Të dhënat e reja nga 187 vende treguan se numri i vdekjeve nga hepatiti viral u rrit në 1.3 milion në vitin 2022 nga 1.1 milion sa ishte në vitin 2019.

Sipas raportit të OBSH-së, 83 për qind e vdekjeve regjistrohen nga hepatiti B dhe 17 për qind nga hepatiti C.

Për trajtimin e këtyre viruseve ka barna efektive dhe të lira.

Megjithatë, vetëm 3 për qind e atyre me hepatit B kronik morën trajtim antiviral deri në fund të vitit 2022, thuhet në raportin e OBSH-së.

Për hepatitin C, ndërkaq, u trajtuan vetëm 20 për qind e të prekurve.

“Këto rezultate bien ndesh me objektivat globale për të trajtuar 80 për qind të të gjithë njerëzve që jetojnë me hepatit B dhe C kronik deri në vitin 2030”, tha në një konferencë për gazetarë Meg Doherty, udhëheqëse e programeve globale të HIV-it, hepatitit dhe infeksioneve seksualisht të transmetueshme, pranë OBSH-së.

Shefi i OBSH-së, Tedros Adhanom Ghebreyesus, tha se raporti “paraqet një pamje shqetësuese”.

“Pavarësisht progresit global në parandalimin e infeksioneve të hepatitit, numri i vdekjeve po rritet, sepse shumë pak njerëz me hepatit janë duke u diagnostikuar dhe trajtuar”, tha ai.

Sipas raportit të OBSH-së, dy të tretat e të gjitha rasteve të hepatitit janë në: Bangladesh, Kinë, Etiopi, Indi, Indonezi, Nigeri, Pakistan, Filipine, Rusi dhe Vietnam.

The post OBSH: Hepatiti vret 3.500 njerëz në ditë appeared first on Albeu.com.

Sipas mediave vendase, Profesor Dr. Dragan Delic, gastroenterohepatolog, tha javën e kaluar se ishte një dëmtim i ri akut i mëlçisë, hepatit akut me etiologji të panjohur ose shkak të panjohur. Pas kësaj sëmundjeje me shkak të panjohur, siç shpjegon profesori, ka shumë të ngjarë të jetë një agjent infektiv dhe rezultatet e para tregojnë se bëhet fjalë për një adenovirus të serotipit 41.

Shkencëtarët besojnë se shkaktari më i mundshëm i sëmundjes është adenovirusi, i cili bën pjesë në grupin e viruseve të zakonshme që shkaktojnë simptoma të ngjashme me gripin apo sëmundje gastrointestinale dhe më së shpeshti këto çrregullime zgjidhen pa pasoja të përhershme.

Një raport i fundit i Agjencisë së Sigurisë Shëndetësore të Mbretërisë së Bashkuar thotë se shkaku i sëmundjes së përmendur të mëlçisë tek fëmijët mund të jetë adenovirusi i tipit 41F, thekson gazeta britanike. Ky lloj adenovirusi është shkaktar i infeksioneve të shumta të shoqëruara me diarre, të vjella, dhimbje barku dhe temperaturë.

Skanimi rutinë i të dhënave tregoi se viruset e zakonshme që shfaqen tek fëmijët janë në rritje krahasuar me vitet e mëparshme, me një rritje të dukshme të incidencës së adenovirusit në grupmoshën nga viti i parë në të katërt./albeu.com

The post Hepatiti misterioz në Serbi? Shënohet rasti i parë në Beograd appeared first on Albeu.com.

Diagnoza

Gjithçka nisi pak kohë më parë kur fëmijës iu shfaqën simptoma të hepatitit, për pasojë prindërit e tij e cuan për ekzaminim tek pediatri. Mjeku ka konstatuar një ënjtje në mëlçi, duke shtuar shqetësimin se mund të jetë një rast i hepatiti akut, i cili po përhapet në fëmijët në botë.

Tashmë kanë nisur procedurat për të përcaktuar nëse ky rast është përfundimisht një rast i  hepatitit akut.

Sipas informacioneve nga mediat vendase, mjekët që janë informuar për gjendjen e tij kanë rekomanduar monitorimin e vazhdueshëm të tij. Në të njëjtën kohë, në mikroskop është vënë edhe fakti që disa muaj më parë ai u sëmur me koronavirus.

Qendra Evropiane për Parandalimin dhe Kontrollin e Sëmundjeve, ka thënë se është duke u rritur numri i rasteve me hepatit akut te fëmijët që kanë qenë të shëndetshëm paraprakisht.

Shumica prej pacientëve janë shëruar, mirëpo një numër i tyre është dashur të bëjnë transplantim të mëlçisë.

Raste të reja janë raportuar edhe në SHBA, Izrael dhe Japoni.

The post Zbulohet rasti i parë i hepatitit misterioz në Greqi appeared first on Albeu.com.

Së fundmi kryetarja e mjekeve të spitalit Athinë-Pire, Matina Pagoni , theksoi se: “hepatiti tek fëmijët e vegjël, sidomos deri në moshën 5-6 vjeç, është shqetësues, sepse në 10% të fëmijëve të sëmurë, janë bërë transplante. Sigurisht, të gjithë ishin të suksesshëm, por ne patëm një vdekje, siç njoftoi OBSH”.

Siç tha ekspertja, shkaku i shpërthimit të hepatitit është ende duke u hetuar, duke theksuar se “besojmë se bëhet fjalë për një adenovirus”.

Megjithatë, duke folur për Sky, mjekja sqaroi se nuk ka lidhje me vaksinat, pasi asnjë nga fëmijët e sëmurë nuk ishte vaksinuar, ndërsa nuk përjashtoi mundësinë që të ketë lidhje me koronavirusin. Megjithatë, zonja Pagoni theksoi se nuk ka nevojë për panik, pasi mjekët e dinë se si trajtohen hepatiti. Në të njëjtën kohë, ajo bëri thirrje për respektim të rreptë të masave higjienike, pasi hepatiti është ngjitës.

Dymbëdhjetë vende kanë raportuar praninë e një lloj hepatiti akut të panjohur tek fëmijët. Sipas Organizatës Botërore të Shëndetësisë deri tani është regjistruar të paktën një vdekje.

Organizata bën me dije se janë raportuar të paktën 169 raste të hepatitit akut tek fëmijët, 114 prej të cilëve në Britani. Raste janë raportuar gjithashtu në Shtetet e Bashkuara, Spanjë, Izrael, Danimarkë dhe vende të tjera.

Pacientët janë të moshave nga një muaj deri në 16 vjeç dhe 17 prej tyre kërkojnë transplant të mëlçisë.

OBSH nuk dha detaje për rastin e fëmijës që ndërroi jetë apo vendin nga ai ishte.

Simptomat e shumë rasteve të raportuara përfshijnë diarre dhe të vjella, dhe shumica e rasteve nuk kanë temperaturë./abcnews.al

The post Hepatiti misterioz te fëmijët, ekspertja: 10% e të prekurve kanë nevojë për transplant appeared first on Albeu.com.