Ron Raçi vazhdon të konfirmojë paraqitjet e tij të mira në elitën e futbollit kroat, ku aktivizohet me skuadrën e njohur Hajduk Split.

Mbrojtësi kosovar luajti një rol të rëndësishëm në suksesin minimal 1-0 që Hajduku e regjistroi në shtëpi përballë Slaven Belupos.

Reprezentuesi i Kosovës u dallua në repartin defensiv, duke qenë i pakalueshëm dhe duke kontribuar në ruajtjen e epërsisë së krijuar nga ekipi i tij në minutën e 22-të.

Paraqitja e 23-vjeçarit u vlerësua me notën 7.4 nga Sofascore, duke e renditur atë mes futbollistëve më të spikatur të takimit.

Falë këtij prezantimi, Raçi u përfshi edhe në formacionin më të mirë të javës në kampionatin kroat.

Gjatë ndeshjes, ai realizoi 89 pasime me saktësi prej 92 për qind, ndërsa regjistroi edhe katër largime të topit, katër rikuperime dhe dy duele të fituara.

Kjo ishte paraqitja e tretë e Ron Raçit me fanellën e Hajduk Splitit gjatë këtij edicioni. Në të tria ndeshjet, ai e ka nisur takimin si titullar.

The post Ron Raçi shpallet pjesë e formacionit të javës në Kroaci pas paraqitjes së madhështore me Hajduk Splitin appeared first on Albeu.com.

Ron Raçi po kalon një nga periudhat më të mira të karrierës së tij. Mbrojtësi kosovar 23-vjeçar është shndërruar në titullar te gjiganti kroat HNK Hajduk Split dhe në javët e fundit është konsoliduar si një prej lojtarëve më të rëndësishëm të skuadrës.

Në një intervistë për Telegrafi, ai foli për përshtatjen me futbollin kroat, objektivat që ka me klubin si dhe ëndrrat e tij me Kombëtaren e Kosovës.

Raçi pranoi se hapat e parë në ambientin e ri nuk ishin të lehtë, por tashmë ndihet plotësisht i integruar.

“Jam i lumtur që po luaj në çdo ndeshje. Si në çdo fillim, edhe këtu nevojitet kohë për t’u përshtatur, por tani ndihem shumë mirë. Kjo më ka ndihmuar të përmirësohem çdo ditë dhe të shfaq lojën time”, deklaroi ai.

Paraqitjet e tij të fundit kanë marrë vlerësime të shumta, pasi është përfshirë dy herë në formacionin e javës. Sipas mbrojtësit, puna e vazhdueshme dhe besimi te vetja janë faktorët kryesorë të këtij progresi.

“Që nga dita e parë në Split, synimi im ka qenë të bëhem një lojtar kyç për ekipin. Kam shumë vetëbesim dhe punoj çdo ditë për të qenë më i miri në pozicionin tim. Mendoj se kjo është vetëm fillimi”, theksoi Raçi për Telegrafi.

Edhe pse emri i tij është lidhur me klube të mëdha evropiane, ai nuk i fsheh ambiciet për të ardhmen dhe nënvizon se aktualisht është i përqendruar te Hajduku.

“Kam ëndrra të mëdha dhe do të punoj fort për t’i realizuar. Për momentin jam i fokusuar këtu dhe shpresoj të fitojmë trofe. Çdo klub është i arritshëm kur punon shumë, ndërsa të tjerat vijnë vetvetiu”, u shpreh ai.

Hajduku ndodhet pesë pikë pas GNK Dinamo Zagreb në kampionat, por Raci beson fuqishëm se skuadra e tij mund ta fitojë titullin.

“Dinamo është një ekip shumë i fortë, megjithatë gara ka nisur që në javën e parë dhe do të zgjasë deri në fund. Motivimi brenda skuadrës është shumë i lartë dhe ne jemi të bindur se mund të shpallemi kampionë. Duhet të jemi të kujdesshëm në çdo ndeshje”, tha ai.

Kombëtarja e Kosovës mbetet një pjesë e rëndësishme e karrierës së tij. Raçi po i pret me padurim ndeshjet e marsit dhe synon të japë kontributin maksimal.

“Ftesën e Kombëtares e pres gjithmonë me shumë dëshirë. Jam i gatshëm dhe shumë i përgatitur për të luajtur në të dyja ndeshjet”, deklaroi ai, duke shtuar se ka besim të plotë te cilësitë e grupit dhe te mundësia për të siguruar një kualifikim historik në Kupën e Botës.

Në fund, mbrojtësi pati edhe një mesazh për tifozët kosovarë: “Ndeshjen kundër Sllovakisë do ta konsiderojmë si një finale. Nuk do të udhëtojmë për t’u kthyer me kokën ulur, por për të vazhduar rrugëtimin drejt Kupës së Botës”.

