KPL, propozoi që kandidatëve t’u lihet një afat prej 3 javësh për të shprehur interesin e tyre për postin e kreut të SPAK.

Afati i fundit për dorëzimin e aplikimeve është caktuar data 8 tetor, ndërsa kandidatët duhet të paraqesin në platformën e tyre disa pika kyçe që do të jenë vendimtare në procesin e përzgjedhjes:

Eksperienca në çështje sensitive, sidomos ato që lidhen me hetimin e krimit të organizuar dhe korrupsionit;

Aftësitë drejtuese dhe organizative, të domosdoshme për menaxhimin e një strukture të posaçme si SPAK;

Përvoja në hartimin dhe miratimin e rregulloreve administrative, që sigurojnë funksionimin institucional;

Eksperienca në çështje me jehonë të lartë publike dhe ndërveprimi me median në mënyrë të përgjegjshme dhe transparente;

Aftësi në menaxhimin e burimeve njerëzore, me fokus në drejtim efektiv dhe motivim profesional;
Vizioni strategjik për organizimin dhe funksionimin e SPAK, që garanton një institucion të pavarur dhe efikas;

Imazhi publik dhe integriteti profesional përgjatë karrierës si prokuror.

Në mbledhje kanë marrë pjesë dhe përfaqësues të Ambasadës Amerikane dhe OPDAT.

The post KLP hap garën për kreun e ri të SPAK, kandidatët 3 javë afat për të paraqitur dokumentacionin appeared first on Albeu.com.

Vendi ynë do të mbajë më 16 shtator, me ftesë të Danimarkës, Konferencën e 6-të Ndërqeveritare me BE.

Takimi do të shërbejë për të hapur negociatat me Shqipërinë mbi Grupin 4 “Agjenda e gjelbër dhe lidhshmëria e qëndrueshme”, duke përfshirë kapitujt 14 (Politika e transportit), 15 (Energjia), 21 (Rrjetet transevropiane) dhe 27 (Mjedisi dhe ndryshimet klimatike).

Takimi i nesërm në Bruksel pritet të bashkëdrejtohet nga kryeministri Edi Rama dhe ministrja për Çështjet Evropiane të Danimarkës, Marie Bjerre.

Sipas agjendës Konferenca Ndërqeveritare pritet të nisë në orën 08:00, teksa konferenca për shtyp është planifikuar rreth orës 09:15 dhe Këshilli i Çështjeve të Përgjithshme të BE-së do të pasojë në orën 10:00.

“Palët do të fillojnë duke miratuar agjendën e takimit dhe duke miratuar procesverbalet e KNQ-ve të mëparshme të mbajtura në prill dhe maj të këtij viti. Kjo do të pasohet nga fjalimet hapëse, së pari nga ministrja e Danimarkës Bjerre në emër të presidencës së Këshillit të BE-së, pastaj nga kryeministri Rama dhe hapja e negociatave për grupin 4″, bëri të ditur një zyrtar i B-së.

Ministrja e Danimarkës, do të paraqesë të ashtuquajturin “Qëndrim të Përbashkët të BE-së”, siç është rënë dakord nga BE-ja, dhe do t’i kërkojë kryeministrit Rama nëse Shqipëria mund të bjerë dakord me hapjen e këtij grupi.

Komisionerja për Zgjerimin, Marta Kos do të japë gjithashtu vërejtjet e saj në këtë drejtim. Kryeministri Rama, do të paraqesë qëndrimin e Shqipërisë.

Në fund do të ketë disa fjalime të shkurtra përmbyllëse nga delegacioni i BE-së, ministrja e Danimarkës, Marie Bjerre dhe Komisionerja Marta Kos, si dhe nga kryeministri Rama, me të cilat takimi do të përfundojë zyrtarisht.

Më 24 mars 2020 ministrat për Çështjet Evropiane dhanë miratimin politik për hapjen e negociatave me Shqipërinë dhe Maqedoninë e Veriut. Ky vendim u miratua me procedurë të shkruar dhe u mbështet nga Këshilli Evropian.

Më 19 korrik 2022 u mbajt Konferenca e parë Ndërqeveritare Shqipëri-BE, që shënoi zyrtarisht hapjen e negociatave me Shqipërinë.

Më 15 tetor 2024 u mbajt Konferenca e dytë, ku u hapën negociatat për Grup-kapitullin 1 – Themeloret.

