u ndalua në dalje të Kosovës, duke treguar efikasitetin e veprimeve të policisë në kontrollin e kufijve.

“Operacioni ka çuar në arrestimin e A.L., lindur në vitin 1959, i cili tashmë është në pranga dhe po intervistohet në prani të avokatit të tij,” tha rreshteri Reshat Murseli.

Ai shtoi se përveç drogës, nga vetura e të dyshuarit janë gjetur edhe 2.500 euro në cash dhe dy telefona celularë, të cilët po ashtu janë sekuestruar për hetime të mëtejshme.

E gjitha sasia e drogës, e cila peshon rreth 20 kilogramë dhe 60 gramë, ka një vlerë të konsiderueshme në treg, fillimisht vlerësohet të jetë diku mes 20 dhe 25 mijë eurove, por vlera totale në tregun e gjerë mund të arrijë deri në 200 mijë euro.

Policia vazhdon të jetë vigjilente dhe e vendosur në ndjekjen e të gjithë aktiviteteve të paligjshme të lidhura me narkotikët.

The post I sekuestrohen rreth 20 kg heroinë me vlerë 200 mijë euro, arrestohet shqiptari në Kosovë appeared first on Albeu.com.

Bëhet fjalë për Edlir Gjokën, 21 vjeçarin i cili kishte mbërritur në Britani të Madhe ilegalisht në janar të vitit 2023 dhe vetëm 3 muaj më vonë ra pre e kriminelëve që e përfshinë në prodhimin dhe trafikun e drogës.

Ai u kap teksa drejtonte një automjet të marrë me qira dhe me vete kishte 635 paund. Gjatë kontrollit iu gjetën 2 paketime me kokainë që peshonin më shumë se 1 kg. Gjithashtu u gjet edhe 1 kg kokainë.

Avokati i shqiptarit tha se i riu u kishte borxh personave që e kishin ndihmuar të hynte ilegalisht në vend, duke theksuar se 21 vjeçari nuk kishte ardhur në Britani të Madhe me qëllim që të përfshihej në skemën e trafikut të drogës.

The post U kap me heroinë dhe kokainë, 21 vjeçari shqiptar në Britani dënohet me 5 vite burg! Si u mbrojt në gjykatë: Kisha borxhe për të shlyer appeared first on Albeu.com.

Sipas medieve fqinje, droga ishte e destinuar të shitej në sheshet e trafikut të Tarantos.

Mësohet se shqiptari mbërriti në lagje me një taksi dhe doli prej aty me një valixhe.

Pas kontrollit të bërë, u zbulua se në valixhe mbante 20 kg heroinë./albeu.com

The post Po transportonte 20 kg heroinë me valixhe, pranga 20-vjeçarit shqiptar në Itali appeared first on Albeu.com.

Sips policisë, si rezultat i kontrolleve, në Allias, u kap dhe u arrestua në flagrancë shtetasi E. Dh., 45 vjeç, banues në Tiranë.

Gjatë kontrollit, shërbimet e Policisë i kanë gjetur 45-vjeçarit, një sasi lënde të dyshuar narkotike heroinë, të ndarë në doza, gati për shitje. Lënda narkotike u sekuestrua në cilësinë e provës materiale.

Nga verifikimet e kryera ka rezultuar se ky shtetas, pasi siguronte lëndë narkotike heroinë, e ndante në doza të cilat i shiste më pas në zonën e Alliasit.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

The post Shiste heroinë në Allias, arrestohet 45-vjeçari appeared first on Albeu.com.

Ndërkohë që përfshirja e grupve kriminale shqipfolëse në trafikun e kokainës në Europë, nga viti 2012 vlerësohet se ka rritur ndjeshëm konkurrencën, ka ulur çmimet dhe përmirësuar cilësinë, duke ndikuar në këtë mënyrë në rritjen e konsumit, tendencë që u bë e dukshme pas vitit 2015.

Raporti publikoi dy harta në të cilat përfshihet Shqipëria. Në hartën e parë: “Vendet kryesore të identifikuara si burim dhe tranzit i ngarkesave të heroinës, bazuar në konfiskimet për periudhën 2018-2021”, Shqipëria është e ngjyrosur me rozë së bashku me shtete të tjera të Ballkanit, si rrugë tranzite e trafikimit të heroinës.