Raci i nisi hapat e parë te KF Ramiz Sadiku dhe më pas spikati me FC Prishtina, duke dëshmuar se kalimi në Kroaci ishte një hap i madh, por edhe plotësisht i merituar në karrierën e tij.

Forma e tanishme i ka siguruar jo vetëm besimin e stafit dhe të skuadrës në Split, por po e shndërron atë edhe në një prej emrave më premtues të futbollit kosovar. /Telegraph/

The post Synoj titullin me Hajdukun dhe kualifikimin historik me Kosovën”, Ron Raçi flet pas paraqitjeve të shkëlqyera në kampionatin kroat appeared first on Albeu.com.

Nart Gashi, futbollisti i lindur në vitin 2008, tashmë është pjesë e njërit prej klubeve më të mëdha në Kroaci dhe Ballkan, Hajduk Split, pas një marrëveshjeje të zyrtarizuar.

Talenti nga Kosova ka nënshkruar një kontratë dyvjeçare dhe do të zhvillohet në akademinë e klubit, duke shënuar një hap të rëndësishëm në karrierën e tij të re.

Rrugëtimi i tij në futboll nisi në shkollën Vigani, vazhdoi te skuadra e Arsenalit dhe më pas ai u aktivizua me formacionin e parë të Top Football në Ligën e Dytë.

Ky kalim i ofron atij një mundësi të jashtëzakonshme për t’u rritur në një mjedis me traditë të thellë futbollistike dhe në një nga akademitë më të respektuara të rajonit.

Në progresin e tij kanë dhënë ndihmesë të çmuar trajnerët Abaz Kosumi, Fetah Veliu dhe Hetem Sogojeva, të cilët e kanë udhëhequr ndër vite.

Një rol kyç në finalizimin e kësaj lëvizjeje ka luajtur edhe Albin Sahatqija, i cili kontribuoi në mënyrë të drejtpërdrejtë që Nart Gashi të mbërrinte te Hajduk Split.

Për 18-vjeçarin kosovar, aventura në Kroaci ka filluar dhe dy sezonet e ardhshme pritet të jenë vendimtare për ngjitjen e tij drejt niveleve më të larta të futbollit.

The post Hajduk Split zyrtarizon nënshkrimin e talentit Nart Gashi, kontratë dyvjeçare appeared first on Albeu.com.

Ron Raçi ishte ndër lojtarët më të spikatur të fitores historike të Hajdukut ndaj Rakowit, sukses që i siguroi skuadrës nga Spliti një vend në fazën e ligës së Ligës së Konferencës.

Mbrojtësi kosovar e nisi ndeshjen në mënyrën më të mirë të mundshme, duke shënuar që në minutën e parë dhe duke dhënë një kontribut të rëndësishëm në kualifikimin e ekipit kroat.

Hajduku arriti të mposhtë Rakowin me rezultatin 3-2 pas vazhdimeve, në ndeshjen e kthimit të play-offit. Pas dy përballjeve, skuadra nga Spliti triumfoi me rezultatin e përgjithshëm 5-4.

Ky sukses i dha Hajdukut kualifikimin në fazën e ligës së një kompeticioni evropian, duke shënuar një arritje të madhe për klubin kroat.

Tifozët e Hajdukut e renditën Raçin si lojtarin e dytë më të mirë të takimit, duke i dhënë notën 4.2. Përpara tij u pozicionua vetëm Rokas Pukštas, i cili mori vlerësimin 4.5 dhe u shpall më i miri i ndeshjes.

Pukštas ishte vendimtar për ekipin, pasi realizoi golin e fitores. Kjo ishte njëkohësisht paraqitja e tij e fundit me Hajdukun, përpara transferimit te Middlesbrough.

Një tjetër golashënues i Hajdukut ishte Michele Šego, i cili u vlerësua me notën 4.0. Të njëjtin vlerësim mori edhe trajneri Gonzalo Garcia.

Paraqitja ndaj Rakowit do të mbetet e veçantë për Ron Raçin, i cili ndihmoi skuadrën të siguronte një kualifikim të rëndësishëm në Evropë dhe u përzgjodh nga tifozët si një prej protagonistëve kryesorë të kësaj ndeshjeje.

The post Ron Raçi vlerësohet si një nga më të mirët e Hajdukut në triumfin ndaj Rakowit appeared first on Albeu.com.

Roni Raçi ka gjetur rrjetën për Hajduk Splitin në përballjen e kthimit të play-offit të Ligës së Konferencës kundër Rakowit.

