Pas ndeshjes, Sukur bëri të ditur në rrjetet sociale se ishte përballur me probleme të pazakonta gjatë përpjekjeve për të transmetuar drejtpërdrejt nga stadiumi.

Sipas tij, ai nuk arriti të hapte një transmetim “live” në Instagram dhe YouTube, edhe pse interneti punonte normalisht dhe personat përreth tij po i përdornin të njëjtat platforma pa asnjë pengesë.

“Kontrollova gjithçka. Njerëzit përreth meje po transmetonin drejtpërdrejt normalisht, por unë nuk munda nga asnjëri prej dy profileve të mia. I dhashë qasje një miku në Evropë dhe ai e filloi transmetimin pa probleme, por kur u përpoqa përsëri nga SHBA-ja, nuk funksionoi përsëri”, ka thënë Sukur.

Ai shtoi se dyshonte për një kufizim të lidhur me vendndodhjen e tij dhe la të kuptohej se, pikërisht për shkak se ndodhej në stadium, atij iu bllokua mundësia për të transmetuar përmbajtje live. Për këtë pretendim ai nuk paraqiti prova, ndërsa as rrjetet sociale dhe as organizatorët e turneut nuk dhanë ndonjë njoftim.

Ish-kapiteni i Turqisë dhe golashënuesi më i mirë në historinë e përfaqësueses turke ishte i ftuar nga FIFA, ndërsa mbërritja e tij në stadium shkaktoi reagime të shumta, sidomos në Turqi, ku prej vitesh ai është përfshirë në polemika politike dhe ligjore.

Sukur jeton aktualisht në Shtetet e Bashkuara, pasi u largua nga Turqia pas përpjekjes së dështuar për grusht shteti në vitin 2016. Autoritetet turke e hetojnë për lidhje të dyshuara me lëvizjen FETO, akuza që ai i mohon.

Ndonëse Turqia triumfoi ndaj SHBA-së me rezultatin 3-2 në një ndeshje dramatike, ky sukses nuk i mjaftoi për të siguruar kalimin në fazën eliminatore të Kupës së Botës.

Ish-sulmuesi i Galatasarayt dhe Interit konsiderohet një nga futbollistët më të suksesshëm në historinë e futbollit turk. Ai ishte ndër figurat kyçe të kombëtares që e mbylli Kupën e Botës të vitit 2002 në vendin e tretë, ndërsa sot mban rekordin për më së shumti paraqitje me ekipin kombëtar, 112, si dhe për më së shumti gola të shënuar, 58.

Pavarësisht polemikave që e kanë shoqëruar në vitet e fundit, Sukur vazhdon të mbetet një nga emrat më të mëdhenj të futbollit turk. Krahas rekordeve me kombëtaren, ai mban edhe rekordin për golin më të shpejtë në historinë e Kupës së Botës, të realizuar pas vetëm 11 sekondash në ndeshjen për vendin e tretë ndaj Koresë së Jugut në vitin 2002.

The post Hakan Sukur e ndoqi nga stadiumi ndeshjen e Turqisë pas shumë vitesh, por thotë se iu pamundësua transmetimi live appeared first on Albeu.com.

Pakënaqësia e tifozëve është e madhe, pasi ata besojnë se skuadra i zhgënjeu me humbjet ndaj Australisë dhe Paraguait. Megjithatë, në Ankara më shumë se rezultatet tërhoqi vëmendje një moment i ndodhur para nisjes së ndeshjes së raundit të dytë.

Sipas praktikës së ndjekur në Kupën e Botës së këtij viti, në ekranin e stadiumit në Santa Clara u shfaqën emrat e turqve që kishin marrë përshëndetje publike. Mes tyre u pa dy herë edhe emri i Hakan Sukur, ish-kapitenit të kombëtares dhe një prej figurave më të njohura të futbollit turk.

Sukur konsiderohet nga qeveria aktuale në Ankara si armik i shtetit dhe terrorist, ndërsa është e qartë se tifozë turq që nuk janë në një linjë me pushtetin dhe që vazhdojnë ta mbështesin atë, kanë paguar që emri i tij të shfaqej në tabelën e rezultateve.

Autoritetet turke e akuzojnë ish-futbollistin për përfshirje në tentativën për grusht shteti të vitit 2016 dhe e lidhin me organizatën FETO, të cilën Ankaraja e cilëson terroriste.

Që nga viti 2016, Sukur jeton në mërgim në Shtetet e Bashkuara të Amerikës. Ai mban rekordin te përfaqësuesja turke për numrin e ndeshjeve, 112, dhe për golat e shënuar, 58, ndërsa atje punon si shofer taksie.

The post Turqia mbeti jashtë Kupës së Botës, ndërsa në Ankara zemërimi u përqendrua te përshëndetja në stadium për Hakan Sukur appeared first on Albeu.com.

Gjatë ndeshjes Canada-Marok, pas golit të parë të shënuar në minutën e pestë, komentatori Alper Bakırcıgil, i cili ishte duke komentuar ndeshjen për TRT, pas shënimit të golit nga ana e skuadrës marokene, tha se ky nuk është goli më i shpejtë në historinë e futbollit, pasi atë e ka shënuar Hakan Sukur në vitin 2002 përballë Koresë së Jugut, pas vetëm 11 sekondash lojë.

Kaq ka mjaftuar që komentatori të hiqet menjëherë nga puna pas përfundimit të ndeshjes.

Hakan Sukur është shpallur armik nga qeveria e Erdogan, pasi atë e akuzojnë si mbështetës të Fethullah Gulen. Kujtojmë që babai i tij sot ndodhet në burg, ndërsa e gjithë pasuaria e tij është konfiskuar nga shteti.

The post Ndodh dhe kjo! Komentatori hiqet nga puna pasi përmendi emrin e shqiptarit Hakan Sukur appeared first on Albeu.com.

Futbollistit të njohur i është ndaluar kthimi në Turqi dhe i është konfiskuar e gjithë pasuria pasi kritikoi publikisht Recep Tayyip Erdoganin.

Sukur u largua nga Turqia dhe filloi të shiste specialitete turke në një furrë buke në Kaliforni, më pas voziti edhe taksi për të mbijetuar. Ai mbeti pa milionat që i kishte fituar me futboll.

Në një intervistë për Italian Sportweek, ai aplikoi te klube italiane për ta punësuar.

“Historia ime është shumë e vështirë dhe ata morën gjithçka që investova në Turqi. Erdogan më ftoi të bashkohem me partinë e tij për të fituar më shumë vota dhe më pas më shndërruan në armik të shtetit”.

“Më morën gjithçka, më dëbuan, më arrestuan babanë. Vetëm sepse nuk ndaja të njëjtat ide si ai”, ka treguar Sukur.

50-vjeçari pretendon se kushdo që ngrinte zërin në Turqi duhej të largohej nga vendi.

“Fatkeqësisht, të gjithë ata që ngritën zërin dhe kërkuan demokracinë tani po paguajnë çmimin. Futbollistët turq janë të mirë kur luajnë jashtë vendit. Unë i këshilloj të mos protestojnë sepse do të përfundojnë si unë dhe nuk do të kenë mundësi të kthehen”.

“Pres që një klub i guximshëm të më jap një rast në futbollin italian, kjo do të thoshte shumë për mua”, ka thënë turku.

The post Hakan Sukur kërkon një vend pune në Itali: Erdogan më mori çdo pasuri që kisha krijuar (FOTO LAJM) appeared first on Albeu.com.