Pjesë nga biseda

Baton Haxhiu: Kur bisedoj me ndërkombëtarët që kanë kontakte me PD-në dhe me Doktorin, ai ka një bindje se është misionar, që kur të ikë ai, ikën bashkë me Ramën. Kjo është mënyra për ta marrë peng brutalisht PD-në. Ky misionarizëm që unë e marr Ramën me vete, se ju nuk mundeni, është gabim serioz i të bërit politikë.

Ervin Salianji: Kjo është pyetje për Berishën jo për mua. Unë jam i qartë, po them që PD duhet të ripërtërihet, nëse ka një mënyrë se si fiton, është duke u bërë e besueshme në shoqëri. Edhe protestat, edhe zgjedhjet, që në çdo rast do të shkojmë në zgjedhje, PD i fton duke bindur qytetarët. Me të drejtë, pa të drejtë, kur narrativa e PD, ka qenë “me mua nuk vidhen zgjedhjet”, kur i vodhi ky, a ka ndonjë përgjegjësi? Nëse ne qahemi në çdo studio dhe vijojmë njësoj, e kemi provuar këtë, nuk është fituese. Kjo i zgjat jetën Ramës. Krahasimi në personale, është në disfavor për PD. PD duhet të ketë ekip, njerëz që e tejkalojnë dhe marrin vota përtej PD, për të qenë e besueshme. Radikalizmi dhe mbajtja e një partie të vogël, do të na bëjë të tkurremi. E kam ulur pak tempin, për shkak të protestave, që të mos thuhet u zhvendos vëmendja. Por prodhoi gjë kjo protesta? Përveç zhurmës së vilës?

The post “Ka marrë peng brutalisht PD-në”, Salianji pajtohet me Haxhiun për “misionarin” Berisha: Kjo i zgjat jetën Ramës appeared first on Albeu.com.

Pjesë nga biseda

Baton Haxhiu: Ka një papajtueshmëri me këto që kërkohen tani. Nëse këto parti kanë dalë nga PD për shkak të lidershipit është e vështirë të hyjnë brenda një ombrelle me lidershipi të pandryshuar. Për faktin se dy partitë e mëdha e kanë ndërtuar sistemin vetëm mosbesimi është i madh, duhet të krijoni besimin pastaj pajtueshmërinë. Unë besoj se rruga e partive të vogla është të rriten dhe PS të zbresë nën 70. Ideja që të zbresësh nga monopoli të bën me pak autokrat, më pak arrogant dhe shumë më i ndjeshëm. Ne e kemi një lider opozitar ku ti përfaqëson rininë, diskursi nuk ka ndryshuar dhe si ta bindësh Qorin, Shehajn me diskurs të pandryshuar dhe ky e mban peshën e mossuksesit të shndërrohet në parim të ndryshimit. Nuk ka fjali që më bindin. Po të isha unë në krye të një partie opozitare do e shëroja veten nga bashkimet artificiale dhe të bëja çmos ta rrisja kuotën time në 5 deputetë. Kur synon rritjen dhe bashkimin e pranon me vështirësi se çdo përpjekje ka qenë pafuqi dhe njeriu provon vetë.

Besart Xhaferri: Argumenti juaj filloi me atë që parti të ndryshme opozitare janë shkëputur nga PD-ja. E palogjikshme.

Baton Haxhiu: Besueshmërinë më sqaro ti.

Besart Xhaferri: Kemi një rast ku LSI u shkëput nga PS dhe në 2013 bëri sërish koalicion që ndodhi ndryshimi. Pra ekziston shkëputja dhe grupimi.

Agron Shehaj: Nuk është për t’u marrë shembull.

Besart Xhaferri: Nuk e marr shumë nga ana morale. Batoni ka qenë pro atij bashkimi në 2013.

