Ata kanë treguar se u është premtuar se do merren masa dhe se shumë shpejt do të ketë një ndërhyrje për rregullimin e tyre, por deri më tani nuk kanë bërë asnjë rregullim.

Banorët ku ndër ta kishte dhe të moshuar, thanë se aromat që shkaktohen nga derdhja e këtyre ujërave, kanë cenuar dhe shëndetin e tyre. Për te mos folur edhe për temperaturat e larta.

Ata shprehen se janë të detyruar që të mbyllen në shtëpi vetëm nga ky problem, sidomos gjatë sezonit të verës ku sipas qytetarëve është kulmi i shpërthimit të tyre dhe aroma bëhet e padurueshme.

Përveç ankesave të njëpasnjëshme që ata kanë bërë pranë njësisë së tyre, ata gjithashtu i janë drejtuar këtij institucioni me kërkesë me shkrim dhe e kanë përcjellë nëpërmjet kryeplakut të zonës disa herë.

Gazetarët e emisionit Fiks Fare, u interesuan pranë Njësisë Administrative Sukth, ku takuan administratorin e kësaj njësie, Edlir Cerri.

Cerri shprehet se nuk ka marrë asnjë ankesë lidhur me këtë problem, por më pas ai pohon se kjo ankesë është deleguar tek ai nëpërmjet kryeplakut të këtij fshati. Por nuk është marrë parasysh, pasi kjo kërkesë duhet të bëhej me shkrim.

Por përgjegjësi i arkivës në prani të administratorit e kundërshton se këto ankesa, janë bërë madje edhe janë protokolluar. Madje u është thënë banorëve se në lidhje me zonën, duhet një projekt për kanalizimet e ujërave të zeza.

Më pas, Cerri ndryshon qëndrim duke pranuar se janë bërë disa ankesa nga banorët dhe se nga ana e njësisë që ai drejton janë bërë disa kërkesa. Madje ai shtoi që ky do jetë një projekt i ri për vitin 2024 dhe se po presin një përgjigje.

Fiksi gjithashtu, u interesua pranë Ujësjellës Kanalizime Durrës, ku sqaron se nuk ka fonde për të ndërtuar një rrjet kanalizimesh, pasi zona është informale.

Në përgjigjen e tyre, thanë se kanë konstatuar që ndërhyrjet e paligjshme të banorëve, kanë bllokuar kanalet kulluese.

UKD në përgjigje shpjegon se banorët duhet ta kishin zgjidhur me gropa septike. Përsa i përket UKD për këtë zonë, përgjigjet vetëm për furnizimin e ujit të pijshëm, duke i ‘larë duart’ nga përgjegjësia për trajtimin e ujërave të zeza.

Dhe pse këto ujëra të zeza rrezikojnë jetën e banorëve, askush nuk mendon për zgjidhjen e tyre, por të gjithë mbledhin supet.

The post Banorëve të Hamallajt në Durrës u derdhen ujërat e zeza pranë shtëpive, reagojnë institucionet: Zona informale, s’kemi fonde appeared first on Albeu.com.

Gardisti Martin Nikolli u përjashtua nga radhët e Gardës, ndërsa është arrestuar për kryerjen e veprave penale “Kanosja”, “Plagosja e rëndë me dashje” dhe “Prishja e qetësisë publike”. Përveç Martin Nikollit u arrestua edhe vëllai i tij Alfred Nikolli, 46 vjeç, me 3 akuza “Kanosje”, “Plagosje e rëndë me dashje” dhe “Prishje e qetësisë publike”.

Ditën e djeshme, Gjykata e Durrësit lëshoi urdhër-mbrojtjeje për Pjetër Kaçin dhe djemtë, pas konfliktit që ata patën të dielën me gardistin Martin Nikolli dhe familjen e tij në Hamallaj.

Familjet Nikolli dhe Kaçi kanë qenë në konflikt prej kohësh për shkak të një rruge.

Martin Nikolli, i cili ishte punonjës i Gardës së Republikës dhe pjesë e grupit të shoqërimit të kryeparlamentares Lindita Nikolla së bashku me vëllezërit e tij i kanë zënë pritë dhe kanë dhunuar 80-vjeçarin Pjetër Kaçi, kryefamiljar i familjes Kaçi cili po kalonte në rrugën e lagjes.

Sipas dëshmisë së një prej anëtarëve të familjes Kaçi, Paulin Kaçi, ata u dhunuan me shkop bejsbolli, teksa shtoi se Nikolli qëlloi me armë zjarri në ajër.

Menjëherë pas bërjes publike të lajmit, ish-gardisti Nikolli u shkarkua nga detyra me urdhër të Ministrit të Brendshëm, Taulant Balla./albeu.com/

The post Dhunuan familjen Kaçi në Hamallaj, shoferi i Lindita Nikollës dhe vëllai i tij lihen në burg appeared first on Albeu.com.

Të dielën e 30 Korrikut Martin Nikolli sëbashku me disa pjetarë të tjerë të fisit të tij, ushtruan dhunë barbare ndaj fisit Kaçi, madje efektivi i gadës përveç grushteve e shkopave, ka përdorur edhe armë zjarri, por fatmirësisht nuk qëlloi mbi njerëz.

Menjëherë pas kësaj ngjarjeje kryetarja e Kuvendit Lindita Nikolla dënoi veprimin e bërë nga efektivi i gardës, ndërsa u distancua nga rasti duke theksuar se Nikolli ishte shoferi rezervë i saj.

