Sipas ministrit Karakaçi, janë shtuar dy korsi të reja duke lehtësuar ndjeshëm trafikun në këtë aks me fluks të lartë.

“Janë shtuar dy korsi të tjera. Theksojmë se këtu janë vetëm dy fazat e para ndërkohë që kemi kontraktuar edhe një fazë së treë nga mbikalimi i Rinasit, deri në Laknas.

Aty kemi edhe mbikalimin e ri të Rinasit, jemi duke bërë disa sistemime për disa kabina elektrike. Projekti parashikon edhe bërjen e rampave të reja në aeroportin e Rinasit”, tha ministri Karakaçi.

Ndërkohë, në vijim pritet të nisë puna për zgjerimin e mëtejshëm të aksit drejt Durrësit, si dhe për segmentet kryesore të Korridorit Blu, përfshirë Kashar–Lekaj dhe Lekaj–Fier.

Po ashtu, në javët e ardhshme pritet edhe shpallja e fituesit të garës për segmentin Milot–Balldren.

The post Hapet segmenti i zgjeruar i autostradës Tiranë-Durrës deri te mbikalimi i Rinasit, kryeministri Rama inspekton rrugën appeared first on Albeu.com.

“Shqipëria arriti të pamendueshmen , të gjithë kapitujt e negociatave të hapur brenda 12 muajsh – rekord absolut në procesin e integrimeve europiane”, – e vlerësoi këtë moment Kryeministri Rama, i cili do të marrë pjesë të hënën në Konferencën e 7-të Ndërqeveritare, së bashku me Ministren e Shtetit dhe Kryenegociatoren Majlinda Dhuka, Ministren e Shtetit për Administratën Publike dhe Antikorrupsionin Adea Pirdeni, si dhe pjesëtarë të tjerë të delegacionit shqiptar për të çelur negociatat për Grup-Kapitullin V: “Burimet, Bujqësia dhe Kohezioni”.

Pas përfundimit të punimeve, Kryeministri Rama, Komisionerja për Zgjerimin e BE-së, Marta Kos dhe Ministrja e Punëve të Jashtme të Danimarkës, Marie Bjerre do të mbajnë një Konferencë të përbashkët për shtyp.

Grupkapitulli V, përfshin pesë kapituj thelbësorë për zhvillimin ekonomik dhe social të vendit, me ndikimin më të drejtpërdrejtë tek prodhimi, konkurrueshmëria dhe zhvillimi i balancuar i territorit:

“Bujqësia dhe Zhvillimi Rural” (kapitulli 11);

“Politikat e sigurisë ushqimore, veterinarisë dhe fitosanitare”, (kapitulli 12);

“Peshkimi” (kapitulli 13);

“Politika rajonale dhe koordinimi i instrumentave strukturore” (kapitulli 22), si dhe

“Dispozitat Financiare dhe Buxhetore (kapitulli 33).

Përmes këtij Grupkapitulli, Shqipëria përfiton lidhur me modernizimin e bujqësisë, rritjen e kapaciteteve prodhuese dhe dixhitalizimin e zinxhirit ushqimor.

Një vend të veçantë zë forcimi i mekanizmave të kontrollit të sigurisë ushqimore dhe përafrimi me standardet e BE-së, ndërsa sektori i peshkimit dhe akuakulturës synon të përfitojë nga rregullat dhe programet europiane për menaxhim të qëndrueshëm.

Në komponentin e kohezionit, Shqipëria adreson rritjen e kapaciteteve për menaxhimin e fondeve të BE-së dhe përgatitjen për pjesëmarrje efektive në politikat e zhvillimit rajonal.

Ndërkohë, kapitulli për dispozitat financiare dhe buxhetore përfshin përputhjen me praktikat europiane për transparencë, planifikim buxhetor dhe administrim të fondeve publike.

Hapja e Grup-Kapitullit V, përfaqëson një hap vendimtar drejt afrimit përfundimtar të Shqipërisë me Bashkimin Europian, duke konsoliduar progresin e bërë dhe duke krijuar bazën për reforma më të thelluara në sektorët që mbështesin ekonominë, sigurinë ushqimore dhe zhvillimin e qëndrueshëm të vendit.

The post Sot Konferenca e 7-të ndërqeveritare në Bruksel/ Hapet Grupkapitulli i fundit i procesit të integrimit appeared first on Albeu.com.

