Ato përfshijnë 2 kredi nga 30 mln euro nga Banka Evropiane e Investimeve dhe Banka Evropiane për Rindërtim dhe Zhvillim, ndërsa pjesa tjetër prej 60.5 mln euro financohet përmes një granti nga Bashkimi Evropian, në kuadër të Kornizës së Investimeve në Ballkanin Perëndimor.

Projekti synon rehabilitimin e linjës hekurudhore nga Durrësi në Rrogozhinë. Linja do të elektrifikohet dhe do të përafrohet me standardet e Bashkimit Evropian, duke mundësuar udhëtime me tren me shpejtësi deri në 120 km/h.

Segmenti është pjesë e Korridorit VIII, një bosht strategjik pan-evropian që lidh Italinë me Shqipërinë, Maqedoninë e Veriut dhe Bullgarinë, duke shërbyer si nyje për transportin e udhëtarëve, mallrave dhe potencialisht për qëllime të mobilitetit ushtarak.

Përtej përfitimeve ekonomike dhe strategjike, projekti pritet të ketë ndikim pozitiv në mjedis përmes zhvendosjes së trafikut nga rrugët në hekurudha, duke reduktuar ndjeshëm ndotjen dhe emetimet e karbonit, raporton Scan Tv.

Ndërkaq, gjatë diskutimeve të marrëveshjes së grantit në komisionet parlamentare u bë me dije se rehabilitimi dhe elektrifikimi i këtij seksioni pritet të përfundojë në vitin 2028.

The post Treni elektrik Durrës-Rrogozhinë me shpejtësi deri në 120 km/h, publikohet marrëveshja e financimit për projektin 120.5 milionë euro appeared first on Albeu.com.

Gjatë një interviste për ATSH, Drejtori i Përgjithshëm i Hekurudhës Shqiptare, Ergys Verdho, bëri të ditur se punimet për infrastrukturën janë drejt përfundimit, me rreth 87% të punimeve të kryera, ndërsa aktualisht po punohet për sistemet e sinjalizimit dhe telekomunikacionit.

Paralelisht, janë në zhvillim edhe punimet për ndërtimin e tetë stacioneve të reja hekurudhore përgjatë linjës, të cilat pritet të përfundojnë brenda majit 2026.

Së fundmi, theksoi Verdho, është hapur gara ndërkombëtare për elektrifikimin e linjës, me synimin për të lidhur kontratën në fillim të vitit 2026.

“Plani ynë është të finalizojmë të gjithë komponentët e nevojshëm për një linjë moderne të elektrifikuar brenda vitit 2026, në mënyrë që trenat elektrikë të mund të nisin operimin në fillim të vitit 2027”, u shpreh Verdho.

Një pjesë e rëndësishme e projektit është edhe zgjatimi me 4 kilometër i linjës hekurudhore për të bërë të mundur lidhjen me Bulevardin e Ri të Tiranës, me një terminal të ri hekurudhor në zemër të kryeqytetit.

Falë këtij investimi, udhëtimi nga qendra e Tiranës drejt Aeroportit “Nënë Tereza” do të zgjasë vetëm 10 minuta, ndërsa nga Tirana në Durrës, rreth 26 minuta.

Gjithashtu, kjo linjë moderne hekurudhore paraqet një alternativë të qëndrueshme transporti, veçanërisht për udhëtimet drejt aeroportit, duke ndihmuar në zvogëlimin e trafikut urban, reduktimin e ndotjes së ajrit.

Projekti i hekurudhës Durrës – Tiranë dhe lidhja me Aeroportin Ndërkombëtar të Tiranës, krijon një sistem efikas dhe të lidhur mirë midis dy metropoleve.

Ai siguron lidhje të shpejtë dhe të lehtë mes rrugëve, aeroportit dhe Portit të Durrësit, që është porti më i madh dhe më i rëndësishëm në rajon.

Shqipëria ka një strategji afatgjatë për zhvillimin e rrjetit hekurudhor dhe integrimin e tij në sistemin hekurudhor të Bashkimit Europian.

“Ky orientim është i përcaktuar në Strategjinë Kombëtare të Transportit dhe në Planin e Veprimit për Transportin Hekurudhor, të cilat synojnë modernizimin e linjave ekzistuese, ndërtimin e lidhjeve të reja dhe përafrimin e standardeve teknike, mjedisore dhe të sigurisë me ato të BE-së”, theksoi Verdho.

Një element kyç i kësaj strategjie është integrimi i Shqipërisë në Rrjetin Trans-Europian të Transportit (TEN-T), ku Shqipëria është pjesë e korridoreve bazë dhe gjithëpërfshirëse.

