Arrestimi dhe pika e kthesës në hetim

Gruaja kineze u arrestua në Barcelonë dhe iu dorëzua autoriteteve franceze nga autoritetet spanjolle sipas një urdhër-arresti evropian. Gruaja, e cila ishte larguar nga Franca më 16 shtator, ishte gati të kthehej në Kinë.

Një tjetër dëm “i paçmuar” ndaj trashëgimisë franceze Më 16 shtator, hajdutët vodhën copëza ari dhe objekte të tjera nga Muzeu i Historisë Natyrore në Paris, të vlerësuara fillimisht në rreth 600,000 euro, më vonë të rivlerësuara në 1 milion euro dhe më në fund të deklaruara në 1.5 milion euro. Sekuestrimi përbëhej nga disa mostra të papërpunuara të arit vendas një aliazh ari dhe argjendi dhe, sipas ekspertëve, vlera e tij shkon përtej vlerësimit të thjeshtë të metaleve. Një burim nga muzeu deklaroi gjithashtu: “Përtej vlerës sipas çmimit të arit, dëmi financiar ndaj vlerës historike të objekteve është i pallogaritshëm.”

Vjedhja u zbulua nga një punonjës i kompanisë së pastrimit, i cili e gjeti galerinë mineralogjike në rrëmujë, sipas informacionit nga BFM. Hajdutët kishin hyrë në seksionin e Gjeologjisë dhe Mineralogjisë, duke përfituar nga fakti që sistemi i alarmit ishte çaktivizuar prej disa javësh për shkak të një sulmi kibernetik. Galeria e Historisë Natyrore dhe Mineralogjisë kishte qenë e mbyllur prej disa ditësh.

The post Hajdutët nuk synojnë vetëm Luvrin! Gruaja kineze arrestohet për vjedhje në Muzeun e Historisë Natyrore në Paris appeared first on Albeu.com.

Shehi tha se për fatin e keq, korrupsioni nuk është një çështje që vendos fatin e zgjedhjeve.

Kjo pasi sipas tij, një pjesë e madhe e shoqërisë janë vetë të korruptuar. Shehi shtoi gjithashtu se, si ai që vjedh 2 mijë lekë, si ai që vjedh 2 miliardë, janë njësoj, hajdutë!

“Berisha ishte më i moralshëm në sulmin ndaj SPAK. Plus që kishte 12 vite në opozitë dhe nuk kishte firmosur asnjë letër. Ndërsa për PS nuk ka asnjë lloj justifikimi. Ky është kryeministri në detyrë dhe i drejtohet SPAK në atë mënyrë. Keni kaluar vijën e kuqe u thotë. Pse ky e vendos vijën e kuqe?

Shqiptarët duan njerëz që të mos fusin duart në xhepat e shtetit. Mos u merrni me të majtë e të djathtë. Fatkeqësisht nuk ka të djathtë e të majtë në Shqipëri, sepse vijmë nga një regjim barazitar që kishte për bazë gjëra të tjera, jo prirjet ideologjike. Për zgjedhjet nuk është vetëm një faktor, ka shumë faktorë. Unë po u bëj thirrje shqiptarëve që të votojnë për këtë që është i dukshëm. Korrupsioni në Shqipëri nuk është tema që peshon më shumë te vota. Duhet të ishte, që shqiptari të dënojë hajdutin me votë.

Jo nuk e bën dhe e di pse? Sepse një pjesë e shoqërisë sot është e korruptuar. Ai që s’paguan energjinë elektirke, a po vjedh shtetin? Ai dyqanxhiu që nuk i paguan taksa qeverisë, a është një i korruptuar i vogël? Pra korrupsioni është futur brenda shoqërisë. Shoqëria nuk reagon se janë të korruptuar vetë dhe thonë ai që është sipër do vjedhi më shumë. Se vjedh 2 miliardë lekë, se vjedh 2 mijë lekë, i korruptuar je”, shprehet Shehi.

The post Revolta e Dashamir Shehit: Dënoni hajdutët me votë, korrupsioni është futur në shoqëri, ai që vjedh 2 mijë lekë, njësoj me atë që vjedh 2 miliardë appeared first on Albeu.com.

Pas akuzës së shpërdorimit të detyrës, është shtuar edhe ajo e pastrimit të parave, gjë që rëndon pozitat e drejtorëve të Veliajt dhe këtij të fundit vetë, dhe tregon së kjo skemë vjedhje ka natyrë të mirëfilltë të një grupi të strukturuar kriminal.

