Njoftimi është bërë nga kreu i Grupit Parlamentar të PD, Gazment Bardhi, i cili bëri të ditur se mbledhja do të zhvillohet në orën 11:00 në selinë e partisë.

Sipas Bardhit, seanca plenare është caktuar për në orën 12:00 dhe deputetët demokratë do të përgatiten për çdo mundësi, në varësi të vendimit që do të merret nga grupi parlamentar.

“Është caktuar seancë plenare të hënën, ora 12:00. Përgatitemi në çdo rast për seancën, që të jemi gati nëse grupi parlamentar vendos që të marrin pjesë”, thuhet në njoftimin e Gazment Bardhit.

Mbledhja e Grupit Parlamentar pritet të përcaktojë qëndrimin e PD për angazhimin në punimet e Kuvendit.

The post Grupi Parlamentar i PD mblidhet të hënën, në shqyrtim rikthimi në Kuvend appeared first on Albeu.com.