Duke marrë shkas nga konflikti mes Iranit dhe Izraelit, që nisi të premten e kaluar, “Homeland Justice” ka publikuar një mesazh kërcënues që lidhet me rolin e Shqipërisë në strehimin e anëtarëve të organizatës së Muxhahedinëve, të vendosur në kampin e Manzës.

Në deklaratën e shpërndarë përmes platformës Telegram, grupi thekson se “iranianët kanë të drejtën e tyre për të sulmuar kampin e Manzës me raketa”.

Ky kërcënim u shoqërua dhe me një sulm kibernetik ndaj faqes së Bashkisë Tiranë.

Kjo nuk është hera e parë që Homeland Justice lëshon mesazhe të tilla në adresë të Shqipërisë, apo që ndërmerr sulme kibernetike ndaj institucioneve shtetërore shqiptare. Më herët, ky grup ka ndërhyrë në sisteme të tjera shtetërore, duke publikuar edhe të dhëna personale të qytetarëve shqiptarë.

Në mesazhin e fundit, Homeland Justice shkruan:

“Po endesh afër Vdekjes.
Mbi 3000 terroristë u vendosën në Shqipëri.
Toka shqiptare ishte e detyruar të strehonte këta egërsira.
Është mjaft e kuptueshme për shqiptarët mikpritës.
Shpresojmë që iranianët (të cilët tani kanë të drejtën ligjore për të lëshuar raketat e tyre mbinatyrore në kampin e Manzës) ta kuptojnë këtë.
Homeland Justice.”

The post Hakerat iranianë kërcënojnë Shqipërinë: Irani ka të drejtë të godasë me raketa në Manzë appeared first on Albeu.com.

“Llogaria jonë ka qené subjekt i një sulmi kibernetik, duke shkaktuar postime të paautorizuara. Po punojmë per te rikthyer siguriné dhe për të fshirë çdo permbajtje te papërshtatshme. Ju keshillojmë te mos ndërveproni me postimet e dyshimta dhe té raportoni çdo aktivitet te pazakonté. Faleminderit për mirëkuptimin”,– thuhet në lajmërimin e bërë në faqen zyrtare të Radio Televizionit Shqiptar në rrjetin social Facebook.

Mediat e Kosovës pretendojnë se uebsajti është sulmuar nga hakera serbë, të cilët pasi e kanë përvetësuar kanë filluar të postojnë lajme dhe tituj të rremë.

“Shqipëria tërheq njohjen e Kosovës”, “Kosova është Serbi”, ishin vetëm disa nga titujt që u vendosen në faqen zyrtare të RTSH-se.

The post Sulmohet uebsajti i RTSH, mediat e Kosovës: E bënë hakerat serbë, postuan tituj ‘Kosova është Serbi’ appeared first on Albeu.com.

Sulmet kanë goditur një sërë institucionesh shtetërore dhe organizatash, përfshirë faqen zyrtare të Kryeministrit, ministritë, Aeroportin e Prishtinës dhe platforma të tjera të rëndësishme publike.

Kështu ka bërë të ditur studiuesi i sigurisë kibernetike Halil Berisha në një postim në Facebook. Berisha thekson se këto sulme lidhen direkt me qëndrimin politik të Kosovës ndaj luftës në Ukrainë.

“Arsye për këtë është përkrahja ushtarake që ia bën Kosova Ukrainës”, tha Berisha.

Sipas tij, natyra e sulmit është e qartë dhe e identifikueshme. “Sipas të gjitha shenjave, sulmi është DDoS dhe të dhënat janë të sigurta.”

Ai sqaron se një sulm i tillë çon vizita në numër aq të madh njëkohësisht sa që ëebfaqet nuk mund t’i përballojnë.

Pavarësisht këtij presioni të madh, institucionet e Kosovës kanë reaguar shpejt dhe me efikasitet.