Megjithatë, prokurori Braho ende nuk e cilëson “5D” si grup i strukturuar kriminal.

Ligji e thotë qartë, çfarë është grup i strukturuar kriminal? Quhen 3 deri në 5 veta, që kanë ekonomistin, financierin, paratë, burimin e tyre, etj.

Nga sa është parë deri tani, “5D”-ja ka pasur të gjithë elementët e grupit të strukturuar kriminal, dhe për më tepër ka kryer veprimtarinë e saj me leje të kryebashkiakut Erion Veliaj.

Duket se kreu  i  SPAK,  Altin Dumani, në vend të luajë rolin e hetuesit, ka luajtur rolin e një ndërmjetësi mes Ramës e Veliajt, duke e ‘amnistuar’ përkohësisht këtë të fundit si nga dosja e inceneratorit, por edhe te ‘5D’ duke tentuar t’ua faturojë përgjegjësinë vetëm drejtorëve të Veliajt.

Por duket se skema korruptive e inceneratorit të Tiranës dhe “5D-ja” nuk janë e vetmja aferë në bashkinë e Tiranës, e drejtuar nga Veliajt.

Së fundi nëpër korridoret e medias, prokurorisë dhe politikës po përflitet edhe për një tjetër aferë, përmasat e së cilës ende janë të paqarta mirë, por që mendohet sa, ose më e madhe edhe se “5D-ja”, dhe fjala është për kompaninë “GERARD-A”.

A është edhe kjo kompani një skemë korruptive?

A po heton SPAK-u edhe këtë?

Kush janë pronarët dhe aktiviteti i saj…?

Këto dhe shumë detaje të tjera do të duhet t’i sqarojë SPAK-u.

The post SPAK shtyn hetimet për ish-drejtorët e Bashkisë së Tiranës appeared first on Albeu.com.

Rreth 40 minuta pas mesnate, në njësinë policore në fshatin Veleshtë të Strugës, janë privuar nga liria A.O (21) dhe LB (25), të dy nga Librazhdi i Shqipërisë.

“Ata dyshohen se kanë kryer vjedhje të shumta dhe të rënda në zonë.

Pas dokumentimit të plotë të rasteve, ndaj tyre do të bëhet kallëzimi përkatës”, thuhet në njoftimin e MPB-së të Maqedonisë së Veriut.

The post Nga Librazhdi në Strugë për të vjedhur, arrestohen dy të rinj nga policia appeared first on Albeu.com.

Një nga të tre hapi zjarr dhe Wactor vdiq më vonë në spital. Të dyshuarit janë larguar me makinë dhe nuk është bërë asnjë arrestim.

Aktori kishte qenë në një bar, tha nëna e tij, Scarlett Wactor. Kur i pa të tre pranë makinës së tij, shkoi duke menduar se e ka parkuar keq, tha e ëma për Sky News.

Wactor luajti Brando Corbin në telenovelën e gjatë General Hospital, e cila u transmetua për herë të parë nga 2020 deri në 2022.

Ai gjithashtu, u shfaq në një sërë filmash dhe seriale televizive, duke përfshirë Station 19, NCIS, Westworld dhe videolojën Call of Duty: Vanguard.

NBC News raporton se hajdutët synojnë konvertuesit katalitikë për metalet e tyre të vlefshme, duke përfshirë platinin, paladiumin dhe rodiumin.

The post E rëndë/ Tentuan t’i vidhnin makinën, hajdutët qëllojnë për vdekje aktorin e njohur appeared first on Albeu.com.

I riu u tregua gjakftohtë dhe guximtar, kur kuptoi se hajdutët kishin hyrë në një banesë, ku pronarët e saj nuk ndodheshin aty.

Sipas gazetës “Eleftheria”, qiramarrësi që kishte vënë re lëvizje të dyshimta ditët e mëparshme, ka dëgjuar një zhurmë në orët e para të së hënës në katin e 6-të. Më pas ai kuptoi se bëhej fjalë për hajdutë, pasi familjarët e asaj banesë nuk ndodheshin aty.

Kështu ai zbriti në bodrumin e pallatit ku ndërpreu furnizimin me energji elektrike të ashensorit. Tre hajdutë mbetën të bllokuar brenda ashensorit.

Më pas, ai u ngjit në katin e 2-të dhe aty dëgjoi hajdutët e bllokuar duke folur brenda ashensorit.