Në një tjetër hartë “Rrugët e raportuara të trafikut të kokainës dhe kanabisit midis shtetit shumëkombëtar të Bolivisë dhe vendeve dhe territoreve të tjera, 2010–2022”, Shqipëria ka lidhje direkte me Bolivinë për trafikun e kokainës. Vendi është dhe në harta të tjera si ajo e trafikimit nga Kolumbia, por gjithsesi për këtë të fundit rekordin në Europë e mbajnë Italia, Belgjika e Spanja.

Sipas raportit, kokaina (përfshirë drogat e llojit kokainë) e prodhuar dhe tranzituar nëpër katër vendet e pellgut të Amazonës po arrin tregjet globale. Në total, mbi 900 rrugë droge që niseshin nga vendet e pellgut të Amazonës të Kolumbisë, Brazilit, Perusë dhe Bolivisë u raportuan gjatë 2010-2021.

Raporti përmend se nga viti 2012 është rritur konkurrenca e grupeve nga Ballkani, duke filluar me grupet shqipfolëse, në prokurimin direkt të kokainës nga Amerika Latine, çka ka rritur konkurrencën mes trafikantëve që furnizojnë tregjet e Europës Qendrore e Lindore, destinacioni i dytë më i madh për drogat. Kjo konkurrencë ka përmirësuar eficiencën në zinxhirët e furnizimit, ka përmirësuar cilësinë dhe ka ulur çmimet, duke ndikuar në rritjen e konsumit, thekson raporti.

Si oferta ashtu dhe kërkesa për kokainë janë në rritje, po nxiten tregjet të reja

Raporti thekson se bota aktualisht po përjeton një rritje të qëndrueshme të ofertës dhe kërkesës për kokainë, e cila tani po ndihet në të gjithë globin. Kjo ka të ngjarë të nxisë zhvillimin e tregjeve të reja përtej kufijve tradicionalë.

Tregu aktual global i kokainës është rezultat i një kombinimi të faktorëve të kërkesës dhe ofertës. Nga ana e ofertës, kultivimi i biimëve të kokainës mbuloi 315,500 ha në vitin 2021, që përfaqëson një rritje të dukshme nga viti 2020, dhe prodhimi total i kokainës arriti në 2,304 tonë, që ishte rritja e shtatë vjetore radhazi. Të dyja janë nivele rekord.

Nga ana e kërkesës, popullsia e përdoruesve të kokainës, e vlerësuar në 22 milionë në vitin 2021, është rritur gradualisht, por në mënyrë të qëndrueshme, e nxitur nga rritja e popullsisë globale.

Aktorët kriminalë të përfshirë, duke përfshirë të dy grupet, si ata në burim dhe ata që orkestrojnë trafikimin në tregjet e destinacionit, janë diversifikuar në përputhje me dinamikën e konkurrencës, specializimit dhe bashkëpunimit, duke çuar përfundimisht në zinxhirë furnizimi më efikas, veçanërisht në Europën Perëndimore dhe Qendrore, një rajon, i cili vitet e fundit ofroi hapësirë për rritje dhe stimuj të fortë për trafikantët. Zhvillimet në aktorët, rrugët dhe modalitetet lejuan që oferta të përshtatej me kërkesën, me një pikë kthese të dukshme rreth vitit 2015, pas rënies në periudhën midis 2006 dhe 2014.

Megjithëse tregu global i kokainës vazhdon të jetë i përqendruar në Amerikë dhe në Europën Perëndimore dhe Qendrore (me prevalencë shumë të lartë edhe në Australi), në terma relativë duket se rritja më e shpejtë, megjithëse e nisur nga një bazë e ulët, po ndodh në tregjet në zhvillim në Afrikë, Azi dhe Europën Juglindore, thekson raporti.

Tregu global i drogave

Sipas raportit, përdorimi i drogës vazhdon të jetë i lartë në mbarë botën. Në vitin 2021, 1 në çdo 17 persona të moshës 15-64 vjeç në botë kishte përdorur një drogë në 12 muajt e fundit. Numri i vlerësuar i përdoruesve u rrit nga 240 milion në 2011 në 296 milion në 2021 (5.8 për qind e popullsisë globale të moshës 15-64 vjeç). Kjo është një rritje prej 23 për qind, pjesërisht për shkak të shtimit të popullsisë.

Kanabisi vazhdon të jetë droga më e përdorur, me rreth 219 milionë përdorues (4.3 për qind e popullsisë së rritur globale) në vitin 2021. Përdorimi i drogës po rritet dhe megjithëse globalisht përdoruesit e kanabisit janë kryesisht meshkuj (rreth 70 për qind), ndarja gjinore po zvogëlohet në disa nënrajone; gratë përbëjnë 42 për qind të përdoruesve të kanabisit në Amerikën e Veriut.