Projektet prioritare përfshijnë Korridorin VIII (Durrës – Rrogozhinë – Elbasan – Pogradec) dhe linjën Vorë – Hani i Hotit, të cilat sigurojnë lidhje rajonale dhe ndërkombëtare me vendet fqinje dhe, përmes tyre, me rrjetin hekurudhor europian.

Përveç investimeve infrastrukturore, strategjia përfshin reforma të thella institucionale dhe rregullatore.

Kjo përfshin krijimin e një tregu hekurudhor të hapur dhe konkurrues, forcimin e kapaciteteve të autoriteteve rregullatore dhe promovimin e transportit të qëndrueshëm, duke reduktuar përdorimin e transportit rrugor në favor të atij hekurudhor.

Në afatgjatë, këto masa do të mundësojnë që Shqipëria jo vetëm të modernizojë rrjetin e saj hekurudhor, por edhe të bëhet një pjesë integrale e zinxhirit europian të transportit.

Kjo do të përmirësojë ndjeshëm zhvillimin ekonomik, sigurinë e lëvizjes dhe shkëmbimet tregtare në rajon.

The post Hekurudha Tiranë-Durrës-Rinas, nis operimin me tren elektrik në 2027-ën appeared first on Albeu.com.

Zëvendëskryeministrja, njëherësh ministre i Infrastrukturës dhe Energjisë, Belinda Balluku, tha se, “Tashmë jemi gati për të nisur punën për ndërtimin e godinave të reja të stacioneve përgjatë linjës hekurudhore”.

Balluku bëri të ditur se, hekurudhës Tiranë-Durrës-Rinas do të ketë  9 ndalesa, të cilat do të ofrojnë kushte moderne e komode për të gjithë udhëtarët.

“Puna po vijon, shumë shpejt një alternativë e re udhëtimi për të gjithë qytetarët më shpejt, më lirë dhe miqësore me mjedisin”, tha Balluku.

Linja hekurudhore Tiranë-Durrës-Rinas do të jetë një linjë tërësisht elektrike, me një impakt të rëndësishëm në fushën e transportit në vend.

The post Hekurudha Tiranë-Durrës-Rinas, nis ndërtimi i godinave të reja të stacioneve appeared first on Albeu.com.

Konkretisht, Hekurudhat Shqiptare që janë autoriteti kontraktor dhe përfituesi direkt i financimit, vlerësojnë se në datën 1 gusht pritet hapja e procedurës.

“Klienti i përmendur më sipër synon të përdorë një pjesë të të ardhurave të një kredie /granti të administruar nga Banka Evropiane për Rindërtim dhe Zhvillim (Banka) për koston e projektit të përmendur më sipër.

Huamarrësi ka aplikuar për bashkëfinancim nga burimet e mëposhtme në shumat e treguara si vlerësim: Grantet e WBIF në një shumë prej rreth 160 milionë euro, kredi nga BERZH në një shumë prej përafërsisht 100 milionë euro, kredi nga BEI në një shumë prej rreth 100 milionë euro.

“Financimi i Bankës do të përdoret për rehabilitimin e linjës hekurudhore 120.2 km ndërmjet Vorës dhe Hanit të Hotit në kufi me Malin e Zi, lidhja e vetme hekurudhore e Shqipërisë me vendet fqinje. Vlera totale e parashikuar e projektit 356 milionë euro”, thuhet në njoftim.

Sipas njoftimit, kontratat do t’i nënshtrohen politikave dhe rregullave të prokurimit të Bankës dhe janë të hapura për pjesëmarrje për firma nga çdo vend, përveç rasteve kur specifikohet ndryshe në dokumentet e prokurimit. Prokurimi në kuadër të këtij projekti, do të kryhet duke përdorur Portalin E-Prokurimit të Klientit të BERZH-it (ECEPP).

Projekti

Projekti është pjesë e zgjatimit të Rrjetit Kryesor të Transportit Trans-Europian TEN-T në Ballkanin Perëndimor, i cili do të lidhë Shqipërinë me rrjetet hekurudhore rajonale dhe europiane përmes Korridorit X pan-Europian.

Hekurudha Vorë-Hani Hotit, kalon në shtatë bashki dhe përshkon Ultësirën Perëndimore të Shqipërisë, me drejtim nga Jugu në Veri. Hekurudha lidh qendrat urbane të Vorës, Mamurrasit, Laçit, Milotit, Lezhës, Shkodrës dhe Koplikut.