Në hyrje të pallatit ka pasur bashkëpunëtorë, të cilët kur kanë dëgjuar zëra janë larguar.

Qiramarrësi lajmëroi policinë, ku sipas hetimeve të kryera u zbulua se autorët kishin hyrë në pallat nga çatia.

Në prani të punonjësve të tjerë të policisë në orën 5:45 të mëngjesit, qiramarrësi ka vënë sërish në funksion ashensorin, ku tre autorët kanë zbritur në katin përdhes dhe janë vënë menjëherë në pranga.

Siç thuhet në një njoftimin e policisë, tre autorët, pasi kishin mbuluar tiparet e fytyrës, tentuan të arratiseshin e dy prej tyre i larguan me duar policët, ndërsa i treti tentoi t’i godiste me një gërshërë.

Në posedim të tyre janë gjetur dhe konfiskuar mjete për vjedhje, si dhe sende për të fshehur karakteristikat e tyre prerëse, kollare, doreza etj.

The post U frymëzua nga filmat aksion, i riu bllokon hajdutët në ashensor derisa mbërrin policia appeared first on Albeu.com.

Ngjarja ndodhi në mes të ditës në qendrën tregtare Bayfair.

Ajo çfarë ka marrë vëmendje të madhe, është reagimi i rojës së sigurisë i cili edhe pse shikon hajdutët teksa kryejnë grabitjen, nuk ka lëvizur nga vendi dhe thjesht i shikon.

Disa prej ndjekësve në komente mbështesin rojën, duke thënë se jeta e tij vlen më shumë se bizhuteritë ndërsa të tjerët, e kritikonin për faktin që nuk ndërhyri për të ndaluar grabitësit.

“Jeta juaj nuk ia vlen për një bizhuteri. Mos e fajësoni rojën e sigurisë që qëndron prapa dhe thjesht ka marrë një ide për përshkrimet”, shkroi një person.

“Mund të konfirmoj si roje sigurie, 23,65 dollarë në , nuk ia vlen”, shtoi një tjetër.

“Pra, cili është roli i sigurisë”- ishte komenti i një ndjekësi tjetër nga shumë komente që mori videoja.

A major shopping centre had to be evacuated after a group of masked thieves raided a Michael Hill jewellery store in New Zealand. https://t.co/5zYfOfGqUb #7NEWS pic.twitter.com/GhrsZcRO3N

— 7NEWS Melbourne (@7NewsMelbourne) January 28, 2024

The post Vidhet dyqani me bizhuteri, reagimi i rojes së sigurisë përballë hajdutëve bëhet viral (VIDEO) appeared first on Albeu.com.

CFARE NDODHI?
Mesfushori i Manchester Cityt dhe familja e tij u bënë viktimë e grabitjes pasi hajdutët hynë në shtëpinë e tij në Zolder, Belgjikë. Askush nuk ishte i pranishëm në shtëpi në momentin e grabitjes pasi lojtari aktualisht ndodhet në Arabinë Saudite si pjesë e skuadrës së Cityzens për Kupën e Botës për Klube.

Pas hetimit, zyra e prokurorit publik të Limburgut informoi se grabitja ka ndodhur mes orës 16:00 deri në orën 21:00 me orën lokale më 16 dhjetor. Autorët plaçkitën plotësisht shtëpinë dhe i lanë gjërat me kokë poshtë. Grabitja u zbulua nga gruaja e De Bruyne, Michele Lacroix.

ÇFARË U THA
Në raportin e hetimit zyrtar nga prokuroria thuhej se “Gjithçka u përmbys, ndaj nuk është ende plotësisht e qartë se cili është saktësisht disavantazhi. Por në pamje të parë duket se janë vjedhur kryesisht bizhuteri.

“Hetimi për atë që ka ndodhur saktësisht është ende në vazhdim. Laboratori i mjekësisë ligjore tashmë ka mbërritur në vend për hetimin e gjurmëve dhe do të vijojë hetimi i kamerave dhe lagjes. Prandaj nuk është ende e qartë se cilët janë autorët.”

The post Shtëpia e Kevin De Bruyne është ‘përmbysur’ nga hajdutët appeared first on Albeu.com.

“Në përgjithësi gjatë kohës së festave ka një rritje të veprimtarisë kriminale që lidhet me grabitjet apo me vjedhjet. I kam kërkuar policisë së Shtetit që të rrisë shkallën e vigjilencës”, tha Balla.