Lajmin për përfundimin e punimeve dhe nisjen normal të qarkullimit në këtë aks e ka dhënë Zëvendëskryeministrja, njëherësh ministre e Infrastrukturës dhe Energjisë, Belinda Balluku.

Teksa foli për një sërë projektesh të rëndësishme infrastrukturore që po zhvillohen në vendin tonë në aktivitetin “Shqipëria Turistike 2030”, Balluku deklaroi se, “jemi duke përfunduar edhe projektet që kanë qëndruar gjatë në duart e ndërtuesve, si ai i Qukës – Qafë-Plloçë, por që nesër bëhet i aksesueshëm për automjetet”.

Një ndër kantieret e reja që do të hapet në vend sipas Ballukut është ai për Bypass-in e Elbasanit, që do të çlirojë nga trafiku nyjen e Bradasheshit, në autostradën Tiranë-Elbasan.

“Gjithashtu një Bypass 3 kilometërsh nga Bradasheshi në Lekaj do të lehtësojë trafikun në aksin Tiranë–Elbasan vitin e ardhshëm. Për rrugën Milot–Balldren, më 3 tetor do të shpallet fituesi i kontratës koncesionare”, u shpreh Balluku.

Ajo tha se, Shqipëria sot gumëzhin si një kantier ndërtimi dhe shumë prej projekteve po përfundojnë para afatit, duke ndikuar drejtpërdrejt në zhvillimin e turizmit.

Balluku foli edhe për zhvillimet në sektorin e aviacionit, duke e cilësuar atë “një tjetër shtyllë të rëndësishme të turizmit”.

“Më 25 maj 2023, gjatë një ndeshjeje futbolli ndërkombëtare, Aeroporti i Rinasit menaxhoi me sukses 23 mijë pasagjerë në një ditë. Ndërkohë, më 11 gusht 2025, Rinasi regjistroi një rekord të ri, me 50 mijë vizitorë të ulur në një ditë”, u shpreh ajo.

Në përfundim, Balluku e cilësoi turizmin si një nga sektorët me potencialin më të madh për ekonominë shqiptare, ndërsa theksoi se bashkëpunimi ndërinstitucional, zhvillimi i qëndrueshëm dhe përfshirja e komuniteteve lokale do të jenë shtyllat e strategjisë “Shqipëria Turistike 2030”.

The post Merr fund pritja disavjeçare, hapet nesër për qarkullim rruga Qukës–Qafë Plloçë appeared first on Albeu.com.

Përfundimi i rrugës së Arbrit dhe Hapja e Tunelit të Murrizit, shkurton kohën e lëvizjes nga Tirana në Dibër me gati 3 orë, nëse e krahasojmë me periudhën kur ky segment nuk ishte i hapur për qarkullim të automjeteve.

Përfundimi i punimeve në tunelin e Murrizit e bën të aksesueshme të gjithë rrugën e Arbrit, një nga segmentet kombëtare më të rëndësishme, e cila do të nxis rritje ekonomike të zonës dhe të sektorit turistik.

Tuneli i Murrizit, ka një gjatësi prej 3,78 kilometrash dhe përbëhet nga dy tuba, ai i trafikut dhe ai i emergjencës.

Ndërsa në total Rruga e Arbrit ka një gjatësi prej 74 km, dhe do të lidh Tiranën me Dibrën, si dhe me veriun e Maqedonisë, Dibrën e Madhe, Tetovën dhe Shkupin.

Rruga e Arbërit bëhet pjesë e Korridorit të Tetë paneuropian.

Një vepër komplekse e cila mori jo pak kohë për shkak të gjeologjisë. Tuneli i Murrizit, ka nisur të hapet në maj të 2019-ës, por ka pasur ecuri të avashtë për shkak të gjeologjisë së vështirë, si dhe rrëshqitjes së dherave. Me hapjen e tunelit të Murrizit tashmë evitohet kalimi përmes bypassit të Murrizit.

The post Hapet tuneli i Murrizit/ Për 60 minuta, nga Tirana në Peshkopi appeared first on Albeu.com.

“Falenderoj Kishën e Shqipërisë për dashurinë dhe përkushtimin e tyre të përzemërt.

Nuk ka as pasuri të luajtshme, as të paluajtshme; çdo gjë që është fituar ndër vite është vënë në shërbim të veprave të dashurisë.

Depozitat e mia financiare si kryepeshkop i përkasin Kishës së Shqipërisë.