“Institucionet e Kosovës kanë reaguar në mënyrë shumë të shpejtë dhe kanë mbrojtur infrastrukturën ndaj këtyre sulmeve ruse,” nënvizon Berisha, duke shtuar se “ky reagim dëshmon që Kosova ka kapacitete njerëzore që duhet të merren seriozisht në këtë punë.”

Megjithatë, ai thekson se ende ka hapësirë për përmirësim, veçanërisht në parandalimin e sulmeve të ardhshme.

“Reagimi ka qenë i shpejtë për t’u mbrojtur, mirëpo në aspektin e parandalimit të këtyre sulmeve nevojitet punë edhe më e madhe”, ka shkruar Berisha.

Sipas tij, rreziku nuk ka kaluar ende, pasi grupe të tjera janë duke u organizuar për të nisur një valë të re sulmesh.

“Këto grupe ruse janë duke u përgatitur për një valë të re sulmesh, ku mund të përfshihen edhe kompanitë, kështu që për mbrojtje duhet të fillohen përgatitjet nga secili institucion, agjenci, kompani e organizatë,” paralajmëron ai.

Ndryshe, Qendra Kosovare për Studime të Sigurisë (QKSS) ka njoftuar më 09.04.2025 se faqja e saj në internet është nxjerrë jashtë funksionit si masë sigurie për shkak të sulmeve kibernetike që dyshohet se po ndodhin nga grupe hakerësh të lidhura me rrjetet ruse dhe ato serbe.

QKSS bën të ditur se përkundër këtyre tentativave faqja e saj mbetet e paprekur edhe pse momentalisht është jashtë funksioni për shkaqe sigurie.

The post Institucionet e Kosovës në shënjestër të hakerëve, paralajmërohet valë e re e sulmeve kibernetike nga Rusia appeared first on Albeu.com.

Sulmet dyshohet se janë kryer kundër uebfaqeve të organizatave publike dhe private, në sektorë qeveritarë, në infrastrukturë kritike dhe shërbime thelbësore në shtetet që mbështesin Ukrainën, teksa e lufton pushtimin rus, sipas njoftimit. Policia e ka publikuar një video në rrjetin social X – platformë e njohur më parë si Twitter – duke kryer bastisje në shtëpinë e njërit prej të dyshuarve, ku janë parë elemente sovjetike të ngjitura në mure.
“Këto sulme kompjuterike janë organizuar nga grup i hakerëve NoName057(16), i cili ka nisur punën pas nisjes së pushtimit rus në Ukrainë dhe është më aktivi”, ka thënë policia.
“Në manifestin e tyre të themelimit, grupi e pranon që do të përgjigjet në përputhje me veprimet armiqësore anti-ruse të rusofobëve perëndimorë”. Arrestimet janë kryer nëpër rajone të ndryshme të Spanjës.

The post Spanja arreston tre hakerë prorusë të lidhur me sulme kibernetike appeared first on Albeu.com.

Pas sulmit, i cili e ka gjetur të ambrojtur kompaninë celulare dhe ka futur në kolaps të gjitha sistemet e saj, punonjësit janë njoftuar që të ktheheshin në shtëpi.

Punonjësit të cilët  u janë drejtuar këtë mëngjes dyqaneve të shërbimit ndaj klientëve,  janë njoftuar përmes një e-maili që të ktheheshin në shtëpi sepse sistemi i rimbushjeve, pagesave apo dhe rinovimi i kontratave nuk ka qenë funksional.

“Po përmirësojmë sistemet”, ka qenë mesazhi për stafin.

Hakerat pretendojnë se kanë marrë në dorë të dhënat e shqiptarëve që janë klientë pranë kësaj kompanie.

Nga një vëzhgim i thjeshtë faqja e ëebit e kompanisë “One” është down, ashtu dhe aplikacioni “My One” në celular nuk punon.