Baton Haxhiu: Arsyeja pse LSI është bashkuar është se e ka patur një moment krize morale që ka qenë e atakueshme nga PS-ja. Demonstrata e 21 janarit ishte pikërisht për shkak të Ilir Metës. E vetmja arsye për t’u larguar nga ajo ishte bashkimi me PS-në.

Besart Xhaferri: Për diskursin e z. Berisha që mund ta ketë tradicional e jep përgjigjen elektorati në zgjedhje të ndershme dhe të lira.

Ylli Rakipi: Kush i cakton nëse zgjedhjet janë të ndershme dhe të lira?

Besart Xhaferri: Raporti i OSBE/ODIHR-it. Pra siç po thoja për diskursin vendos elektorati. Mund të ketë një diskurs më modern z. Shehaj, por nuk qëndron këru problem, por te farsa elektorale. Bëji me kushtet e Maqedonisë së Veriut zgjedhjet. Unë kisha përballë në listën e mbyllur më 11 maj ministrin e Brendshëm që kishte vetëm 3 muaj përvojë dhe unë kisha 5 vite në media dhe do të përqafohesha nga ajo zonë, u përqafua Ervin Hoxha. Nëse do të shkoja si Besart Xhaferri qytetar dher Ervin Hoxha si qytetar dhe jo si ministër, do të jetë e kundërta. Unë nuk kisha diskurs të vjetër.

The post “Diskursi i Berishës nuk ka ndryshuar, si ta bindësh Qorin dhe Shehajn?”, Haxhiu replikon me deputetin e PD për bashkimin e opozitës appeared first on Albeu.com.

Në emisionin “Opinion”, analisti tha se Binaj nuk ka treguar mendimin e tij, apo vizionin për Tiranën.

“Opozita ka projektuar njeriun, por jo projektin për të ballafaquar me Edi Ramën. Ka projektuar njeriun, domethënë një njeri që është i këndshëm për publikun, një njeri që humorin e ka shndërruar në afërsi me njeriun. Por, unë nuk e di çfarë mendimi ka. Domethënë, cili është mendimi i tij politik. Ne e dimë PS, e dimë Edi Ramën dhe Ogerta Manastirliun se çfarë projektojnë për Tiranën, cili është vizioni i tyre për Tiranën. Ky është projekti i PS, Rama e ka projektin e Tiranës të vulosur. Ai e di si duket. Mirë a keq, ne mund ta diskutojmë për atë, por ai ka projekt. Ai e di që të gjithë arkitektët botërorë duhet të jenë prezentë duhet të jenë prezentë, po themi turizmi arkitektonik i vendosur këtu, i cili projektohet pastaj në shije, apo ndërtesa të larta, kulla apo projekte. Ky është projekti që ka PS. Kjo është ideja e Ramës. Ma thoni cili është projekti i PD që i kundërvihet kësaj? Njeriu, është çështje që duhet të flasë. Nëse ne kemi një njeri, tashmë këtë njeri duhet ta dëgjojmë. Unë për vete nuk ia di as mendimin politik, nuk ia di as shijen për qytetin e Tiranës, as si performon në botën politike. Ajo që unë mendoj, nëse opozita e ka projektuar kohën sa më shumë njerëz në Tiranë, me një model italian apo francez, që ka qenë i suksesshëm për një moment por i rrenuar më vonë, mund të jetë, mund të jetë një sukses. Por, unë nuk jam për të eksperimentuar me njerëz të cilët nuk i njoh, e nuk e di a kanë mendim”, tha ai.

Sakaq, Haxhiu e cilësoi Binajn si kandidat thjesht si një “burrë simpatik”, për të theksuar kështu ndoshta problemin e ideologjisë tek forca opozitare.

“Për mua momentalisht është një djalë simpatik, ose burrë simpatik. Asgjë më shumë”, tha ai.

The post Gara për Tiranën, Haxhiu për Binajn: Një djalë simpatik, asgjë më shumë appeared first on Albeu.com.