I lutem ekzekutuesve të testamentit tim që gjysma e shumës së këtyre depozitave të përdoret për përfundimin e Katedrales “Ngjallja e Krishtit” në Tiranë.

Ndërsa gjysma tjetër të ruhet dhe të përdoret në mënyrë të përshtatshme, duke siguruar që të ardhurat nga këto investime të përdoren në mbështetje të pagave të klerikëve dhe për zhvillimin e programeve rinore të Kishës së Shqipërisë.

Të drejtat e autorit nga shitja e librave të mi të depozitohen në Qendrën Ndërortodokse.

Ekzekutues të këtij testamenti caktoj kryepeshkopin që do të më pasojë.

Ato pak sende që kam përdorur t’u ndahen bashkëpunëtorëve të mi të përzgjedhur.

Librat e mi të dorëzohen Bibliotekës Ortodokse “Ngjallja e Krishtit”.

I fal të gjithë ata që e bënë udhëtimin tim më të vështirë e të mundimshëm”, thuhet mes të tjerash në testament.

The post Hapet testamenti i Janullatosit: Depozitat e mia financiare i përkasin Kishës së Shqipërisë appeared first on Albeu.com.

Balluku u shpreh se më 14 mars kjo vepër, të cilën e vlerëson si më të rëndësishme të Rrugës së Arbrit, do të hapet për qarkullimin e automjeteve.

“Sa punë dhe mund është hedhur në Tunelin e Murrizit, sa dit jemi ndjerë sikur punët nuk po ecin.

Por duket e pabesueshme që tashmë pothuajse gjithçka ka përfunduar.

Tashmë është koha për ta deklaruar një datë dhe më 14 mars do të hapim tunelin e Murrizit, për akses për të gjitha automjetet në drejtim të Tiranës dhe në atë të Dibrës. Jemi në detajet e fundit, gjithçka po shkon siç duhet”, tha ajo.

The post Punimet drejt fundit, Belinda Balluku zbulon datën, ja kur hapet “Tuneli i Murrizit” appeared first on Albeu.com.

Ai theksoi se punimet në Tunelin e Murrizit po shkojnë drejt fundit, ndërsa shtoi se gjeologjia e vështirë krijoi vonesa të shumta.

“Ndodh që nganjëherë të marrim më shumë kohë seç është parashikuar, si për shembull Rruga e Arbrit, por jo për shkak se i lëmë gjë mangët punës, por se të papriturat edhe ndodhin.

Gjeologjia e tunelit të Murrizit doli shumë më e ndërlikuar se ishte parashikuar nga studimet dhe jemi në kushtet kur po shkojmë drejt përfundimit pas një riarmatimi me një teknologji tjetër të të gjithë pjesëve të tunelit.

Besoj shumë se më në fund në mars do ta heqim edhe këtë sy të keq nga shpina, sepse realisht ai tunel na ka marrë shpirtin, por bashkë me pranverën do dalë dhe shpirti i keq nga tuneli dhe dibranët do shkojnë e vijnë me rrugën e hapur”, tha ai.

The post Kryeministri Rama zbulon se kur do hapet tuneli i Murrizit appeared first on Albeu.com.

Kryeministri Edi Rama, i cili ishte i pranishëm sot në ambientet e QSUT, shprehet se kjo ‘vepër e re publike do ta kthejë krejt territorin e QSUT në një hapësirë këmbësore, e do të krijojë kushtet për transformimin e saj në një park të madh me pemë, lule e vepra arti’.

“Gjithë pjesa publike jashtë godinave duhet transformohet nga e para, duhet të jetë tamam xhenet këtu. Jashtë godinave të lulëzojë, edhe me vepra arti”,-u shpreh kryeministri Rama.

“Jo vetëm do të shtojë kapacitetet e parkimit, për t’i dyfishuar ato. Qendra do të ofrojë afro 1400 vendparkime, ndërkohë që do të ketë edhe parkime të dedikuara për personat me aftësi të kufizuar, strukturë të dedikuar për makinat që funksionojnë me energji dhe janë të karikueshme.

Krahas kësaj, do ofrojë edhe shërbimin e specializuar në tarracën e godinës për helikopterët për të garantuar me cilësi shërbimet e urgjencës”, tha Koçiu gjatë inspektimit.

The post Hapet kantieri i parkimit me 1400 vende në QSUT/ Rama: Gjithë godina duhet të transformohet e lulëzohet me vepra arti appeared first on Albeu.com.

