Dyshimet janë se helmimi ka ardhur nga uji, por kanë rezultuar negative edhe analizat mikrobiologjike të mostrave në rastin e helmimit të banorëve.

Për momentin rezulton se uji në Deçan nuk është i infektuar, duke shtuar misterin rreth helmimit masiv.

Edhe drejtori i Institutit Kombëtar të Shëndetësisë Publike, Naser Ramadani kishte thënë se rezultatet fillestare në lidhje me helmimin në Deçan, nuk japin pistë se helmimi ka ardhur nga uji.

Ai theksoi se analiza të tjera do të vazhdojnë të bëhen për të gjetur shkakun. Kujtojmë që komuna e Deçanit dje ka shpallur gjendjen e jashtëzakonshme .

The post Helmimi i 1500 qytetarëve në Deçan, çfarë zbuluan analizat shkencore appeared first on Albeu.com.

Komuna e Deçanit sot ka shpallur gjendjen emergjente për shkak të helmimeve, ndërsa prokuroria ka filluar hetimet për mënyrën se si ka ardhur helmimi i mbi 1 mijë e 500 personave. Mësohet se këta fëmijë janë dërguar për trajtim në spitalin e Pejës.

Mbi 1 mijë e 500 qytetarë të Deçanit kanë kërkuar ndihmë mjekësore nga e shtuna deri sot për shkak të helmimit. Dyshimet janë se helmimi ka ardhur nga uji i pijes.

“Që nga dita e shtunë e deri më tani kanë kërkuar ndihmë shëndetësore 77 qytetarë nga Deçani dhe atë 51 në repartin e pediatrisë dhe 26 në emergjencë”, kanë thënë zyrtarë për informim të Spitalit të Pejës.
Në anën tjetër, drejtori i Qendrës Kryesore të Mjekësisë Familjare në Deçan, Selmon Berisha, ka thënë sot për media se numri i personave të helmuar që kanë kërkuar ndihmë shëndetësore në këtë qendër ka shkuar në mbi 1 mijë e 500.

Komuna e Deçanit, në bazë të Ligjit për Vetëqeverisje Lokale dhe Ligjit për Parandalimin dhe Sëmundjeve Ngjitëse të Statutit të komunës së Deçanit, ka marrë vendim sot që të shpallet gjendje emergjente në tërë territorin e kësaj komune. Ndërsa, Kompania Rajonale e Ujësjellësit “Hidrodrini” ka kërkuar që uji në fshatrat e Deçanit të mos përdoret për pije.

The post Rëndohet situata në Deçan: Numri i shtetasve të helmuarve shkon në 1500! appeared first on Albeu.com.