Më tej, ai tha se beteja më serioze mes dy kundërshtarëve politik për bashkinë e Tiranës do te ishte mes Manastirliut dhe Jorida Tabakut.

“Ogerta Manastirliu është personi i vetëm për të cilën opozita duhet të mendojë se kë do të ketë kundërshtar. I vetmi person që mund të ishte përballë do të ishte Jorida Tabaku, kanë qenë shoqe klase. Alimehmeti nuk është kandidati i dukur në këtë moment. Ajo që është me rëndësi, është që Ogerta kur e mori kandidaturën sot, opozita nuk e dha asnjë deklaratë, opozita nuk ka qenë e përgatitur me këtë zgjedhje. Ogerta nuk ishte aspak e kënaqur dhe normalisht edhe unë do të isha në ankth, pasi do të hapë një betejë e cila nuk ishte e saja realisht.”

The post Zgjedhjet për Tiranën,Haxhiu: Betejë serioze do të ishte mes Manastirliut dhe Tabakut appeared first on Albeu.com.

Haxhiu në një postim në Facebook shkruan se ky zhvillim është thellësisht i papranueshëm, pasi institucionet në fjalë janë struktura të një regjimi që ka qenë përgjegjës për dhunë sistematike, krime lufte, zhdukje me forcë, gjenocid, spastrime etnike dhe represion brutal ndaj popullit të Kosovës.

“Pranimi i materialeve të prodhuara nga ky regjim si burime të besueshme përbën një deformim të rëndë të drejtësisë dhe një fyerje të hapur ndaj viktimave të luftës dhe sakrificës për liri.

Tentimi i Gjykatës, me një fjali sikur “Për më tepër, fakti që disa Prova të Propozuara vijnë nga autoritetet serbe nuk përbën, në vetvete, një ndalesë për pranimin e tyre.” (par. 17), përveç tjerash është edhe juridikisht i gabuar dhe i padrejtë. Ky pretendim tronditës bie ndesh me praktika të etabluara të drejtësisë penale ndërkombëtare, sipas të cilave një ndër kriteret më të rëndësishme për vlerësimin e pranueshmërisë së provave është nëse burimi i tyre ka një interes në rezultatin e procesit apo ka indikatorë të tjerë të anshmërisë”, thotë ajo.

Haxhiu tutje thekson se refuzimi i Gjykatës për ta marrë parasysh këtë kriter, ngre dyshime serioze mbi paanshmërinë e vetë gjyqtarëve të rastit.

“Përdorimi i dokumenteve të prodhuara nga institucionet e regjimit serb është i gabuar dhe i papranueshëm. Nuk mund të ketë besim në dokumente që janë prodhuar nga një aparat shtetëror kriminal, jo për të ndërtuar drejtësi, por për të manipuluar të vërtetën, për të fajësuar viktimën dhe për të amnistuar kriminelin.

Slobodan Millosheviqi dhe bashkëpunëtorët e tij janë gjykuar në Gjykatën Ndërkombëtare të Hagës për krime lufte. Pranimi i dokumenteve të prodhuara nga regjimi i tyre nga një gjykatë që vepron në emër të Republikës së Kosovës e zhvesh këtë gjykatë nga legjitimiteti kushtetues dhe e shndërron atë në instrument të logjikës së vjetër të mohimit të së vërtetës, barazimit të palëve dhe relativizimit të krimeve. Kjo është jo vetëm e padrejtë, por politikisht e papranueshme”, shkruan ministrja Haxhiu.

The post “Specialja po përdor dokumente të Serbisë”, Haxhiu: E papranueshme, nuk mund të ketë besim në dokumente që janë prodhuar nga një aparat shtetëror kriminal appeared first on Albeu.com.

Debati:

Baton Haxhiu: Kur them se Rama është kryeministri më i mirë që ka patur Shqipëria, e kam bindje këtë gjë. Kur Rama është përballë Berishës, Lapajt, Shehaj, sepse Qorin nuk e kam parë tamam në betejë, unë padyshim zgjedh Ramën. Kam një problem me vazhdimësinë që ke. Kritikat ndaj Ramës i ke të qëndrueshme, por a mjafton që ta fitosh betejën me Ramën?