Më 17 dhjetor 2024 u mbajt Konferenca e tretë, ku u hapën negociatat për Grup-kapitullin 6 – Marrëdhëniet e jashtme.

Më 14 prill 2025 u mbajt Konferenca e katërt, e cila u fokusua në Grup-kapitullin 2 – Tregu i brendshëm, dhe ku BE vendosi gjithashtu kriteret për mbylljen e përkohshme të kapitujve të këtij grupi.

Më 22 maj u mbajt në Bruksel Konferenca e pestë Ndërqeveritare për anëtarësimin e Shqipërisë në Bashkimin Evropian.

Kjo konferencë shërbeu për të hapur negociatat me Shqipërinë mbi grup-kapitullin 3: “Konkurrueshmëria dhe rritja gjithëpërfshirëse”. Në këtë grup-kapitull përfshihen: Kapitulli 10 – Transformimi digjital dhe media; Kapitulli 16 – Taksat; Kapitulli 17 – Politika ekonomike dhe monetare; Kapitulli 19 – Politika sociale dhe punësimi; Kapitulli 20 – Politika për ndërmarrjet dhe industrinë; Kapitulli 25 – Shkenca dhe kërkimi; Kapitulli 26 – Arsimi dhe kultura; Kapitulli 29 – Bashkimi doganor.

The post Shqipëria hap 4 grup-kapitujt e radhës, mbahet sot Konferenca e 6-të Ndërqeveritare me BE-në appeared first on Albeu.com.

Takimi pritet të nisë në një restorant në Tiranë, Xibraku.

Gjatë fjalës së tij, Basha tha se, “paga deri në 8 mijë euro, bonusi për beben e parë 2 mijë euro”, teksa sulmoi kryeministrin Edi Rama, për të cilin tha se gjysmën e shokëve i ka tek 313.

Sipas tij, kryeministri premtoi ndryshimin në 2013 dhe solli Ilir Metën.

“12 vite korrupsion dhe mashtrime të Ramës dhe qeverisë së tij, Shqipëria meriton ndarje nga kultura e pandëshmueshmërisë në 35 vite tranzicion, Shqipëria meriton që të hap derën e progresit dhe integrimit.

Ndaj këto bindje na kanë mbajtur së bashku. Nuk ja dolën dhe skanë për t’ja dal sepse ne jemi vetë vullneti i shqiptarëve për ndryshimin, që s’mund të merret peng.

Ka përcjellë një nga një gjysmën e shokëve tek 313 del me propozimin me Edin. Premtoj ndryshimin në 2013 dhe solli Ilir Metën. Gjysmën e shokëve i ka tek 7 herë 7 tek 313″, tha ai.

The post Euroatlantikët hapin fushatën/ Lulzim Basha: Paga deri në 8 mijë euro, Rama gjysmën e shokëve e ka tek 313-ta appeared first on Albeu.com.

Lideri historik i Partisë Demokratike, Sali Berisha, ka publikuar në rrjetet sociale spotin e çeljes së fushatës dhe fton demokratët të bashkohen në orën 19.00, në sheshin Skënderbej.

“11 prill, ora 19.00 në sheshin “Nënë Tereza”, nisim rrugëtimin drejt fitores!”, shkruan Berisha.

Postimi:

“11 prill, ora 19.00 në sheshin “Nënë Tereza”, nisim rrugëtimin drejt fitores! Partia Demokratike dhe Aleanca për Shqipërinë Madhështore ju ftojnë të bashkoheni në çeljen e fushatës”!

The post VIDEO/ Partia Demokratike hap zyrtarisht fushatën të premten, Berisha fton demokratët: Nga sheshi “Nënë Tereza” nisim rrugëtimin drejt fitores (zbulohet ora) appeared first on Albeu.com.

Tashmë ai ka bërë publike dhe një llogari bankare e hapur nga Ilirjani, për t’u dhënë mundësinë gjithë qytetarëve që t’i vijnë në ndihmë ikonës së viteve ’80-të.

Ky “GoFoundMe”, është hapur me qëllim mbledhjen e fondeve, të cilat do të shkojnë për përkujdesjen shëndetësore të Parashqevisë, për t’i rikthyer këngëtares Simaku dinjitetin dhe admirimin që kombi ka ndaj saj, shkruan Elton Ilirjani në përshkrimin e kësaj fushate.