Ajo kalon kufirin shtetëror Shqipëri/Mal i Zi në Hanin e Hotit (km 140). Sipas ndarjes administrative, hekurudha përshkon territoret e shtatë bashkive (Vorë, Krujë, Kurbin, Lezhë, Vau Dejës, Shkodër dhe Malësi e Madhe).

Linja ekzistuese hekurudhore Vorë-Hani i Hotit, u ndërtua në dy faza: nga Vora në Laç në fillim të viteve 1960, ndërsa nga Laçi deri në kufirin e Shqipëri-Mali i Zi, në vitin 1985.

Tërmeti i 29 nëntorit 2019 ndërpreu funksionimin e kësaj linje, për shkak të dëmtimit të urës mbi lumin Ishëm por edhe më herët shpejtësia e kalimit të trenave ishte shumë e ulët.

The post Hekurudha Vorë-Hani i Hotit, gati tenderi për projektin 356 milionë euro appeared first on Albeu.com.

Postimi nga Elisa Spiropali

Mirëdita me një lajm shumë të mirë.

Sot, Këshilli i Ministrave vendosi të propozojë në Kuvend projektligjin “Për ratifikimin e kontratës financiare, ndërmjet Republikës së Shqipërisë dhe Bankës Evropiane të Investimeve, për financimin e projektit “Linja hekurudhore Vorë-Hani i Hotit-porta globale” me vlerë 100 milion euro.

Përmes këtij projekti strategjik do te kryhet rehabilitimi i linjës hekurudhore Vorë – Hani i Hotit, për të mundësuar ofrimin e një shërbimi modern të transportit, arritjen e lëvizshmërisë së gjelbër të qëndrueshme sipas standardeve të BE-së.

Parashikohet rehabilitimi i linjës hekurudhore me një gjatësi prej 120 km dhe rehabilitimin e 12 stacioneve hekurudhore për pasagjerë dhe mallra, ndërsa koha mesatare e udhëtimit nga Vora në Hanin e Hotit pritet të jetë 2 orë.

Në 6 qershor, Kuvendi miratoi në seancë Ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për rehabilitimin e kësaj linje hekurudhore.

Një pjesë e kostos totale të investimeve do të mbulohet nga buxheti i shtetit, pjesa tjetër nga BERZH, BE përmes Kornizës së Investimeve të Ballkanit Perëndimor dhe Banka Evropiane e Investimeve.

Projekti synon të lidhë nëpërmjet hekurudhës, Shqipërinë me Malin e Zi nëpërmjet stacionit të përbashkët hekurudhor të Tuzit drejt Podgoricës, e më tej drejt lidhjeve hekurudhore ndërkombëtare midis kryeqyteteve, duke përfshirë Beogradin, Zagrebin, Lubjanën edhe Budapestin & do të japë një shtysë në zhvillimin e mëtejshëm të ekonomisë së vendit.

Ky projekt strategjik është një mundësi e madhe edhe për Shkodrën, qarkun dhe krejt rajonin veri-perëndimor. Kryeqendra e veriut dhe jo vetëm do të njohë një hov zhvillimi përmes aksesit të shtuar nga rehabilitimi i kësaj linje.

Zbatimi i projektit synon ndërtimin e një infrastrukturë hekurudhore ndërvepruese, të lidhur me vendet fqinje të rajonit e më gjerë, që plotëson kërkesat e Sistemit Evropian të Menaxhimit të Trafikut Hekurudhor, krijimin e kushteve më të mira për zhvillimin e shërbimeve të udhëtarëve dhe mallrave, rritjen ekonomike dhe zhvillimin social brenda vendit dhe nxitjen për kalimin nga transporti rrugor në transportin hekurudhor, duke promovuar një alternativë më eficiente për komunitetin dhe bizneset.

Kjo vepër me standard të një tjetër niveli do të forcojnë lidhjen midis Shqipërisë dhe rajonit, duke nxitur lëvizshmëri të qëndrueshme që vendos bazat për një rrjet hekurudhor modern, të sigurt dhe gjithëpërfshirës.

Si shumicë qeverisëse jemi gjithmonë e më të bindur dhe të vullnetshën për t’ju përgjigjur sfidave dhe detyrimeve që kemi ndaj qytetarëve tanë, për të plotëesuar me gjithësej projektin historik Kombëtar: #Shqipëria2030.

The post Qeveria çon në Kuvend ratifikimin e kontratës për financimin e hekurudhës appeared first on Albeu.com.

