Ai deklaroi se historia e orës luksoze që u publikua ditët e fundit ishte e skenuar dhe se sipas tij, e gjithë kjo çështje kishte karakter personal. Madje, Mozzik akuzoi drejtpërdrejt Vetëvendosjen se po e godet qëllimisht.
Në reagimet e fundit, reperi e ka lidhur këtë situatë me një rast të rëndë që i kishte ndodhur më herët, kur në tetor para dy viteve shtëpia e tij u grabit nga hajdutë, duke i shkaktuar një dëm të madh financiar.

“Qe një fakt pse unë nuk mbaj gjëra me vlerë në shtet timin. Pasi u kap kjo temë. Mua në tetor më bëhen dy vite që më kanë vjedhur hajnat në shtëpi me dëm afro 700 mijë euro armë me leje/ora origjinale/ e gjëra tjera. As edhe një qorapë nuk më është kthyer as as nuk është gjendur kurrë”, u shpreh ai.

Tutje tha: “Edhe pas vjedhjes i kam gjetur 3 GPS në makina të miat private. E askush askujt s’po ia ndjen për tatimpaguesin më të madh nga artistët shqiptarë. M’keni zhgënjyer po keni dalur bllof”.

The post Mozzik: Më kanë vjedhur në shtëpi në vlerë 700 mijë euro dhe nuk është marrë askush me këtë, kam gjetur edhe tre GPS në makinat e mia appeared first on Albeu.com.

Deri më tani, ministrja Koçiu nuk ka mbajtur asnjë përgjegjësi, edhe pse ende në spitale mungojnë një pjesë e konsiderueshme e ilaçeve jetike, teksa në Kuvend tha se faji ka fytyrë dhe emër, duke e kaluar përgjegjësinë vetëm tek mjekët.

Pas protestës së tretë të mbajtur ditën e djeshme para Ministrisë së Shëndetësisë, disa të rinj në momentin kur ka dalë Koçiu i kanë bërtitur asaj duke e etiketuar si “vrasëse, kriminele apo hajdute”. Ata e pyesin atë nëse a do të mbajë përgjegjësi dhe të japë dorëheqjen.

Gjithsesi, ministrja Koçiu nuk u ka kushtuar aspak rëndësi të rinjve dhe automjetin e merr në oborrin e Ministrisë së Shëndetësisë.

“O vrasëse! Zonja ministre pse nuk e patë protestën? O vrasëse! Hajdute! Kriminele! Dorëheqje do ketë apo do të vazhdojë përgjegjësia personale? Të të vijë turp! Përballuni me qytetarët, mos ikni me makina të shtrenjta. Turp! Vrasëse!”, – dëgjohen të rinjtë teksa i bërtasin Koçiut.

The post Qytetarët presin poshtë zyrës ministren Albana Koçiu dhe shpërthejnë keq ndaj saj: O vrasëse, hajdute, kriminele (VIDEO) appeared first on Albeu.com.

Moderatori edhe në këtë intervistë nuk kishte “harruar” që t’i përgatiste një rreng të ftuarve të tij, kur një i moshuar u fut në skenë dhe iu drejtua këngëtares duke i thënë se i ka marrë edhe lekë për dasmën e djalit, por edhe lekët e orkestrës.

Aktori: “Ku je moj e pacipë? Hajdute! A ramë dakord për lekët e dasmës? Bëmë marrëveshje, ramë dakord për 6 milion lekë, kjo mirë që mori lekët e dasmën mori dhe të orkestrës. Bëra dasmën e djalit…”, iu drejtua “i infiltruari”.

Martiola: “O më fal, çfarë po ndodh? Po bën shaka apo është e vërtetë? Unë lekë? Ore kjo do jetë ndonjë gjë e stisur”, u shpreh Marjola e habitur.

Mariola: “Isha gati të qaja, vetëm që pashë Jurgenin duke qeshur. Thash do t’ia jap, se s’kam marrë kurrë lekë”, u shpreh ajo pasi Ronaldo i tregoi se ishte një lojë.

The post “Hajdute, më vodhe lekët”- Marjola Kaçanit i ndodh e papritura në studio appeared first on Albeu.com.

Sipas policisë, 37-vjeçari kishte kapur në befasi tre persona teksa po tentonin t’i vidhnin katalizatorin e makinës dhe në momentin që ka ndërhyrë njëri prej hajdutëve ka hapur zjarr drejt tij. Ekipet e shpëtimit e transportuan Wactor sa më shpejt që të ishte e mundur në spital, por mjekët nuk mundën të bënin asgjë për të.

