Styles dhe Russell, të cilët filluan të takoheshin në fillim të vitit 2023, vendosën të ndaheshin pas udhëtimit të tyre të fundit në Japoni.

Një mik i afërt i tyre i tha The Sun se çifti, i parë së bashku për herë të fundit në Tokio në prill, kaloi një “një pjesë të vështirë” pas udhëtimit të tyre.

“Harry dhe Taylor i kanë dhënë fund marrëdhënies së tyre. Ata kaluan një problem pas udhëtimit të tyre në Japoni dhe po ndahen,” tha burimi.

Burimi shtoi më tej, “Ai ka qenë në Amerikë dhe ajo në Londër. Ata ishin një çift i bukur dhe ishte e qartë se Taylor e bëri Harry-n të lumtur, por gjërat janë tensionuar kohët e fundit.”

Ndarja vjen pas raporteve se ish-anëtari i One Direction ishte gati të krijonte një familje me Russell.

Në mars, një burim i tha DailyMail: “Harry ndihet sikur ka jetuar dhjetë jetë tashmë, por një gjë është e sigurt – të 30-at e tij nuk do të jenë aspak si të 20-at e tij. Ai është i dashuruar me Taylor-in. Ai dëshiron një familje me të.”

The post Harry Styles dhe Taylor Russell i japin fund romancës së tyre appeared first on Albeu.com.

Në moshën 33 vjeçare dhe në vendin e 10-të në listën e 40 individëve nën 40 vjeç, është këngëtari i këngës “Shape Of You”, Ed Sheeran, i cili është shpallur muzikanti më i pasur i ri në Mbretërinë e Bashkuar me 340 milionë funte (396.8 milionë euro).

Ylli pop më i pasur britanik nën moshën 40 vjeç është edhe ish-anëtari i One Direction, Styles, 30 vjeç, i cili ka grumbulluar 175 milionë funte (204 milionë euro) përmes muzikës dhe paraqitjeve në filma, shkruan DailyMail.

Fituesi i çmimit ‘Brit Award’, i cili shfaqet në filmin “Dunkirk” të Christopher Nolan, gjithashtu ka investuar në vendin e muzikës në Manchester, Co-Op Live, që u hap më 14 maj pas disa pengesave.

Në vendin e 17-të në listë është këngëtarja me 16 çmime “Grammy”, Adele, me 170 milionë funte (198 milionë euro) pasuri.

Në vendin e 19-të është aktori Daniel Radcliffe dhe këngëtarja e muzikës pop, Dua Lipa, 28 vjeçe, me nga 90 milionë funte (105 milionë euro) secili.

Lipa, e cila do të kryesojë skenën në Festivalin “Glastonbury” në qershor, së fundmi ka lansuar albumin e saj të tretë “Radical Optimism” që u ngjit në vendin e parë në listën zyrtare të albumeve në Mbretërinë e Bashkuar.

Radcliffe, 34 vjeç, bëri milionat e tij kur u bë i famshëm yll si fëmijë duke luajtur personazhin kryesor në serinë e filmave Harry Potter, të adaptuara nga romane të shkruara nga JK Rowling.

Gazeta thekson edhe listën e saj vjetore të pasurisë, e cila është përfshirë në një edicion special prej 76 faqesh të revistës së saj të dielave, duke zbuluar pasurinë e 350 individëve dhe familjeve më të pasura në Mbretërinë e Bashkuar.

Në krye të listës, që tregon talentin britanik nga muzika, sporti, argëtimi dhe biznesi, është Hugh Grosvenor, Duka i shtatë i Westminster, me 10.1 miliardë funte (11.7 miliardë euro).

Duka, që është kumbar i Princit George, trashëgoi titullin e tij dhe portofolin e gjërë të tokës dhe pronës në moshën 25 vjeçare.

Shumica e njerëzve në listën e “40 Under 40” kanë bërë miliona me vetë, por nëntë prej tyre lindën të pasur, sipas “The Sunday Times”.

Nëntë të parët në listë gjithashtu figurojnë në listën kryesore të pasurisë të “The Sunday Times”, ku minimumi i figurës për hyrje është të kesh 350 milionë funte (408.5 milionë euro).

The post Me mbi 105 milionë euro pasuri – Dua Lipa është në listën e të famshmëve më të pasur në Mbretërinë e Bashkuar të moshës nën 40 vjeç appeared first on Albeu.com.

Ajo u dënua me 14 javë burgim pasi u deklarua fajtore për një akuzë përndjekje të martën. Një masë ndalimi për 10 vjet u vendos edhe ndaj Carvalhos dhe asaj iu tha se nuk mund të merrte pjesë në asnjë event ku Styles po performonte.

Braziliania Carvalho i dërgoi këngëtarit 30-vjeçar letra të shkruara me dorë ndërsa ishte në Mbretërinë e Bashkuar, si dhe porositi një seri kartash për të në internet, të cilat i dërgoheshin në adresën e tij. Nga 8,000 letrat e dërguara, disa ishin ftesa martese dhe dy nga letrat u dorëzuan me dorë në adresën e Styles.

Dokumentet e gjykatës treguan se Carvalho kishte qëndruar në një bujtinë në Earl’s Court në perëndim të Londrës, pasi mbërriti në MB në dhjetor. Ajo gjithashtu u urdhërua të mos kontaktonte Styles, drejtpërdrejt ose tërthorazi, dhe iu tha të mos hynte në një zonë të Londrës veriperëndimore.

Ajo gjithashtu duhet të paguajë një pagesë shtesë prej 134 paundësh.që

The post Arrestohet përndjekësja që i dërgoi 8000 letra dhe ftesa dasmash në shtëpi Harry Styles appeared first on Albeu.com.

Harry  ka njoftuar anulimin e koncerteve për shkak të sëmundjes së tij. Përmes një shkrimi të gjatë në Instastory Styles shprehet i dëshpëruar se së fundmi është prekur nga një grip i cili e ka detyruar atë të anulojë performancën.

Ylli i popit njofton se të 3- ja shfaqjet janë ri planifikuar për në janar.

“Kam bërë gjithçka që mundem për të kënduar sonte, por po largohem nga doktori tani dhe jam i dëshpëruar që thjesht nuk është e mundur. Deri tani nuk më është dashur të shtyj asnjë shfaqje për shkak të sëmundjes në 12 vitet që kam bërë turne”, tha Styles.

“Më vjen keq që ky lajm po i afrohet kaq shumë kohës së shfaqjes, por kisha shpresa që do të mund të performoja për ju sonte. E di që disa prej jush kanë planifikuar udhëtime në Los Angeles për të parë shfaqjen dhe kjo do të thotë absolutisht gjithçka për mua. Shfaqjet e datave 5, 6, 7 nëntor do të shtyhen deri në 26, 27, 29 janar 2023. Gjithçka tjetër do të luhet sipas planit”, përfundoi deklarata e Styles.

The post Shkak sëmundja, Harry Styles ndan lajmin e keq me fansat, anulon 3 koncerte në Los Angeles appeared first on Albeu.com.