Marku u arrestua me akuzën e ekzekutimit të Billës, kurse nipi i tij Sebastian Mali dyshohet se ka larguar vrasësin nga vendi i ngjarjes.

Për ta është caktuar masa e sigurisë “Arrest  shtëpie” për shkak të mbarimit të afateve të paraburgimit

Kujtojmëse 40-vjeçari Hekuran Billa u vra me 11 qershor 2020, rreth orës 22:00, te zona e Komunës së Parisit në Tiranë, ndërsa  po lëvizte me makinën e tij të llojit “BMW X6”.

Kush ishte Hekuran Billa?

Hekuran Billa rezultoi të ishte një person me precedentë penal. Në vitin 2008, rezulton të ketë kryer një vrasje me armë zjarri. Sipas vendimit të dhënë nga Gjykata Angleze, lexohet se Billa është dënuar me burg të përjetshëm për vrasjen e një personi të identifikuar si Prel Marku.

Në atë kohë, Billa, ishte 28 vjeç, ndërsa viktima, 22. Vendimi i Gjykatës së Anglisë është njohur nga drejtësia shqiptare, dhe për pasojë, biznesmeni me origjinë nga Kukësi është ekstraduar drejt Shqipërisë, në vitin 2015.

Por për arsye të pashpjegueshme, 40-vjeçari ka dalë nga burgu dhe ka vijuar jetën e tij, deri në mbrëmjen e 11 qershorit 2020, ku u ekzekutua me silenciator tek Komuna e Parisit. Sipas kërkimeve në faqet zyrtare të QKR-së, biznesmeni Hekuran Billa rezulton të ketë aktiv një biznes të tijin në Tiranë, ku jep makina me qira. “Car rent Albania”, quhet biznesi që administronte viktima. Gjithashtu, mësohet se Hekuran Billa është i përfshirë në trafikun e drogës në Angli./albeu.com

The post Vrasja e Hekuran Billës, lirohen nga qelia dy autorët e dyshuar appeared first on Albeu.com.

Prokuroria konkretisht ka kërkuar tre muaj shtesë gjykatës për hetimet.

Kush ishte Hekuran Billa?

Hekuran Billa, i njohur ndryshe si Herland Bilali, është një emër i njohur për drejtësinë angleze. Ai është dënuar me burgim të përjetshëm për vrasjen e Prel Markut, ngjarje e ndodhur në 2006. Ai u shpall fajtor për tre akuza, “Vrasje” , “Vrasje mbetur ne tentative” dy herë si dhe “Plagosje me dashje”. Ekzekutimi tij ka sjellë nxjerrjen në dritë dhe rastin e një të dënuar me burgim të përjetshëm, por që çuditërisht shëtiste i lirë dhe me BMW X6, në Shqipëri.

Hekuran Billa ishte i dënuar me burgim të përjetshëm për akuzën e “Vrasjes në rrethana cilësuese ndaj 22 vjeçarit Prel Marku dhe plagosjen e rëndë të Musa Rrahmanit dhe një personi tjetër. Më pas Billa është deportuar nga Anglia në Shqipëri me qëllim vuajtjen e dënimit me burg përjetë në Shqipëri.

The post Ekzekutimi mafioz i Hekuran Billës, prokuroria kërkon 3 muaj shtesë kohë për hetimet appeared first on Albeu.com.

Lakra u arrestua si bashkëpunëtore në krim pasi dyshohej se nxori në pritë Hekuran Billën, në atentatin ku ai mbeti i vdekur.

Adiola Lakra rezulton të jetë banore e lagjes “28 Nëntori” dhe banesa e familjes së saj ndodhet në rrugën “Dhimitër Kolea” në Rajonin nr.2, edhe pse prej vitesh në atë shtëpi nuk banon më askush nga familja Lakra.

Lakra në moshën 18- vjeçare u shpërngul në Tiranë me familjen e saj teksa ende figuron si banore në shtëpinë në Berat, ku prej vitesh nuk jetën më askush.

Adiola Lakra dyshohet se ka bashkëpunuar me Sebastjan Malin dhe Viktor Markun për ekzekutimin e Hekuran Billës. 26-vjeçarja dyshohet se ka marrë në telefon Hekuran Billën para krimit dhe i ka lënë takim në zonën e Komunës së Parisiti,aty ku edhe po e prisnin vrasësit dhe pas krimit mësohet se ajo ka qenë nën vëzhgimin e policisë për 3 ditë me radhë.

The post Nxori në pritë Hekuran Billën? Adiola Lakra lë qelinë appeared first on Albeu.com.

