Raportet midis Minskut dhe Varshavës, të ngrira për vite të tëra, janë në një pikë të ulët që kur lideri autoritar bjellorus Aylasandr Lukashenka lejoi Moskën që të përdorë territorin e shtetit të tij për të nisur pushtimin e paprovokuar të Ukrainës në shkurt të vitit të kaluar.

Bjellorusia pretendoi se incidenti ndodhi në rajonin Grodno, që gjendet në kufirin mes dy shteteve, i gjatë pothuajse 400 kilometra.

“Ka gënjeshtra dhe provokime nga ana e Bjellorusisë”, tha Jacek Goryszewski, zëdhënës i komandës operacione të forcave të armatosura të Polonisë.

“Definitivisht nuk ka pasur një shkelje të tillë. Kjo bazohet edhe në mesazhet e dërguara nga piloti dhe nga të dhënat e sistemit të radarit”, tha ai për AFP-në.

Shërbimi kufitar i Bjellorusisë i publikoi pretendimet në kanalin në Telegram, duke bashkëngjitur edhe një video ku pretendohet se shfaqet helikopteri duke fluturuar në territorin bjellorus.

“Një helikopter ushtarak i Polonisë, i llojit Mi-24, kaloi kufirin shtetëror në një lartësi jashtëzakonisht të ulët, fluturoi deri në 1.200 metra brenda territorit bjellorus dhe më pas u kthye mbrapsht”, tha shërbimi kufitar.

Ministria e Jashtme e Bjellorusisë thirri në bisedë të ngarkuarin me punë të Polonisë dhe tha se “palës polake i është kërkuar shpjegim për ngjarjen dhe të kryejë një hetim të hollësishëm”.

Zëvendësministri i Jashtëm i Polonisë, Pawel Jablonski, tha se “është e mundur që ky të jetë një provokim bjellorus”.

“Ne do ta analizojmë situatën. Megjithatë, deklaratat nga pala bjelloruse duhet të merren me kujdes të madh”, tha ai për televizionin Polsat News.

The post Polonia mohon se ka shkelur hapësirën ajrore të Bjellorusisë appeared first on Albeu.com.

Kështu deklaroi zëdhënësi i Forcave Ajrore të Ukrainës, Yurii Ihnat, i cituar nga mediat lokale.

“Tashmë është e qartë se ne nuk do të jemi në gjendje ta mbrojmë Ukrainën me F-16 këtë vjeshtë-dimër,” tha Ihnat, duke pranuar se “shpresat e mëdha ishin mbështetur në këtë avion”.

Ai ka parashikuar se “në të ardhmen e afërt” pilotët ukrainas “do të trajnohen brenda vendeve anëtare të koalicionit” të NATO-s.

The post Kievi zyrtar pranon vështirësitë: Në vjeshtë dhe dimër nuk do të jemi në gjendje ta mbrojmë hapësirën ajrore appeared first on Albeu.com.

Kjo shtyu Moldavinë që të thërrasë në bisedë të dërguarin rus, për t’i kërkuar shpjegime.

“Tri raketa të lëshuara nga Rusia drejt Ukrainës mëngjesin e sotëm, u lëshuan nga anijet ruse në Detin e Zi. Ato kaluan përmes hapësirës ajrore të Moldavisë”, shkroi në Twitter ministri i Jashtëm i Moldavisë, Nicu Popescu.

“E kam udhëzuar ambasadorin rus që të vijë në takim për të ofruar shpjegim”.

Popescu shprehu zemërim për shumë sulme të kryera mëngjesin e së hënës në qytetet ukrainase, pasi Moska fajësoi Ukrainën se ka kryer shpërthime në urën që lidh Krimenë me Rusinë.

“I tmerruar nga sulmet e shumta me raketa në qytetet në mbarë Ukrainën, përfshirë në kryeqytet, Kiev, duke shënjestruar caqet civile. Rusia duhet të ndalë vrasjet”, tha ai.

Popescu tha se zyra e tij ka qenë në kontakt me stafin në Ambasadën e Moldavisë në Kiev dhe tha se të gjithë janë të sigurt “dhe po strehohen nga këto sulme të pakuptimta ndaj civilëve”.

Sikurse Ukraina, edhe Moldavia është shtet i dalë nga ish-Bashkimi Sovjetik, dhe ka një Qeveri pro-perëndimore.

Qëkur Rusia nisi pushtimin e Ukrainës më 24 shkurt, qindra mijëra refugjatë ukrainas janë strehuar në Moldavi.

Moldavia, së bashku me Ukrainën, kanë fituar statusin e vendit kandidat në Bashkimin Evropian, në dritë të pushtimit rus.

Moldavia ka një rajon të shkëputur, Transnistrinë, që armatoset dhe mbështetet nga Rusia./rel

The post Moldavia: Raketat ruse që goditën Ukrainën kaluan përmes hapësirës sonë ajrore appeared first on Albeu.com.

Veprimi pason masa të ngjashme, të ndërmarra nga vendet evropiane dhe Kanadaja, në përgjigje të pushtimit rus të Ukrainës.

Duke folur para Kongresit amerikan për gjendjen në vend, Biden tha se ndalesa do ta izolojë edhe më shumë Rusinë dhe do ta rëndojë edhe më shumë ekonominë e saj.

Rubla ruse ka humbur 30% të vlerës së saj, tha Biden.

Perëndimi ka vendosur sanksione të ashpra kundër Rusisë për ndërhyrjen ushtarake në Ukrainë.

Sanksionet përfshijnë edhe përjashtimin e disa bankave ruse nga sistemi bankar global SWIFT.

“Ekonomia e Rusisë po lëkundet dhe fajin e ka vetëm [presidenti rus, Vladimir] Putin”, tha Biden. /REL

The post SHBA mbyll hapësirën ajrore për Rusinë appeared first on Albeu.com.

Vendimi vlen edhe për ata avionë të regjistruar në Marok, sipas njoftimit zyrtar.

Më 24 gusht, Algjeria ndërpreu marrëdhëniet diplomatike me Marokun, duke akuzuar mbretërinë për “veprime armiqësore” kundër saj, raporton albeu.com.

Vendimi i sotëm u mor për shkak të provokimeve të vazhdueshme dhe praktikave armiqësore në anën marokene”, tha presidenca.

Marrëdhëniet midis dy vendeve kanë qenë të tensionuara për dekada , për shkak të çështjes së mprehtë të Saharasë Perëndimore, rajoni i vetëm në kontinentin afrikan, regjimi post-kolonial i të cilit mbetet ende në pritje.

Rajoni pretendohet nga Maroku ndërsa Algjeria mbështet separatistët e Frontit Polisario. Rabat, e cila kontrollon rreth 80% të territorit të saj, propozon një plan autonomie nën sovranitetin e vet./albeu.com

The post Çfarë ndodhi? Algjeria mbyll hapësirën e saj ajrore për avionët ushtarakë dhe civilët marokenë appeared first on Albeu.com.