La Masia konsiderohet një prej akademive më të rëndësishme të futbollit botëror dhe ka qenë një bazë themelore e suksesit të Barcelonës. Nëpër strukturat e saj janë formuar disa nga emrat më të mëdhenj të futbollit, ndërsa aktualisht klubi vijon të promovojë lojtarë si Lamine Yamal, Pau Cubarsi, Gavi, Fermin Lopez, Gerard Martin dhe Marc Bernal.

Megjithatë, jo çdo futbollist që del nga akademia arrin të bëhet pjesë e rëndësishme e ekipit të parë apo të ngjitet në majën e futbollit evropian. Për çdo talent që shndërrohet në protagonist në “Camp Nou”, ka shumë të tjerë që nuk i përmbushin pritshmëritë e krijuara rreth tyre.

Kjo situatë e vendos Barcelonën përballë një dileme të vazhdueshme: t’u japë të rinjve kohën dhe besimin e nevojshëm për t’u zhvilluar, apo t’i shesë kur për ta mbërrijnë oferta të rëndësishme?

Vitet e fundit kanë treguar se disa produkte të La Masias kanë zgjedhur të largohen, ndërsa të tjerë janë përballur me dëmtime ose me vështirësinë për të përballuar presionin e madh.

Marc Guiu – zgjedhja për Chelsean

Marc Guiu ishte ndër emrat e fundit që krijuan pritshmëri në Barcelonë. Sulmuesi spanjoll u shfaq gjatë periudhës së Xavit, kur arriti të shënonte edhe me ekipin e parë dhe të jepte përshtypjen se mund të ishte një alternativë e vlefshme për sulmin katalanas.

Megjithatë, ai vendosi të largohej dhe firmosi me Chelsean. Edhe pse vazhdon të jetë nën kontratë me klubin londinez, Guiu nuk ka mundur ende të fitojë një rol të rëndësishëm dhe të rregullt në formacionin e parë.

Ansu Fati – nga trashëgimtari i Messit te largimi

Rasti i Ansu Fatit përbën një nga zhgënjimet më të mëdha të Barcelonës në vitet e fundit. Sulmuesi debutoi shumë i ri me ekipin e parë dhe menjëherë u rendit mes talenteve më premtuese të futbollit evropian.

Në klub u përhap edhe ideja se ai mund të ishte pasuesi i Lionel Messit. Por dëmtimet e rënda, veçanërisht problemi serioz në gju, e penguan ndjeshëm progresin e karrierës së tij.

Pas huazimit te Brighton, Fati u kthye në Barcelonë dhe mori një mundësi tjetër nën drejtimin e Hansi Flick. Megjithatë, ai nuk arriti të rikthehej te forma e dikurshme dhe më pas u nda përfundimisht nga klubi katalanas, duke iu bashkuar Monacos.

Ilaix Moriba – një shpërthim që nuk u shndërrua në vazhdimësi

Ilaix Moriba shihej si një prej talenteve më premtues të akademisë. Mesfushori nga Guinea mori minuta në ekipin e parë të Barcelonës në një periudhë të vështirë për klubin dhe tregoi se kishte potencial të madh.

Në vend që të vazhdonte rritjen e tij në “Camp Nou”, Moriba zgjodhi një tjetër drejtim dhe u transferua te RB Leipzig.

Carles Alena – pritshmëri të mëdha, por pa stabilitet

Carles Alena ishte prej kohësh një prej futbollistëve më të çmuar të La Masias. Ai shihej si një mesfushor që mund të merrte një rol të rëndësishëm te Barcelona dhe arriti të bëhej pjesë e ekipit të parë.

Megjithatë, Alena nuk arriti të siguronte një vend të përhershëm në formacion. Pas një periudhe huazimi, ai u largua nga Barcelona dhe nënshkroi me Getafen. Aktualisht, mesfushori luan për Alavesin.

Gerard Deulofeu – një talent që mbeti larg parashikimeve

Gerard Deulofeu ishte ndër lojtarët më të spikatur të brezit të tij në La Masia. Paraqitjet në ekipet e moshave bënë që sulmuesi të shihej si një prej futbollistëve me të ardhme të madhe te Barcelona.

Megjithatë, ai nuk arriti të fitonte një rol të qëndrueshëm në ekipin e parë. Më pas, karriera e tij vazhdoi përmes huazimeve dhe transferimeve në disa prej ligave më të forta evropiane, ku luajti për Everton, Sevilla, Milan, Watford dhe Udinese.

Dëmtimet ndikuan gjithashtu në ecurinë e tij, ndërsa sot Deulofeu është pa klub.