“E gjithë familja e Spitalit të Përgjithshëm është zemërthyer nga lajmi i largimit të parakohshëm nga jeta të Johnny Wactor. Ai ishte vërtet i jashtëzakonshëm, ishte kënaqësi të punoje cdo ditë me të. Mendimet dhe lutjet tona shkojnë për të dashurit e tij në këtë moment të vështirë”, shkruhet në profilin e serialit amerikan në platformën X.

Në “Spitalin e Përgjithshëm” Wactor kishte interpretuar personazhin e Brando Corbin. Në karrierën e tij ai ka luajtur edhe në serialet “Siberia” dhe “Gratë e ushtrisë”, si dhe në filmat “USS Indianapolis: Burrat e guximit” dhe “Supercell”.

The post Tentoi të ndalonte hajdutët, vritet aktori i njohur amerikan! appeared first on Albeu.com.

Gjatë fjalës së saj, deputetja e Partisë Demokratike, iu drejtua se e vetmja gjë e mirë e takimit ishte që patronazhistët provuan sufllaqen origjinale greke.

“Nacionalizmi streha e fundit e maskarenjve, ndërsa pseudopatriotizmi është streha e fundit e hajdutëve. Nje show i bërë në mes të Greqisë nga Edi Rama, mund ta kishit bërë shumë mirë ne stadiumin Air Albania sepse njerezit do ishin te njëjtët, thjesht do kishit një kosto më të ulët për autobusat e bashkive socialiste deri në Athinë.

Më erdhi shumë keq personalisht që detyruat drejtorin e teatrit Bylis të jepte dorëheqjen, sepse ai ishte i vetmi në vendin e duhur, në një teatër ku spektatorët ishin me detyrim dhe aktori kryesor ishte një hajdut që vjedh vendin e tij dhe bën propagandë jashtë vendit të tij medemek e do shumë vendin e tij. Nëse do e kishte dashur vendin e tij Rama nuk do i vidhte qytetarët, nuk do i denigronte, do i trajtonte me dinjitet pensionistët, të rinjtë, gratë dhe burrat e këtij vendi.

Aq shumë ishte show bajat sa nuk gjetët dot një personalitet, apo përfaqësues të diasporës në Greqi që t’i thoshte

“Kalos irdhes” “Mireseerdhe” dhe morët dhe folën prap Elisa, Blendi, ambasadorja. Për respekt të tyre mund ta kishit gjetur ndonjë. Por nuk pranonte askush nga emigrantët e ndershëm në Greqi, që të bëhet pjesë e një fasada të pisët të një njeriu që shkatërron jetët e familjeve që kanë lënë këtu që pësojnë nga keqqeverisja apo që mund të jenë larguar vet në këto 12 vite. Ky është realiteti që e fsheh dot as me muzikën e noizit, as me muzikën e parave të spektatorëve me detyrim.

E vetmja gjë e mirë që ndodhi nga ai takim ishte se patronazhistët më në fund provuan sufllaqen origjinale greke. Se i keni mësuar me sufllaqe në bodrumet mavi të propagandës ku komentojnë dhe lavdërojnë kryeministrin dhe shajnë opozitën. A thua se njerëzit se jetojnë realitetin dhe presin ta lexojnë nga komentet në facebook?!

Nëse doni të tregoni se do bëni dicka për diasporën, atëherë zbatoni vendimin e Gjykatës Kushtetuese për të garantuar votën e diasporës.

Njerëzit po paguajnë me paratë e tyre, të buxhetit të shtetit, një propagandë që i hedh hi syve atyre. Kurioze jam si shkoi Rama në Athinë si kryeministri i Shqipërisë apo si kryetari i PS? Buxheti i shtetit i paguan këto shoë? Nga dalin paratë? Shoë rradhës është Milano ku kostot do jenë më larta, që do paguhen nga qytetarë të varfër që ju ti tregoni sa e mirë është Shqipëria atyre që kanë ikur nga ky vend se nuk jetonin dot më këtu”.

The post Ina Zhupa: Pseudopatriotizmi është streha e fundit e hajdutëve që vjedhin vendin e tyre, si Edi Rama appeared first on Albeu.com.

Si rezultat u arrestuan shtetasit:

1. L., 53 vjeç, banues në Fier dhe E. Ç., 56 vjeç, banues në Lushnjë.

Këta shtetas janë kapur në flagrancë gjatë operacionit, në vendin e quajtur “Bishti i Zhurit”, Rrogozhinë, duke lëvizur me një automjet në të cilin gjatë kontrollit u gjetën 13 statuja dhe ikona të madhësive dhe formave të ndryshme.

Nga veprimet hetimore dyshohet se këta shtetas, në bashkëpunim me njëri-tjetrin, merreshin me trafikimin e veprave të artit dhe kulturës. Shtetasi P. L., duke përfituar nga fakti se ishtë i punësuar pranë parqeve arkeologjike, herë si rojë dhe herë si ndihmës, siguronte statuja dhe ikona të madhësive të ndryshme në qytetet Fier, Berat, Gjirokastër, dhe më pas në bashkëpunim me shtetasin E. Ç., i trafikonin me qëllim përfitimin.