Në këtë stacion do të këmbehen disa palë shinash, të cilat degëzohen për 5 km në Rinas. Trenat në këtë linjë do të lëvizin me një shpejtësi 110 km në orë, për t’u stacionuar fillimisht në Vorë dhe më tej drejt Durrësit.

Projekti Tiranë–Rinas–Durrës është i pari për modernizimin e rrjetit të amortizuar hekurudhor në vend.

Një kompani italiane është zgjedhur të bëjë rehabilitimin e lidhjes hekurudhore 34,2 km midis dhe qytetit të Durrësit, si dhe ndërtimin e rreth 5 kilometrave të linjës së re hekurudhore midis Tiranës dhe Aeroportit të Rinasit.

Projekti i rehabilitimit të hekurudhës Tiranë-Durrës dhe ndërtimit të zgjatimit të ri në Rinas është pjesë e axhendës së ndërlidhjes, që synon lidhjen mes rajonit e më gjerë me Europën.

Në samitin e Londrës, një ditë më parë u firmos edhe financimi i rehabilitimit të segmentit Vorë–Hani i Hotit, projekt që do të financohet nga Banka Europiane për Rindërtim dhe Zhvillim.

The post Stacioni i Vorës drejt përfundimit, ndërtohet hekurudha e re Tiranë-Rinas-Durrës appeared first on Albeu.com.

Sipas dokumentit të miratuar nga qeveria, numri i makinave në Shqipëri po rritet nga viti në vit, duke çuar në nivele më të larta të ndotjes së ajrit, ndërkohë që zbatimi i masave në sektorët e sipërpërmendur konsiderohen zgjidhje për ta bërë transportin, përfshirë transportin e mallrave të rrezikshme, më të qëndrueshëm, më të gjelbër, më të zgjuar dhe të përballueshëm.

Në këtë kuadër, për transportin hekurudhor janë parashikuar disa aktivitete për periudhën 3-vjeçare, teksa për vitin 2024 parashikohet finalizimi i punimeve rehabilituese në seksionin kryesor të linjës hekurudhore Tiranë – Durrës, si dhe linja e re hekurudhore me aeroportin e Rinasit.

Kosto totale për këtë linjë hekurudhore është 90.45 mln euro, teksa pas prishjes së stacionit në Tiranë, zgjatimi i linjës hekurudhore (4 km) deri në Bulevardin e Ri të Tiranës me një terminal të ri hekurudhor është pranë finalizimit për Projektin e Zbatimit për të cilën është duke u siguruar financimi nga BERZH.

Po ashtu, gjatë vitit 2024 parashikohet të kryhet prokurimi i përgjithshëm për projektin hekurudhor Vorë – Hani i Hotit, për të përditësuar planin e Vlerësimit të ndikimit mjedisor dhe social VNMS sipas modifikimeve të bëra, me institucionet ndërkombëtare financiare.

Kjo linjë hekurudhore ka një gjatë prej 120 km, ndërsa kosto totale e projektit vlerësohet ë 373.15 mln euro.

Ndërkaq, Programi Ekonomik i Reformave paraqet edhe treguesit që do të arrihen pas modenizimit të sistemit hekurudhor, duke vlerësuar se sasia e reduktuar e dikosidit të karbonit të emetuar, si pasojë e largimit të makinave apo kamionave nga rruga arrina në 486 ton/vit. Ola Mitre / SCAN

The post VIDEO/ Në 2024 përfundon linja Tiranë-Durrës-Rinas appeared first on Albeu.com.

Ministri i Infrastrukturës në Kosovë, Liburn Aliu, ka njoftuar se tashmë ka një trase përfundimtare të hekurudhës që lidh Kosovën me Shqipërinë.

“Lajm shumë i mirë që tashmë përfundimisht kemi një dakordim të dyanshëm për trasenë se kah do të kalojë hekurudha që lidhë Kosovën me Shqipërinë”, ka njoftuar Aliu.

Ai ka thënë se tashmë punimet do të fillojnë në mënyrë intensive për realizimin e projektit.

“Në përputhje edhe me zotimet tona pas procesit të nisur të fizibilitetit, do të fillojnë punimet intensive në drejtim të realizimit të njërit prej projekteve më të mëdha infrastrukturore që do të lidhë jo vetëm qytetarët, por edhe ekonominë e vendeve tona dhe më gjerë”.

Kryeministri i Shqipërisë, Edi Rama, gjatë ditës ka berë me dije se në rrafshin e projekteve infrastrukturore, planet kanë pësuar disa ndryshime.

Rama u ndal te hekurudha Shqipëri–Kosovë. Me dakordësinë dhe të palës tjetër, Rama tha se do ketë një ndryshim të vijës, që do kalojë nga Shkodra, Gjakova dhe në fund në Prishtinë.