Andi Bushati: Unë e kam betejën për të vërtetën dhe jo me Edi Ramën.

Baton Haxhiu: Beteja jote me të vërtetën duke mohuar të vërtetën e tij dhe duke parë vetëm gabime por jo atë që ka prodhuar Rama, nëse ndalesh vetëm te gabimet, besueshmëria të bëhet më e vogël. Kur më kritikon se pse them Rama është më i mirë, une e krahasoj me Berishën, sepse diskursi ytë ka qenë i vrazhdë ndaj Berishës. Në vitin 2021 apo 2025, njerëzit e mbajnë mend diskursin, fjalitë dhe kritikat. Kur ti e kritikon Ramën, apriori, krijon një farë simpatie për një opozitë që ka qenë gjysmë kriminale. Këtu e ke problemin në raport me votuesin. Votuesi të beson se një pjesë e qeverisë është e korruptuar. Të beson se ke folur për të inceneratorin, 5D, etj.

Andi Bushati: Ty nuk ta nxë goja, por unë kam thënë Edi Rama është i korruptuar, jo një pjesë e qeverisë. Por ti e zbut, edhe kur më citon mua ke frikë ta thuash.

Baton Haxhiu: Diskursi yt është gjysmë i vërtetë. Rama i korruptuar thua dhe këta të tjerët nuk vlejnë. Ti gjen nje diktator që vendos për të gjitha.

Andi Bushat: Unë të merrem me ministra që nuk u di as emrat?

Baton Haxhiu: Qeveria Rama fitohet me cilësi dhe të vërtetën. Jam i siguritë që Rama është i fitueshëm lehtë. Nuk besoj se autokracia e tij është e fortë, por ai fitohet me diskurs të besueshëm dhe intelektual dhe moral. Ti je kritikuesi më i madh i SPAK, por SPAK ka qenë ndoshta i vetmi institucion që i ka dhënë opozitës hapësirë për të ndërtuar diskurs, ka burgosur kryetarin e Bashkisë, ka ministra, zv.ministra, ka ndjekur ish zv.kryeministrin. Ka dhënë mundësi për të krijuar frymë, por ai që udhëheq opozitën nuk di të ndërtojë diskurs.

Andi Bushat: Më duket se ti, dhe të tjerë, jeni infektuar aq keq nga virusi i luftës ndaj ćdo kritiku të Ramës, sa mua i përshkruar nga ty, mu duk vetja si Saliu. Ti u more pse kritika ime ndaj Ramës është e gabuar. Problemi është cila është kritika jote ndaj njeriut që po i bën gjëmën Shqipërisë?

Baton Haxhiu: Kritika ime, ka ndërtuar sistem paralel të funksionimit. Unë nuk i them hajdut asnjë njëriu, pa fakte.

Andi Bushati: Faktet janë lekët e inceneratorit…

The post Baton Haxhiu: Rama, kryeministri më i mirë që kemi patur! Bushati: Po i bën gjëmën Shqipërisë! appeared first on Albeu.com.

Ndërsa Bushati tha se ky vend s’ka as institucione të pavarur, as shoqëri civile të lirë, Haxhiu tha se vendi është një demokraci e kapur dhe pjesë është edhe opozita

Debati

Haxhiu: Demokracia është e kapur.

Bushati: Ke institucione të pavarur, ke shoqëri civile të lira dhe shoqata? Kjo është demokraci.

Haxhiu: Bushat. A po përmendim një demokraci që është e përfaqësuar nga 10 parti opozitare.

Bushati: Opozitare i ka edhe Putini.

Haxhiu: Nuk dua ta definoj Putinin se nuk ka lidhje me Shqipërinë.