Grupi i hakerave njoftoi në rrjetin “Telegram” se ka marrë në dorë dhe ka asgjësuar të dhëna deri në 2 petabajt (2 petabytes). Për njohësit e teknologjisë, kjo është ndër njësitë më të mëdha të matjes së të dhënave kompjuterike. Ose ndryshe, të dhëna sa 500 miliardë fletë formati standarde të printuara.

“Misioni ka filluar (DDMC). Albanian Mobile Communications (AMC) u hakerua nga Homeland Justice. Injorimi i “paralajmërimeve tona humanitare” u kushtoi gjithë këtë politikanëve tuaj të korruptuar. Por mos u mashtroni. Kjo do të vazhdojë derisa ta pastrojmë plotësisht vendin tonë nga terroristët.

Në këtë operacion, të marra së bashku, u fshinë më shumë se 2 petabajt të të dhënave të rrjetit të telekomunikacionit dhe rrjetit të brendshëm të të gjitha kompanive të lidhura, dhe të dhënat e rëndësishme do të publikohen së shpejti! Ne kemi dashur vetëm të përcjellim një mesazh”, thuhet në njoftim./albeu.com 

The post Pas sulmit kibernetik, sistemet e “One Albania” në kolaps, kompania kthen punonjësit në shtëpi appeared first on Albeu.com.

Grupi Kiber Sprotyv njoftoi se kishin në shënjestër llogarinë AliExpress të Mihailo Luchin, një mik i blogerit ushtarak pro-rus Vladlen Tatarsky, i cili u vra në një shpërthim në një kafene në Shën Petersburg të dielën.

Luchin po mblidhte para për të blerë dronë që do të përdoreshin nga trupat ruse në Ukrainë

“Ai është një kriminel lufte, vullnetar, bloger dhe tani një pronar dildosh”, thanë hakerët në një deklaratë, duke postuar një pamje të tyre duke përdorur llogarinë AliExpress të Luchin.

Ukrainasit pretendojnë se kanë blerë lodra seksuale me vlerë 25 mijë dollarë përmes llogarisë së Luchin.

Ata shtuan se Luchin tani zotëron një koleksion “unik” të “penisëve” me vlerë 25 mijë dollarë, para që ai “planifikonte t’i shpenzonte në drone për ushtrinë ruse”.

“Tani, në vend të dronëve, do të duhet të dërgojnë kamionë plot me vibratorë dhe gjëra të tjera shumë të vlefshme për popullin rus”, thuhet në deklaratë.

Luchin konfirmoi se llogaria e tij e postës elektronike dhe AliExpress ishin hakuar nga ukrainasit, por pretendoi se ishte në gjendje të kthente shumicën e parave të shpenzuara, përveç 17,000 rubla (195 euro) për lodra seksuale që ishin dorëzuar tashmë. Rusi tha gjithashtu se ishte i trishtuar sepse nuk kishte mjaft raketa për të shënjestruar hakerat.

Si përgjigje, grupi Kiber Sprotyv më vonë postoi se Luchin po gënjen për kthimin e parave. Më vonë, Luchin shkroi një tjetër postim në Telegram në të cilin tha se do të hapte një dyqan me lodra seksi në Rusi, dhe do të blinte edhe më shumë dronw sesa ishte planifikuar fillimisht. /Telegrafi

The post Veprim mjeshtëror i hakerëve ukrainas, rusët morën lodra seksi në vend të dronëve appeared first on Albeu.com.

Ekspertët e Trend Micro analizuan metodat dhe taktikat e sulmeve ransomware të përdorura nga bandat kibernetike dhe konstatuan se gjatë vitit të kaluar, bizneset që zgjodhën të paguajnë dëmshpërblimet e kërkuara pas sulmit, siguruan në këtë mënyrë fonde të rëndësishme për autorët e kërcënimeve, gjë e cila u jep mundësinë këtyre personave të vazhdojnë sulmet tyre në organizata të tjera.