“Ka komunikime intensiv me Kosovën për ecurinë e hekurudhës Durrës-Prishtinë, ka një dakordësi nga të dyja palët për të ekspoluar një ndryshim të vijës duke kaluar nga Shkodra në Gjakovë dhe në Prishtinë, kjo është një zgjidhje e dëshiruar edhe nga pala e Kosovës”, deklaroi Rama.

Ditë me parë zëvendëskryeministrja shqiptare, njëherësh ministre e Infrastrukturës dhe Energjisë, Belinda Balluku, solli në vëmendje projektin hekurudhor që lidh Durrësin me Prishtinën, duke e cilësuar atë si projekt kombëtar, për të cilin konfirmoi edhe angazhimin e të dy qeveritë.

“Nuk harrojmë projektin që lidh Durrësin me Prishtinën, jo vetëm si një transport komercial të rëndësishëm, që do të lidhë portin e Durrësit me portin e thatë të Prishtinës, por edhe si një transport alternativ që do të lidh udhëtarët e shumtë midis dy vendeve”.

Sipas saj, ky është një projekt që do të mbështetet nga dy qeveritë, pasi quhet një projekt kombëtar, që lidh shqiptarët mes tyre.

“Nuk bën pjesë në korridoret e transportit evropian, si rasti i segmenteve Vorë- Hani i Hotit apo Durrës-Pogradec, megjithatë dy qeveritë janë të angazhuara dhe besoj se me përfundimin e studimit të fizibilitetit, që tashmë ka marrë rrugë, ne do të jemi të gatshëm të hapim garën ndërkombëtare, të kombinuar midis dy vendeve tona dhe për të nisur menjëherë ndërtimin e kësaj hekurudhe që është një ëndërr e madhe e mbetur pa realizuar”.

Kontrata me kompaninë fituese, tashmë është lidhur dhe vlera e saj finale është rreth 202 milionë lekë, apo rreth 2 milionë euro përfshirë tatimin mbi vlerën e shtuar.

Bashkimi i operatorëve ”ILF Consulting Engineers Austria GmbH & ABKONS SH.P, ku shpallën fitues vetëm pak kohë më parë, teksa procedura mori më shumë se një vit kohë për finalizim, për shkak të problemeve që u hasën.

Procedura përfundoi në Komisionin e Prokurimit Publik dhe më pas u rishpall.

Kohëzgjatja për zbatimin e kësaj kontrate mes Hekurudhës Shqiptare dhe kompanisë fituese, është 14 muaj në fund të të cilit do të dorëzohet edhe studimi.

Kostoja e përafërt e hekurudhës Durrës-Prishtinë është llogaritur në 700 milionë euro.

Kjo linjë cilësohet e një rëndësie të veçantë.

The post Kosova e Shqipëria bien dakord për ndryshim të trasesë së hekurudhës Durrës-Prishtinë appeared first on Albeu.com.

Më konkretisht, ekipet speciale kanë larguar vagonët dhe mbeturinat nga zona në një kohë shumë të shkurtër pas përfundimit të të gjitha kontrolleve nga ekipet speciale të ELAS dhe zjarrfikësve.

https://www.youtube.com/watch?v=PxLWacU0yrg

Dy vagonët që nuk u shkatërruan, u hoqën nga vendi i tragjedisë duke i tërhequr zvarrë në shina, ndërsa për pjesën tjetër u desh të përdorej një vinç dhe kamionë, ku procesi ishte veçanërisht i ndërlikuar.

Më në fund, punimet e rehabilitimit të linjës hekurudhore kanë nisur dhe tashmë janë drejt përfundimit.

/Albeu.com/

The post VIDEO/ Hiqen vagonat nga vendi i tragjedisë në Greqi, çfarë ka mbetur pas përplajes appeared first on Albeu.com.

Në atë kohë u duk se sektori do të ecte me ritme më të shpejta, por nuk rezultoi i tillë. Rizgjimin e sektorit, në rënie të lirë prej dekadash, do ta shënonte fillimi i punimeve për rehabilitimin e linjës Tiranë-Durrës dhe zgjatimin e ri në Rinas.

Në nëntor të vitit të shkuar, kompania që fitoi garën ndërkombëtare, nisi punën në terren, duke i dhënë fund gjumit letargjik të projektit në letra. Nga ai moment duket se hapat e hedhur për zbatimin kanë respektuar parashikimet e punimeve në kalendarin e rënë dakord paraprakisht. Projekti mbështetet nga Banka Europiane për Rindërtim dhe Zhvillim.