Deri më tani në llogarinë e “GoFoundMe”, janë mbledhur reth 32 mijë dollarë nga 1 milionë dollarë që kërkohen.

The post Elton Ilirjani hap “GoFoundMe” për Parashqevi Simakun, ja shifra që synohet… appeared first on Albeu.com.

Takimi do të nisë në orën 08:00 dhe do të drejtohet nga kryeministri Edi Rama dhe ministri Hungarez i Punëve të Jashtme dhe Tregtisë, Péter Szijjártó, vend i cili mban Presidencën e radhës së BE-së.

Pas takimit rreth orës 09:25, pritet një konferencë për shtyp e kryeministrit Edi rama dhe ministrit Hungarez të Punëve të Jashtme dhe Tregtisë, Péter Szijjártó.

Shqipëria do të përfaqësohet në këtë konferencë nga Kryeministri Edi Rama, Kryenegociatorja Majlina Dhuka si dhe Ministri për Evropën dhe Punët e Jashtme, Igli Hasani.

Në tryezë për palët shqiptare do të jenë dhe të gjithë zv/ministrat, të cilët përfaqësojnë sektorët e kapitujve të negocimit që do të hapen ditën e nesërme, të njohura si “Themeloret”.

Takimi do të shërbejë për hapjen e negociatave me Shqipërinë për grupkapitullin 1, që përfshin fushat dhe kapitujt e negociatave si:

Funksionimi i institucioneve demokratike dhe reforma e administratës publike

Kapitulli 23 – Gjyqësori dhe të drejtat themelore

Kapitulli 24 – Drejtësia, liria dhe siguria

Kriteret ekonomike

Kapitulli 5 – Prokurimi publik

Kapitulli 18 – Statistikat

Kapitulli 32 – Kontrolli financiar

Pas prezantimit të metodologjisë së rishikuar për negociatat e anëtarësimit në vitin 2020, kapitujt negociues ndahen në gjashtë grupime tematike: Themeloret; Tregu i brendshëm; Konkurrueshmëria dhe rritja gjithëpërfshirëse; Axhenda e gjelbër dhe lidhja e qëndrueshme; Burimet, bujqësia dhe kohezioni; dhe marrëdhëniet me jashtë.

Negociatat për grupkapitullin 1 hapen të parat dhe mbyllen të fundit. Progresi në këtë grup do të përcaktojë ritmin e përgjithshëm të negociatave.

Komiteti i Përfaqësuesve të Përhershëm (Coreper II) miratoi qëndrimin e përbashkët të BE-së duke hapur grupin e parë të negociatave me Shqipërinë, duke lejuar kështu mbajtjen e një konference ndërqeveritare me Shqipërinë më 15 tetor 2024 në Luksemburg.

Shqipëria do të jetë e para ndër vendet kandidate që do të hapë negociatat e anëtarësimit sipas metodologjisë së rishikuar të zgjerimit, e cila do të jetë një moment kyç për vendin e Ballkanit Perëndimor.

Grupi i parë i kapitujve mbulon reformat themelore, duke i hapur rrugën fillimit të negociatave për grupe të tjera. Progresi në këto reforma, do të përcaktojë gjithashtu ritmin e përgjithshëm të negociatave.

Ministri për Evropën dhe Punët e Jashtme, Igli Hasani, deklaroi pak ditë më parë se Shqipëria shkon e mirëorganizuar, e qartë në atë që kërkon, e bindur që do të përfaqësojë vlerat më të mira të vetat.

“Qeveria ka plotësuar pjesën më të madhe të detyrimeve të saj. E gjithë përpjekja, është përpjekja e të gjithë shoqërisë shqiptare që ne të vazhdojmë punën që kemi arritur deri më sot. Lutem të gjithë shqiptareve dhe shqiptarëve, që këtë moment historik ta konsiderojnë moment historik të tyrin dhe jo të asnjë grupi apo individi të përfshirë në të”, tha ai.

Gjithashtu, Hasani theksoi se kjo nuk është pjesë parash apo punë xhepash. “Ky është momenti më i rëndësishëm i marrëdhënies së Shqipërisë me Bashkimin Evropian, me familjen në të cilën ne bëjmë pjesë”, u shpreh ministri i jashtëm.

The post Shqipëria hap negociatat me BE-në për grupkapitullin e parë, mbahet sot në Luksemburg Konferenca e Dytë Ndërqeveritare appeared first on Albeu.com.