Gjithashtu pati dhe shumë lajme të tjera në media që të jepnin përshtypjen se Martin Nikolli përveç funksionit zyrtar në letër si shofer i Lindita Nikollës, nuk kishte punuar në asnjë moment pranë kryetares së Kuvendit.

Por mbrëmjen e së martës gazetari Igli Çelmeta, ka ngritur disa pikëpyetje mbi rastin, ku sipas tij shumë të vërteta të frikshme iu fshehën publikut.

Një nga pikëpyetjet e Çelmetës që tërheq më shumë vëmendje është se efektivi i gardës atë ditë ka patur me vete jo vetëm armën e shërbimit pistoletë, por dhe një tjetër armë më të fuqishme, e cila nëse do të përdorej ngjarja do të ishte tragjike.

Por gazetari Çelmeti gjithashtu lë të kuptosh se për konfliktin mes dy familjeve ka qenë më herët në dijeni edhe drejtues të lartë të policisë si dhe të gardës.

Postimi i Çelmetës:

Të pathënat e dhunës në Hamallaj. Si iu fshehën publikut disa të vërteta të frikshme!

Ngjarja u harrua shpejt, por disa pyetje kërkojnë përgjigje.

-Efektivi i Gardës, ishte vërtetë shofer rezervë  i kryetares së Kuvendit, Lindita Nikolla? Apo ishte një mashtrim për t’i hedhur hi syve të popullit.

-A ka punuar efektivi i Gardës si truprojë i Lindita Nikollës nga viti 2013 deri në 2017? Deri ditën që u shkarkua nga detyra pas ngjarjes së rëndë, a ka qenë shoqërues i parë i Lindita Nikollës dhe shofer familjar i kryeparlamentares duke përdorur tri makinat e saj zyrtare?

-Madje ditën e dhunës, në vendngjarje a ka qenë efektivi i Gardës me makinën e kryetares së Kuvendit Mercedes Benz S560?

– A ishte me leje vjetore efektivi i Gardës dhe se armën e shërbimit duhet ta kishte dorëzuar dhe sipas ligjit e rimerr sapo përfundon lejen?

-Ditën e ngjarjes, a është gjetur edhe një tjetër armë, automatik MP5? A është pasqyruar si provë për ngjarjen nga grupi hetimor?

– Për konfliktin e familjes Kaçi me atë Nikolla, a kanë pasur dijeni kohë më parë policia dhe Garda apo edhe drejtues madhorë të policisë?

The post “Të pathënat e dhunës në Hamallaj”, gazetari: Si iu fshehën publikut disa të vërteta të frikshme! appeared first on Albeu.com.

Po ashtu thuhet se gardisti, i cili u shkarkua pas ngjarjes, ka qëlluar edhe me armën e shërbimit në ajër.

Njoftimi i policisë:

Në vijim të veprimeve që po kryhen në lidhje me konfliktin e ndodhur paraditen e sotme, në Hamallaj, Durrës, specialistët për Hetimin e Krimeve të Stacionit të Policisë Manzë arrestuan në flagrancë shtetasin A. N., 46 vjeç, banues në Tiranë.

Po në vijim të veprimeve, nga AMP Durrës, në bashkëpunim me specialistët për Hetimin e Krimeve të Stacionit të Policisë Manzë, u arrestua në flagrancë shtetasi M. N., 50 vjeç, banues në Tiranë (gardist).

Arrestimi i tyre u bë pasi ditën e sotme, në Hamallaj, janë konfliktuar për motive pronësie, duke përdorur mjete të forta, me shtetasit P. K., K. K. dhe S. K. (anëtarë të një familjeje).

Gjatë konfliktit shtetasi M. N. ka qëlluar në ajër, me armën e shërbimit.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme për veprat penale “Kanosja”, “Plagosja e rëndë me dashje” dhe “Prishja e qetësisë publike”.

The post Dhuna në Hamallaj, arrestohet edhe vëllai i gardistit appeared first on Albeu.com.

Kryetarja e Kuvendit Lindita Nikolla, ka reaguar  pas ngjarjes së shëmtuar të ndodhur ditën e sotme në Hamallaj të Durrësit, ku anëtarë të familjes Nikolli kaë ushtruar dhunë ndaj disa anëtarëve të familjes Kaçi.

Ishin këta të fundit të cilët denoncuan në media se një prej dhunuesve Martin Nikolli, është shoqëruesi i Lindita Nikollës.

Në reagimin e saj kryetarja e Kuvendit ka dënuar ashpër dhunuesit, ndërsa ka përshëndetur Policinë e Shtetit për ndalimin e dhunuesve.

Reagimi i Nikollës:

Kryetarja e Kuvendit, znj. Lindita Nikolla, reagon për ngjarjen e ndodhur sot në Hamallaj.

“Ngjarja e ndodhur sot në Hamallaj, ku është përfshirë efektivi i Gardës  së Republikës (që nga viti 2006) Martin  Nikolli është e dënueshme.

Dëshiroj të përshëndes Policinë e Shtetit për ndalimin e menjëhershëm të personit në fjalë dhe të inkurajoj organet e drejtësisë për zbardhjen sa më të shpejtë të ngjarjes dhe dënimin e kujtdo që ka gisht në këtë rast flagrant, pavarësisht pozicionit ku ka shërbyer deri më sot.

Në të njëjtën kohë, solidarizohem plotësisht me familjen Kaçi dhe i siguroj se institucionet e Republikës janë të angazhuara dhe në krye të detyrës për t’i ofruar të gjithë mbrojtjen që parashikon ligji.”

The post Shoqëruesi i saj u përfshi në dhunën barbare ndaj një familjeje në Hamallaj, reagon Lindita Nikolla appeared first on Albeu.com.