Ministrja e Shtetit për marrëdhëniet me Parlamentin, Elisa Spiropali ka postuar në Facebook një foto të Sali Berishës në Kuvend, ndërsa shkruan një shprehje të Shekspirit.

“S’ka natë që s’ka gdhirë, sado qoftë e gjatë.”

Kujtojme qe Kuvendi miratoi me 75 vota pro kërkesën e Prokurorisë së Posaçme mbi autorizimin për arrestimin e deputetit Sali Berisha përmes zëvendësimit të masës së sigurimit.

Ky hap i ri u hodh, pasi ai nuk respektoi masën e mëparshme për detyrim paraqitje, duke e quajtur atë si antikushtetuese. Autorizimi i Kuvendit u përcoll menjëherë në SPAK, ku prokurorët pritet të vendosin për masën e re të sigurisë, që do t’i kërkojnë Gjykatës së Posaçme për Berishën.

The post Pas heqjes së imunitetit të Berishës reagon Spiropali: S’ka natë që s’ka gdhirë, sado qoftë e gjatë appeared first on Albeu.com.

Sa i përket riorganizimit të partisë, u vendos krijimi i 4 rajoneve, të cilët do të drejtohet nga 4 koordinatorë.

Ndërkohë do të ftohen në organizim edhe Gazment Bardhi dhe deputetët që e mbështesin atë.

Berisha në fjalën e tij para anëtarëve të Kryesisë tha se “Na duhet një ripërshtatje e shpejtë. Duhet ta konceptojmë qëndresën tonë si një betejë të atyre që guxojnë”

Berisha teksa iu referua vendimit te sotem te Kuvendit, qe i hoqi mandatin tha se reagimi i Edi Ramës dëshmon tmerrin që ai ka nga opozita e vërtetë.

“Reagimi i Edi Ramës dëshmon tmerrin që ai ka nga opozitë e vërtetë. Edi Rama është në llojin e tij një hajdut dhe diktator. Në tërësi, është vështirë të ndash diktatorin nga hajduti dhe hajdutin nga diktatori, sepse diktatorit i duken të gjitha pronë e tij dhe ndihet i lirë të vjedhë, të shpërdorojë, të abuzojë mbi pasuritë e shqiptarëve, por problemi më themelor është sepse ai ka arritur t’u konfiskojë votën e lirë shqiptarëve dhe pikërisht me këtë mekanizëm ka vrarë pasivisht shpresën te qytetarët shqiptarë”, tha nder te tjera Berisha.

KUVENDI I HOQI IMUNITETIN

Kuvendi autorizoi sot (21 dhjetor) Prokurorinë e Posaçme për arrestimin e Sali Berishes, person nën hetim për çështjen e Klubit Sportiv Partizani.

Ky hap i ri u hodh, pasi ai nuk respektoi masën e mëparshme për detyrim paraqitje, duke e quajtur atë si antikushtetuese. Autorizimi i Kuvendit u përcoll menjëherë në SPAK, ku prokurorët pritet të vendosin për masën e re të sigurisë, që do t’i kërkojnë Gjykatës së Posaçme për Berishen.

Kryetarja e Kuvendit, Lindita Nikolla, e ftoi deputetin Sali Berisha të merrte fjalën për të dhënë shpjegimet e veta mbi kërkesën e Prokurorisë së Posaçme për arrestimin e tij, por ai nuk pranoi, ndërsa kërkonte që punonjësit e shërbimit të largoheshin nga salla.

Kuvendi miratoi me 75 vota pro kërkesën e Prokurorisë së Posaçme mbi autorizimin për arrestimin e deputetit Sali Berisha përmes zëvendësimit të masës së sigurimit.

The post Pas heqjes së imunitetit të Berishës, zbardhen vendimet e Kryesisë, të shtunën mblidhet Këshilli Kombëtar! Çfarë do të ndodhë me Gazment Bardhin appeared first on Albeu.com.

Kështu, Washington Post në një artikull shkruan se “Parlamenti i Shqipërisë votoi të enjten për heqjen e imunitetit ligjor të ish-kryeministrit Sali Berisha, i cili drejton Partinë Demokratike të opozitës dhe akuzohet për korrupsion”.

Teksa i referohet seancës së sotme parlamentare, e përditshmja amerikane shkruan më tej se “deputetët e opozitës brenda sallës bojkotuan votimin dhe u përpoqën të prishnin seancën duke mbledhur karrige dhe hedhur fishekzjarrë, por rojet e sigurisë i ndaluan. Berisha nuk pranoi të merrte fjalën për të folur kundër mocionit.

Partia Socialiste në pushtet mban 74 nga 140 vendet në legjislaturën kombëtare të Shqipërisë dhe 75 ligjvënës ranë dakord të plotësojnë një kërkesë nga prokurorët për t’i hequr Berishës imunitetin e tij parlamentar. Votimi i së enjtes i lë prokurorët të kërkojnë lejen e një gjykate për të vënë Berishën në arrest ose arrest shtëpie”.

Me refuzimin e pjesëmarrjes nga opozita, gazeta amerikane shkruan se “nuk pati asnjë votë kundër masës apo asnjë abstenim”.

“Berisha, 79 vjeç, u akuzua për korrupsion në tetor, pasi dyshohet se kishte shpërdoruar postin e tij për të ndihmuar dhëndrin e tij, Jamarber Malltezi, të blinte tokë në Tiranë në pronësi të qytetarëve privatë dhe të ministrisë së mbrojtjes dhe të ndërtonte një kompleks prej 17 pallatesh.

Berisha dhe Malltezi janë deklaruar të dy të pafajshëm, duke pretenduar se rasti ishte një lëvizje politike e Partisë Socialiste në pushtet e kryeministrit Edi Rama. Prokurorët kanë thënë se nëse Berisha shpallet fajtor, ai përballet me burgim deri në 12 vjet.

Berisha shërbeu si kryeministër i Shqipërisë nga 2005-2013 dhe si president nga 1992-1997. Ai u rizgjodh deputet i Partisë Demokratike në zgjedhjet parlamentare të vitit 2021.

Qeveria e Shteteve të Bashkuara në maj 2021 dhe Mbretëria e Bashkuar në korrik 2022 ndaluan Berishën dhe anëtarët e afërt të familjes të hynin në vendet e tyre për shkak të përfshirjes së dyshuar në korrupsion .

Që kur Berisha u akuzua në tetor, ligjvënësit e opozitës kanë ndërprerë rregullisht seancat e parlamentit për të protestuar kundër refuzimit të socialistëve për të krijuar komisione për të hetuar rastet e dyshuara të korrupsionit që përfshijnë Ramën dhe zyrtarë të tjerë të lartë të qeverisë.

Ndërprerjet janë një pengesë për reformat shumë të nevojshme në një kohë kur Bashkimi Evropian ka rënë dakord të nisë procesin e harmonizimit të ligjeve shqiptare me ato të BE-së, si pjesë e rrugës së vendit ballkanik drejt anëtarësimit të plotë në bllok”, mbyll shkrimin Washington Post.

The post Heqja e imunitetit të Sali Berishës tërheq edhe mediat ndërkombëtare appeared first on Albeu.com.