Gjatë këtij viti janë të paktën edhe dy projekte të tjera, që kanë ardhur në vëmendje për sektorin hekurudhor, duke e shtuar dinamikën e zhvillimeve. Projekti i parë është rehabilitimi i linjës Vorë-Hani i Hotit. Për këtë projekt është kërkuar financim 62.9 milionë euro po te BERZH dhe vendimi në lidhje me miratimin parashikohet të merret më 8 shkurt 2023.

Të tjerë projekte përfshijnë hartimin e detajuar për linjën Durrës-Rrogozhinë dhe Rrogozhinë-Pogradec-Lin. Pak javë më parë, Hekurudha Shqiptare çeli procedurën e prokurimit për studimin e fizibilitetit dhe projekt-idenë e lidhjes hekurudhore Durrës-Prishtinë, i përfolur jo pak mes qeverive të dy vendeve.

Por a do të munden që të gjitha këto projekte të shënojnë rizgjimin real të sektorit, apo do të duhet të “flenë” mes letrash për vite e vite të tëra? Mbetet për t’u parë. Pjesa më reale dhe më e afërt për investimet në një rrjet modern hekurudhor është linja Tiranë-Durrës, e cila parashikohet të përfundojë në fillim të vitit 2024.

Ecuria e projektit Tiranë-Durrës dhe zgjatimit në Rinas

Kostoja e linjës hekurudhore Tiranë-Durrës, me gjatësi 39 kilometra, është 70 milionë euro, ku gjysma e tyre është grant nga Bashkimi Europian dhe pjesa tjetër, kredi nga BERZH. Punimet për këtë linjë nisën në fund të vitit 2021. Në harkun e një viti, ecuria në terren për autoritetin kontraktor, që në këtë rast është Hekurudha Shqiptare, ka qenë e mirë.

“Progresi total është në shifrat rreth 30%. Konkretisht, kanë përfunduar 90% e gërmimeve e të gjithë trasesë, 50% e mbushjeve të shtresave hekurudhore, 70% e veprave të vogla të artit (tombino, muret mbajtëse, platformat/peronet e stacioneve), 10% e urave të mëdha, dhe rreth 5% e blerjeve/prodhimit të elementeve të mbishtresës hekurudhore, sinjalistikë dhe telekom, ballast”, – tha administratori i Hekurudha Shqiptare, Gentian Liko, për “Monitor”.

Ai sjell në vëmendje se zbatimi i projekteve të kësaj natyre, me volume pune të konsiderueshme, por edhe vlerë të madhe, has edhe sfida, ku shpesh përfshihen edhe ndryshime në projekt. Të tilla, sipas tij, janë rishikimet e bëra për urat ku kalon linja hekurudhore.

Teksa më herët për to parashikohej rehabilitim, është vendosur rindërtim nga e para në reflektim të ligjit të ri të sizmikës. Edhe procesi i shpronësimeve, apo elementet e tjera të linjave të transmetimit, kabinave elektrike, tubacioneve të ndryshme në trupin e hekurudhor ose afër saj, kanë qenë sfiduese. Një tjetër element që mund të ndryshojë në projekt është shtimi i një stacioni të 11-të që do të jetë në kryqëzimin e rrugës “Jordan Misja” dhe Bulevardit të Ri.

Trajnimi i kapaciteteve njerëzore dhe studimi i tregjeve për trenat e rinj

Ndërtimi i një linje hekurudhore moderne me trena elektrikë, që përshkojnë 120 kilometra në orë, parashtron detyra të rëndësishme për Hekurudhën Shqiptare. Në njërën anë do të duhet të studiohen tregjet dhe të gjenden mjetet më të përshtatshme dhe eficiente për këtë linjë dhe në tjetrën, të përgatiten kapacitete njerëzore të aftë për të përmbushur detyrat.

“Për sa u përket trenave që do të operojnë në këtë infrastrukturë të re moderne hekurudhore, është parashikuar që do të lëvizin në total maksimalisht 7 çifte trenash, pra një në vajtje dhe një në ardhje në të gjithë korridorin, Durrës-Tiranë e anasjelltas, Durrës-Aeroport e anasjelltas dhe Tiranë-Aeroport e anasjelltas.

Në lidhje me trenat e ardhshëm që po shihen në tregjet ndërkombëtare, bëhet fjalë për trena elektrikë me eficiencë të lartë dhe me dy njësi lëvizëse, pra jo me sistemin e vjetër lokomotivë + vagonë” – pohon z.Lika.

