Hajdutit serial për gati 2 muaj u kthye në makthin e shumë banorëve të lagjes nr.1 të qytetit të Sarandës.

Sula pasi vrojtonte dritare apo ballkone të hapura, menjëherë kacavirrej e hynte brenda duke mos pyetur për lartësi, deri sa arrinte qëllimin përfundimtar, vjedhjen. Ai dyshohet për 22 vjedhje, nga këto 19 të pohuara nga ai vetë. Shuma të mëdha të përfituara, deri në 1.5 mln lekë të reja në vetëm një banesë, ndërkohë që llogaritet që nga paratë cash dhe bizhuteritë e sendet me vlerë të vjedhura gjatë këtij sezoni dhe atij të kaluar, të ketë përfituar rreth 50 mijë euro.

Në disa raste, teksa ka gjetur banorët në gjumë, u ka hedhur atyre spraj me piper për të mos pasur mundësi reagimi edhe nëse zgjoheshin, por që në shumicën e rasteve, sipas policisë, ka hyrë e ka dalë pa u vënë re nga askush, edhe pse mund të ketë kaluar para këmbëve të të paktën 5 personave që po flinin.

The post Bëri kërdinë duke iu vjedhur turistëve në Sarandë, ky është hajduti serial nga Rrogozhina appeared first on Albeu.com.

Policia bën me dije se pasngjarjes, 10 ditë më vonë pronari i argjendarisë kishte kryer hetime personale dhe disponoi me të dhëna shtesë. Fashikulli që ju tregua gazetës “SI”, detajon “ I dëmtuari u paraqit në komisariat dhe tha se kishte arritur të zbulonte se disa nga sendet e vjedhura i kishte parë të reklamuara në një adresë instagrami, në dy argjendari në Tiranë”.

Policia thotë jo zyrtarisht se, fill pas administrimit të të dhënave në instagram për të cilat pronari i argjendarisë veçoi dy unaza që sipas tij ishin vjedhur nga grabitësi, thirri pronarin e argjendarisë tjetër.

“Në argjendarinë në fjalë u gjetën të varura dy varëse në bustet manekinë dhe një pllakë me numër 750”, -thekson policia për Gazetasi.al dhe u vu në kërkim të gjurmëve të hajdutit.

“I bleva sendet që gjetët nga një klient që nuk e njoh”- thotë shkurtimisht pronari i argjendarisë së dytë. Megjithatë për t’ua provuar agjentëve se ishte bashkëpunues, pronari në fjalë u ka vënë pamjet filmike

“Këto pamje u kaluan në CD dhe nga kqyrja, duket personi i dyshuar që ka shitur bizhuteritë e dyshuara të vjedhura nga argjendaria e parë. Fotot e tij u shpërndanë në rrugë elektronike në policitë lokale derisa u bë e mundur të informohej se hajduti nuk ishte nga Tirana, por nga një qytet tjetër dhe ai ishte hajdut shëtitës”- thekson një burim jo zyrtar i gazeta “SI”.

I skeduar si një person me precedent në fushën e vjedhjeve F. H del po ashtu një emër i regjistruar në Tims dhe në Adams si një nga qytetarët më shumë të shoqëruar në komisariate për vjedhje të ndryshme. Policia i thotë gazetës “SI” se sapo e gjeti adresën e tij, 44 vjeçari nuk bëri rezistencë. Madje policia pretendon se ai u rrëfye dhe tregoi çdo gjë. Ndonëse shumica e frazave të tij janë justifikuese, agjentët e drejtorisë vendore mbajtën shënim këtë deklaratë

“Kam për të thënë se e vodha argjendarinë sepse gjatë kësaj kohe kam qenë shumë i stresuar. Në darkë kur isha duke kaluar në këmbë më shkrepi në kokë ta provoja. Kisha një kaçavidë në xhep dhe e provova në derë. E hapa derën dhe kur hyra në argjendari vodha çfarë kam gjetur aty, zinxhirë, bizhuteri, që i gjeta në banak dhe kur dola mora njëe taksi. Shkova në Astir ku dhe ndalova në banesën me qera, ndërrova rrobat, i hodha në Lanë dhe ndalova në errësirë. Mbajta disa unaza e byzylykë dhe sendet e tjera nuk i çoja dot në banesë”, – rrëfehet hajduti sipas burimeve shumë të sigurta të gazetës “SI”.

“Këto sende I kam fshehur në disa kallama tek lagjia pranë xhamisë, pranë rrugës që të nxjerr tek ‘Casa Italia’. Me sendet e tjera që kisha vjedhur, Shkova në shtëpi. Më pas këto sende i Çova tek argjendaria ku mendoj se më kanë kapur kamerat dhe këtu kam gabuar”.

Hajduti i ofroi shitësit në fillim dy unaza dhe ditën e dytë, një unazë të tretë, një varëse dhe një byzylyk argjendi.

“Varësen e argjendit ja lashë pasi ai nuk donte ta blinte”, -thotë hajduti. Supriza me e keqe sipas tij nuk ishte arrestimi , por ajo çfarë i ndodhi një ditë pas tregtisë.