Bushati: Çfarë po më thua që ka parti opozitare?

Haxhiu: Janë 10 parti opozitare dhe janë të përfaqësuara në media. A mendoj unë se janë të kontrolluara nga Edi rama dhe koncpeti politik i tij. Po them po. Influenca ëështë maksimale, por çfarë bën një opozitë. E E deligjitimon një media që është me regjimin. Po më thuaj cili opozita ka shkuar..

Bushati: Ata e kanë fajin.

Haxhiu: Natyrisht. Ti e deligjitimon një medium që është i kapur prej sistemit vetëm duke u larguar prej tij, nuk merr pjesë.

Bushati: Pra fajin për ty nuk e ka Topi dhe Klani që vjedhin fonde publike për t’i bërë gojore qeverisë, por e ka Flamur Noka që mund të shkojë në Klan apo në Top. Ejjj, ku jeni?

Haxhiu: Jo, jo.

Bushati: D.m.th. të arrish në këtë përfundim që fakti që ekzistojnë Topi dhe Klani është faji i PD-së. Krimin, krimin, kush e bën? Ti pranon që ka krim dhe shan legjitimuesin, kurse unë dua të vë gishtin mbi kriminelin.

Haxhiu: Prandaj është demokracia e kapur Bushat, s’është funksionale.

Bushati: Aty ndahet pazari. Një të tretat e parave kaloi te filan televizion dhe fajin e ka opozita që del në studiot e këtij televizioni.

The post “Pra fajin nuk e kanë mediat që i bëjnë g***jore qeverisë, por Flamur Noka që shkon atje?”, debat i ashpër Bushati-Haxhiu për median dhe opozitën appeared first on Albeu.com.

Ndër të ftuarit ishte edhe analisti Baton Haxhiu, i cili mendon se me këtë deklaratë të Grenellit, Kurti e ka ngritur qëllimisht si një polemikë kundër tij për të treguar një fuqi të vet që përballet me SHBA-në. Por të njëjtën fuqi e sheh si dobësinë edhe më të madhe të Kurtit.

“Grenell habitshëm ka dhënë deklarata këto ditë, për arsye se e di shumë mirë që te një elektoral të ai 50% nuk është shumë i mirëpritur. Ai e di fort mirë. E di realitetin në Kosovë. Kurti qëllimisht e ka ngritur këtë polemikë kundër tij që ta tregojë njëfarë fuqie të vet [që përballet edhe me Amerikën]. Por realisht kjo fuqi e tij është dhe dobësia e tij më e madhe. Për arsye se pas disa ditësh do ballafaqohet me një të vërtetë. Edhe ai është ai emër, Richard Grenell. Ai është numrat”, tha Haxhiu.

Sipas analistit, deklaratat e Grenell nuk ndikojnë mbi rezultatin, por ai ka vendosur një kriter. Dhe ky kriter, sipas tij e madje edhe gazetarit Armand Shkullaku, ka të bëjë me faktin që më pas duke ditur qëndrimin amerikan asnjë parti nga opozita nuk bën koalicion me Lëvizjen Vetëvendosje.

Baton Haxhiu: Nuk ndikon, por e ndikon marrjen e pushtetit të tjerëve. Nuk ndikon Grenell që ta vendosë që Kurti të marrë 1 apo 3% më pak. Grenell ka vendos një kriter.

Armand Shkullaku: Vendos që nëse opozita do të kishte ndonjë opsion për të bërë PDK-ja po themi koalicion me LVV, duke ditur qëndrimin amerikan nuk shkon asnjë njeri me Kurtin.

The post Haxhiu tregon fuqinë dhe dobësinë më të madhe të Albin Kurtit, parashikon se me çfarë do ballafaqohet appeared first on Albeu.com.

Pas shkëmbimeve të disa letër porosive mes shtetit grek dhe shqiptar, u arrit marrëveshja e ekstradimit nga shteti helen në Shqipëri, ku pritet të përballet me akuzat të cilat rëndojnë mbi të.

