Botërori 2026 po sjell shifrën më të lartë të regjistruar ndonjëherë të lojtarëve që luajnë për një kombëtare tjetër nga vendi i tyre i lindjes.

Të dhënat zyrtare të FIFA-s tregojnë se afërsisht 23% e futbollistëve në këtë turne kanë lindur jashtë shtetit që përfaqësojnë.

Studimet e Universitetit të Oksfordit tregojnë se kjo përqindje ka lëvizur mes 2% dhe 14% për shumë dekada. Në Botërorin 2022 ajo shkoi në 16.5%, ndërsa në vitin 2026 ka kaluar mbi 23%, konkretisht 289 lojtarë nga 1.248 në total.

Profesori holandez Gijsbert Oonk, njohës i migrimit dhe identitetit, e konsideron këtë zhvillim si një reflektim të qartë të realitetit bashkëkohor.

“Pothuajse 4% e popullsisë së botës jeton në një shtet ku nuk ka lindur. Kjo përqindje është edhe më e lartë tek profesionistët e kualifikuar dhe sportistët elitarë. Futbolli thjesht pasqyron këto lëvizje migratore”, shpjegon ai.

Nga 48 përfaqësueset pjesëmarrëse në Botërorin 2026, vetëm tetë nuk kanë në skuadër asnjë futbollist të lindur jashtë vendit të tyre.

Një nga shembujt më ekstremë është debutuesja Curaçao, ku vetëm një nga 26 lojtarët ka lindur në ishullin karaibik, ndërsa shumica dërrmuese e ekipit ka lindur në Holandë.

Në krahun tjetër, Katari përfshin futbollistë me origjinë nga 10 vende të ndryshme, mes tyre shtete nga Afrika, Evropa dhe Amerika e Jugut.

Mes rasteve më të njohura në këtë Botëror është Michael Olise. Sulmuesi, i lindur dhe rritur në Londër, vendosi të luajë për Francën, vendin nga vjen nëna e tij.

Një histori e ngjashme vjen edhe nga Shtetet e Bashkuara. Antonee Robinson ka lindur në Angli, por mban fanellën e SHBA-së falë origjinës së babait të tij.

Një prej episodeve më të spikatura të këtij edicioni është ai i Ibrahim Mbaye. Sulmuesi i lindur në Francë realizoi për Senegalin në humbjen 3-1 përballë Francës, duke u kthyer në një tjetër simbol të futbollistëve që zgjedhin prejardhjen familjare përpara vendit ku kanë lindur.

Ky rast sjell ndër mend edhe ngjarjen e vitit 2022, kur Breel Embolo, sulmuesi i Zvicrës i lindur në Kamerun, u bë lojtari i parë në historinë e Kupës së Botës që shënonte ndaj vendit të tij të lindjes. Në vend që të festonte, ai ngriti duart si shenjë respekti për origjinën e tij.

Botërori 2026 ka prodhuar edhe histori të rralla brenda familjeve, pasi katër çifte vëllezërish po përfaqësojnë kombëtare të ndryshme.

Desire Doue luan për Francën, ndërsa Guela Doue për Bregun e Fildishtë.

Nico Williams përfaqëson Spanjën, kurse Inaki Williams Ganën.

Harry Souttar është pjesë e Australisë, ndërsa John Souttar i Skocisë.

Derrick Luckassen luan për Ganën, ndërsa Brian Brobbey për Holandën.

Para vitit 2026, një rast i tillë ishte parë vetëm me vëllezërit Boateng, Jerome dhe Kevin-Prince, që përfaqësuan Gjermaninë dhe Ganën në Botërorët 2010 dhe 2014, madje u përballën me njëri-tjetrin në të dyja turnetë.

Kur FIFA u krijua në vitin 1904, nuk kishte rregulla të mirëpërcaktuara për përfaqësimin kombëtar dhe futbollistët mund të luanin për cilindo shtet që dëshironin.

Shembulli më i njohur mbetet Luis Monti. Argjentinasi luajti finalen e Botërorit 1930 me Argjentinën dhe katër vjet më pas fitoi trofeun me Italinë. Ai mbetet ende futbollisti i vetëm që ka luajtur në finale të Kupës së Botës me dy kombëtare të ndryshme.

Në vitin 1962, FIFA vendosi kriteret e para të qarta mbi shtetësinë, ndërsa në vitin 2004 lejoi ndërrimin e kombëtares për lojtarët që kishin luajtur vetëm me ekipet e moshave.

Sot, një futbollist mund të luajë për një shtet nëse ka prind ose gjysh të lindur aty, ose nëse ka jetuar të paktën pesë vite në atë vend.

Këto ndryshime rregullash kanë ndihmuar veçanërisht vendet me diasporë të madhe, si Maroku.