Sipas studimit, edhe pse organizatat që vendosin të paguajnë dëmshpërblimin e kërkuar zënë vetëm 10% të viktimave në tërësi, impakti ndihet gjerësisht edhe nga organizata të tjera.

Raporti tregon se ky është një vendim etik që organizatat marrin kur duhet te vendosin nëse duhet të paguajnë dëmshpërblimin e kërkuar apo jo. Duke paguar, viktima e këtij sulmi arrin të financojë drejtpërdrejt grupin sulmues dhe u mundëson atyre të shkaktojnë dëme të ngjashme në organizata të tjera.

“Ai që paguan, do të paguajë më shumë ose përsëri”

Një tjetër zbulim i këtij studimi është se organizatat që i përgjigjen sulmuesëve përfundojnë duke paguar shuma më të larta se kërkesa fillestare. Arsyeja e kësaj ndodhie ka të bëjë me refuzimin e nogociatave. Kjo lëvizje i mundëson grupeve të krimit kibernetik rritjen e kërkesave të tyre, në mënyrë që të kenë përfitime më të larta. Në raport thuhet se organizatat që paguajnë dëmshpërblimin, të cilat në këtë rast janë kompani të mëdha, tregojnë një dëshirë për të paguar, ndërsa aktorët e kërcënimeve ransomware tregojnë një dëshirë për t’u pajtuar.

Sipas hulumtuesëve të Treand Micro, në këtë mënyrë krijohet një situatë në të cilën kushdo që paguan, do të paguajë më shumë, ose përsëri.

Provat tregojnë se dëmshpërblimi rrit koston totale të incidentit, në vend që ta ulë atë. Është e vërtetë që pagesa i rikthen organizatës kontrollin mbi të dhënat e saj, por kjo sjell një barrë të konsiderueshme në kosto, një barrë në dimensionet e organizatës dhe frikë nga braktisja e klientëve. Pra e vërteta është se pagesa e dëmshpërblimit që kërkohet, inkurajon dhe financon aktivitetin kriminal, duke e bërë atë një motivim që hakerët të vazhdojnë sulmet e tyre në organizata të tjera.

Sipas kërkimeve, dëmshpërblimi duhet të jetë pjesë e kostove të sulmit ransomware, duke përfshirë gjithashtu kohën që mbetet pasi dëmshpërblimi është paguar. Kjo, së bashku me këto kosto shtesë: dëmtimi i çmimit të aksioneve, kostot e marrëdhënies me publikun, kostot e monitorimit të kreditit dhe kostot e përgjigjes ndaj sulmeve të mundshme në të ardhme. Në fund një gjë është e sigurtë: pagesa i dëmshpërblimit rrit kostot e ngjarjes.

Ekspertët nga TCE, një kompani kibernetike shqiptare, sugjerojnë se çdo rast duhet të shqyrtohet individualisht. CEO i TCE, Idaver Sherifi, deklaroi se opsioni më i mirë është të jeni mirë të mbrojtur dhe të keni përgatitur e praktikuar një plan mbi përgjigjen e këtyre incidentëve.

Kompania TCE po ndihmon kompanitë vendase me një mbrojtje më të mirë, fillimisht duke ngritur vetëdijen e punonjësve duke i dhënë atyre informacionet bazë, por edhe duke formuluar planin e tyre të përgjigjes në raste incidentesh.

Nërsa CTO i TCE, Lior Barash shtoi se “kur jeni përballë një sulmi ransomware, ka ende zgjidhje të ndryshme në dispozicion ndaj sugjerojmë të kontaktoni ekspertët tanë për këshilla dhe konsultime sa më shpejt të jetë e mundur.” /albeu.com

The post Viruset kibernetike “ransomware”, gjetjet e studimit: Kush paguan bëhet “financues” për sulme të reja appeared first on Albeu.com.