Një pjesë të statujave dhe ikonave ua shisnin shtetasve të huaj nga Italia, Greqia dhe Mali i Zi, kundrejt vlerave që varionin nga 10 000 deri në 20 000 euro

The post E paprecedentë në Durrës! Arrestohen hajdutët e statujave dhe ikonave historike, një prej tyre roje i parkut arkeologjik appeared first on Albeu.com.

Nuk është rastësi që vjedhjet e shtëpive rriten në qiell gjatë festave: ky fakt mjafton për të na bërë të mendojmë dy herë.

Mos i postoni planet tuaja për pushime apo festa dhe dalje të tjera në rrjetet sociale. Ky rregull vlen për çdo stinë të vitit, por në Krishtlindje ftesat shumëfishohen dhe daljet janë më të shumta. Meqenëse nuk e dini kurrë se kush mund t’i shikojë postimet tuaja (ose postimet e miqve tuaj, për këtë çështje), shmangni as edhe sugjerimin më të vogël se kur do të jeni larg shtëpisë.

Një pemë e madhe dhe e dekoruar bukur e Krishtlindjeve është me të vërtetë xhevahiri i ditës. Por nëse jetoni në katin e parë dhe e vendosni përballë dritares me kuti dhuratash poshtë saj, është si të bëni… një dritare për hajdutët. Natyrisht, askush nuk dëshiron ta “fshehë” pemën e tij, por të paktën mbajini të mbyllura perdet.

Kur të ktheheni nga pazari, përpiquni t’i shkarkoni sa më shpejt dhe me maturi dhuratat dhe çantat në shtëpi. Natyrisht, nëse keni një garazh, nuk ka problem. Por nëse jeni duke parkuar në rrugë, përpiquni t’i mbani çantat në mënyrë që ato të mos shihen, dhe gjatë rrugës për në shtëpi, merrni gjithçka me vete fillimisht – nuk dëshironi që dikush të përpiqet të thyejë një dritare.

Nëse i keni bërë vetes një dhuratë të madhe ose një blerje të madhe për Krishtlindje (p.sh. një televizor), kini kujdes se si e hidhni paketimin. Më së miri është ta prisni në copa dhe t’i hidhni në një qese të zakonshme plehrash. Sigurohuni që të hiqni etiketën me të dhënat tuaja në çdo paketë që keni marrë në shtëpi.
Sidomos gjatë sezonit të festave, vizitat në shtëpi, festat, etj. janë pak a shumë normë. Mos u mundoni t’ua lehtësoni jetën mysafirëve tuaj duke e lënë derën e përparme pak të hapur ose një çelës nën rrogoz. Janë gabime klasike, që u japin hajdutëve mundësinë për një “punë” të shpejtë.

Shumë njerëz dekorojnë shtëpinë ose oborrin e tyre me drita, por mos e bëni nëse nuk keni një prizë në natyrë. Kalimi i një kordoni zgjatues përmes një dritareje, për shembull, do të thotë që dritarja do të jetë pak e hapur, kështu që një mundësi e lehtë hyrjeje për një hajdut. Si gjatë gjithë vitit dhe në çdo stinë, dritaret dhe dyert tuaja duhet të jenë të mbyllura mirë.

Fëmijë (të rinj dhe… të mëdhenj) që këndojnë këngë, përfaqësues nga bamirësi dhe shumë të tjerë ka të ngjarë të trokasin në derën tuaj. Humori ynë i mirë, që hap derën e përparme, është diçka që hajdutët përpiqen ta shfrytëzojnë. Natyrisht, zgjidhja nuk është t’i hapesh askujt, por e sigurta është se nuk duhet të lejosh një të huaj në shtëpinë tënde – ata mund të të këndojnë mirë edhe nëse qëndrojnë jashtë.

The post Kujdes nga gabimet që bëni për festa, mund të jenë një “ftesë e hapur” për hajtudët appeared first on Albeu.com.

Sipas informacioneve, drejtuesi i grupit ishte arratisur në vitin 2018 nga policia e Argjiropolit me nëntë të burgosur të tjerë. I riu i arratisur me tre bashkatdhetarë të tij, nga data 16 deri më 22 korrik kishin vjedhur pesë vila në Mykonos, nga ku kanë marrë shuma të mëdha parash dhe sende me vlerë.

Por vjedhja e fundit që ata kryen i nxori zbuluar, pasi në një nga banesat që ata grabitën, kanë marrë edhe një palë kufje me valë. Pronari i tyre përmes një aplikacioni në celular, ka zbuluar vendndodhjen e pajisjes dhe të hajdutëve, dhe ka njoftuar policinë.