Lidhur me kapacitetet njerëzore, ai nënvizon se kompania INC S.PA që po zbaton projektin, ka të përfshirë në kontratë edhe trajnimin e stafit të hekurudhës.

Vorë-Hani i Hotit, Shqipëria në pritje të miratimit të kredisë

Në shkurt të vitit të ardhshëm, Banka Europiane për Rindërtim dhe Zhvillim pritet të japë miratimin për një kredi prej 62.9 milionë eurosh për projektin e rehabilitimit të linjës hekurudhore Vorë-Hani i Hotit. Kostoja totale e kësaj linje, me gjatësi 120 kilometra, llogaritet në 267 milionë euro.

Projekti, sipas dokumenteve, pritet të bashkëfinancohet nga Banka Europiane e Investimeve (EIB) dhe Bashkimi Europian (BE) nëpërmjet Platformës së Investimeve në Ballkanin Perëndimor (WBIF). Projekti është pjesë e zgjatimit të Rrjetit Kryesor të Transportit Trans-Europian TEN-T në Ballkanin Perëndimor, i cili do të lidhë Shqipërinë me rrjetet hekurudhore rajonale dhe europiane përmes Korridorit X pan-Europian.

Referuar dokumenteve, linja ekzistuese hekurudhore Vorë – Hani i Hotit u ndërtua në dy faza: nga Vora në Laç në fillim të viteve 1960, ndërsa nga Laçi deri në kufirin e Shqipëri-Mali i Zi, në vitin 1985.

“Infrastruktura e trasesë është përkeqësuar, për shkak të mungesës së mirëmbajtjes. Shpejtësia maksimale e lëvizjes së trenave është rreth 40 km/orë, dhe në pjesë të caktuara është më e ulët se 20 km/orë. Kufizimet e shpejtësisë së trenave vijnë edhe nga kalesat e shpeshta të paautorizuara në nivel (kryqëzimet e paautorizuara me rrugët lokale).

Sistemi i sinjalizimit, i dëmtuar gjatë periudhave të trazirave në vitet 1991 dhe 1997, pothuajse nuk ekziston. Shërbimet e transportit të mallrave lënë për të dëshiruar, me kohë udhëtimi të gjata dhe kërkesë të ulët, dhe jo të planifikuar.

Komunikimi i stacioneve realizohet nëpërmjet radios. Si rezultat, nuk ka një sistem të kontrolluar sigurie për lëvizjen e trenave, e për pasojë rreziku i aksidenteve është i lartë. Ndërsa gjeometria e shtrirjes horizontale të hekurudhës është mjaft e mirë”, – do të nënvizohej në planin e ndërveprimit social-mjedisor mbështetur nga Korniza e Investimeve në Ballkanin Perëndimor.

Linja Durrës-Prishtinë, pritet fillimi i studimit të fizibilitetit, alternativat

Pak javë më parë, Hekurudha Shqiptare hapi garën për të zgjedhur kompaninë që do të hartojë studimin e fizibilietit dhe projekt-idenë për një linjë hekurudhore Durrës-Prishtinë. Kostoja llogaritet në 700 milionë euro, por vetëm pas përfundimit të studimit dhe projekt-idesë, shifra do të jetë më e qartë.

Procedura e paraqitjes së ofertave është mbyllur më 25 nëntor dhe Hekurudhës do t’i duhet të përzgjedhë mes të interesuarve. Pas shpalljes së fituesit dhe lidhjes së kontratës, kompanisë do t’i duhen 14 muaj për të finalizuar detyrat, nga të cilët 2 (dy) muaj për Fazën Fillestare dhe 12 (dymbëdhjetë) muaj në përgatitjen e Studimit. Vetë dokumentet e hekurudhës tregonin për tre alternativa të ndërtimit të kësaj linje për pjesën shqiptare dhe atë të Kosovës.

Alternativa 1: Ndërtimi i linjës hekurudhore (Mjedë – Kufi në Qafë Morinë – Kramovik).

Itinerari në pjesën e Shqipërisë – Linja hekurudhore ndërmjet Shqipërisë dhe Kosovës paraqet vështirësi, sepse kalon në terren malor. Gjatësia totale nga Mjeda deri në kufirin me Kosovën është rreth 107 km. Shpejtësia maksimale e projektimit parashikohet të jetë 100 km/orë.

Linja fillon nga stacioni ekzistues i Mjedës (në Bashkinë e Vaut të Dejës dhe është pjesë e linjës hekurudhore Vorë – Hani i Hotit) e cila konsiderohet KM 0+000 për linjën re. Linja e re hyn më pas në zonën e lumit të Gjadrit duke kaluar nëpër lartësi të pranueshme për hekurudhën.