Alen Halilovic – nga reputacioni i madh te një karrierë nën pritshmëri

Alen Halilovic u transferua në Barcelonë nga Dinamo Zagrebi, i shoqëruar nga një reputacion i madh dhe pritshmëri të larta. Kroati konsiderohej një prej lojtarëve më premtues të brezit të tij.

Megjithatë, ai nuk arriti të fitonte një rol të rëndësishëm në ekipin e parë. Pas disa huazimeve, Halilovic u largua nga Barcelona dhe më pas luajti për një numër klubesh evropiane, pa iu afruar nivelit që shumëkush parashikonte për të në fillim të karrierës.

Riqui Puig – një karrierë e vazhduar larg Barcelonës

Riqui Puig ishte ndër lojtarët e rinj që ndezën më shumë entuziazëm te tifozët katalanas. Ai u promovua në ekipin e parë dhe zhvilloi disa ndeshje të mira, por nuk arriti të shndërrohej në një titullar të padiskutueshëm.

Mesfushori më pas vendosi të largohej nga Barcelona për të vijuar karrierën në MLS, ku iu bashkua LA Galaxy. Në Shtetet e Bashkuara, Puig ka gjetur më shumë hapësirë dhe është kthyer në një prej futbollistëve të rëndësishëm të skuadrës.

Një grup shumë më i madh talentesh

Lista e lojtarëve të La Masias që nuk arritën të bëheshin yjet e parashikuar nuk kufizohet vetëm te këta emra. Adama Traore, Isaac Cuenca, Cristian Tello, Hector Bellerin, Sergi Samper, Martin Montoya dhe Munir El Haddadi janë disa prej tyre.

Të gjithë ndërtuan karriera të rëndësishme në futbollin profesionist, por nuk arritën të realizonin pritshmëritë që ishin krijuar gjatë viteve të para në Barcelonë.

Kjo nuk nënkupton se ata dështuan si futbollistë. Shumë prej tyre luajtën në nivele të larta dhe patën karriera të suksesshme. Por standardet e La Masias janë veçanërisht të larta dhe pritshmëritë që shoqërojnë një talent të Barcelonës shpesh janë edhe më të mëdha.

Akademia vijon të jetë një prej burimeve kryesore të lojtarëve për klubin katalanas. Megjithatë, rruga nga La Masia te maja e futbollit është e gjatë dhe konkurrenca për një vend në ekipin e parë mbetet e ashpër.

Për çdo Lamine Yamal ose Pau Cubarsi që shpërthen dhe arrin elitën, ekzistojnë dhjetëra talente të tjera që, për arsye të ndryshme, mbeten rrugës.

The post Nga premtimet e mëdha te largimi nga Barça: talentet e La Masias që nuk u bënë yje appeared first on Albeu.com.

Sipas Sport, bordi katalanas është duke u interesuar për të përforcuar dy pozicione, mbrojtës i djathtë dhe mesfushor shkatërrues, pasi Busquets është duke luajtur sezonin e fundit.

Sipas kësaj medie, Barcelona sheh si të përshtatshëm si mbrojtës anësor, yllin e Manchester Unite, Diego Dalot.

Portugezi ishte si opsion edhe gjatë merkatos që lam pas, por “Djajtë e Kuq” nuk kishin ndërmend ta shisnin, i cili tanimë është bërë një lojtar “kyç” për teknikun Ten Hag.

Sport bën me dije se klubi ka kontaktuar tashmë me rrethin e afërt të futbollistit për të treguar interesin e tyre./albeu.com

The post Bellerin i përkohshëm, Barcelona e ka “fiksuar” objektivin për sezonin e ardhshëm appeared first on Albeu.com.

Ka shkuar në 5 numri i lojtarëve të cilët janë dëmtuar. Araujo, Kounde, Depay, De Jong dhe sikur të mos mjaftonin, pasi kësaj liste i është shtuar edhe Hector Bellerin.

Këto janë periudhat e rikuperimit për mbrojtësin e Barcelonës, i cili sot iu nënshtrua testeve mjekësore, që zbuluan një dëmtim në shputën e këmbës së majtë.

Prandaj, anësori azulgrana do të humbasë ndeshjen e dyfishtë të Ligës së Kampionëve me Interin (në “San Siro” më 4 tetor dhe kthimin në “Camp Nou” më 12 tetor), ashtu si dhe lojtarë të tjerë të Barçës.

The post “Infermierisë” së Barcelonës i shtohet edhe një tjetër “pacient”, shtohen hallet për Xavi-n para ndeshjes me Interin appeared first on Albeu.com.

