Heqja e vetos nga Bullgaria Archives - Albeu.com

Protesta në Shkup, shpërndahen protestuesit

E S — Wed, 06 Jul 2022 20:32:14 +0000

Ditën e sotme protesta në Shkup nisi me përplasje, madje pati edhe të shtëna armësh. Pas disa orësh, tanimë përballë Kuvendit të Maqedonisë kanë mbetur vetëm disa persona, ndërsa turma është shpërndarë. Kujtojmë që opozita në Maqedoni proteston prej ditësh, pasi është kundër pranimit të propozimit francez, që i hap rrugën asaj dhe Shqipërisë drejt [...]

DASH: Të fillojnë sa më shpejt negociatat me Maqedoninë e Veriut dhe Shqipërinë

E S — Sat, 25 Jun 2022 07:00:22 +0000

Qeveria amerikane ka lëshuar një deklaratë në lidhje me pasigurinë për fillimin e bisedimeve para-anëtarësuese ndërmjet Shqipërisë dhe Maqedonisë së Veriut me Bashkimin Europian, pas samitit të dështuar BE-Ballkani Perëndimor këtë javë në Bruksel.

Për Uashingtonin, besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor.

“Besojmë se besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor”, kanë thënë sot për MIA nga Departamenti Amerikan i Shtetit.

Ata theksuan se vazhdojnë të mbështesin fillimin sa më të shpejtë të negociatave të anëtarësimit në BE me Maqedoninë e Veriut dhe Shqipërinë.

Në samitin Ballkani Perëndimor-BE dje në Bruksel, kryeministri maqedonas Dimitar Kovaçevski hodhi poshtë të ashtuquajturin propozim francez në të cilin draft versioni i hapjes së negociatave, çështjet bilaterale mes dy vendeve – Maqedonisë së Veriut dhe Bullgarisë, vendosen si një kusht në procesin e negociatave për anëtarësimin tonë vend në Bashkim.

The post DASH: Të fillojnë sa më shpejt negociatat me Maqedoninë e Veriut dhe Shqipërinë appeared first on Albeu.com.

“Drita jeshile” nga Bullgaria, Rama ndërron mendje: Do të marrim pjesë në samitin e BE-së

E S — Wed, 22 Jun 2022 10:17:32 +0000

Pak pas komisioneri për zgjerim Varhelyi dha lajmi se opozita Bullgare ka marrë vendimin për heqjen e vetos ndaj Maqedonisë së Veriut, ka ardhur reagimi i kryeministri Rama ne Twitter.

Rama shprehet se është herët për të qenë optimist pas atyre që po lëvizin në Bullgari, por kaq ka mjaftuar që ai të ndryshojë mendje për bojkotin dhe të marrë pjesën në samitin e BE-së në Bruksel.

Kryeministri Edi Rama në Twitter:

Sapo dëgjova që diçka po lëviz sot në Bullgari. Shumë herët për të qenë optimist dhe shumë pak për të ndryshuar pjesën e fjalimit të nesërm ku Bullgaria kritikohet si një vend që ka rrëmbyer dy vende të NATO-s, ndërkohë që ka një luftë të nxehtë në kufirin e Evropës!

Ne do të marrim pjesë në mbledhjen e Këshillit të BE-së. Nuk do të ketë shumë për të dëgjuar për ne, por ne do të kërkojmë të dëgjohemi për idenë e një Komuniteti të Ri Politik Evropian që ne mbështesim, për Ballkanin e Hapur që çon përpara frymën e Evropës dhe për rrëmbimin tonë nga Bullgaria që shkatërron atë./albeu.com

Just heard right now that something is moving today in Bulgaria. Too early to be optimistic and too little to change the part of the tomorrow speech where Bulgaria is criticised as a country which has kidnapped two NATO countries while there is a hot war at the Europe’s border!

— Edi Rama (@ediramaal) June 22, 2022

The post “Drita jeshile” nga Bullgaria, Rama ndërron mendje: Do të marrim pjesë në samitin e BE-së appeared first on Albeu.com.

Heqja e vetos, lideri i opozitës bullgare: Gati t’i japim “dritën jeshile” Shqipërisë dhe Maqedonisë

E S — Wed, 22 Jun 2022 10:11:54 +0000

Ish-kryeministri bullgar Bojko Borisov, tashmë lideri i opozitës, ka reaguar për mediat pasi konfirmoi votat për heqjen e vetos ndaj Maqedonisë së Veriut për hapjen e negociatave.

“Kryeministri dhe shumica qeverisëse marrin vendime të vështira dhe jopopullore kur mbajnë një parim, dhe parimi është që për momentin partnerët euroatlantikë duan zgjerimin e Ballkanit. Nuk mund ta imagjinoj një kryeministër – tema më e rëndësishme për Evropën, për Amerikën, për ne, as që e ka lexuar! Dhe dje gënjeu sërish se do të shkonte në këshill dhe do të akuzonte dikë se i ndërhynte në punë”, tha Borisov, duke sulmuar kryeministrin drejt largimit, Kiril Petkov.

“Kiril Petkov ia lejon vetes të gënjejë në Bruksel se po e shqetëson ministri i sllavëve, se po e shqetëson partia jonë”, shtoi Borisov.

Borisov tha se kishte folur me ligjvënësit e partisë së tij, GERB, për t’i dhënë dritën jeshile Maqedonisë së Veriut dhe Shqipërisë.

“Pra, Petkov duhet të thërrasë menjëherë një mbledhje të Këshillit të Ministrave, për të bërë propozime, për të ardhur në parlament”, tha Borisov.

The post Heqja e vetos, lideri i opozitës bullgare: Gati t’i japim “dritën jeshile” Shqipërisë dhe Maqedonisë appeared first on Albeu.com.