Gjatë viteve 2010, Federata Marokene ngriti një rrjet vëzhguesish në Francë, Holandë dhe Belgjikë për të gjetur talente me origjinë marokene.

Kjo qasje luajti rol kyç në ecurinë historike të Marokut në Botërorin 2022, kur u bë kombëtarja e parë afrikane që siguroi një vend në gjysmëfinale.

Në çerekfinalen me Spanjën, dy nga tre lojtarët që shënuan penalltitë ishin të lindur jashtë Marokut: Hakim Ziyech në Holandë dhe Achraf Hakimi në Spanjë.

Sipas studiueses Myriam Cherti, ky është shembulli ideal i një shteti që e ka përfshirë diasporën si pjesë thelbësore të projektit të tij futbollistik.

Zgjedhja e një kombëtareje nuk përcaktohet vetëm nga karriera sportive, por shpesh ndikohet edhe nga lidhjet emocionale, familjare dhe kulturore.

Ibrahim Mbaye, i cili kishte përfaqësuar Francën në të gjitha grupmoshat, vendosi në moshën 17-vjeçare të luante për Senegalin.

“Nuk do të pendohem kurrë për zgjedhjen e Senegalit, sepse ishte një vendim i zemrës”, deklaroi ai.

Edhe më parë ka pasur raste të ngjashme. Pepe, legjenda e Portugalisë, refuzoi një ftesë nga Brazili dhe zgjodhi Portugalinë, vendin ku u formua si futbollist profesionist.

Megjithatë, ajo që njihet si “zgjedhja e flamurit” vazhdon të mbetet objekt debati.

Ish-presidenti i FIFA-s, Sepp Blatter, kishte paralajmëruar vite më parë se natyralizimet në masë mund të ndryshonin identitetin e kombëtareve.

Edhe mes tifozëve mendimet janë të ndara. Një pjesë mendojnë se ekipet kombëtare e humbasin lidhjen me popullin kur mbështeten shumë te lojtarët e lindur jashtë vendit, ndërsa të tjerë argumentojnë se futbollistët duhet të kenë të drejtën të përfaqësojnë vendin me të cilin ndihen më të lidhur.

Një gjë mbetet e qartë: Botërori 2026 po tregon se futbolli modern është gjithnjë e më shumë një pasqyrë e migrimit, globalizimit dhe identiteteve të shumëfishta që karakterizojnë botën e sotme.

The post Pse Botërori 2026 ka numrin më të madh ndonjëherë të lojtarëve që përfaqësojnë një shtet tjetër nga ai ku kanë lindur appeared first on Albeu.com.

Tekinku i Barçës, Xavi është mëse i qartë me kërkesat e tij dhe si zëvendues të “tulipanit” Depay kërkon marokenin që shkëlqeu në Kupën e Botës, “Katar 2022”, Hakim Ziyech, me këtë të fundit, i cili po kalon një periudhë pa shumë minuta te “blutë” e Londrës.

Barcelona ishte e interesuar për mesfushorin maroken dritaren e dimrit të kaluar, por më pas klubi bëri një zgjedhje tjetër duke nënshkruar këtshu me dyshen nga Premier League, Ferran Torres nga Manchester City dhe Adama Traore nga Ëolverhampton.

Chelsea është gati të shqyrtojë ofertën e “katalanasve” për Ziyech, ku ndër opsionet janë shitja e lojtarit dhe shkëmbimi me mesfushorin Franck Kessie. Lojtari nga Bregu i Fildishtë, nuk dëshiron një largim nga Barcelona, ​​por opsioni i kalimit te Chelsea mund t’i interesojë atij, pasi minutat te Barça kanë qenë me “pikatore” për ish-yllin e Milan. /albeu.com

The post Largimi i Depay lë hapësira te Barça, “katalanasit” mendojnë për marokenin e Chelsea appeared first on Albeu.com.

Të dy yjet e “Bluve” pëlqehen prej kohësh nga Maldini e Massara dhe transferimi i tyre do të tentohet në janar ose në verë.

Në krahun tjetër, përpos sulmit, është diskutuar edhe për mesfushën ku një nga lojtarët me predispozicionin më të lartë për t’u larguar është Ismail Bennacer.

Për algjerian ka shfaqur interes Liverpooli, por interes ka edhe nga La Liga./albeu.com

The post Te Milani takohen për Armando Brojën dhe Hakim Ziyech, por “kuqezinjtë” mund të humbasin një titullar appeared first on Albeu.com.

Për këtë arsye, drejtuesit e Manchestesterit e shohin atë si një anësorin si një mundësi të dyfishtë. E para se kalimi i tij te Ajax i hapte derën Antony të zbarkonte në Old Trafford dhe e dyta në rast refuzimi të Ajax, Ziyech mund të jetë zëvendësuesi i brazilianit te United.

