Kudo në botë, nga Baltiku në Paqësor, gjatë javës që lamë pas, fregata, nëndetëse e luftanije ruse janë pozicionuar për të treguar angazhimin e Rusisë për të vijuar përballjen me NATO.

Dhe ky tregim force nga marina e Putin i është afruar shumë dhe brigjeve shqiptare. Analistë italianë shkruajnë se një prej njësive më të fuqishme detare të Rusisë, pikërisht luftanija “Varyag” ka kaluar në detin Jon pranë Pulias.

Ndërkohë që më vonë, anija e dytë më e madhe ruse e luftës, pas “Moskva”-s të mbytur në Ukrainë është drejtuar për nga Adriatiku.

Ndërkohë që në Mesdhe ndodhet dhe luftanija amerikane “Harry Truman” e cila do të qëndrojë si pjesë e angazhimit të SHBA për të siguruar aleatët në rajon përsa kohë që do të vijojë luftën në Ukrainë.

The post A rrezikon vendi ynë? Luftanija ruse pozicionohet përballë Shqipërisë appeared first on Albeu.com.

Anijet amerikane gjenden gjithandej në brigjet e Mesdheut dhe jo vetëm.

Aeroplanmbajtësja amerikane “USS Truman” mbërriti pak më parë në Trieste për një “ndalim operacional teknik”, pas një periudhe dymujore stërvitjesh në Adriatik, Jon, Egje dhe Mesdheun Lindor.

Pas shërbimeve të nevojshme, të cilat parashikohet të zgjasin dy ditë, “përbindëshi” që amerikanë kanë pozicionuar në Mesdhe do të rikthehet në lundrim sërish në zonat më të nxehta të këtij deti.

Një ditë më parë, “USS Truman” u fut në ujërat e Adriatikut duke lundruar përballë brigjeve shqiptare për në veri, pikërisht në Trieste.

“USS Truman” është pjesë e Flotës së Gjashtë amerikane të pozicionuar në Mesdhe dhe gjatë muajve të fundit është bërë pjesë e operacioneve të rendësishme ushtarake kundër kërcënimit rus në këtë rajon./albeu.com/

The post “Përbindëshi” amerikan në Adriatik, çfarë e solli “Harry Truman” përballë brigjeve shqiptare (FOTO LAJM) appeared first on Albeu.com.