Vlerësohet se në vitin 2021, 36 milionë njerëz kishin përdorur amfetaminë, 22 milionë kishin përdorur kokainë dhe 20 milionë kishin përdorur substanca të llojit “ekstazi” vitin e kaluar.

Përqindja e përdoruesve femra është më e lartë në rastin e stimuluesve të llojit amfetamine (45 për qind e përdoruesve janë gra) dhe përdorimi jomjekësor i produkteve farmaceutike (midis 45 dhe 49 për qind e përdoruesve janë gra), ndërsa pjesa më e lartë e meshkujve gjendet tek përdoruesit e opiateve (75 për qind) dhe kokainës (73 për qind), sipas raportit.

Opioidet vazhdojnë të jenë grupi i substancave me kontributin më të lartë në dëmtimin e rëndë të drogës, përfshirë mbidozat fatale. Rreth 60 milionë njerëz u përfshinë në përdorim jo-mjekësor të opioideve në vitin 2021, 31.5 milionë prej të cilëve përdorën opiate (kryesisht heroinë)./monitor

The post Raporti i OKB-së për 2023: Shqipëria, ndër vendet kryesore në tranzitimin e heroinës e kokainës appeared first on Albeu.com.

Mediat vendase bëjnë me dije se shqiptari i cili ndodhet në paraburgim, dyshohet të pjesë e një grupi kriminal që prodhonte dhe shiste drogë.

Droga u zbulua falë një qeni që kontrolloi makinën me të cilën po udhëtonte shqiptari.

The post Policia kroate sekuestron 11 kg heroinë në kufirin me Serbinë, pranga shqiptarit appeared first on Albeu.com.

Ata janë arrestuar në nëntor, pas një hetimi disa mujor, pasi policia ishte duke ndjekur një nga anëtarët.

Sipas mediave franceze, shqiptarët janë kapur me 4 kg heroinë dhe 1 kg kokainë në makinë, duke ardhur nga Rotendami.

Gjatë kontrollit fizik të shtëpitë e të dyshuarve u gjetën dhe sekuestruan sasi të ndryshme droge.

Ata i mohuan akuzat për kultivim droge, megjithatë gjykata franceze ka dënuar organizatorin me 8 vite burg, ndërsa njëri nga bashkëpunëtorët me 5 vite burg dhe tjetrin me 2 vite. /albeu.com

The post U kapën me “të kuqe”, gjykata franceze dënon 3 shqiptarët appeared first on Albeu.com.

Gjithashtu në pranga kanë rënë dy shqiptarë  të cilët tentuan të fusnin 11 kg heroinë në Kroaci përmes pikës kufitare Konavo.

Kujtojmë se më 16 dhjetor në Kroaci një autobus me targa shqiptare u kap me 5.4 kg heroinë dhe 5.6 kg kokainë.

Ndërsa në 10 janar u kap një tjetër makinë me targa shqiptare në Kroaci u kapën 11 kg heroinë.

The post Kapet një tjetër ngarkesë heroinë në Kroaci, vinte nga Shqipëria (VIDEO) appeared first on Albeu.com.

Policët veçuan dy persona dhe një automjet në vijën e dytë të kontrollit kufitar. Një qen për zbulimin e drogës nisi kontrollin dhe reagoi pozitivisht ndaj kontrollit paraprak të pjesës së brendshme të mjetit.

Droga ishte fshehur në hapësirën e modifikuar nën ndërruesin e marsheve dhe mbështetësen e krahut e ndarë në 20 pako me gjithsej 11.035 kg heroinë.

“Dje më datë 10 janar rreth orës 11:30 në kontrollin kufitar hyrës ka mbërritur një mjet personal me targa shqiptare i drejtuar nga një 30-vjeçar, ndërsa pasagjeri ishte një 44-vjeçar, të dy shtetas të Shqipërisë”, njoftoi policia.

Në pranga ranë shoferi dhe pasagjeri dhe nga hetimi penal u konstatua se ata synonin të transportonin heroinën nga Shqipëria në tregun e Europës Perëndimore. /albeu.com

The post U zbuluan nga qeni në kufi, si u arrestuan dy shqiptarët me “të kuqe” me vlerë 500 mijë euro në makinë appeared first on Albeu.com.