Por kush është Laert Haxhiu dhe si përfundoi të cilësohej ‘’person me rrezikshmëri shumë të lartë shoqërore..’

Laert Haxhiu ishte fëmijë kur banda e Aldo Bares i dogji shtëpinë, i vranë dhe të afërmit.

Laert Haxhiu rezulton një person që nuk ka arsim të lartë, por një CV të pasur me vepra penale, ishte vetëm 18 vjeç kur Laert Haxhiu goditi me thikë Gerti Lalën, ky i fundit njihej si ‘iriqi’.

Bashkë me shokët e tij e qëlluan tre herë me pistoletë në kokë Gerti Lalën, në hyrje të pallatit të tij. Teksa dyshohet se në krim mori pjesë edhe Orges Bilbili.

Ishte nëna e Gerti Lalës që i identifikoi ata si vrasësit e të birit. Laert Haxhiu u shpall fajtor për vrasjen dhe doli nga burgu në vitin 2014.

Kishte vetëm 8 muaj që kishte dalë nga burgu, kur u arrestua në 2015-ën për trafik droge. Haxhiu tentoi t’i shpëtonte policisë, por pasi u hodh nga 3-4 metra lartësi, theu këmbën. Në momentin e prangosjes, ai i tha policisë se u largua pasi mendoi se ishin njerëzit e Aldo Bares që e ndiqnin.

Haxhiu kishte një linjë autobusësh me Greqinë dhe dyshohet se bënte edhe trafik ndërkombëtar të lëndëve narkotike. Ai u dënua me vetëm 17 muaj e 10 ditë burg, megjithëse policia i gjeti 1.2 kilogram kokainë.

Ndërkohë ia doli të ekzekutojë dy të rinj dhe të largohet në drejtim të paditur. Laert Haxhiu bashkë me shokun e tij Orges Bilbilin. dy vrasësit e rrezikshëm i janë vënë pas Xhulio Shkurtit, që më shumë se te policia, duhet t’i besojë fatit të tij të mirë.

Babai i tij nuk pati të njëjtin fat. Ramadan Shkurti, vëlla me Aldo Baren (Alfred Shkurti) u ekzekutua nga Artur Daja dhe bashkëpunëtorët e tij.

Nga aty ka nisur zinxhiri i vrasjeve që vijon ende sot pas rreth 20 vitesh.

Ngjarja që e bëri të njohur për të gjithë publikun Laert Haxhiun është masakra e Lushnjes.

Laerti, asokohe vetëm 25 vjeç, ekzekutoi bashkë me shokun e tij, Orgesin, Zamir Latifin dhe Jurgen Hoxhën. Shënjestra ishte nipi i Aldo Bares, Xhulio Shkurti. Më 11 shtator 2017, ata hynë me automatik në krah në një lokal në Lushnje, duke i lënë të vdekur dy të rinjtë, ndërsa shënjestra shpëtoi.

Teksa ishte miku i tij Artan Tafani i cili grabiti një Exchange në zonën e Astirit, pas disa kohësh kërkime policia arriti që ta arrestojë, ky i fundit u kthye në Pentito, çka i kushtoi edhe miqësinë me Laertin.

Laert Haxhiu, kreu i grupit kriminal, bashkë me të penduarin e policisë, Artan Tafani rezultojnë bashkëpunëtor në 4 vrasje në Shqipëri.

31-vjeçari ka urdhëruar dhe dy vrasje në Greqi. Të gjitha këto krime kanë ndodhur nga vitit 2018 deri në vitin 2021-shin. Ata vranë Çajup Selimin, Fridman Xhaferajn, Alban Semakun dhe Albi Bashaliun.

Ka qenë pikërisht njeriu i tij i afërt, Laert Tafani i cili zbuloi të gjitha ngjarjet që i kishin planifikuar në grup me në krye Laert Haxhiun.