Mbrojtësi kosovar shënoi që në minutën e parë të ndeshjes së zhvilluar në transfertë, duke e kaluar skuadrën kroate në epërsi 0-1 dhe duke e çuar rezultatin e përgjithshëm në 2-3.

Raçi realizoi me kokë pas një goditjeje nga këndi, por fillimisht gjyqtari azerbajxhanas Agajev akordoi faull në sulm. Pas reagimeve të lojtarëve dhe stolit të Hajdukut, ai rishikoi pamjet dhe konfirmoi se goli ishte i rregullt.

Me këtë paraqitje dhe golin e shënuar, mbrojtësi kosovar po luan një rol të rëndësishëm në një ndeshje vendimtare, ndërsa Hajduku është afruar më shumë me kualifikimin në fazën e ligës së Ligës së Konferencës.

Futbollisti tjetër kosovar i ekipit, Etrit Brruti, e ka nisur takimin nga stoli i rezervave.

Hajduku duhet të triumfojë për të siguruar kalimin në fazën e grupeve.

The post Roni Raçi i jep avantazhin Hajduk Splitit në duelin e play-offit të Ligës së Konferencës appeared first on Albeu.com.

Etnik Brruti ka nisur të spikasë menjëherë në sezonin e tij të parë me Hajdukun e Splitit. Mesfushori 22-vjeçar shënoi golin e parë me klubin kroat në suksesin e thellë 4-0 kundër Osijekut, sfidë e vlefshme për javën e katërt të kampionatit elitar kroat.

Përballja me Osijekun shënoi njëkohësisht edhe debutimin e Brrutit si titullar te Hajduku. Ai e justifikoi plotësisht besimin e marrë, duke lënë gjurmë me paraqitjen e tij.

Mesfushori u gjend i saktë në zonë pas një topi diagonal të dërguar drejt qendrës. Pasi krijoi hapësirën e duhur përballë mbrojtësve rivalë, ai goditi fuqishëm dhe e përfundoi aksionin me topin në rrjetë.

Kontributi i Brrutit nuk u kufizua vetëm te goli. Ai mori vlerësimin 8.1 nga Sofascore për performancën e realizuar, ndërsa paraqitja e tij e përfshiu në formacionin më të mirë të javës së katërt në elitën kroate.

Gjatë kësaj vere, Brruti kaloi te Hajduku nga Malisheva, ekip ku ishte një nga lojtarët më të dalluar të viteve të fundit dhe konsiderohej ndër premtimet më të mëdha të futbollit kosovar.

Më herët ai ka qenë pjesë e Përfaqësueses U21 të Kosovës, por më pas vendosi të përfaqësojë Shqipërinë. Tashmë, mesfushori është pjesë e grupmoshave të Kombëtares kuqezi.

Goli dhe paraqitja kundër Osijekut përfaqësojnë një nisje të rëndësishme të aventurës së tij në Kroaci. Brruti synon të marrë gjithnjë e më tepër minuta dhe të dëshmojë potencialin e tij te një prej klubeve më të mëdha të futbollit kroat.

The post Goli ndaj Osijekut e fut Etnik Brrutin në ekipin e javës në Kroaci appeared first on Albeu.com.

Adrion Pajaziti ishte protagonist me një realizim spektakolar në fitoren e thellë të Hajduk Splitit ndaj Zalgirisit.

Mesfushori shqiptar shënoi golin e tretë për skuadrën kroate, e cila triumfoi me rezultatin 2-6.

Pajaziti goditi me saktësi dhe e dërgoi topin në këndin e portës, duke e lënë portierin kundërshtar të palëvizur.

Pas këtij suksesi bindës, Hajduk Spliti mund të thuhet se e ka një “këmbë” në finalen e Ligës së Konferencës.//

The post Eurogol nga Adrion Pajaziti në triumfin e Hajduk Splitit në Ligën e Konferencës appeared first on Albeu.com.

Pas rikthimit të tij në Angli, Pajazitit iu rinovua kontrata automatikisht plus një tjetër sezon. Megjithatë, Fulham thuhet se e ka lënë të lirë, për t’u rikthyer përsëri në Kroaci.

Sipas medias sportive kroate, “Croatian Football”, mesfushori 22-vjeçar i Kombëtares shqiptare do të bëhet pjesë e Hajduk Split. Këtë herë në një transferim të përhershëm dhe jo huazim.

Madje, klubi i Fulham do të mbajë një përqindje në rast rishtije të Pajazitit nga Hajduk Split. Madje, mediat në Kroaci theksojnë se mesfushori shqiptar ishte një dëshirë e madhe e ish-yllit të Barcelonës, Ivan Rakitic.

Ky i fundit është momentalisht futbollist i Hajduk Split, por është edhe pjesë e bordit drejtues.

