Haley Archives - Albeu.com

Hailey rikthehet në Met Gala 2025 pas dramës së vitit 2021, e vetme pa Justin Bieber

D Marku — Tue, 06 May 2025 15:56:27 +0000

Hailey Bieber u shfaq e vetmuar dhe me një qëndrim të përmbajtur në Met Gala 2025, duke munguar krahas bashkëshortit të saj Justin Bieber, katër vjet pas incidentit në të cilin fansat e Selena Gomez e ngacmuan publikisht.

Modelja 28-vjeçare bëri rikthimin e saj në tapetin e kuq pas një mungese trevjeçare, e veshur me një fustan xhakete të shkurtë nga Saint Laurent, të kombinuar me taka me platformë dhe bizhuteri të shkëlqyera.

Justin nuk ishte i pranishëm dhe publikoi në rrjete sociale një video ku shijonte një ndeshje hokeji nga shtëpia në Los Angeles, shkruan DailyMail.

Mungesa e tij dhe heshtja e Hailey-t kanë nxitur spekulime rreth tensioneve të vazhdueshme që vijnë që nga Met Gala 2021, kur çifti u përball me brohoritje fyese nga fansat e Selena Gomez.

Në atë kohë, Hailey u përfol se ishte ndier aq keq sa mbante syze dielli gjithë natën për të fshehur emocionet.

Në një intervistë për podkastin “Call Her Daddy”, ajo mohoi të ketë qarë, por pranoi se brohoritjet e kishin shqetësuar dhe i cilësoi si mungesë respekti.

Ajo shtoi se mundohet të qëndrojë e qetë dhe e fokusuar me mantrën: “Një ditë tjetër, një tjetër sfidë për të kapërcyer”.

The post Hailey rikthehet në Met Gala 2025 pas dramës së vitit 2021, e vetme pa Justin Bieber appeared first on Albeu.com.

Nikki Haley mposht Donald Trump në Uashington

V K — Mon, 04 Mar 2024 07:38:42 +0000

Nikki Haley, ka mposhtur Donald Trumpin në zgjedhjet paraprake republikane në Uashington DC. Kjo është fitorja e saj e parë, ndaj ish-presidentit në fushatën e vitit 2024, për t’u bërë kandidate presidenciale republikane.

Ajo humbi në Karolinën e Jugut, shtetin e saj të lindjes. Por Haley është gruaja e parë që fiton një zgjedhje paraprake republikane në historinë e SHBA.

Trump megjithatë, ka një epërsi të madhe ndaj Haley dhe ka të ngjarë të përballet me Joe Biden në zgjedhjet e nëntorit.

Partneri amerikan i BBC-së, CBS, raportoi se Haley do të presë të 19 delegatët republikanë që ishin në pritje në Uashington DC, duke i dhënë asaj 43 delegatë në mbarë vendin, shumë më pak se 247 të Trump.

Haley, një ish-ambasadore e SHBA-së në OKB, fitoi 62.9% të votave, ndërsa Trump 33.2%.

Kjo shihet si një fitore kryesisht simbolike, pasi kryeqyteti është një juridiksion shumë i prirur nga demokratët, me vetëm rreth 23,000 republikanë të regjistruar në qytet.

Zyrtarët e partisë lokale thanë se 2,035 republikanë morën pjesë në zgjedhjet paraprake.

The post Nikki Haley mposht Donald Trump në Uashington appeared first on Albeu.com.

Trump dhe Haley përballen kokë më kokë në New Hampshire

V K — Tue, 23 Jan 2024 09:45:08 +0000

Votuesit në Nju Hempshir, do të votojnë për rrethin e parë të zgjedhjeve në Shtetet e Bashkuara, teksa ish-presidenti amerikan, Donald Trump, përballet me kundërshtaren e tij republikane Nikki Haley.

Ish-presidenti Trump, shpreson që të mposhtë ish-guvernatoren e Karolinës së Jugut, dhe ish-ambasadoren e SHBA-së në Kombet e Bashkuara.

Haley, në anën tjetër, ka shpresë që votuesit e pavarur do t’i ndihmojnë për të fituar garën.

Kjo është gara e dytë që zhvillohet në mesin e republikanëve, pas fitores së Trumpit në Ajova, javën e kaluar.

Kushdo që fiton nominimin do të përballet më pas me një demokrat – ka mundësi të jetë presidenti aktual, Joe Biden – në zgjedhjet e përgjithshme të nëntorit.

Edhe demokratët do të votojnë të martën në rrethin e parë të zgjedhjeve në Nju Hempshir, mirëpo për shkak të mospajtimeve mes zyrtarëve partiakë lokalë dhe atyre në nivel kombëtar, Biden është presidenti i parë në detyrë, emri i të cilit nuk është në fletën e votimit.

Gara për nominimin e republikanëve është ngushtuar në dy të dielën, pasi guvernatori i Floridas, Ron DeSantis, i ka dhënë fund fushatës dhe i është bashkuar kampit të Trumpit.

The post Trump dhe Haley përballen kokë më kokë në New Hampshire appeared first on Albeu.com.