Teksa në të gjithë ngjarjet ku flitet se është i përfshirë Laert Haxhiu nuk mund të mos të të kujtohet e dashura e tij, Klea Gjata e cila gjithashtu është akuzuar si bashkëpunëtore në disa vrasje e atentate.

Fillisht përpara oficerëve të policisë gjyqësore Klea Gjata tha se ishte përfshirë pa dashur, por më tej e mori rrjedha e ngjarjeve dhe e kishte të pamundur të shkëputej fillimisht nga i dashuri i saj por edhe nga informacionet që ajo kishte arritur të mësonte duke qenë se ishte shumë e afërt, me Laertin të cilësuar tashmë si person me rrezikshmëri të lartë shoqërore.

The post Nga përfshirja e të dashurës në bandën kriminale që drejtonte, te tradhtia e mikut që i nxori ‘’të palarat’’/ Ja se si nisi “karriera” e killer-it gjakftohtë Laert Haxhiu appeared first on Albeu.com.

Tafani ka treguar para prokurorëve të SPAK, se Haxhiu kishte urdhëruar që të mbaheshin nën vëzhgim dy prokurorët dhe avokati, dhe në një moment të përshtatëshë ata të eleminoheshin fizikisht.

Tafani, pjesë e bandës së Laert Haxhiut ka deklaruar se po thurej plani për ‘të hequr qafe’ Musabelliun si dhe prokurorin e Lushnjës Adriatik Doga dhe avokaten Merita Selimi.

Sipas dëshmisë së Tafanit, Haxhiu këkonte të vriste prokuroren Musabelliu, pai ajo kishte dënuar me burgim të përjetshëm Orgest Bilbilin.

“I kemi ndjekur. Laerti ka dashur të sulmojë Doloreza Musabelli, pasi ishte prokurorja e çështjes së tij në SPAK. Kjo prokurore kishte dënuar me burgim të përjetshëm shokun e Laertit Orgest Bilbilin dhe Anterio Kaloshin. I kemi mbajtur nën vëzhgim dhe familjet e tyre. Laerti, pretendonte se nuk kishte lidhje me ngjarjen dhe se kjo prokurore po i bënte gropën. Atij ju fiksua që ta vriste prokuroren ose ndonjë njeri të afërm të familjes.

I kemi bërë foto prokurores, burrit avokat dhe fëmijëve. Laerti tha se fotot e fëmijëve duhet më parë t’ia nisnim burrit të prokurores për të parë se çfarë ndikimi dhe reagimi do sillte”, ka deklaruar i penduari Tafani.

Ndërkohë pas dëshmisë së tij, mbrëmjen e kaluar janë kërkuar masa shtesë për mbrojtjen e prokurores Musabelli dhe pritet reagim nga Këshilli i Lartë i Prokurorisë.

Selimi ishte prokurorja që hetoi Laert Haxhiun, Orgest Bilbilin dhe Anterio Kaloshin për masakrën e vitit 2017 në Lushnjë, ku mbeti i vrarë Zamir Latifi dhe Jurgen Hoxha, ndërsa u plagosën Bujar Turku dhe Marjus Xhepexhiu.

Pas dy viteve hetime, Selimi shpalli moskompetencën duke sjellë dosjen ndaj tre të pandehurve në SPAK. Prokurorja e Lushnjës në muajin Korrik 2023 u shkarkua nga Komisioni i Pavarur i Kualifikimit (Vetting).

Çështjen e mori Doloreza Musabelli, prokurore në SPAK, ku aktualisht ka dënuar me burgim të përjetshëm Orgest Bilbilin dhe Anterio Kaloshin, ndërsa ka ende në fazë gjykimi Laert Haxhiun.

The post “I kishte dënuar shokun…”, Albert Tafani tregon planin “djallëzor” të Laert Haxhiut për të vrarë Prokuroren e SPAK appeared first on Albeu.com.