Një gjë të tillë e konfirmon edhe gazetari i njohur i merkatos, Frabrizio Romano./albeu.com

The post Ziyech, “çelësi” i United appeared first on Albeu.com.

Siç raportohet nga The Sun , United është në kërkim të një anësori dhe duket se ka gjetur alternativën për Antony te lojtari maroken i Chelseat.

Ziyech më parë ishte pranë Milanit, por operacioni u zbeh me kalimin e kohës, e lojtari duket se do të ndryshojë destinacion, por do të mbetet në Angli./albeu.com

The post Manchester United po shqyrton mundësinë e transferimit të Ziyech appeared first on Albeu.com.

Milani prej disa ditësh ishte në bisedime të avancuara për Charles De Kateleare, por marrëveshja për të po zvarritet më shumë sesa pritej.

“Gazzetta dello Sport” shkruan së fundmi se Ziyech është i hapur për një largim nga Chelsea dhe mbetet një alternativë për “kuqezinjtë”.

Duket se tani Milani ka mundësinë që jo vetëm ta huazojë marokenin, por edhe ta blejë përgjithmonë kartonin e tij.

Anësori mund të lihet i lirë nga “Blutë e Londrës” për vetëm 10 milion euro./albeu.com

The post Ziyech mund vishet “kuqezi” për vetëm 10 milion euro appeared first on Albeu.com.

Sipas mediave londineze, Milan po vazhdon bisedimet dhe tashmë ka gati një formulë për transferimin e Ziyech.

Lëvizja mund të kompletohet për 5 milionë euro si huazim, me opsionin e blerjes për 20 milionë euro.

Të dyja klubet janë pozitive dhe shohin mundësi të mira për arritjen e marrëveshjes.

Ziyech pëlqehet shumë edhe nga trajneri i Milan, Stefano Pioli./albeu.com

The post Vazhdojnë negociatat, Ziyech shumë pranë kalimit në Milano appeared first on Albeu.com.

Anësori i klubit anglez nuk ka gjetur shumë hapësira dhe po mendon largimin. Milan është gjendur aty duke e vëzhguar me kujdes si mundësi.

Fabrizio Romano, gazetari italian, ka bërë me dija se ka patur një komunikim mes agjentëve të lojtarit dhe drejtuesve të Milanit. Pala e sulmuesit anësor ka deklaruar se Ziyech do të ishte i lumtur për një kalim te Milani.

Nga ana tjetër thuhet se Chelsea dhe Tuchel kanë aprovuar gjithçka,  ku kanë bërë me dije se janë të gatshëm të ulen të bisedojnë nëse shifrat janë të kënaqëshme./ h.ll/albeu.com

The post Ziyech aprovon kalimin te Milani, Chelsea është i hapur për bisedime appeared first on Albeu.com.

 “Telegraph” tregon përgjigjen e Chelsea ndaj dëshirës së sulmuesit maroken për të luajtur dhe kërkuesve të tij. Chelsea i ka dhënë dritën jeshile marokenit për t’u larguar por i bënë me dije klubeve të tjera se ai do të largohet vetëm me transferim të plotë dhe jo në formë huazimi apo me të drejtë blerje në fund të sezonit.

Barcelona dhe Dortumund tashmë e kanë të qartë se kartoni i anësorit është vetëm në shitje dhe jo me ndonjë formulë tjetër.

Ziyech u transferua në Stamford Bridge në vitin 2020 për rreth 40 milionë euro plus bonuse./h.ll/albeu.com

The post Chelsea aprovon se Ziyech është në shitje appeared first on Albeu.com.

Por mesfushori ofensivë maroken nuk ka arritur pritshmëritë në Stamford Bridges dhe mund të largohet para fundit të kontratës e cila është në vitin 2025.

Trajneri gjerman i Chelseat, Thomas Tuchel nuk është aspak i kënaqur me paraqitjet e marokenit dhe i ka bërë të qartë klubit se nuk llogarit në shërbimet e tij.

Ziyech këtë edicion ka shënuar vetëm një gol në Superkupën e Evropës, teksa në pesë sfida të tjera nuk ka shënuar ose asistuar.

Mediat në Angli kanë raportuar se londinezët janë duke pritur ofertën e duhur për ta shitur marokenin qysh në afatin kalimtar të janarit.

28-vjeçari mund ta vazhdoj karrierën në Itali, ku Milan dhe Napoli mbetën dy skuadrat e interesuara për të.

Megjithatë Chelsea nuk do ta lejoj largimin e tij pa u paguar shuma prej 40 milionë eurove.

Reprezentuesi i Marokut deri më tani ka zhvilluar 45 ndeshje me Chelsean në të gjitha garat nga vera e vitit 2020, ku ka shënuar shtatë gola e ka bërë katër asistime.

The post Chelsea në pritje të një oferte të duhur për Ziyech appeared first on Albeu.com.