Kryeministri Edi Rama, ka ndarë pamje nga punimet e fundit në këtë kantier, në rrjetet e tij sociale.

Postimi:

“MIRËMËNGJES dhe me punimet e fundit në kantierin e Unazës së Madhe pak orë para hapjes së madhe, ju uroj një javë të mbarë”, shkruan kryeministri.

Unaza e Madhe e Tiranës ka një gjatësi totale 28.7 kilometrash, ndërsa sa i përket shpejtësisë së lejuar për qarkullim në të, është parashikuar 90 km/ h.

The post Hapet sot Unaza e Madhe e Tiranës, Rama ndan pamjet nga punimet e fundit appeared first on Albeu.com.

Kujtojmë se hapja e këtij tenderi, vjen në një kohë kur SPAK, sapo ka mbyllur mega procedurën tenderuese prej 4 miliard lekë, që do shkojë për mobilimin e godinës së re të SPAK, ndërtimin e një tuneli ajror dhe ndërtimi i disa shkallëve të brendshme brenda objektit ekzistues të dhuruar nga Bashkia e Tiranës.

Të presim se kush do jetë subjekti tregtar që do fitojë këtë tender të hapur nga SPAK.

Ndërkohë gazetari i “Ora News” Elton Qyno, ka mësuar se shkak për blerjen e këtij sistemi mbrojtës që synon të blindojë nga jashtë dhe brenda hyrjet dhe daljet e SPAK, është bërë një informacion i mbëritur nga Policia e Shtetit, për një skenar të mundshëm të sulmit të godinës me dron ose makina të mbushura me tritol.

Ndaj duke vlerësuar këto informacione të policisë, por dhe duke parë tendencën e disa individëve të krimit të organizuar të përgjuar nga vetë SPAK, drejtuesi i këtij institucioni Altin Dumani, ka vendosur ta zgjidhë qesen financiare, duke shpenzuar plot 708 mijë euro, ku qëllimi është blindimi i hyrjeve dhe daljeve të këtij institucioni.

Sipas dokumentave, tenderi është ndarë në dy lote të posaçme, ku Loti i Parë përmes një shumë financiare prej 218 mijë euro synon të blejë një paisje skanimi për bagazhe, një paisje skaner për zarfet e postës si dhe 1 urë kontrolli.

Ndërkohë Loti i Dytë, i këtij tenderi synon që përmes shumës financiare prej 489 mijë euro, të blejë një paisje skaner për skanimin e poshtëm të automjeteve që hyjnë dhe parkohen në ambjentet e brendshme të SPAK, si dhe një paisje automatike e quajtur “Bollard”.

Njësia e skanimit duhet të jetë e dizenjuar për të dhënë rezultate maksimale në skanimin e poshtëm të automjeteve.

Sipas vetë dokumentave të SPAK, qëllimi i blerjes së sistemit automatik me siguri të lartë “Bollard”, është të ndalojë automjetet nga hyrja e paautorizuar në zona të sigurisë dhe të ruajë nivelin më të lartë të mbrojtjes ndaj antiterrorizmit.

SPAK, synon të blejë dy copë sisteme të tilla me tre piston çeliku, të cilat do vendosen në hyrjen dhe daljen e tunelit të godinës së SPAK dhe hyrjen dhe daljen në oborin e SPAK.

Ndërsa dy sisteme do blihen për skanimin e poshtëm të automjeteve që hyjnë dhe dalin në SPAK. Pritet që dy tenderat të mbyllen në 11 tetor të këtij viti, ku disa ditë më pas të shpallet fituesi i kësaj procedure.

Në pjesën më të madhe te procedurave tenderuese të hapura, por dhe të mbyllura që zhvillon SPAK, kompanitë fituese janë të paracaktuara dhe dihet fituesi para se të hapen zarfat e ofertave.

Por kjo gjë nuk sjell aspak shqetësim brenda SPAK, duke e konsideruar si diçka normale dhe të modës, e për pasojë duke mos hapur asnjë hetim penal apo qoftë dhe administrative.

Kur SPAK nuk kontrollon SPAK, atëherë e kush tjetër nga institucionet shtetërore duhet ta kontrollojë atë.

The post SPAK ka frikë për sulme/ Hapet super tenderi, 708 mijë € për skanimin e mjeteve dhe zarfeve appeared first on Albeu.com.