Barcelona u përpoq gjatë merkatos që lam pas që të mbyllte  ardhjen e Azpilicuaetas, por në fund iu desh të kënaqej me një zgjidhje urgjente si ajo e Hector Bellerin.

Do të duhet të ndryshojnë shumë gjëra në mënyrë që ish-lojtari i Betis të vazhdojë në Camp Nou edhe vitin e ardhshëm, ndaj anglezi është alternativa e preferuar e blaugranave.

Me një kontratë në fuqi deri në qershor 2025, Liverpool e vlerëson lirimin e tij me një minimum prej 80 milion €, një shumë që ata do të përpiqen ta ulin duke përfshirë një lojtar në operacion./albeu.com

The post Barcelona nuk mendon të vazhdojë gjatë me Bellerin, fokusohet tek Trent Alexander- Arnold appeared first on Albeu.com.

Emri i parë është Thomas Meunier i Borussia Dortmundit. Megjithatë, duket e vështirë për të bindur gjermanët, ndaj klubi blaugrana po mendon të hedhi sytë te Hector Bellerin, i cili është rikthyer te Arsenal pas huazimit të sezonit të kaluar te Real Betis.

Lojtari spanjoll do të ishte shumë i lumtur të rikthehej në klubin ku u rrit dhe do të ishte gati të rishikonte pagën e tij në mënyrë që të mundeshe të transferohej në Katalonjë. Për më tepër, një vit pas përfundimit të kontratës, “Topçinjtë” nuk duhet të kenë shumë vështirësi për ta lënë të largohet./ h.ll/albeu.com

The post Barcelona në kërkim të një mbrojtësi të djathtë, piketohet “modeli” i Arsenal appeared first on Albeu.com.

Klubi është në rrugën e mbarë për shitjen e Aubameyang te Chelsea, me Braithëaite do të ndërpritet kontrata, ndërsa po ashtu edhe Pjanic do të largohet.

Me lamtumirën e këtyre lojtarëve, skuadra do të përforcohet me Marcos Alonso, Bellerin që do të vijë me kosto zero nga Arsenali dhe Bernardo Silva që do të kushtojë rreth 60-70 milion euro.

Drejtuesit e Barcelonës ka vënë gjithçka për këtë Barcelonë, për ta rikthyer në majat e futbollit botëror, por gjithashtu edhe një risk të madh në rast se gjërat nuk shkojnë si duhet./albeu.com

The post Alonso,  Bellerin dhe Bernardo Silva, 3 opsionet e Barcelonës në orët e fundit të merkatos appeared first on Albeu.com.

Në një intervistë në kanalin e Youtube “La Media Inglesa”, ai u shprehu kundër rrymës në lidhje me këtë situatë.

“Kjo luftë na intereson më shumë se të tjerat dhe kjo nuk më duket e drejtë. Ndoshta ngaqë janë popuj më të ngjashëm me ne apo se janë afër nesh, ose se konflikti mund të na ndikojë në mënyrë të drejtpërdrejt por kjo nuk është një gjë e mirë që ne po bëjme.

Po pse nuk flasim për luftën në Palestinë, për situatën në Jemen apo irak? Unë për vete e kam të vështirë t;i kushtoj rëndësi kësaj gjëje, unë jam me gjithë globin dhe jo vetëm me një shtet, të gjithë vendet në luftë kanë nevojë për mbështetjen tonë, jo vetëm Ukraina”, u shpreh i irrituar dhe i vendosur Hector Bellerin./ h.ll/albeu.com

The post Hector Bellerin del kundër rrymës: Pse flisni vetëm për Ukrainën? Ku mbeti Palestina? appeared first on Albeu.com.

“Unë shkova ta shikoja këtë ekip kur isha në akademinë e Barcelonës Ju gjithmonë ëndërroni të ktheheni në stadium dhe unë ëndërroja të luaja atje kur isha i ri. Do të jetë një lojë e madhe për dy arsye, pasi tre pikët janë të rëndësishme për pozicionin tonë në tabelë dhe është gjithashtu mirë në nivel personal të kthehem ndaj klubit ku jam rritur.

Ne duhet të tregojmë se, falë punës që po bëjmë çdo ditë, mund të bëjmë mirë edhe kundër skuadrave si Barcelona. Pikët që ofrohen në Camp Nou janë shumë të rëndësishme”, shpjegoi ai në një diskutim për mediat zyrtare të Real Betis./h.ll/albeu.com

The post Hector Bellerin: Kur isha i vogël kam ëndërruar të luaja në Camp Nou appeared first on Albeu.com.