Duke filluar nga KM 24+000 deri në KM 40+000, linja kalon në dy tunele të njëpasnjëshëm për shkak të terrenit të vështirë deri në zonën e Repsit, pranë autostradës Rrëshen – Kalimash.

Pas kësaj, linja kryqëzohet me autostradën, duke hyrë në një tunel nga zona e Bisakut (Rrëshen) deri në luginën e Drinit të Zi, me gjatësi 11.5 km. Në KM 81+000, linja hekurudhore kalon me urë, mbi liqenin artificial të hidrocentralit të Fierzës dhe në KM 93+000, linja arrin në stacionin hekurudhor të Kukësit. Si pikë përfundimtare, linja arrin në Morinë, pika kufitare Shqipëri – Kosovë.

Itinerari në pjesën e Kosovës: Linja fillon nga PK 18+733 (stacioni hekurudhor Kramovik i linjës hekurudhore Klinë – Prizren) drejt qytetit të Gjakovës. Linja hyn në luginën e lumit Drin, duke kaluar lumin përmes një ure me gjatësi afërsisht 140 m.

Pas kalimit të lumit, traseja kalon në skarpatën (prerje dhe mbushje) e luginës për të kaluar më pas pengesën natyrore përmes një tuneli 1,475 m të gjatë. Pas daljes nga tuneli, traseja hekurudhore merr drejtimin nga Gjakova duke arritur në anën veriore të qytetit. Nga KM 7+000 deri në KM 8+500, linja ndjek rrjedhën e ujit dhe kalon pranë fshatit Bec dhe afër aeroportit të Gjakovës, për të vazhduar në drejtim të fshatit Qerim dhe zonës industriale të qytetit të Gjakovës.

Në Gjakovë do të ndërtohet stacioni hekurudhor me së paku katër linja. Nga Gjakova, traseja hekurudhore do të ndjekë rrugëkalimin ekzistues R-109/M 9-1 deri në fshatin Ponoshec, për të vazhduar më pas paralelisht me M 9-1 deri në kufirin me Shqipërinë në Qafë Morinë. Gjatësia totale e itinerarit nga stacioni Kramovik deri në kufirin në Qafë Morinë llogaritet rreth 30 km.

Alternativa 2: Ndërtimi i linjës hekurudhore (Milot – Kufiri në Vërmicë – Landovicë

Pjesa shqiptare e itinerarit nis përmes linjës ekzistuese nga Miloti drejt qytetit të Rrëshenit dhe zgjatimit më tej drejt grykës së Fanit të Vogël. Në vitin 2005, në trupin e trasesë hekurudhore, në dalje nga stacioni i Milotit në drejtim të stacionit të Rubikut, filloi ndërtimi i autostradës Milot – Rrëshen – Kalimash.

Pjesa shqiptare e linjës së bashku me pjesën Milot – Rrëshen mbulojnë rreth 108 km. Kjo pjesë ka një tunel me gjatësi rreth 11.5 km, i cili hyn në zonën e Bisakut dhe del në zonën e Drinit të Zi, pranë Skavicës.

Pjesa e itinerarit në Kosovë: Linja do të ndahet nga linja hekurudhore Klinë – Prizren në KM 52+200. Nga kjo pikë e ndarjes, traseja vazhdon në lagjen periferike Arbana të Prizrenit, duke vijuar përgjatë autostradës nacionale “Ibrahim Rugova” (E 85).

Pastaj, linja kalon pranë fshatrave Grazhdanik dhe Vlashnjë në drejtim të fshatit Vërmicë dhe pikës kufitare me Shqipërinë. Gjatësia totale e itinerarit nga pika e ndarjes së Linjës Klinë – Prizren deri në kufirin në Vermicë llogaritet në rreth 17 km.

Konsulenti do të analizojë të dyja opsionet e përmendura më sipër. Pas analizave të hollësishme dhe përllogaritjeve të këtyre opsioneve, ata do të ofrojnë rekomandimin përfundimtar promotorëve të këtij projekti për variantin më të mirë dhe më të favorshëm.

Alternativa 3: Do të përcaktohet nga vetë konsulenti

Kjo alternativë mbetet për t’u analizuar dhe për t’u zgjedhur nga vetë Konsulenti, sipas vizitave në terren dhe përllogaritjeve të kryera dhe si e tillë, do t’i propozohet Klientit./Monitor

The post “Rizgjimi” i hekurudhave appeared first on Albeu.com.