Ishte kreu i ILD Artur Metani që propozoi shkarkimin e Memias. Metani ka konstatuar më herët se Memia, në mënyrë të pajustifikuar, nuk ka përmbushur detyrën gjatë dhe pas gjykimit për lirimin me kusht të Hekuran Billës, që kanë sjellë përfitim të padrejtë dhe në kundërshtim me ligjin për palët në proces.

Sipas ILD, Memia nuk ka respektuar ligjin material dhe atë procedurial penal në mënyrë të vazhduar

The post I përfshirë në lirimin e Hekuran Billës, shkarkohet prokurori i Krujës appeared first on Albeu.com.

Më herët, Hoxha është arrestuar me urdhër të SPAK, pasi akuzohet për korrupsion dhe shpërdorim detyre bashkë me nëntë persona të tjerë në Gjykatën e Krujës, mes tyre kancelari i këtij institucioni, kryesekretarja Ela Mallkuçi dhe avokati Aldo Tabaku.

Pas arrestimit, Hoxha ka bërë dy herë kërkesë me shkrim për ndryshim mase, duke u shprehur se ka djalin në gjendje të rënduar shëndetësore pasi është autik.

Hoxha njihet për favorizimin që ka bërë për lirimin e Endrit Doklës,  Hekuran Billës, Genc Tafilit dhe Ilir Pajas.

Endrit Dokle

Në janar të 2020 u lirua me kusht nga burgu Endrit Dokle i dënuar me burgim të përjetshëm dhe anëtar i bandës së Durrësit.

Gjyqtarja Hoxha pranoi kërkesën e Dokles për ta konvertuar dënimin e përjetshëm në dënim 25 vjeçar, dhe pranoi kërkesën për tu lënë i lirë pasi ka kryer ¾-ën e dënimit 25 vjeçar. Gjyqtarja justifikoi vendimin e saj dhe me faktin se i burgosuri kishte siguruar një kontratë pune në firmën Mateo Konstruksion, në pronësi të Agim Cakos.

Endrit Dokle njihet si një prej drejtuesve të Bandës së Durrësit, që vepronte që prej vitit 1994.Endrit Dokle, së bashku me 16 persona të tjerë, pjesë e bandës, janë dënuar për dhjetra vrasje në Tiranë e Durrës, plagosje, atentate, rrëmbime, trafik droge e qeniesh njerëzore. Madje Dokle, përveç dënimeve të përjetshme për vrasjet e atentatet, ishte dënuar edhe me 16 vite të tjera heqje lirie për shkak se drejtonte trafikun e drogës nga burgu.

The post “Ëngjëlli mbrojtës i kriminelëve”, shkarkohet nga detyra Enkeleda Hoxha appeared first on Albeu.com.

“Nga analiza ligjore e fakteve të konstatuara gjatë hetimit disiplinor rezulton se nga ana e magjistratit Bujar Memia janë ndërmarrë veprime/mosveprime të cilat kanë të bëjnë me mospërmbushjen e pajustifikuar të funksioneve gjatë dhe pas gjykimit, që kanë sjellë përfitim të padrejtë për palët në një proces gjyqësor në kundërshtim me ligjin, si dhe mosrespektim të rëndë dhe të vazhduar të legjislacionit material dhe procedural penal, akte të konstatuara në 4 procese gjyqësore”.

Sipas ILD, në njoftim thuhet se ushtrimi i pa rregullt i detyrës nga ana e prokurorit Memia ka sjellë pasoja për dhënien e drejtësisë, cenimin  e prestigjit jo vetëm të gjykatës dhe humbjen e besimit ndaj tij, por dhe të prokurorisë,duke cenuar besimin e publikut tek drejtësia. Gjithashtu një veprim i tillë nga ana e prokurorit ka bërë që nga ana e qytetarëve të bëhet vetëgjyqësi

“Zhvillimi i procedurave me objekt “Lirim me kusht” nga ana e gjykatës si dhe mungesa e ankimimeve të këtyre vendimeve është shoqëruar me një pasqyrim të gjerë mediatik, duke risjellë veprat penale të personazheve në fjalë. Mediat përmes raportimeve, analizave apo emisioneve të posacme kanë ndjekur me vëmendje ecurinë e veprimeve me lirimet e tyre.  Rrjedhimisht, sjellja konkrete jo vetëm e gjykatës, por dhe pasiviteti dhe mosveprimi i prokurorit për të kontrolluar ligjshmërinë e kësaj vendimmarrje ndikoi në uljen e besimit publik tek sistemi gjyqësor, dhe nxiti hakmarrjen ndaj të dënuarit. Është fakt i njohur tashmë, ekzekutimi i të dënuarit H.B më datë 11.06.2020″- shpjegon ILD.

The post Lirimi i Hekuran Billës, kërkohet shkarkimi i prokurorit që bashkëpunoi me Enkeleda Hoxhën appeared first on Albeu.com.