“Të nesërmen në orën nëntë të mëngjesit shkova tek vendi ku i kisha fshehur sendet e tjera të çmuara , aty mes kallamave. Pashë që sendet që kisha fshehur nuk ishin më aty dhe megjithëse e kontrollova vendin disa herë nuk arrita të gjej më asgjë. Jam i sigurtë që dikush më ka parë ku i fsheha”,- ankohet në polici 44 vjeçari.

Duke i mëshuar faktit që kishte vjedhur pasi kishte një fëmijë sëmurë, ai i dorëzoi policisë një raport mjekësor . “ Por raporti mjekësor për fëmijën që iu gjet në xhep ishte i vitit 2014 dhe aspak aktual – shton policia në rrugë jo zyrtare .

Ai rezulton se kishte përfunduar duke vjedhur disa herë, pasi askush nuk e merrte në punë. “Por duke mbajtur në konsideratë rrezikshmërinë shoqërore të veprës , ndonëse ai u shfaq i penduar dhe pranoi krimin, arrestimet e shumta tregojnë se F.H nuk bëri asnjë përpjekje për t’u rehabilituar dhe për të mos e përsëritur më vjedhjen”, – komenton policia për kryefamiljarin i cili ka përsëritur se stresi ju shkaktua nga varfëria./Gazeta SI/

The post “Vodha nga varfëria… Por pastaj edhe mua m’i vodhën”, hajduti serial habit policinë appeared first on Albeu.com.

Njëri prej tyre akuzohet për vjedhje, pasi dyshohet se e ka vepër të përsëritur dhe momentalisht do të hetohet për gjashtë vjedhje.

Ndërsa dy personat e tjerë akuzohen për trafik të lëndëve narkotike.

Njoftimi i Policisë:

DVP Vlorë/ Vihen në pranga 4 shtetas, shpallet në kërkim një tjetër, për vepra të ndryshme penale.

Zbardhen dhe dokumentohen 6 vjedhje të ndodhura në Finiq, Sarandë.

Goditet dhe një rast i shpërndarjes së lëndës narkotike në doza të vogla në qytetin e Vlorës.

Në vijim të punës për parandalimin e vjedhjeve, zbardhjen e atyre të ndodhura më parë, evidentimin dhe kapjen e autorëve, si rezultat i një pune intensive dhe të mirëorganizuar, specialistët për Hetimin e Krimeve në Komisatiatin e Policisë Sarandë, arrestuan në flagrancë shtetasin Sh. C., 59 vjeç, banues në fshatin Levan, Fier.

Arrestimi i këtij shtetasi u bë pasi dyshohet se mengjesin e mbrëmjes së djeshme, ka vjedhur një shumë parash në dy banesa të ndryshme në pronësi të shtetases P. Ç, në Finiq, Sarandë.

Nga hetimet e kryera dhe provat e siguruara ka rezultuar se ky shtetas gjithashtu është autori i dyshuar i katër vjedhjeve të ndodhura më parë në territorin e Bashkisë Finiq, më konkretisht: Më datë 24.06.2021, ka vjedhur një shumë parash dhe disa vegla pune në banesën e shtetasit P. M; Më datë 11.07.2021, ka vjedhur 1 aparat celular të shtetases K. Y;

Më datë 07.08.2021, ka vjedhur disa orendi elektroshtëpiake në banesën e shtetases D. G;

Më datë 31.08.2021 ka vjedhur disa vegla pune në guroren e shtetasit F. Sh.

Specialistët për Hetimin e Trafiqeve dhe Narkotikëve, në bashkëpunim me Forcën Operacionale në DVP Vlorë, në vijim të kontrolleve në qytet për rritjen e parametrave të sigurisë dhe goditjen e paligjshmërisë në fushën e shpërndarjes së lëndës narkotike në doza të vogla, arrestuan në flagrancë shtetasin K. A., 18 vjeç dhe shpallën në kërkim shtetasin A. A., 27 vjeç, të dy banues në lagjen “Kushtrimi”, Vlorë.

Gjatë kontrollit fizik të ushtruar ndaj shtetasit K. A, dhe gjatë kontrollit të banesës së shtetasit A. A, shërbimet e Policisë gjetën dhe sekuestruan një sasi lënde narkotike cannabis sativa, një pjesë e ndarë në doza, të cilën këta shtetas dyshohet se në bashkëpunim me njëri-tjetrin e shpërndanin, në qytetin e Vlorës.

Specialistët për Hetimin e Krimeve në Komisatiatin e Policisë Sarandë, ndaluan për veprën penale “Dhuna në familje”, shtetasen A. T., 57 vjeçe, banuese në Sarandë, pasi ka ushtruar dhunë fizike ndaj nënës së saj.

Specialistët e Qarkullimit Rrugor në DVP Vlorë, arrestuan në flagrancë shtetasin Rr. M., 42 vjeç, banues në Vlorë, pasi u konstatua duke drejtuar automjetin, në gjëndje të dehur.

Materialet iu referuan Prokurorisë, për veprime të mëtejshme./albeu.com/

The post Hajduti serial “e pëson”, nga pas e ndjekin edhe dy trafikantë droge në Vlorë appeared first on Albeu.com.