Por çfarë duhet të keni parasysh që të mos bini pre e vjedhjeve gjatë festave të fundvitit?

–Mos i postoni planet tuaja për pushime apo festa dhe dalje të tjera në rrjetet sociale. Ky rregull vlen për çdo stinë të vitit, por në Krishtlindje ftesat shumëfishohen dhe daljet janë më të shumta. Meqenëse nuk e dini kurrë se kush mund t’i shikojë postimet tuaja (ose postimet e miqve tuaj, për këtë çështje), shmangni as edhe tregimin më të vogël se kur do të jeni larg shtëpisë.

–Mos e vendosni pemën e vitit të ri tek dritarja nëse jeni në katet e poshtme të pallateve, ose nëse jeni në shtëpi private. Një pemë e madhe dhe e dekoruar do tërhiqte grabitësit që do mendonin se kanë ç’të vjedhin në shtëpinë tuaj.

–Kur të ktheheni nga pazari, përpiquni t’i shkarkoni sa më shpejt dhe me maturi dhuratat dhe çantat në shtëpi, sepse dikush mund t’ju vjedhë edhe dhuratat më luksoze. Natyrisht, nëse keni një garazh, nuk ka problem. Por nëse jeni duke parkuar në rrugë, përpiquni t’i mbani çantat në mënyrë që ato të mos shihen, dhe gjatë rrugës për në shtëpi, merrni gjithçka me vete dhe mos i lini hajdutët të thyejnë xhamat e makinës.

–Nëse i keni bërë vetes një dhuratë të madhe ose një blerje të madhe për Krishtlindje (p.sh. një televizor), kini kujdes se si e hidhni paketimin. Më së miri është ta prisni në copa dhe t’i hidhni në një qese të zakonshme plehrash. Sigurohuni që të hiqni etiketën me të dhënat tuaja në çdo paketë që keni marrë në shtëpi.

–Sidomos gjatë sezonit të festave, vizitat në shtëpi, festat, etj. janë pak a shumë të zakonshme. Mos u mundoni t’ua lehtësoni jetën mysafirëve tuaj duke e lënë derën e përparme pak të hapur ose pa çelës. Janë gabime klasike, që u japin hajdutëve mundësinë për një “punë” të shpejtë.

–Shumë njerëz dekorojnë shtëpinë ose oborrin e tyre me drita, por mos e bëni nëse nuk keni një prizë në natyrë. Kalimi i një kordoni zgjatues përmes një dritareje, për shembull, do të thotë që dritarja do të jetë pak e hapur, kështu që një mundësi e lehtë hyrjeje për një hajdut. Si gjatë gjithë vitit dhe në çdo stinë, dritaret dhe dyert tuaja duhet të jenë të mbyllura mirë.

–Fëmijë (të rinj dhe… të mëdhenj) që këndojnë këngë, përfaqësues nga shoqata bamirëse dhe shumë të tjerë mund ka të ngjarë të trokasin në derën tuaj. Humori ynë i mirë, që hap derën e përparme, është diçka që hajdutët përpiqen ta shfrytëzojnë. Natyrisht, zgjidhja nuk është të mos ia hapësh derën askujt, por e sigurt është se nuk duhet të lejosh një të huaj në shtëpinë tënde.

The post Kujdes! Hajdutët shtohen gjatë festave, çfarë duhet të parasysh për mos të rënë pre e tyre appeared first on Albeu.com.

Ai vrapoi drejt banesës dhe gjeti derën e oborrit të hapur.

Telefoni inteligjent dha alarmin në orën 18:45 të së shtunës në mbrëmje. Megjithëse burri vrapoi menjëherë në shtëpinë e tij në Hermetschwil-Staffeln, ai gjeti vetëm një derë të hapur oborri. Ndaj ka lajmëruar menjëherë policinë, e cila ka nisur kërkimin me një qen policie.

Kërkimi ishte i suksesshëm

Pak më vonë, një patrullë mundi të ndalonte dy burra që përputheshin me përshkrimin. Kur të dyshuarit u kontrolluan, sipas policisë, iu gjetën mjetet e vjedhjes. Ata arrestuan dy shqiptarët e moshës 45 dhe 61 vjeç. Asnjëri prej tyre nuk ka vendbanim të përhershëm në Zvicër.

The post Smartfoni u “bën gropën” dy hajdutëve shqiptarë në Zvicër appeared first on Albeu.com.