Si pasojë e përplasjes së dy grupeve kriminale të Ervis Martinaj dhe Ervin Matës, në këtë ngjarje mbeti i vrarë, Fabiol Gaxha, ndërsa u plagosën rëndë biznesmeni i lojrave të fatit Ervis Martinaj dhe miku i tij, Eljo Hato.

I vetmi që bëri 7 muaj burg për këtë ngjarje, ishte i plagosuri Ervis Martinaj. Ndërsa bodigardi i Ervin Matës, Marviol Bilo, që qëlloi me pistoletë ndaj tre personave, nuk bëri asnjë ditë burg, megjithëse u dënua me 4.8 vite burg, duke ja kthyer këtë dënim në shërbim prove.

Të gjithë personat e përfshirë në konflikt duke filluar nga Eldi Dizdari, Fabiol Gaxha, Marviol Bilo, Fabiol Alushi, Eljo Hato, Geldo Hoti e deri tek Ervin Mata, mundën t’ia hedhin drejtësisë.

Gazetari i “Ora News” Elton Qyno, ka mësuar përmes burimeve brenda SPAK se Prokuroria e Posaçme SPAK, ka hapur një seri kodesh të aplikacionit “SKY” , që janë përdorur gjatë periudhës 2019-2021 nga protagonistët e këtij konflikti.

Nëse do ketë vullnet për t`i shkuar deri në fund kjo çështje, pritet të kthehet në “bombën” toksike për sistemin e drejtësisë, duke konkuruar denjësisht me dosjen penale “Zarka”, ku u arrestua ish-drejtuesi i prokurorisë së Vlorës dhe u shpallën në kërkim biznesmeni Astrit Vldadi, oficerja e policisë Erjona Dautaj dhe avokati nga Fieri, Radovan Çela.

Pasi në bisedat e administruara dalin disa punonjës të policisë së Shtetit, prokurorë, gjyqtarë e deri tek ekspertë të Institutit të Policisë Shkencore, që kanë manipuluar ekspertizat balistike të predhave dhe gëzhojave të sekuestruara në vendin e krimit.

Njëherësh shuma të mëdha eurosh janë dhënë për mosarrestimin nga policia i Marviol Bilos që ishte shpallur në kërkim, apo qoftë dhe për ndryshimin e masës së sigurisë për Ervis Martinaj nga “Arrest në burg” në detyrim paraqitje.

Në këto biseda ndërhyrjet, presionet, korrupsioni është ngjitur në kupolën e Policisë së Shtetit dhe shumë njerëz të Drejtësisë që kanë ushtruar detyrën e tyre në Gjykatën e Tiranës dhe Gjykatën e Apelit Tiranë.

Mësohet se dy kode të aplikacionit “SKY” të përdorura nga biznesmeni tashmë i zhdukur Ervis Martinaj, janë zbardhur totalisht.

Në kodin “NP8LS4” dhe një kod tjetër të përdorur prej tij, janë konstatuar një intesitet bisedash të zhvilluara me persona të tjerë, brenda rradhëve të policisë, e deri në gjykatë dhe prokurori, për kualifikuar akuzat penale ndaj të pandehurve.

Biznesmeni, Ervis Martinaj, fillimisht në këtë dosje është hetuar dhe mbajtur për 7 muaj në burg me akuzën e “Vrasjes me paramendim” kryer në bashkëpunim mbetur në tentative.

Por prokuroria e Tiranës, në konkluzionin përfundimtar të dërgimit të dosjes në gjykatë, ka ngritur ndaj Martinaj akuzën e “Sigurimit të kushteve dhe mjeteve për vrasje”, duke e dënuar përfundimisht me 3 vite e 8 muaj burgim.

Pasi Martinaj, sipas akuzës i ka dërguar sms miqve të tij për t’u afruar në zonën e ish-bllokut.

Akuza të tjera kundër tij ishin “Fshehje të ardhurash”, “Falsifikimit të pasaportave dhe kartave të identitetit”, pasi Martinaj pas ngjarjes në ish-bllok, ju sekuestrua një pasaportë Kosovare me emrin Admir Koca dhe “Organizim ose ushtrim i veprimtarisë së lojërave të fatit” në kundërshtim me ligjin.

Për sigurim kushtesh për të kryer vrasje në këtë ngjarje është hetuar dhe i plagosuri Eljo Hato, që gjatë vitit 2020-2021 ka përdorur kodin “Sky” “TFQL4R”.

