FOTO/ Tërmetet shkatërruese në Turqi, kamionçina që po mban “në këmbë” pallatin 5-katësh

Xh — Tue, 07 Mar 2023 10:28:38 +0000

Gjendja përfundimtare e një ndërtese në rrethin Numune në Hatay gjatë tërmeteve të 6 shkurtit që tronditën Turqinë tërheq vëmendjen e personave që e shohin.

Një kamionçinë e parkuar pikërisht pranë pallatit 5-katësh, i cili u shemb në një kat, po e mban në këmbë.

Një cep i strukturës, i cili shtrihet përpara, prek tokën, ndërsa këndi tjetër mbahet nga një kamionçinë.

Rrezik përbën fakti që shumë qytetarë nuk kujdesen për mbylljen e rrugës për qarkullim në rast të shembjes së objektit.

Njëri nga qytetarët, Murat Tertemiz, kërkon që objekti të prishet menjëherë.

“Nuk mund ta hapim dyqanin për shkak të kësaj ndërtese. Edhe pse e kemi mbyllur këtë vend, njerëzit vazhdojnë të kalojnë. Ajo bie ditë pas dite.Në pjesën e pasme shihet se si janë dëmtuar kolonat”.

Një tjetër qytetar, Mustafa Utlu, tregon sesi bien gurë nga ndërtesa sa herë fryn erë.

“Mbrëmë pamë muret të shemben nga era, gurët po bien. Po e mban një kamionçinë. Ka edhe një cep të shembur. Kjo duhet të prishet pasi sa më shpejt të jetë e mundur”, tha ai./Albeu.com/

The post FOTO/ Tërmetet shkatërruese në Turqi, kamionçina që po mban “në këmbë” pallatin 5-katësh appeared first on Albeu.com.

“Mrekullia” e Erzinit, qyteti në Hatay që nuk vajtoi asnjë të vdekur, kryebashkiaku shpjegon arsyen

E B — Mon, 13 Feb 2023 11:35:30 +0000

Tërmeti në Turqi e Siri ka shënuar mbi 36 mijë viktima, ndërkohë ndaj presidentit turk Rexhep Tayip Erdogan janë lëshuar një lumë akuzash se ka lejuar kontraktorët të ndërtojnë pallate “kartoni” pa iu përmbajtur rregullave të ndërtimit.

https://youtu.be/6w5rGjOMkXw

Nuk është rastësi që pas zbulimeve për punën e dobët, Bloomberg citoi ankesat se “kompanitë e ndërtimit dihet se heqin kolonat mbështetëse nga disa dyqane dhe parkingje dhe bëjnë ndryshime në muret mbajtëse të ndërtesës, dyert dhe dritaret”, autoritetet turke janë angazhuar në një aksion kundër kontraktorëve.

Një përjashtim nga “rregulli” i trishtuar që ka shkaktuar vdekjen e mijëra njerëve, shumica e tyre në provincën e Hatay, qyteti Erzin nuk ka asnjë viktimë në rrethinat e tij.

“Erzin është një qytet me 42,000 banorë në një distancë prej 15 km nga qyteti Osmaniye, 110 km nga qyteti Hatay dhe shumë afër Adanas. Megjithatë, nuk kemi humbur asnjë person dhe nuk kemi të lënduar . Të vetmit viktima janë banorët e qytetit tonë që ndodheshin në zonat fqinje”, tha për Euronews kryetari i bashkisë së Erzinit, Okes Elmasoglu.

Këtë realitet ai ia atribuoi faktit se gjatë mandatit të tij si kryetar komune nuk ka lejuar asnjë ndërtim pa leje.

Ai ka treguar sesi i është kërkuar leje për të ndërtuar, po në përgjigje u ka thënë se nuk e ka atë lloj autoriteti.

“Unë nuk kam atë lloj autoriteti. Nuk mund ta bëj një gjë të tillë” tha kryebashkiaku i Erzinit.

“Edhe nëse e luftoni këtë fenomen, qytetarët do të vazhdojnë të tentojnë të ndërtojnë pa leje. Nëse nuk keni staf të mjaftueshëm, nuk keni një shans 100% për ta kontrolluar këtë. Por ne kishim vullnet dhe thamë që nuk do ta bëjmë një gjë të tillë në periudhën tonë”, shtoi ai.

Sipas deklaratave të tij, bashkia Erzin kishte vendosur gjobat përkatëse, duke dërguar çështjet para drejtësisë.

“Në këtë kuptim ndërgjegjja ime është e pastër”, përfundoi kryebashkiaku turk./albeu.com

The post “Mrekullia” e Erzinit, qyteti në Hatay që nuk vajtoi asnjë të vdekur, kryebashkiaku shpjegon arsyen appeared first on Albeu.com.

hatay Archives - Albeu.com

FOTO/ Tërmetet shkatërruese në Turqi, kamionçina që po mban “në këmbë” pallatin 5-katësh

“Mrekullia” e Erzinit, qyteti në Hatay që nuk vajtoi asnjë të vdekur, kryebashkiaku shpjegon arsyen