Sigurimi nuk lejoi as mantel bardhët e as gazetarët të kenë qasje në institucionin publik për të marr informacione. Nga drejtoria ishin të mbyllur. Njëri në pushim ndërsa tjetra vrojtonte nga dritaret duke mos qenë transparentë përse nuk ka paga.

“Në sektorin shëndetësor kemi problem, paga jo e rregullt do të sjell shërbime jo cilësore. Së shpejti të punësuarit në shëndetësinë publike nuk do të mund të kenë sigurim shëndetësor. Paramendojeni, i punësuar në shëndetësi nuk mund të jetë për vete i siguruar, apo të kurohet. Duhet të paguaj privat për ti shlyer pagesat e shërbimeve shëndetësore që realisht në fond kanë paguar një herë përmes sigurimit”, tha Goran Ristevski, Kryetar i Sindikatës së pavarur medicinale.

Në këtë periudhë do ta pësojnë edhe pacientët. Përveç vjedhjes së të dhënave personale nga hakerët do të mbeten pa shërbime shëndetësore, nga që mjekët paralajmëruan grevë të përgjithshme.

 “Erdhëm të shprehim revoltën tonë sepse as bankat, ku duhet të paguajmë kreditë, as EVN, as DAP dhe askush tjetër nuk pyet pse nuk kemi para, duhet ti shlyejmë obligimet mujore. Nëse askush nuk ka të paguaj nga rroga neve na presin përmbaruesit dhe ky problem të eskajonë edhe më tepër”, deklaroi Aleksandar Kostevski, Anëtar i Sindikatës së pavarur medicinale.

Ministri i brendshëm Oliver Spasovski tha se të gjitha institucionet duhet të përforcojnë sistemet mbrojtëse sipas rekomandimeve, të cilat në këtë rast nuk janë respektuar nga Fondi shëndetësor. Ai potencoi se sektorit për krim kibernetik përpiqet të gjej kryerësit e sulmit, por institucionet duhet vet-parandalim.

“Kemi marr denoncimin në sektorin tonë për krim kibernetik, por duhet të kihet kujdes për vetëdijesim. Ne punojmë në hetimin se kush e bëri, por nëse nuk punojmë në parandalimin e mbrojtjes së të dhënave, se do të jetë vështirë të merremi vetëm me hetimin, sepse ajo veçse është bërë vepër penale. Shohim se këto sulme kibernetike u intensifikuan menjëherë pas agresionit rus mbi Ukrainën”, u shpreh Oliver Spasovski, Ministër i punëve të brendshme.

Nga Fondi i Sigurimit Shëndetësor thonë se të punësuarve të tyre dhe të Ministrisë së Shëndetësisë iu kanë bashkangjitur ekspertë gjermanë të kibernetikës për të mënjanuar problemin ngaqë sulmi i hakërreve është bërë nga jashtë shtetit. Nga Fondi kumtojnë se janë në komunikim me institucionet publike shëndetësore për mbledhjen e dokumentacionit të nevojshëm për pagesën e pagave dhe pritet që deri të hënën të bëhet pagesa. Sipas tyre, pasi sistemi të vihet nën kontroll të plotë, do të paguhet pushimi mjekësor, pushimi i lehonisë, mëditjet dhe rimbursimi për pajisjet ortopedike. /Alsat.mk

The post Hakerët sulmuan sistemin e Fondit Shëndetësor, punonjësit mbetën pa paga appeared first on Albeu.com.

Teknikët e ACN kanë konstatuar tashmë “disa dhjetëra sisteme kombëtare ndoshta të kompromentuara dhe kanë alarmuar subjekte të shumta, sistemet e të cilëve janë ekspozuar”.

Megjithatë, shpjegohet se “ka ende sisteme të ekspozuara, të pa kompromentuara, nga të cilat nuk është mundur që të gjurmohet se kush e ka kryer sulmin. Këto subjekte duhet të përditësojnë menjëherë sistemet e tyre.”