Gjithashtu, mjaft biseda për masakrën 4 Tetorit e ndodhur në ish-bllok SPAK, ka konstuar dhe tek kodi “GS4TDD” që i përket Ervin Matës, që në Tiranë njihen me nofkën “Boli” dhe tashmë është shpallur në kërki ndërkombëtar për “Trafikim të lëndëve narkotike” në kuadër të “Grupit të strukturuar kriminal”.

Ervin Mata, ishte vetë subjekt i këtij hetimi aq më tepër interesohej në mënyrë të drejtpërdrejtë që policia mos arrestonte bodigardin e tij, Marviol Bilo.

Njëherësh grupi përmes lidhjeve të tij solli dhe ndryshimin e akuzave për ish-komandon special Bilo, nga duke vendosur një dënim të ulët prej 4.8 vite burgim, për të cilin nuk bëri asnjë ditë burgim për shkak se gjykata ja pezulloi vuajtjen e dënimit me burg, duke e vendosur Bilon në shërbim prove.

The post SPAK hap kodet e Vis Martinaj dhe Ervin Matës për ngjarjen e masakrës në ish-bllok, policë, gjyqtarë, prokurorë dhe ekspertë në skaner appeared first on Albeu.com.

Ajo çoi në televotim përfshirë veten, Erjolën, Rozën dhe Heidi e cila ishte në nominim.

“I drejti zhytet por s’mbytet”,– u shpreh ajo.

Sakaq, pak minuta më vonë një reagim ka ardhur nga Sara Gjordeni, e cila shprehet me ironi: “E ditur, e parashikuar, fut veten se del mirë, feministja e madhe, sulmoi vetëm vajza brenda, nominoi vetëm vajza, më vjen keq Erjola sepse nuk ke support. TURP”.

Rikujtojmë që Sara Gjordeni, është përjashtuar prej formatit të “Big Brother Vip3”, pasi ajo pengoi me forcë Françeskën brenda tualetit dhe siç duket që atëherë Sara e ka “halë në sy” Françeskën.

The post Françeska hap “Kutinë e Pandorës”, reagon Sara Gjordeni: Turp… appeared first on Albeu.com.

Pronari dhe punonjësi i firmës, u qëlluan në ambientet e zyrave.

Sipas informacioneve, raportohet se Policia ka administruar të gjitha pamjet e kamerave të sigurisë, të cilat do të ndihmojnë në identifikimin edhe kapjen e autorëve.

Sipas policisë, autorët kanë qëlluar me automatik dhe në këtë skenar kanë qenë të përfshirë tre persona, dy kanë hyrë në ambientet e firmës dhe një i tretë i ka pritur në makinë.

Policia e Lezhës, më herët tha për mediat se objektivi ka qenë pronari i firmës, dhe pistat kryesore ku po hetohet janë konfliktet dhe mosmarrëveshjet që pa pasur 51-vjeçari në aktivitetin e tij.

Ardian Gjeloshi, ndodhet aktualisht në Spitalin e Traumës jashtë rrezikut për jetën.

Ai ka marrë dy plumba, një plagë në ije pranë legenit dhe një plagë në bërrylin e majtë, ku plumbat kanë hyrë dhe kanë dalë.

The post Vrasja në Kurbin/ Policia hap kamerat e sigurisë së firmës, për ҫfarë dyshohet appeared first on Albeu.com.

Përtej afateve të tejkaluara për këtë investim, ekspertët e vënë theksin tek rëndësia që do të ketë baza e parë ajrore e NATO-s në Shqipëri për sigurinë e gjithë rajonit.

Në Janar të 2022 NATO nisi rindërtimin e bazës ajrore të Kuçovës.

Ish baza e epokës komuniste, e ndërtuar me punë vullnetare në 1952 shtatë dekada, më pas do i shërbejë operacioneve të Aleancës Atlantike.

Vendimi i Aleancës së Atlantikut të Veriut, për të ndërtuar në Shqipëri bazën e parë ajrore u njoftua në verë të 2018-s.

Gjashtë vite më pas, kësaj baze, sipas NATO-s, i mungojnë vetëm disa detaje për t’iu prerë shiriti.

