Vendimi për ëmërimin e Alibeajt vjen pas dorëheqjes së Helidon Bushatit nga posti në fjalë.

Partia Demokratike bën me dije përmes një deklarate se Shkodra e ka të domosdoshme drejtimin nga një funksionar i lartë dhe për këtë arsye është zgjedhur nënkryetari Alibeaj.

Basha ka shprehur falënderimet për Bushatin, ndërsa shpreh bindjen se me drejtimin e ri politik, Partia Demokratike në Qarkun e Shkodrës do të jetë bastion i fuqishëm i PD.

Deklarata e plotë:

Duke e konsideruar qarkun Shkodër si një nga qarqet më të rëndësishme për Partinë Demokratike, Kryetari i Partisë Demokratike ka vlerësuar se qarku Shkodër ka të domosdoshme drejtimin nga një funksionar i lartë i PD dhe ka zgjedhur si Drejtues Politik të qarkut Shkodër, Nënkryetarin e PD dhe Kryetarin e Grupit Parlamentar z. Enkelejd Alibeaj.

Duke falenderuar z. Helidon Bushati për rolin dhe përgjegjësinë e marrë në drejtimin e qarkut gjatë betejës elektorale të 25 Prillit dhe fokusimin e tij aktual tek beteja parlamentare kundër regjimit të korruptuar të Edi Ramës, Kryetari i PD shpreh bindjen se me drejtimin e ri politik, Partia Demokratike në Qarkun e Shkodrës do të jetë bastion i fuqishëm i PD dhe në krye të fitores së PD në gjithë Shqipërinë./albeu.com/

The post Bushati u tërhoq, Shkodra “i dorëzohet” Enkelejd Alibeajt appeared first on Albeu.com.

Lajmin ai e bëri vetë të ditur përmes një postimi në faqen e tij në Facebook.

Bushati bën të ditur se vendimi vjen pas një reflektimi të thellë rreth situatës politike dhe zhvillimeve të fundit në PD.

Bushati thotë se largimi i tij do i japë hapsirë demokratëve të tjerë dhe impulse të reja degës së PD-së së Shkodrës.

Mesazhi i Helidon Bushatit:

Të dashur miq!

Bashkëqytetarë dhe shkodranët e mi të nderuar!

Pas një reflektimi të thellë rreth situatës politike dhe zhvillimeve në PD, kam marrë vendimin për t’u tërhequr nga roli i Drejtuesit Politik për Qarkun e Shkodrës. Këtë qendrim, e kam komunikuar me drejtuesit e PD, përpara kësaj shpallje.

PD po kalon momente të vështira por unë jam i bindur se demokratet do të dinë të bashkohen shpejt, e të ringrihen së bashku.

Çfarë i afron sot anëtarët e familjes sonë të madhe politike me njëri-tjetrin është shumë më e madhe se ajo që i ndan, dhe sidomos nevoja jetike që ka vendi për një përballje të fortë me regjimin e mandatit të tretë

Mendoj se me këtë tërheqje timen, krijohen mundësi për energji dhe impulse që do t’i shërbenin PD me synim përbashkimin. E po ashtu, hapen shanse për promovimin e emrave të rinj. Do të vazhdoj padyshim të jem përfaqësues dhe deputet i Partisë Demokratike dhe do të mbroj deri në fund interesat e qytetarëve të Shkodrës e në veçanti të mbështetësve tradicionalë e historikë të së djathtës.

Ndihem çdo ditë i bekuar nga përkrahja që kam marrë dhe marr prej tyre.

Dua të falenderoj përzemërsisht, të gjithë banorët e qarkut Shkodër, demokratët e palodhur, drejtuesit e strukturave dhe bashkëpunëtorët e mi të afërt për besimin dhe mbështetjen e pakursyer përgjatë këtij rrugëtimi.

Një besim që do bëj gjithçka për ta shpërblyer.

Asnjë post, përgjegjësi e karrierë, nuk vlen sot më shumë se sa analiza, dhe shikimi në sy e me përulësi i realitetit. Për PD dhe interesat e saj, nuk është hera e parë që unë bëj një hap të tillë, duke lënë në plan të dytë ambicien personale. Bindja ime e palëkundër është se PD dhe demokratët e meritojnë të japësh për ta.

