I riu shqiptar u godit me thikë në gjoks në një parking pranë Universitetit.

Sipas mediave lokale, të rinjtë u morën menjëherë në pyetje në stacionin e policisë dhe u përfaqësuan nga avokatë.

Autoritetet po i trajtojnë incidentin si sulm dhe kërcënim të dyshuar, ndërsa shkaku i përleshjes mbetet ende i paqartë. Ngjarja shpërtheu pas një feste në një klub pranë vendit ku i riu u gjet i vdekur.

Hetimet e policisë së Peruxhias konsiderohen komplekse, veçanërisht pasi anëtarët e dy grupeve që përfshinë në përplasje ishin të panjohur mes tyre.

Skuadra Fluturuese po bashkon provat, për të përcaktuar të vërtetën dhe për të identifikuar personin që shkaktoi goditjen fatale me thikë.

Vendi i ngjarjes, një parking para Departamentit të Matematikës të Universitetit të Peruxhias, nuk ka kamera mbikëqyrëse, dhe kamerat e pakta brenda ndërtesës nuk kanë dhënë prova të dobishme për hetimin.

Hetuesit intervistuan gjithashtu vëllain e viktimës, i cili ishte plagosur lehtë, por nuk dha ndonjë informacion vendimtar.

Thika e përdorur për të therur Cumanin mungon ende. Hetimi tregon se përplasja filloi brenda klubit të natës dhe u përshkallëzua jashtë në një konflikt fatal.

Përleshja ka nisur për “çështje të parëndësishme” midis dy grupeve: një grup i përbërë nga të rinj nga rajoni i Marche-s dhe tjetri nga të rinj italianë të gjeneratës së parë dhe të dytë nga Perugia.

Ata nuk njiheshin më parë dhe nuk kanë lidhje me bandat kriminale. Hetimet pohojnë se asnjëri grup nuk zotëronte thikën, e cila dyshohet se u soll nga një person i përfshirë më vonë nga grupi perugian.

The post Vrasja e 23-vjeçarit shqiptar në Itali, policia shoqëron disa të rinj si të dyshuar appeared first on Albeu.com.

Ajo që nisi si një mbrëmje argëtimi me muzikë, shoqëri dhe drink në një lokal studentor të Perugias, përfundoi në një tragjedi të tmerrshme.

Një sherr i nisur për një arsye të parëndësishme, por i ndezur nga alkooli dhe nervozizmi, përfundoi me përdorimin e armëve të ftohta dhe me një të vdekur.

“Një djalë i qetë, larg problemeve”, thonë ata që e njihnin mirë. Hekurani punonte herë pas here, së fundmi kishte kaluar verën në Senigallia si kamarier. Kishte pasion për palestrën dhe tatuazhet.

Si ndodhi ngjarja

Të premten mbrëma, ai kishte dalë me rreth 10 shokë nga zona e Fabrianos, përfshirë vëllain e tij më të vogël, Samuele, për të kaluar mbrëmjen në “100Dieci Cafè”, një lokal shumë i frekuentuar nga studentët, pranë Departamentit të Matematikës në Universitetin e Perugias.

Në lokal nisi një përplasje me një grup të rinjsh me prejardhje nga Tunizia dhe Maroku (të gjeneratës së dytë, banues në Ponte San Giovanni).

Nuk ka pasur lidhje me drogë apo çështje Universitare, dyshohet se gjithçka nisi për një koment ndaj një vajze, një shikim apo fjalë të hedhur në ajër.

Në ambientin e brendshëm nuk kishte armë, hyrja kontrollohej me metal detector. Konflikti u duk se u shua aty për aty. Por më vonë, rreth orës 4:30 të mëngjesit, teksa grupi nga Fabriano po largohej, ata u përballën sërish me grupin tjetër në një parkim pranë Departamentit të Informatikës.

Njëri nga të rinjtë tunizianë ishte armatosur dhe, sipas dëshmitarëve, kishte me vete dy thika. Ndodhi një përleshje fizike. Samuele Cumani, u plagos në këmbë, ndërsa Hekurani, duke u përpjekur ta mbronte, u godit me thikë në fyt dhe në kraharor plagë fatale, shkruajnë mediat italiane.

Grupi i agresorëve u arratis, ndërsa miqtë e Hekuranit thirrën menjëherë ndihmën. Por për të riun 23-vjeçar nuk kishte më asnjë shpresë. Mjekët e emergjencës mundën vetëm të konfirmonin vdekjen.

Në vendngjarje mbërritën menjëherë forcat e policisë, prokurorja Gemma Miliani, hetuesit e policisë shkencore dhe mjekja ligjore Anna Maria Verdelli. Familja e Hekuranit dhe vëllait të tij, mori një telefonatë tronditëse në orët e para të mëngjesit dhe u nis menjëherë drejt Perugias.

Policia ka sekuestruar pamjet e kamerave të sigurisë brenda dhe jashtë lokalit. Janë marrë në pyetje dhjetëra persona, përfshirë miqtë e viktimës dhe disa nga të rinjtë e dyshuar.

Autori i vrasjes mendohet të jetë një djalë rreth 22-24 vjeç, me origjinë tuniziane. Sipas burimeve hetimore, ndalimi i tij mund të jetë çështje kohe.

The post Një vajzë u bë shkak i sherrit! Zbardhet vrasja e 23-vjeçarit shqiptar në Itali, u godit duke mbrojtur vëllain appeared first on Albeu.com.

Një plagë me thikë në gjoks gjatë një grindjeje në parkingun e Universitetit, në Perugia të Italisë, pa përfunduan në tragjedi.

Sulmi ndodhi rreth orës 2 të mëngjesit, në parkingun përpara departamenteve të Ekonomisë dhe Matematikës, pas mensës së universitetit.

Parkingu është falas nga ora 7 e mbrëmjes, deri në orën 7 të mëngjesit dhe përdoret shpesh për të hyrë në qendrën historike aty pranë, ose për mbrëmje në klube të ndryshme lokale.

Sipas raportimeve, 23 -vjeçari i vrarë kishte mbërritur në Perugia me një grup miqsh nga Fabriano. Pasi vizituan disa bare, ata u ndalën në “100Dieci”, një vend ku mblidhen studentët që ndjekin kampusin universitar të Perugia-s dhe që ndodhet përpara parkingut ku ai u godit me thikë në gjoks.

Hetuesit po hetojnë shkakun e sherrit, ndërsa një kërkim është duke u zhvilluar bazuar në dëshmitë e mbledhura.

Sipas dëshmitarëve, sulmi ndodhi gjatë një grindjeje midis dy grupeve të të rinjve. Hetimi i policisë po përqendrohet te dëshmitarët dhe çdo pamje filmike e kamerave të sigurisë në zonë, veçanërisht ata në hyrje të zonës së pushimit, informon media italiane.

Ndër mundësitë që po shqyrtohen është ajo e një grindjeje të thjeshtë që më vonë u përshkallëzua, por nuk përjashtohet as prishja e pazareve të vogla të drogës në zonë, si dhe në klubet e frekuentuara nga studentët.

The post E rëndë në Itali/ Vritet 23-vjeçari shqiptar në parkingun e Universitetit (EMRI+FOTO) appeared first on Albeu.com.