Sipas Ansa, bëhet fjalë për krime të zakonshme kibernetike, të cila përdorin sistemin “ransomëare” për qëllime ekonomike dhe fitimprurëse.

Nuk ka asnjë konfirmim për një lidhje mes këtij sulmi dhe problemeve të Tim, që u raportuan mëngjesin e të mërkurës.

Acea, kompania italiane e energjisë elektrike, ujit dhe gazit, u godit nga një sulm shumë i rëndë “ransomëare” të enjten, duke e bërë të vështirë rikthimin e operacioneve të plota.

Sulmi i hakerëve po ndodh në shumë vende njëkohësisht.

Të parët që vunë re sulmin ishin francezët. Më pas, vala e sulmeve u zhvendos në vende të tjera, përfshirë Italinë.

Tani për tani ka disa mijëra serverë të komprometuar në të gjithë botën, nga vendet evropiane si Franca, Finlanda dhe Italia, në Amerikën e Veriut, Kanada dhe Shtetet e Bashkuara. Në Itali ka dhjetëra sulme që janë ndalur, por sipas analistëve ato janë të destinuara të rriten./Albeu.com/

The post Hakerat sulmojnë disa nga shtetet e fuqishme të botës, dhjetëra sisteme dalin zbuluar appeared first on Albeu.com.

“U sekuestruan shumë servera, të dhëna, account-e të rrjetit dhe të përdoruesve të tij”, njoftoi prokuroria e Shtutgartit dhe Presidiumi i Policisë në Reutlingen. Faqja e internetit të hacker-ave “Hive Ransomware” u bllokua. Struktura e IT-së së “grupimit të dorasve” shërbente “vetëm për kryerjen e sulmeve të rënda kibernetike duke e pasuar atë me mitmarrje” prej ndërmarrjeve dhe autoriteteve të prekura.

Dëmi i shkaktuar tek ndërmarrjet e prekura dhe institucionet publike, sipas hetuesve, mund të “arrijë në miliarda”. Gjatë konferencës së shtypit në Uashington ministri i Drejtësisë Merrick Garland shpjegoi: “Që nga korriku i vitit të kaluar ne u kemi ndihmuar më shumë se 300 viktimave në mbarë botën duke penguar pagesën e mitmarrjeve në vlerë rreth 130 milionë dollar të SHBA-së.” Garland falenderoi partnerët ndërkombëtarë – veçanërisht Gjermaninë dhe holandën – për bashkëpunimin ndërkufitar.

Mekanizma të zhvilluar enkas për të ushtruar presion

Sipas të dhënave të tij kriminelët kibernetikë jo vetëm kanë dekoduar të dhënat e viktimave, por kanë zhvilluar edhe mekanizma për të ushtruar presion pë rmitmarrje, duke kërcënuar me publikimin e të dhënave delikate. Si shembull për këto veprime të kriminelëve Garland përmendi një sulm ndaj një spitali në SHBA. Për shkak të sulmit klinika nuk mund të pranonte më pacientë të rinj dhe nuk kishte më akses në të dhënat elektronike të pacientëve.

Ransomware prej vitesh konsiderohet si kërcënimi më i rëndë ndaj sigurisë kibernetike. Programi dëmtues i infiltruar në sistem bllokon sipërmarrjen ose paralizon infrastrukturën e saj. Presioni që pason pas këtij sulmi hacker është një biznes që shpesh llogaritet në monedhën digjitale Bitcoin.

Specialistët e kibernetikës në Esslingen në Baden-Vyrtemberg ia dolën vitin e kaluar që të depërtojnë në infrastrukturën e IT-së së dorasve, vuri në dukje prokuroria e Shtutgartit. Specialistët më pas arritën të gjurmojnë rrjetin deri vonë të panjohur “Hive” duke u dhënë provat vendimtare partnerëve ndërkombëtarë, thuhet më tej./DW/

The post Shpartallohet rrjeti i hackerave “Hive” appeared first on Albeu.com.