Policia greke ka lokalizuar dhe arrestuar katër hajdutët shqiptarë në një shtëpi të braktisur pranë Aeroportit. Mësohet se në mjetin që shqiptarët përdornin, janë gjetur shumë sende të vjedhura që kishin marrë nga pesë vilat që kishin grabitur.

The post Arrestohen 4 “skifterë” shqiptarë në Mykonos appeared first on Albeu.com.

Njoftimi i policisë:

Lezhë / Finalizohet operacioni policor i koduar “Serial”, për goditjen dhe zbardhjen e rasteve të vjedhjes së pronës dhe pasurisë.

Vodhën në banesa dhe në ambiente të ndryshme, në Lezhë dhe në Laç, lokalizohen, kapen dhe vihen në pranga 3 shtetas të shpallur në kërkim.

Zbardhen një sërë vjedhjesh të kryera gjatë këtij viti, nga 3 të arrestuarit me precedentë të mëparshëm kriminal, po për vjedhje.

Shërbimet e komisariateve të Policisë Lezhë dhe Kurbin, në vijim të punës për goditjen e rasteve të vjedhjes, zbardhjen e atyre të ndodhura më parë dhe për nxjerrjen përpara drejtësisë, të autorëve të tyre, mbështetur dhe nga inteligjenca informative, kanë organizuar dhe finalizuar operacionin policor të koduar “Serial”.

Si rezultat i këtij operacioni, janë ndaluar shtetasit e shpallur në kërkim:

– Gj. C., 47 vjeç, banues në Lezhë, pasi më datë 21.11.2022,  ka vjedhur në banesën e një shtetasi;

– Gj. Ll., 51 vjeç, banues në Kurbin, pasi më datë 08.11.2022,  ka vjedhur në Kurbin, disa krerë bagëti të imta, në pronësi të një shtetasi;

– A. D., 47 vjeç, banues në fshatin Gjormë, Kurbin, pasi nga veprimet hetimore, rezulton autor i disa vjedhjeve, konkretisht:

Me datë 20.11.2022, ka vjedhur materiale, në banesën e një shtetasi;

Me datë 09.11.2022, ka vjedhur në Lezhë, celularin e një shtetasi;

Me datë 22.06.2022, ka vjedhur në Laç, vegla pune, në magazinën e një shtetasi.

Të 3 të ndaluarit janë shtetas me precedentë të mëparshëm kriminal, po për vjedhje. Vijon puna për zbardhjen dhe dokumentimin e plotë të rasteve të tjera të vjedhjeve që janë kryer nga këta shtetas.

Materialet procedurale i kaluan prokurorive pranë gjykatave të rretheve gjyqësore Lezhë dhe Kurbin, për veprime të mëtejshme./albeu.com

The post Ishin kthyer në makth për banorët e Lezhës dhe Laçit, arrestohen tre hajdutët appeared first on Albeu.com.

Njoftimi i policisë:

Në vijim të punës për parandalimin e vjedhjeve, zbardhjen e atyre të ndodhura më parë, si dhe për kapjen dhe arrestimin e autorëve, specialistët për Hetimin e Krimeve në Komisariatin e Policisë Fier, bazuar dhe në informacionet e marra në rrugë policore, organizuan dhe finalizuan operacionin policor të koduar “Brothers”, në kuadër të të cilit u bë kapja dhe arrestimi në flagrancë i shtetasve:

M. M. alias G. M., 28 vjeç dhe A. M., 27 vjeç, banues në Fier.

Gjithashtu, u procedua penalisht në gjendje të lirë shtetasi M. M., 36 vjeç, banues në Fier (vëllai i shtetasit G. M.), si edhe u shpall në kërkim shtetasi M. M., 36 vjeç, banues në Fier (vëllai i shtetasit A. M.).

Nga hetimet e kryera dhe provat e grumbulluara ka rezultuar se këta shtetas, në bashkëpunim me njëri-tjetrin, në datën 10.07.2022, kanë vjedhur veshje në dyqanin në pronësi të shtetasit M. Gj.; në datën 10.07.2022 kanë vjedhur  bizhuteri në dyqanin në pronësi të shtetasit Y. S.; në datën 12.07.2022 kanë tentuar të vjedhin në dyqanin e celularëve në pronësi të shtetasit E. I.

Në cilësinë e provës materiale, shërbimet e Policisë sekuestruan disa nga sendet e vjedhura.

Vijon puna për kapjen dhe vënien para përgjegjësisë ligjore të shtetasit M. M. dhe dokumentimin ligjor të vjedhjeve të tjera që janë kryer nga këta shtetas.

Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme.

The post Ishin kthyer në tmerr për bizneset, arrestohen 3 hajdutë në Fier appeared first on Albeu.com.