The post E KRYER/ Ivan Rakitic i “fiksuar” pas talentit kuqezi, ish-ylli i Barcelonës “rrëmben” shqiptarin nga Premier League appeared first on Albeu.com.

Hajduk u gjobit me një total prej 32,000 euro dhe për të luajtur dy ndeshjet e radhës si vendas në kampionat ose Kupës pa praninë e shikuesve.

“HNK Hajduk u ndëshkua në bazë të neneve 4, 9, 28, 35, 38, 66 dhe 87 të Rregullores Disiplinore të HNS sepse në minutën e 8-të të ndeshjes ndërmjet Hajdukut dhe Dinamos, grupi i tifozëve vendas Torcida i vuri flakën dy elektrik dore. Në minutën e 21-të ndezi tre flakadanë, në minutën e 35-të ndezi 10 flakadanë, në minutën e 40-të ndezi një flakadan, në minutën e 50-të ndezi katër flakadanë, në minutën e 51-të ndërhyri te lojtari mysafir gjatë goditjes nga këndi, për shkak të të cilit gjyqtari e ndërpreu lojën për 120 sekonda”.

“Në minutën e 62-të u aktivizua një e shtënë me top, në minutën e 71-të u ndezën të paktën 50 fishekzjarrë, u aktivizuan 7 të shtëna topash dhe një raketë shpërthyese dhe u hodhën në pistën tartan, në minutën e 74-të u ndezën tre flakadanë, në minutën e 78-të u ndez një flakadan dhe një minutë pas përfundimit të ndeshjes, disa tifozë vendas (50-100), të vendosur në tribunën veriore, vrapuan në fushën e lojës, ku në atë moment lojtarët e të dyja skuadrave, gjyqtarë dhe zyrtarë ishin të rrezikuar, por menjëherë pasi tifozët kanë hyrë në fushë me ndërhyrjen e policisë, ata tifozë janë kthyer në tribunën veriore, ku për 20 deri në 30 minuta stadiumi është shkatërruar dhe janë sulmuar policët, dhe trazirat dhe përplasjet me efektivët e policisë vazhduan në zonën më të gjerë të stadiumit, për këtë arsye zyrtarët dhe ekipi mysafir mbajtën në stadium edhe pas orës 23:00, të cilët kryen trazira të përshkruara dhe të dënueshme sipas nenit 66, paragrafi 1, në lidhje me paragrafin 5 të Rregullores disiplinore të HNS-së’.

“Për këtë arsye, në bazë të nenit 66, paragrafi 1, në lidhje me nenin 28 të Rregullores disiplinore të HNS-së, dënimi caktohet të luaj dy ndeshjet pasuese të kampionatit ose Kupës në fushën e tyre pa praninë e shikuesve, si dhe gjobë në shumë prej 26.500 euro”, thuhet në njoftimin e HNS.

Përveç kësaj, klubi i Splitit është dënuar edhe për shkak se tifozët vendas (Torcida) kanë brohoritur “E urrej Dinamon, emrin serb” nga minuta e 46-50-të, brohoritën “Ciganë, ciganë” në minutën e 90-të dhe brohoritën në minutën e 92-të “Vrit, vrit, vrit, spastroj”, e cila ka bërë shkelje nga neni 87 i Rregullores disiplinore të HNS-së, për të cilën është përcaktuar: gjobë në shumë prej 8.000 euro.

Kujtojmë se Hajduku ka mbetur thuajse pa asnjë shans për të fituar titullin dhe Kupën e Kroacisë, pas së cilës dje ka shkarkuar presidentin Luksha Jakobushiq dhe trajnerin Mislav Karoglan. /Telegrafi/

Les sanctions de la commission de discipline contre Hajduk après les débordements en Coupe :
– Poljud à huis-clos pour les deux prochains matchs à domicile contre Osijek et Rudeš
– Une amende de 32 000 €
Le Dinamo reçoit également une amende de 4 000€.

— L'actu foot croate (@footcroate) April 9, 2024

The post Hajduk Spliti mori një nga dënimet më të mëdha në historinë e futbollit kroat pas incidenteve të kryera nga tifozët e tyre appeared first on Albeu.com.

Ishte pikërisht ky i fundit që shënoi golin e fitores për të tijët. Me anë të një goditje në hyrje të zonës në minutën e 75’ të sfidës, mesfushori i Kombëtares realizoi një supergol duke i dhënë fitoren të tijëve.

Në këtë sezon të kampionatit kroat, Lindon Selahi ka shënuar 3 gola, teksa ka asistuar në një tjetër.

The post VIDEO / Feston me shqiponjë, mesfushori shqiptar i jep fitoren ekipit të tij appeared first on Albeu.com.