Ky helmim mori përmasa të mëdha ku të paktën 500 persona janë shtruar në spital për të marrë ndihmën mjekësore për simptoma të rënda helmimi.

Që ditën e parë u aludua edhe nga vetë stafi mjekësor se helmimi mund të ketë ndodhur nga uji i pijshëm.

Ditën e sotme Shëndeti Publik me anë të një reagimi zyrtar deklaroi dhe pranoi se helmimi i 500 qytetarëve në Krujë ka ndodhur nga uji i pijshëm.

Mësohet se helmimi i qytetarëve ka ndodhur për shkak se në ujin e pijshëm ka qënë prezente dy bakterët e rrezikshme, Esheria Koli dhe Streptokoku.

Por, cilët dhe çfarë janë dy bakteret e rrezikshme?

Esheria Koli janë baktere që gjenden në ushqim dhe në mjedis. Koli shkakton dhimbje të rënda dhe diarre. Këto baktere janë shkaku kryesor i diarresë të përgjakshme. Simptomat janë më të këqija tek fëmijët dhe të moshuarit, dhe sidomos tek njerëzit që kanë ndonjë sëmundje tjetër.

Streptokoku është një infeksion bakterial që shkakton inflamacion dhe dhimbje në fyt. Kjo gjendje e zakonshme shkaktohet nga bakteret e grupit A Streptocoçus.

Streptokoku mund të prekë fëmijët dhe të rriturit e të gjitha moshave. Sidoqoftë, është veçanërisht e zakonshme tek fëmijët në moshën 5 – 15 vjeç.

Teshtima dhe kollitja mund të përhapin infeksionin nga një person në tjetrin. Simptomat e fytit të prekur nga streptokoku: Ashpërsia e fytit strep mund të ndryshojë nga personi në person. /albeu.com/

The post Ndodheshin në ujë! Cilët janë dy bakteret e rrezikshme që helmuan 500 persona në Krujë appeared first on Albeu.com.

Pavarësisht se kanë kaluar më shumë se gjashtë orë nga deklarata e prefektit të Durrësit, Roland Nasti, i cili tha se Kruja do të furnizohej falas me ujë të pijshëm, ende nuk duket asgjë.

Nuk dihet arsyeja e vonesës së këtij furnizimi, por sa më shumë orë që kalojnë aq më e vështirë është jetësa për qytetarët në një vend ku uji i rrjetit po hetohet pasi dyshohet se solli helmimin e mbi 370 personave. /albeu.com/

The post 370 qytetarë të helmuar! Situata vazhdon të jetë alarmante në Krujë, mungon tërësisht uji i pijshëm appeared first on Albeu.com.

Dyshohet se qytetarët janë helmuar si pasojë e ujit të pijshëm ndërkohë priten analizat nga Tirana për të përcaktuar shkakun  vërtetë.

Mësohet se qytetarët janë paraqitur në Urgjencë janë nga të gjitha grupmoshat me pothuajse të njëjtat simptoma diare dhe të vjella dhe si pasojë e fluksit të lartë, spitali është mbushur përtej kapacitetit të shtretërve.

Vlen të theksohet se qytetarët janë banorë të lagjeve të ndryshme të qytetit, gjë kjo që rrit ndjeshëm dyshimet se ata mund të jenë helmuar nga uji i rrjetit, i cili në Krujë konsumohet masivisht. /albeu.com/

The post Helmimi në Krujë merr përmasa të frikshme: Nuk ka më vende spitali, 170 qytetarë kërkojnë ndihmë mjekësore appeared first on Albeu.com.