Lajmin e bënë të ditur ministrja e arsimit Evis Kushi, e cila u shpreh se gjuha angleze është sot një domosdoshmëri dhe kjo është zgjidhja më e mirë për fëmijët.

Sipas Kushit, mësuesit që do të japin mësimin e gjuhës angleze, do të bëjnë një trajnim, aq të domosdoshëm për t’u ardhur sa më shumë në ndihmë fëmijëve.

Sipas informacioneve, bëhet me dije lënda e anglishtet pritet që të jetë dy herë në javë. Në udhëzimin për vitin e ri shkollor kërkohet dhe regjistrimi me përparësi i fëmijëve me nevoja të veçanta, konsolidimi i shkollave si qendra komunitare, reduktimi i braktisjes shkollore, zbatimi i planeve për parandalimin e bulizmit dhe ekstremizmit, si dhe zbatimin e programit të ri të arteve, zejeve dhe sporteve./albeu.com/

The post Viti i ri shkollor, anglishtja që nga klasa e parë! Si dhe sa herë në javë do të zhvillohet appeared first on Albeu.com.

“Më në fund, procesi mësimor për të gjithë nxënësit e arsimit parauniversitar nga klasa 1-12, do të zhvillohet në mjediset fizike të shkollave çdo ditë të javës, ndërkohë që të gjitha institucionet tona arsimore janë gati për këtë skenar që në fillim të javës tjetër duke ruajtur dhe respektuar rregullat e higjienës dhe distancimit fizik sikurse janë përcaktuar qartë nga MSHMS”¸ shprehet Ministrja Kushi dhe nënvizon se njësoj si në fillim të këtij viti shkollor, do të lihet në fleksibilitetin e shkollave për të hartuar specifikisht grafikun mbi zhvillimin e procesit mësimor sipas skenarit të parë: qoftë ai me një, dy apo me shumë turne, në varësi të numrit të nxënësve apo kushteve të shkollës.

Ndërsa thekson se kanali i dedikuar “RTSH Shkolla” dhe platforma online “Akademi.al” do të vazhdojnë të jenë në dispozicion të nxënësve dhe mësuesve për të mbështetur procesin mësimor, Ministrja Kushi cilëson se MASR do të jetë maksimalisht e angazhuar për të qenë pranë tyre në çdo moment me qëllim ndihmesën në çdo rrethanë e vështirësi që mund të paraqitet.

Duke falënderuar me shumë mirënjohje mësuesit dhe stafet arsimore për punën e jashtëzakonshme, përkushtimin e sakrificën e treguar, Znj. Kushi thotë se përpara është sfida e madhe e provimeve të Maturës Shtetërore dhe mbyllja me sukses e këtij viti shkollor.

“Kam shumë besim se ju do të vazhdoni të punoni intensivisht që maturantët tanë të dalin faqebardhë. Ju lutem, t’i shfrytëzoni këto javë që kanë mbetur për të identifikuar dhe plotësuar të gjitha mangësitë që mund të jenë krijuar gjatë mësimit online”, apelon ajo.

“Përfaqime të sinqerta për të gjithë ju, nxënës të dashur, që deri më tani ia dolët të përballeni e të përshtateni shumë shpejt me një vit aspak të lehtë! Një bravo të madhe edhe për përgjegjshmërinë që vazhdoni të reflektoni çdo ditë në shkollat tona dhe jashtë tyre!”, i drejtohet Ministrja Kushi të gjithë nxënësve.

Ndër të tjera, ajo shpreh mirënjohjen e thellë për të gjithë prindërit, që megjithë të papriturat e rezervuara nga pandemia COVID-19, durimi i secilit prej tyre ka ndihmuar të kapërcejmë këtë sfidë për realizimin e qëllimit të përbashkët, arsimimin sa më të mirë të fëmijëve tanë.

“Ne ia dolëm me sukses vetëm falë bashkëpunimit, mirëkuptimit dhe solidaritetit që treguam të gjithë për njëri-tjetrin!”- nënvizon ministrja.

The post Ministrja jep lajmin e mirë: Javën tjetër hapen shkollat! (VIDEO) appeared first on Albeu.com.