Ndërkohë, kujtojmë se sa i përket garës për “6 Marsin”, grupi ish-kryeministrit Sali Berisha ka depozituar emrat e kandidatëve për primaret në Bashkinë e Shkodrës.

Mësohet se të dielën në Shkodër do të votojë anëtarësia e PD dhe kandidatët potencialë për këtë bashki janë ish zëvendësministri i Shëndetësisë Bardh Spahia dhe kryetarja aktuale e Bashkisë Voltana Ademi.

Ndërkohë, nga ana tjetër, kryeministri Edi Rama ka zgjedhur Olta Xhaçkën si të deleguarën e socialistëve për të menaxhuar zgjedhjet në Bashkinë e këtij qyteti.

Në Shkodër, PS pritet të kandidojë një grua. Majlinda Angoni, prefektja e qarkut pritet të zyrtarizohet si kandidate për Bashkinë. Kurse, emri më i kuotuar nga PD në këtë garë është Xhemal Bushati./albeu.com/

The post I hapi rrugë Berishës? Helidon Bushati tërhiqet nga roli i drejtuesit politik të PD për Qarkun e Shkodrës appeared first on Albeu.com.

Ndërkohë që Berisha kishte marrë masat për të sulmuar nga jashtë me të gjitha mjetet, përfshi varre dhe hekura të mëdhenj që u përdorën si dash për të thyer dyert e hekurit, Basha kishte planifikuar të organizonte një mbledhje në parti duke u grupuar në katin e dytë të selisë së fortikuar.

Se çfarë ndodhi më pas të gjithë e panë në televizor dhe rrjetet sociale, por Albeu.com do të hedhë dritë mbi atë që nuk është folur ende deri më tani.

Bëhet fjalë mbi personat që nuk iu përgjigjen thirrjes së Bashës dhe deputetëve pranë tij në katin e dytë të selisë së PD-së, ndërkohë që Berisha dhe të tijtë kishur ardhur për ta marrë.
Më datë 8 janar, Berisha kishte thirrur një mbledhje të Kryesisë, me kryetarët e degëve si edhe anëtarët e Këshillit Kombëtar të PD-së.

Burime bëjnë me dije se në atë sallë ndodheshin rreth 100 persona që iu përgjigjen ftesës së Bashës, një pjesë e mirë e tyre deputetë, por munguan tre emra, të cilët nuk mund të anashkalohen.

Ata janë nënkryetarja e PD-së, Jorida Tabaku, deputetja Oriola Pampuri dhe deputetët e Shkodrës, Helidon Bushati dhe Emilja Koliqi.

Burime nga PD bëjnë me dije për Albeu.com se Tabaku kishte dhënë si arsyetim për mosprezencën e saj një problem familjar që i ishte shfaqur duke thënë se kishte punuar nga shtëpia atë ditë.

Ndërhyrja e policisë shmangu më të keqen në selinë e PD-së atë pasdite të 8 janarit, pasi nëse do të kishin mundur të futeshin brenda pas 3 orësh përplasje, përballja mes mbështetësve të Berishës dhe figurave të PD-së që ishin në katin e dytë mund të kishte qenë më shumë se e përgjakshme. /albeu.com

The post Të munguarit e mëdhenj të 8 janarit. Basha dhe deputetët rrezikuan jetën në seli, por dy shkodranët, Tabaku dhe Pampuri e lanë “në baltë” appeared first on Albeu.com.

Bushati sulmoi vendimin e fundit të qeverisë për hapjen e tenderit të ri për lotin e parë të Unazës së Madhe, të cilës i janë shtuar dhe 5 miliardë lekë.

Komentet ai i bëri përmes një postimi në “Facebook”, ku ka shkruar se loti i parë është prokuruar njëherë dhe një vendim i tillë që nuk mbart një arsye madhore lë të dyshosh për një tjetër aferë korruptive të qeverisë shqiptare dhe konkretisht të ARRSH dhe Ministrisë së Infrastrukturës.