“Punimet pritet të përfundojnë në fund të muajit janar; infrastruktura e kompletuar do t’i transferohet Ministrisë së Mbrojtjes së Shqipërisë sapo të përfundojë dhe të pranohet certifikimi përfundimtar dhe vënia në punë. Kjo ka shumë të ngjarë të ndodhë shumë shpejt, brenda tremujorit të parë të 2024”, konfirmon një zyrtar i Aleancës Atlantike.

Projekti 3D i Bazës Ajrore të NATO-s në Kuçovë

Për Ministrinë e Mbrojtjes, hapja dhe inagurimi i bazës ajrore në Kuçovë, lidhet ngushtësisht me dy elementë.

“…me përfundimin e të gjithë investimit të NATO-s si dhe me realizimin e një sërë projektesh që janë pjesë e detyrimeve të palës shqiptare si pjesë integrale e këtij investimi”, sqaron ministria, pas një kërkese për të drejtë informimi.

Një zyrtar i NATO-s tha se baza ajrore do të ketë përdorime të shumta dhe avantazhe operacionale.

“Pas përfundimit, baza do të luajë një rol të rëndësishëm për të lehtësuar operacionet ajrore të NATO-s (si aktivitetet e policisë ajrore greke dhe italiane dhe mbështetja e misioneve të Forcave të Paralajmërimit të Hershëm dhe Kontrollit Ajror të NATO-s mbi territorin shqiptar)”, theksoi ai.

Ngritja e kësaj baze 15 vite pasi Shqipëria iu bashkua NATO-s, shkon përtej interesit të vetëm një shteti.

“Si një shtet anëtar i Aleancës më të madhe Politiko-Ushtarake, shteti shqiptar dhe FARSH me këtë investim që po realizohet, do t’i ofrojnë NATO-s një bazë ajrore me infrastrukturë dhe kapacitete moderne si dhe standarde bashkëkohore të cilat do të bëjnë të mundur dislokimin e mjeteve ajrore të Aleancës apo edhe mjeteve tona ajrore, në situata të ndryshme qoftë për operacione stërvitore apo edhe për detyra të tjera në interes të Aleancës”, argumenton Ministria e Mbrojtjes

Kolonel Dritan Demiraj, që më herët ka drejtuar Ministrinë e Mbrojtjes, thekson rëndësinë që ka ngritja e bazës për sigurinë e gjithë rajonit.

“Në gjykimin tim, rëndësia e kësaj baze është e madhe, për arsye se në shtesë të bazave ushtarake detare dhe ajrore amerikane në Greqi, kjo bazë mund të shërbejë si bazë e avancuar operacionale për mbështetjen e forcave të NATO-s me njësi të forcave speciale, për të cilën Shqipëria ka edhe SOTG-në e NATO-s për këto misione” – Kolonel Dritan Demiraj. Sipas tij, baza e Kuçovës mund të shërbejë gjithashtu edhe për furnizimin e mjeteve të ndryshme ajrore të NATO-s en-route në vende të tjera në afërsi të vendeve të konfliktit, organizimin e Task-Forcave Ajrore të njesive speciale (ASOTU), mjeteve ajrore të cilat mund të jenë në misione Kërkim-Shpëtimi por jo vetëm.

Një tjetër element i rëndësishëm sipas kolenelit, është fakti që ngritja e bazës forcon rolin e Shqipërisë në Aleancë, dhe për rrjedhojë edhe mbështetjen e saj politike ndërkombëtare.

Baza ajrore e Kuçovës, do të luajë një rol të rëndësishëm për të lehtësuar operacionet ajrore të Aleancës Atlantike.

Prapavijë

Investimi rreth 50 milionë euro i NATO-s në këtë bazë, parashikonte ndërtimin e depove të armatimit, ato të karburantit, stacionet e armatimit, vendparkimin e avionëve, stacionin kundër avarive dhe zjarreve, si dhe rindërtimin e pistës dhe kullës së kontrollit. Punimet duhet të mbylleshin vjeshtën e vitit të shkuar, por afatet u shkelën.

“Në javën e parë të janarit, do të jemi gati të bëjmë përurimin e bazës ajrore të Kuçovës”, deklaroi ministri i Mbrojtjes Niko Peleshi, teksa prezantonte buxhetin e mbrojtjes për 2024-n në Komisionin parlamentar të Sigurisë.

Edhe këtë fillim janari, baza ajrore e Kuçovës nuk ishte gati për inagurim, sikurse deklaroi ministri Niko Peleshi.

The post NATO hap bazën e parë ajrore rajonale në Shqipëri appeared first on Albeu.com.