Kujtojmë se projekti i Unazës së Re ka shkaktuar gjithmonë përplasje të mëdha mes mazhorancës dhe opozitës prej disa vitesh për shkak të shifrave marramendëse që kushton ky projekt.

Sipas Partisë Demokratike, aty po zhvillohet një skemë e pastër korruptive.

Postimi i Helidon Bushatit:

5 Miliardë lekë më shumë për një lot, qoka e re e Unazës?!

Eshtë zbuluar sot në media, se për lotin e parë të Unazës së Madhe, janë shtuar papritur 5 miliardë lekë.

Asnjë shpjegim përse në mënyrë tê beftë, u dhanë edhe rreth 5 milionë euro për një punë tashmë të prokuruar një herë.

Cfarë ndodhi vallë, cilat rrethana ndryshuan për një shtesë në buxhet në këto përmasa?

Dyshimet e arsyeshme janë se kjo ka të bëjë me orekset në rritje të rilindjes për të përfituar sa më shumë nga pushteti.

Autoritetet, Ministria e Infrastrukturës dhe ARRSH janë nën akuzë para këtyre të dhënave.

Duhet transparencë dhe e menjëhershme.

Nëse nuk ka një ndryshim projekti për arsye madhore, cdokush me të drejtë mendon se 5 miliardë të shtuara janë paja e një qoke të re, në aferat e vjetra me Unazën e Madhe të Tiranës.

ARRSH duhet te përgjigjet nëse anullimi i pare i ketij loti eshte bere me qëllim për ta fituar oligarku që duhej ta fitonte që herën e parë por që për arsye teknike nuk arriti./albeu.com/

The post Projekti i Unazës së Madhe, deputeti i PD-së hedh akuza të forta: 5 milionë euro më shumë për një lot appeared first on Albeu.com.

Bushati shkruan në Facebook se, pas 9 vitesh Rama zbulon krizën në ujësjellës.

Sipas tij, ngjarja në Krujë ku u helmuan qindra banorë, nxori në pah punët elektorale, pa cilësi dhe të dëmshme të rilindjes.

“Pas 8 viteve në pushtet, Rama ka mësuar se gjendja e Ujësjellësave është e rëndë.

Më parë deklaronte se ka bërë më shumë se gjithë qeveritë të marra bashkë, por sot po i rezulton dështim.

Ngjarja në Krujë ku u helmuan qindra banorë, nxori në pah punët elektorale, pa cilësi dhe të dëmshme të rilindjes.

Prej 30 muajsh ai ka nën kontroll edhe çdo bashki tashmë, me kryetarë të emëruar prej tij.

I kujt është faji? Kush mban përgjegjësi?

Ish-drejtuesit e fundit te Ujësjellësave ti i ke promovuar, i ke bërë deputetë e zyrtarë akoma më të lartë.

E vërteta është se ky sistem është sot në këtë pikë, sepse i ngjan kryekeput dhe është pjellë e rilindjes, e qeverisjes për përfitime, për interesa, e për vota”, shkruan Bushati./albeu.com

The post Helidon Bushati: Kriza e ujësjellëseve, pjellë e rilindjes dhe qeverisjes për përfitime appeared first on Albeu.com.

“Bota e krimit në Shkodër nuk njeh kalendar. Krimi është në festë, rendi në drejtim të paditur, ndërsa Shkodra në frikë. Qytetarët e Shkodrës po jetojnë periudhën më të errët të këtyre 30 viteve.

Krimi i organizuar po ngjallë frikë dhe terror, edhe sot kur shkodranët duhet të ishin në festë. Boll është boll! Paktit që kjo qeveri ka me krimin i japim fund. Kjo nuk është Shkodra e Shumicës” shkruan Bushati.

Bardhok Pllanaj i njohur edhe si “Kumbari” i Shkodrës u qëllua në fshatin Dobraç i Ri teksa makina ishte në ecje, duke e lënë të vdekur në vend.

The post Ekzekutimi i Pllanajt në Shkodër, drejtuesi politik i PD: Krimi festë! appeared first on Albeu.com.